شېئىر يازماي دىگەنتىم ئەسلى [ئۇلانما كۆچۈرۈش]

شېئىر يازماي دىگەنتىم ئەسلى

ياز كەلگىچە بورانلىق كۈندە،
شېئىر يازماي دىگەنتىم ئەسلى،
چېچەكلەرمۇ كەتكەنتى توزۇپ،
يۇرتىمىزدا بۈگۈن قۇم پەسلى.

تۇتۇق ھاۋا تېرىكتۈرەتتى،
سىپىمايتتى يۈزلەرنى شامال،
بوران بىلەن ئاچچىق توپىدا،
تەبىئەتتە كېسەللىك بىر ھال.

چاقناپ قالدى بۈگۈن تۇيۇقسىز،
قۇياش ئېچىپ نۇرلۇق يۈزىنى.
دەرىزىلەر ساپ ھاۋا بىلەن ،
يوغان –يوغان ئاچتى كۆزىنى.

قاراپ قالدىم ئۈرۈكزارلىققا،
ماراپ قاپتۇ غورىلار ئوماق،
پىچىرلىشىپ يۈرۈپتۇ سۇغا،
قىر بويىدا ئۆسكەن تۆت قۇلاق.

توپىلارغا چۆمگەن ئېتىزلىق،
يېشىل كۆينەك كىيىپتۇ قايتا،
سوغۇقلاردىن قورقمىغان كاككۇك،
سايرىغىلى تۇرۇپتۇ  باغدا،

شېئىردەكلا گۈزەل مەھەللە،
يامغۇر بولۇپ يېغىپ باغرىمغا،
مىسرالار غا قېتىلىپ ئاخىر،
شېئىر بولۇپ يېزىلدى ئاستا.

2012-يىلى 4-ئاي 21- كۈنى

شېئىر يېزىپ ياخشى قىلىپسىز، ئەتىيازنىڭ مۇشۇ تاپتىكى كەيپىياتىنى مىسرالار ئارقىلىق ھېس قىلدرۇرۇپ باغلاردىكى غورىلارغا ئېغىز تەگدۈرۈپ، شىلدىرلاپ ئاققان ئېرىق بويلىرىدا سەيلە قىلدۇرۇپ باھارنىڭ ھېدىنى دىماقلارغا ئۇرۇلدۇرغانلىقىڭىز ئۈچۈن تەشەككۇر، ئۇنداق قىلماي يېزىپ تۇرۇڭ

شېئىرلىرىڭىزدىكى  مول ھىسيات تەسەۋۇرى مېنى ياپيېشىل باغلارغا ،سۈپسۈزۈك بۇلاق بويلىرىغا باشلاپ بارسا ،  بىردە تالچىۋىقتىن ئات ئوينىغان بالىلىق چاغلىرىمغا باشلاپ  باردى .يېزىڭ ھەدە يېزىپ تۇرۇڭ ،كۈيلىرىڭىزگە تەشنا دىللار قانسۇن .

كۇنلەر قانداق ئۆتىدو سىڭلىم،
شائىر تۇرۇپ شېئىر يازمىسا.
ئاخىرەتتە بولار سورىقى،
ئىلھاملاردىن بەھىر ئالمىسا.

تەبىئەتنىڭ شېئىرىدۇر بەلكى،
كۇي بولىغى باھارنىڭ پەسلى.
گۇزەللىكنىڭ خېرىدارىمو،
كۇيچى بۇلبۇل شائىردۇر ئەسلى.

مىسرالىرىڭىزغا سىڭگەن باھار كارتىنىلىرىغا ۋە ئايشەمگۈل يوللىغان گۈزەل سۆرەت، لىرىك مۇزىكىلارغا قاراڭچۇ جانىم! شېئىر يازماسلىققا باھانىڭىز بارمۇ؟

      مىنىڭغۇ باھا بەرگۈچىلىكىم يوقتى،،  لىكىن ھەقىقەتەن ياخشى يېزىلىپتۇ ،،،

ئايسىمە خانىمنىڭ قەلىمى بەرىكەتلىك بولسۇن !

