بۇۋاي ۋە كۈچۈك( ھېكايە) [ئۇلانما كۆچۈرۈش]

                               بۇۋاي ۋە كۈچۈك
                                  (ھېكايە)
          ئېلى ياسىن

بوۋاي ناھىيە ئىچىگە ياتلىق قىلىنغان قىزىنى يوقلاپ بولۇپ، يېزىدىكى ئۆيىگە قايىتماقچى بولغاندا ئاللا قاچان كەچ كىرىپ خېلى بىر ۋاق بولۇپ قالغانىدى.قىزىنىڭ ئۆيىدىن يانار ۋاقتىدا قىزى ۋە كۆيئوغلى ئۇنى ئۆيىدە قونۇپ قېلىشقا خېلى زورلىغان بولسىمۇ ئۇ :‹‹موماي ئۆيدە ئاغرىق ياتىدۇ،قارىغىلى ئادەم يوق، قايىتمىسام بولمايدۇ›› دەپ تۇرىۋالدى. ۋە كۆيئوغلى بىرەر كىرا ماشىنىسىغا سېلىپ قۇياي دېگىنىگە ئۇنىماي‹‹ سىلەرنى ئاۋارە قىلماي، ئۆزۈم ماشىنا تېپىپ كىرا قىلىپ كىتەي›› دەپ تۇرىۋالدى ، شۇنىڭ بىلەن قىزى بىلەن كۆيئوغلى ئۇنى ئامالسىز ئۇزۇتۇپ قويدى.
بوۋاي چوڭ يولغا چىققاندا بايا مىسىلداپ يېغىۋاتقان قار خۇددى ئاسماندىن بىرسى پاختا تۆككەندەك لەپپىلدەپ يېغىشقا باشلىدى.بۇۋاي قارغا كۆمۈلگەن ماي يولغا چىقىپ قولىنى جۇۋىسىنىڭ يىڭىغا تىقىپ بىرەر ماشىنا ئۇچىرسا توساي دەپ   قاراپ تۇردى.
كەچ كىرىپ خېلى بىر ۋاق بولۇپ قالغاچقا يولدىن ماشىنا ھېچ ئۆتمەيۋاتاتتى، بىردەمدىن كېيىن بىر تاكسى ماشىنىسى كىلىۋىدى ،بوۋاي قولىنى شۈنچە پولاڭلاتسىمۇ توختىماي كىتىپ قالدى،.
بوۋاي دۈگدۈگۈلۈپ يەنە ماشىنا كىلىشنى كۈتۈپ تۇردى.
ئالدى تەرەپتىن ماشىنىنىڭ چىرىغى كۆرۈنۈشى بىلەن بۇۋاي ئۈمىدلىنىپ ئالدىغىراق مېڭىپ قولىنى پۇلاڭلاتتى .
ماشىنا توختىدى، بوۋاي ئالدىراپ ماشىنا ئەينىكىنىڭ قېشىغا كىلىشىگە  ئەينەك ئېچىلىپ شوپۇر بېشىنى چىقارماستىن:
-نەگە بارىسىز ئاكا؟
-ئۇكام، ‹‹دۆڭ ئۆستەڭ››گە باراتتىم، ئاپىرىپ قويغان بولساڭ،-دېدى.شۇ تاپتا بوۋاينىڭ ئۈستى -بېشى قارغا كۆمۈلۈپ كەتكەنىدى.
-ئەللىك كوي بەرسەڭ ئاپىرىپ قۇياي،-دېدى شوپۇر.
-ئۇكام، نىمانچە كۆپ ئالىسەن، بى سىڭغا-پاتا گەپ قىلمامسەن؟
-شۇنۇڭغا ئۇنىساڭ ئاپىرىپ قۇياي، بولمىسا باشقا ماشىنا تېپىپ كىتىۋال،- شوپۇر شۇنداق دەپ دېرىزە ئەينىكىنى ئىتىۋېدى، بۇۋاي ئۇنىڭغا يىلىندى:
-ئۇكام، جېنىم ئۇكام، ساۋاپمۇ بۇلار، يېنىمدا بارى يوقى ئوتتۇزكوي پۇل بار ئىكەن، شۇنىڭغا ئاپىرىپ قويساڭ...
-ئاھاي، باشقا ماشىنا تاپقىنە ئاكا،- شوپۇر شۇنداق دېگىنىچە  ماشىنىسىنى ھەيدەپ كىتىپ قالدى.
بوۋاي قاتتىق ئۈمۈدسىزلىنىپ جايىدا قاققان قوزۇقتەك تۇرۇپلا قالدى.شۇنڭىدىن كېيىن  يەنە بىر نەچچە ماشىنا ئۆتىۋىدى، بۇۋاي توسسىمۇ توختىماي كىتىپ قالدى. ئەمدى خېلى ساقلىغان بولسىمۇ ماشىنا كىلەي دېمىدى.
بۇۋاي قىزىنىڭ ئۆيىگە قايىتىپ كىتەي دەپ ئويلىدىيۇ، بىراق ئۆيدىكى ئاغرىق مۇمايدىن ئەنسىرەپ قالغاچقا بۇ ئويىدىن دەرھال يالتايدى.
ئۇ توختىماي ئۈستىدىكى قارنى قېقىشتۇراتتى. بىر چاغدا ئالدى تەرەپتىن چىراق يورىقى كۆرۈنىۋىدى بوۋاي ماشىنىنىڭ توختىماي كىتىپ قېلىشىدىن ئەنسىرەپ يولنىڭ ئوتتۇرسىغا كىلىپ قولىنى پۇلاڭلىتىپ تۇردى،.
