زۇلتاپ: بىرچاغلاردا سۆيگەن ئىدىم شۇنچە ئەسەبىي [ئۇلانما كۆچۈرۈش]

بىر چاغلاردا سۆيگەن ئىدىم شۇنچە ئەسەبىي

بۇ شەھەردە قالدىم يەنە گۇگۇم كەبى،

كۆزلىرىمنىڭ بۇلاقلىرىدا ساماۋى ئاي.

بىر چاغلاردا سۆيگەن بولسام شۇنچە ئەسەبىي،

ئاھ ئەمدى بۇ ھاياجانغا قالدىم چىدىماي.

كۆپكۆك دېڭىز چوڭقۇرىدا سانسىز مەرمەر تاش،

بوينۇڭدىكى مارجانلارنىڭ يىپى ئۈزۈلگەن.

يېقىن كېلىپ مۆرىمىزگە قويساق ئىدۇق باش،

لېۋىڭ كۆلنىڭ زىننىتىدۇر سۇلار سۈزۈلگەن.

ئېھ مۇشۇ تاپ لەيلەپ قالسا بارچە يۇپۇرماق،

ئېھ مۇشۇ تاپ توختاپ قالسا ۋاقىت لاسسىدە.

دەيتىم ساڭا، ساڭا دەيتىم ئەي ئوماق قىزچاق،

" كائىناتسەن، ھەقىقەتسەن كىچىك يۈرىكىمدە"

شېرىن خىيال، گۈزەل چۈشلەر قىلغان مېنى لال،

بىراق ئاچچىق قولۇمدىكى قۇناق ھارىقى.

سۆيگۈ ئەمدى بولالمايدۇ ئىككىمىزگە دال،

مەن تىلەيمەن ئاخىرلىشىپ تەقدىر چاقچىقى-

نېسىپ بولسا ئۇ دۇنيادا قايتا ئۇچرىشىش،

سوۋغا قىلار ئىدىم ساڭا بىرتال چاچ قىسقۇچ.

ئەمما ھازىر بۇ قەلبىمدە سانسىز غەم، تەشۋىش،

مېنى ئۆلۈم گىردابىغا ئەيلىمەكتە دۇچ.

بۇ يازمىنى ئاخىرىدا   ھەبىبۇللا مىجىت تەھرىرلىگەن. ۋاقتى  2013-8-5 15:44  

چىرايلىق چىقىپتۇ، قەشقەردىكى بالىلارغا سالام دېگىن بۇرادەر...

كورلىلىق قىزنى دەپ ئۆلگىنى بولمايدۇ-دە... بۇ يازمىنى ئاخىرىدا   داڭگال تەھرىرلىگەن. ۋاقتى  2013-8-5 17:55  

زۇلتاپ بۇ شېئىرىڭدىكى ھېس -  تۇيغۇلارغا خىيالەن ئورتاقلاشتىم. يالغۇزلۇقۇڭنى ئىلھاملارغا تويۇنىشىنى ئۈمىد قىلمەن. ئامان بول!~

لېرىك ھىسلىرىڭىزدىكى گۈزەللىكنىڭ بالقىشى يىقىملىق ئىكەن.

شىئىرلىرىڭنىڭ مەستانىسى  مەن ئاغىنەم  داۋاملىق  ئالغا

شېئىرىڭنى كۆرۈپ كۆپ مەمنۇن بولدۇم، ئۆزۈڭنى ئاسرا!..