         ئايسىمە خانىمنىڭ بۇنىڭدىن ياخشى چىققان شېئىرلىرىنى بۇ شېئىرى بىلەن سېلىشتۇرۇپ كۆرسەڭلارچۇ؟ ياخشى يازىدىغان ئادەمنىڭ 360 كۈننىڭ ھەممىسىدە ياخشى يېزىپ كېتىشىمۇ ناتايىن.

سەن تۇغۇلغان مەھەللە  شۇنداق،
باغرى ئىسسىق قوينى كەڭتاشا.
يالاڭ ئاياغ ئىشتانسىز ئويناپ،
پىلتىڭلىغان گۈزەل  كەڭدالا.

ئاممانىسا سۇ ئالغان قاپاق.
شۇ مەھەللەڭ يەركەن تارىسى،
ئۆي -ئۆيلەردە يېرىلىپ كەتكەن داپ،
سۇنۇق دۇتتار  مۇقام يارىسى.

دۇتتىرىڭنى ئوڭشاپ سازنى قىل،
داپلىرىڭنى قىزىتىپ ناز  قىل.
ئاممانىسانىڭ قىزى ئىكەنسەن،
زىمىستاننى تۇمۇز  ياز   قىل.

ھامىلدار بۇپ مۇقاملار ساڭا،
قەلىمىڭگە كۈچ قۇۋەت بەرگەي.
يازماي دىسەڭ ئابدىرىشتخانمۇ،
تىرىلىپ قايتا قەلەمنى  تەرگەي.

بولدى بەس يازغىن ئۆزەڭگە ئەمەس ،
ۋىجدانىڭ،غۇرۇرۇڭ ئىمانىڭنى  ياز.
يۇرتۇمنىڭ يىرتىلغان رومالىدەك،
يوقالغان ئۇدۇمنى،تەنقىتىنى ياز.

كەچۈرۈڭ.قاملاشمىسىمۇ يازغىم كەلدى.

بولدى بەس ئەمدى ئۇرۇشماڭلار.



پاتقان ئىدۇق ئالقاندەك جايغا،
پاتماي قالدۇق كەڭتاشا يولغا.
ئېيتە نىچۈن قېرىنداش تۇرساق؟
يۈرەكلەرنى بويايمىز قانغا.

ئاغىنىلەر ئاۋۇ ‹‹ چىرايلىق ››ئىنكاسىڭىلارنى تەھرىرلىۋىتىڭلار  ،
ئىلى! ئەمدى سەنمۇ توختاپ قال  ئايسىمە ھەدەمنى شئېر يازغانغا تويغۇزمىغىن ، ئۇنىڭ بۇ  شئىېرنى   يازغان‹ گۇناھ›غا
بۇنچىۋالا گەپلەرنى ئاڭلىسا سەنچە ياخشى بولارمۇ ؟!  

ۋاي نومۇس...ۋاي نومۇس ئېسىت سىلەرمۇ ئەر بولدۇڭلارمۇ؟
بۈركۈت سىزگە خىلى ھۆرمىتىم بار ئىدى ئۇكام  سىزمۇ تايىنلىقلا ...نىمە ؟
ھەي نادان مىللەت شۇڭا بىزلەردىن داھى چىقمايدۇ بىر-بىرىمىزگە ئورا كولاپلا تۇرغان ، ما ئېسىل ئىنكاسلارنى  باشقۇرغۇچىلار كۆرمەيۋاتامدىغاندۇ، ياكى كۆرسىمۇ كۆرمەسكە سىلىپ ئويۇن كورۇۋاتامدىغاندۇ،  توۋا قىلدىم  بۇ يازغۇچىلار تورىنىڭ يۈزىنى تۆكۈپ  ئاغزىغا كەلگەننى بىلجىرلاپ رەسۋالىشىپ يۈرگىنىنى ما  ئوغۇل بالا ئەركەكلەرنىڭ...
بۇ يازمىنى ئاخىرىدا   مۇنەۋۋەر ئابدۇق تەھرىرلىگەن. ۋاقتى  2012-4-23 00:31