ئايرۇپىلان (ھىكايە) [ئۇلانما كۆچۈرۈش]

ئايرۇپىلان
(ھىكايە)
تاھىرجان ئاتاۋۇللا قوشماق

ئاش كۆكى، پىننە ، سامساق سېلىپ ئەتكەن ئۈگرىنىڭ خۇش ھىدى ھويلىنى بىر ئالغانىدى. ئانا ئۈگرىنى چىنىلەرگە ئۇسۇپ، ھەر بىرەيلەننىڭ ئالدىغا بىر چىنىدىن قويدى. بىر ئائىلدىكى ئۈچ جان ھويلىدىكى تال باراڭنىڭ ئاستىدىكى كارۋاتتا ئولتۇرۇپ ھوزۇرلىنىپ ئاش ئىچىشتى. ئاش ئىچىلىپ بولغاندىن كىيىن دۇئا قىلنىپ داستىخان يىغىلدى. ئانا قازان - قۇمۇشلارنى يۇيۇشقا تۇتۇندى. شۇ چاغدا توك كېتىپ، ئەتراپ خۇددى قازان كۆمتىرىپ قويغاندەك، قاراڭغۇلۇققا چۈمدى. ئاسماندا ئاي تۈگۈل ، بىرەر تال يۇلتۇزمۇ كۆرۈنمەيتى. بالا ئاتىسىغا يۆلىنىپ ئولتۇرۇپ ھىكايە ئېيتىپ بىرىشنى تەلەپ قىلدى. ئاتا ھىكايىنى باشلىدى. ھىكايە قىزىق يېرىگە كەلگەندە، شەرق ئاسمىنىدا «ۋال –ۋۇل» نۇر كۆرۈندى. نۇر بارغانسىرى يېقىنلاپ كەلمەكتە ئىدى. بالا قىزقىپ ئاتىسىدىن سوردى.
—        ئۇ نىمە؟
—        ئايرۇپىلان، — دەپ جاۋاپ بەردى ئاتا.
—        ئايرۇپىلاندا قانداق ئادەملەر ئولتۇردۇ؟
—        ياخشى ئوقۇغان ئادەملەر.
بالا بىردەم ئويلىنىپ تۇرۇپ كەتتى، ئاندىن،
—        مەنمۇ ياخشى ئوقۇسام ئايرۇپىلاندا ئولتۇرالامدىم، — دەپ سوردى.
—        ئەلبەتتە!
—        ئۇنداق بولسا چوقۇم ياخشى ئوقۇيمەن، — دىدى بالا.
بالا ۋەدىسىگە ئەمەل قىلدى.
باشلانغۇچ مەكتەپتە ئىزچىل سىنىپ بويىچە بىرىنجىلىكنى قولدىن بەرمەي، نوقتۇلۇق ئوتتۇرا مەكتەپكە قوبۇل قىلىندى. ئوتتۇرا مەكتەپتە تېخىمۇ ياخشى ئوقۇپ ئالىي مەكتەپ ئىمتىھانىدا ئەڭ يۇقىرى نومۇر بىلەن ئۇستازلىرنى ھەيران قالدۇرۇپ، ئاپتۇنۇم رايۇننىڭ ئەلىيۇل ئەلاسى بولدى. ئەڭ داڭلىق ئۇنۋېرىستىتقا قوبۇل قىلىندى. ئالىي مەكتەپكە ماڭدىغاندا ناھىينىڭ ھاكىمى ئۇنى تەبرىكلەپ ئايرۇپىلان بېلىتى ئېلىپ بەردى. ئۇ ئەڭ داڭلىق ئۇنۋېرسىتىتقا ئايرۇپىلان بىلەن باردى. شۇنىڭدىن باشلاپ ئۇنىڭ ئايرۇپىلاندا ئولتۇرۇش ئارزۇسى رىئاللىققا ئايلاندى. كىيىن ئۇ ماگىستىرلىقتا، دوكتۇرلۇقتا ئوقۇپ ئالىملىق تاجىنى كەيدى.دۆلەتنىڭ نوقتۇلۇق پەن تەتقىقات ئورنىغا خىزمەتكە چۈشتى. ئۇ ھەر يىلى دۇنيانىڭ ھەرقايسى جايلىرىدىكى ئىلمىي مۇھاكىمە  يىغىنلىرغا تەكلىپ قىلنىپ تۇراتتى. ئۇ جايلارغا ئايرۇپىلان بىلەن باراتتى. ھەر قېتىم ئايرۇپىلاندا ئولتۇرغاندا دادىسى بىلەن قىلىشقان ھېلىقى پاراڭلار ئېسىگە كىلىپ، ئىختىيارسىز كۈلۈپ قوياتتى.

مەنبە: شىنجاڭ ئۆسمۈرلىرى گېزىتى 2013-6-26  كۈنىدىكى سانىدىن







بۇ يازمىنى ئاخىرىدا   tayirjan.koxmak تەھرىرلىگەن. ۋاقتى  2013-8-6 11:06  

ھېكايىڭىز ئىخچام يېزىلىپتۇ..
......
«تال باراڭنىڭ ئاستىغا سېلىنغان كارۋاتتا ئولتۇرۇپ» .... سېلىنغان كارۋاتتا ئىملا خاتالىقى بارمۇ ياكى..

ئىجادىيىتىڭىز ئۇتۇقلۇق بولغاي

قىسقا باللار ھېكايىسىكەن، مۇزمۇنىنىڭ ساغلام، تەربىيە خاراكتېرىنىڭ كۈچلۈك ئىكەنلىكنى كۆرۋالغىلى بولغۇدەك..

«تال باراڭنىڭ ئاستىغا سېلىنغان كارۋاتتا ئولتۇرۇپ» .... سېلىنغان كارۋاتتا ئىملا خاتالىقى بارمۇ ياكى


رەھمەت، تەھرىرلىۋەتتىم.

بۇ سەل بىتەرەپلىمىلىك بولۇپ قالدىمۇ قانداق، ئايرۇپىلاندا خاسلا ئوقۇغان ئادەملەر ئولتۇرىدىغان بولسا ئوقۇشسىز قالغانلار بىر ئۆمۈر ئايرۇپىلانغا چىقالمايدىكەندە؟ ئۇنداقتا ئاسماندا ئۇچىۋاتقان ئايرۇپىلاندا خاسلا ئوقۇغان ئادەملەر ئولتۇرىدىغان ئوخشايدۇ؟ ... بۇنداق تەربىيە بالىنىڭ قەلبىدە ئوقۇيالمىغانلارنى كەمسىتىش تۇيغۇسى پەيدا قىلىپ قۇيارمۇ دەپ ئويلۇنۇپ قالدىم... بۇ شەخسەن پىكىرىم، بۇ يازمىنى ئاخىرىدا   ئېلى ياسىن تەھرىرلىگەن. ۋاقتى  2013-8-14 13:44  

بۇ ھېكايىچە بولغاندا ئايروپىلاندا ياخشى ئادەملەر ئولتۇرىدىغان ئوخشايدۇ!....
بۇ ھېكايە ھېكايە ئۆلچىمىگە يەتمەپتۇ،ھېكايە مەزمۇنىنى كىشىنى تەسىرلەندۈرىدىغان ۋەقەلىك ئارقىلىق گەۋدىلەندۈرۈش كېرەك ئىدى.بۇ ھېكايە خەۋەرگە ئوخشاپ قاپتۇ.ھېكايىدا ئاپتۇر سۆزلىمەي،ھېكايە ئۆزىنى ئۆزى سۆزلىسە ياخشى چىقىدۇ.