تۆۋەندىكىسى بولسا دىك. كاردوكنىڭ بلوگىدىن ئېلىنغان ئۈزۈندىلەر:
<< بىز Hotmail نىڭ ئىچكى قىسمىغا ئورۇنلاشتۇرۇلغان ئىقتىدار بىلەن Facebook سۆزلىشىش قورالىنى ئەمدىلا تەمىنلىگەن ۋاقتىمىزدا ئاران ئالتە رايوننى قوللايتتى. بىز شۇنىڭدىن كېيىن Facebook  بىلەن بولغان ھەمكارلىقىنى تېخىمۇ ياخشىلىدۇق. نۆۋەتتە، بىز ئەڭ ئاخىرىدا پۈتۈن دۇنيا مىقياسىدا ئىشلىتىشكە بولىدىغان MSN نى ئېلان قىلدۇق. بۈگۈن بىز بۇ ئىقتىدارنى Hotmail غىمۇ كېڭەيتتۇق. گەرچە Gmail بۇ جەھەتتە بىزدىن ئىلغارراق بولسىمۇ، ئەمما بىز بۇ قوراللىرىمىز ئارقىلىق بۇ ساھەدە ئۇنىڭدىن بىر قەۋەت ئۈستۈن تۇردۇق. دېمەك، ھازىر بىز ئۆزىمىزنىڭ سۆزلىشىش قورالى بىلەن Facebook نىڭ سۆزلىشىش قورالى بولغان Facebook Chat نى Hotmail ئىچىگە ئورۇنلاشتۇرۇپ بولدۇق. بۈگۈندىن باشلاپ Hotmail ئابونتلىرىمۇ بۇ يېڭىلىقتىن بەھرىمەن بولالايدۇ.
بىز بۇندىن ئىككى ھەپتە بۇرۇن MSN دا Facebook Chat نىڭ سۆزلىشىش قورالىنى قوشۇۋالغانلىقىمىزنى ئېلان قىلغاندىن كېيىن، 2 مىليون 500 مىليونغا يېقىن ئابونتنىڭ Facebook دىكى ھېسابات نومۇرى بىلەن Windows Live دىكى ھېسابات نومۇرى بىرلەشتۈرۈۋېتىلدى. شۇنىڭ بىلەن Windows Live نى ئىشلىتىدىغان ئابونت 20 مىليوندىن ئېشىپ كەتتى. ئەمما بىزنىڭ بايقىشىمىزچە ھەر 3-4 نەپەر Hotmail ئابونتى ئىچىدە بىر ئادەم Facebook نى ئىشلىتىدىغان بولۇپ، بىز تېخىمۇ كۆپ كىشىلەرنىڭ بۇ يېڭى ئىقتىداردىن بەھرىمەن بولۇشىنى ئۈمىد قىلىمىز. چۈنكى ھازىر سىلەر Hotmail ئىچىدە بىۋاسىتىلا سۆزلىشەلەيسىلەر!
دېمەك، ھازىردىن باشلاپ، كۆپچىلىكنىڭ Facebook تىكى ھېساب نومۇرى بىلەن Windows Live دىكى ھېساب نومۇرى بىرلەشتۈرۈۋېتىلدى. ئەمما يەنە نەچچە مىنۇتتىن كېيىن، سىلەر Hotmail بىلەن Facebook ئارقىلىق دوستلىرىڭلار بىلەن سۆزلىشەلەيسىلەر >>.