11-ئىيۇل بېسىلغان «يارشارى ۋاقىتلىق گېزىتى» دە خەۋەر قىلىنىشىچە، 10-ئىيۇل چۈشتىن بۇرۇن ، ۋېيتنامىدىكى بىر تۈركۈم بۆلگۈنچى كۈچلەر پايتەخىت خانويدا جۇڭگوغا قارشى  نامايىش ئۆتكۈزگەن. بۇ نامايىش ئۇلارنىڭ  ئۇدا ئالتىنچى ھەپتىدىكى جۇڭگوغا قارشى نامايىش قىلىشى ئىكەن. بىراق «دۆلەتنىڭ ئىگىلىك ھوقوقىنى قوغدايلى» شۇئارىنى توۋلىغان بۇ نامايىشچىلار ئانچە كۆپ قوللاشقا ئېرىشەلمىگەن. ئەكسىچە ۋېيىتنام ساقچىلىرى ئۇلارنى مەجبۇرىيى تارقىتىۋەتكەن.
      فىرانسىيە ئاخبارات ئاگېنتلىقىنىڭ خەۋىرىگە ئاساسلانغاندا، نامايىشچىلار  جۇڭگونىڭ ۋېيىتنامدا تۇرۇشلۇق ئەلچىخانىسىغا يېقىنلاشقاندا، ۋېيىتنام ساقچىلىرى دەرھال ھەركەت قوللىنىپ،  بىر قىسىم كىشىلەرنى قولغا ئالغان. فىرانسىيە ئاخبارات ئاگېنتلىقىنىڭ دىيىشىچە، بۇ قېتىمقى  نامايىش يەنىلا بۇرۇنقىدەك جۇڭگونىڭ ۋېيتنامنىڭ جىددىي ۋەزىيىتىنى پەيدا قىلغانلىقىغا قارشى قوزغالغان نامايىش بولۇپ، ۋېيتنامدىكى جۇڭگوغا قارشى نامايىش ئۇدا بىرقانچە ھەپتە داۋاملاشقان. يەرلىك ھۆكۈمەتمۇ بۇ نامايىشقا يول قويۇپ، بۇنى جۇڭگوغا نارازىلىق بىلدۈرۈشنى بىر ئۇسۇلى دەپ قارىغان. بىراق جۇڭگو بىلەن دىپلۇماتىك ئۇچىرىشىشقا ئەگىشىپ، ۋېيىتنام ھۆكۈمىتى جۇڭگوغا قارشى نامايىشنى تىزگىنلەشكە باشلىغان.
       بۇ قېتىمقى نامايىش ئىككى چوڭ ئاخبارات ۋاستىسىنىڭ دىققىتىنى تارتقان بولسىمۇ، لېكىن «يەرشارى ۋاقىتلىق گېزىتى» ۋېيىتنام ئاخبارات ۋاستىلىرىنىڭ بۇ نامايىش ھەققىدىكى ھېچقانداق خەۋىرىنى ، ھەمدە ۋېيىتنام ھۆكۈمەت تەرەپنىڭ ھېچقانداق باھاسىنى بايقىمىغان. «يەرشارى ۋاقىتلىق گېزىتى» مۇخبىرىنىڭ ئىگىلىشىچە، ۋېيىتنام ساقچىلىرى قوغدىنىش تۇسۇقىنى ئېلىۋېلىپ، نامايىشچىلار بىلەن ئارلىق ساقلاپ تۇرغان. نامايىشچىلار نارازى بولۇپ  ھۇجۇم قىلىشقا ئۇرۇنغاندا بولسا، ساقچىلار قوغدىنىشنى كۈچەيىتكەن. ئەمما نامايىشچىلارغا ھېچقانداق قورال ئىشلەتمىگەن.
      «يەرشارى ۋاقىتلىق گېزىتى»  مۇخبرىنىڭ ئىگىلىشىچە، ۋېيىتنامدىكى بىرقىسىم جۇڭگوغا قارشى كۈچلەر ئاز ساندىكى «باشقىچە قاراشتىكىلەر» بولۇپ، ئۇلار توردا نامايىش لۇشىيەنىنى ئېلان قىلغان ۋە ئاممىنىڭ قاتنىشىشىنى تەشەببۇس قىلغان. ۋېيىتنام ھۆكۈمىتى ئاساسلىق دىققەت قىلىۋاتقان بىر قىسىم دۆلەتكە قارشى ئۇنسۇرلارمۇ ئاستىرىتتىن جۇڭگوغا قارشى نامايىشنى ئورۇنلاشتۇرۇش ۋە پىلانلاشقا قاتناشقان. بۇ «باشقىچە قاراشتىكىلەر» ۋېيىتنام ھۆكۈمىتىنى ئاغدۇرۇشقا ئورۇنىدىكەن. ئۇلار دائىم «جۇڭگونىڭ شىشا تاقىم ئاراللىرى، نەنشا تاقىم ئاراللىرىغا تاجاۋۇز قىلىشىغا قارشى تۇرايلى» شۇئارىنى توۋلىغان بىلەن، ئەڭ ئاخىرقى مەقسىدى يەنىلا خەلققە قۇتراتقۇلۇق قىلىپ، ئۇلانى نامايىشقا قاتنىشىشقا ئۈندەپ، پەيتى كەلگەندە  ۋېيىتنام ھۆكۈمىتىنى ئاغدۇرۇپ تاشلاش ئىكەن.