ماشىنا جىددى تورمۇزلىنىپ توختاپ بىر ئەر ماشىنا ئەينىكىنى ئېچىپ؛
-قانداق دېگەن جېنىدىن تويغان ئادەمسەن،- دەپ ۋاقىردى
-ئۇكام، خاپا بولما، ئۆيۈمگە قايىتاي دېسەم ھېچ بىرەر ماشىنا كىلەي دېمەيدۇ، خوش بوپقالسام، مىنى ئۆيۈمگە ئاپىرىپ قويغان بولساڭ،- بوۋاي سۇغۇقتا توختىماي تىتىرەيىتتى...
-بۇ كىرا ماشىنىسى ئەمەس، مىنى كاشىلا قىلما،- دېدى ئەر قوپال ئاۋازدا.
-ئۇكام، يېنىمدا  ئوتتۇز كوي پۇل بار، ئۆيگە بارغاندا يەنە قانچە پۇل دېسەڭ بىرەي، ئايالىم ئاغرىق، قارايدىغان ئادەم يوق، خوش بوپقالاي ئۇكام...
-ئاكاۋاي، تۇلا كاپىلداپ يولۇمنى توسمىغىنا، مەن دېدىمغۇ، بۇ كىرا ماشىنىسى ئەمەس، سەن غەرەز ئۇقامسەن-يا؟
-قېرىغاندا سىرىتتا لاغايلاپ يۈرگىچە بۇرۇنراق قايىتماي... بىزگە كاشىلا قىلمىسىلا ،- ماشىنا ئىچىدىن ياش بىر چوكاننىڭ ئاۋازى ئاڭلاندى.
-ئۇكام، ئۇنداق قىلماي...
ماشىنا ئۈچ قېتىم قاتتىق سىگىنال قىلىۋىدى، بۇۋاي ئامالسىز بىر ياققا ئۆتۈپ تۇردى. ماشىنا قوزغۇلۇپ ماڭدى، بۇۋاي ئەمدى ئۈمۈدىنى ئۈزۈپ ئۆيىگە مېڭىپ بولسىمۇ قايىتماقچى بولۇپ تۇرغاندا ،ھېلىقى ماشىنا بىرەر يۈز مىتىر ماڭغاندا توختىدى.
بوۋاي بەلكىم ئۇلار مىنى ماشىنىسىغا سېلىۋالماقچى بولغان ئوخشايدۇ دەپ ئالدىراپ ماشىنا قېشىغا ماڭدى.ھەتتا  بىر نەچچە قېتىم تېيىلىپ يىقىلغىلىمۇ قىل قالدى. ئۇ ھاسىراپ ماشىنىنىڭ قېشىغا كىلىپ توختىدى، ھېلىقى ئىككەيلەن پەستە يول ياقىسىدا تۇراتتى:
- بىچارە كۈچۈك،قايسى تاش يۈرەك تاشلاپ قويغاندۇ؟ توڭلاپ قالغىلى قىل قاپتۇ، تىلمان بۇنى ئۆيگە ئەپكىتەيلىچۇ؟
-ئۆيدە بىرسى بارغۇ، بۇنى ئەپكىتىپ نىمە قىلىمىز...
-ئەجەپ يۈرىكىڭىز تاشكەن، كۆرمىدىڭىزمۇ كۈچۈكنىڭ چىرايلىقلىقىنى، بىچارە مۇنداق تۇرسا توڭلاپ قالىدۇ... ماقۇل دەڭە ئەپكىتىپ باقايلى...
-سەنزە، بەك جايىلدە ، بوپتۇ، ئۇنى ئەپكىتەيلى...
-سىز بەك ياخشى جۇمۇ...
ھېلىقلار بۇۋاينى كۆرمىدىمۇ ياكى كۆرسىمۇ كۆرمەسكە سالدىمۇ چوكان كۈچۈكنى كۈتۈرگەن پېتى ئىرىغا ئەركىلەپ ماشىنىغا چىقتى. ماشىنا ئىشىكى كۈچەپ يېپىلىپ كىتىپ قالدى،.يول چىراغلىرى غۇۋا يۇرۇپ تۇرغان، ئاپ-ئاق قار قاپلىغان يولدا بوۋاي يەككە يىگانە قالدى، ئۇ شۇ تاپتا ئۆيدە ئاغرىق ياتقان ئايالىنى ئويلىدىدە تاقەتسىزلىنىپ ئۆيىگە ئالدىراپ قەدەملىرىنى تىزلەتتى...
بۇ يازمىنى ئاخىرىدا   ئېلى ياسىن تەھرىرلىگەن. ۋاقتى  2013-8-8 19:40  

مۇزلىغان شەھەر،مۇزلىغان قەلىبلەر.تەلمۇرگەن قەلىپ!!!

راس مۇزلىغان شەھەر، مۇزلغان قەلىب....

باش قۇردىن ئايرىپ يازماي.....................؟

مۇزدەك قەلىب ، ئەركەكلىكىنى ، ئىنسابىنى ، غورۇرۇرىنى يوقاتقان ئەر .

ئىنساپنى ، ئېتىقادنى يۇقاتقاننىڭ زىينىنى تارتىدۇ شۇنداقلار بىر كۈنى