بالىلار شېئرى- تاغقا چىقىپ كېتەيمۇ [ئۇلانما كۆچۈرۈش]

تاغقا چىقىپ كېتەيمۇ
ئۇسۇل ئويناپ بەر دەرەخ،
ناخشا ئېيتىپ بەر شامال.
تىنىقلىرىم ئوت بولدى،
يامغۇر ماڭا ئاچ جامال.

ئاپتاپ تاقلاپ ئوينىما،
دىمىق مېنى قىينىما.
نەگە قاشتىڭ شوق شامال،
مېنى تاشلاپ چىۋىنغا.

تاغقا چىقىپ كېتەيمۇ؟
ياكى سۇغا چۆكەيمۇ؟
قىينىماقتا بۇ ئىسسىق،
ياكى قېچىپ كېتەيمۇ!

ئاپتاپ يېراق قاچ مەندىن،
ئوينىمايمەن سەن بىلەن.
مېنى يەلپۈپ كەل شامال،
قۇچاغلاي چىڭ سېنى مەن.2013-يىلى29-ئىيۇل

بالىلارغا خاس تىلدا يېزىلغان مۇشۇنداق شېرىڭىز مۇنبەردىن ئۈزۈلمىسۇن!

شېئىرىڭىزنىڭ تىلى ھەقىقەتەن يەڭگىل چىقىپتۇ...
.........
نەگە قاچتىڭ شوخ شامال،

قۇچاقلاي چىڭ سېنى مەن.
..........
ئىملادا شۇنچىلىك نۇقسان باركەن...

     ئەدىھەم، شېئىر ياخشى چىقىپتۇ. تاغدا يولۋاس بار، ئۇ يەرگە چىقماي، دەريا بويىغا چۈشسىڭىز توغرا بولارمىكىن!

پىكىر بەرگىنىڭىزگە رەھمەت ئابدۇرىھىمكا،مەن تۇيغۇنى دەرياغىمۇ ھەم تاغقىمۇ چىقىرىپ باقتىم شۇ...

شېئىرنىڭ 2-كۇبلىتىنى قايتا ئۇقۇپ بېقىڭ ئەدھەمكا. بۇ يازمىنى ئاخىرىدا   abdurexit eli تەھرىرلىگەن. ۋاقتى  2013-7-31 00:18  

ئاپتاپ تاقلاپ ئوينىما،
دىمىق مېنى قىينىما.
نەگە قاشتىڭ شوق شامال،
مېنى تاشلاپ چىۋىنغا.

ئابدۇرىشىتنىڭ پىكىرى بوئىچە بۇ كوبلىتنى ئۆزگەرتىپ قويدۇم.
ئاپتاپ تاقلاپ ئوينىما،
تىنجىق مېنى قىينىما.
نەگە قاشتىڭ شوق شامال،
مېنى قويۇپ دىمىقتا.

ئەدھەم 2-كوبلىتتىكى ئاپتاپ تاقلاش سۆزى مىنىمۇ ئويلاندۇرۇپ قويغان ‹دىمىق› بىلەن ‹تىنجىق›نى بىر يەرگە ئەكەپ قويسىڭىز قانداق بولار؟

ئاپتاپنى كىچىك بالىلارنىڭ تاقلاپ سەكرەپ ئوينىغىنىدەك تەسەۋۋۇر قىلىپ باقتىم.چۈنكى ئۇنى بالىلىق تۇيغۇدا يېزىشقا تىرىشتىم.تىنجىق  شامالسىز ئىسسىق ھاۋاغا قارىتىلغان.دىمىق بولسا ئادەمنىڭ تىنجىق ھاۋادا دىمىقتا بولىشىغا قارىتىلغان.ئابدۇرىشىتنىڭ دىمەكچى بولغىنى بەلكىم  ‹ئاپتاپ› بىلەن‹دىمىق›نىڭ بىر يەرگە كېلىپ قالغانلىقى بولۇشى مۆمكۈن.شۇڭا يوقارقىدەك ئۆزگەرتىپ قويدۇم...