|
تەۋسىيە
خەۋەرلەر |
|
|
| ۋېن جىياباۋ ياپۇنىي.. | ياپونىيەدىكى ئۆسمۈ.. | | ئەزەل يەنى كەنان ئى.. | تۆمۈر يولى Z ۋە T ھەر.. | | 2011-يىللىق قۇربان ھې.. | ئىراننىڭ زۇڭتۇڭى ئە.. | | لوناردىنخو ياۋرۇپا.. | ئەنگىليە توپچسى بېك.. | |
|
|
| ئامېرىكىدا ئوقۇشتىن چېكىنىپ ئىگىلىك تىكلەيدىغانلار كۆپىيىپ قالدى |
چەتئەل ئاخبارات ۋاسىتىلىرىنىڭ خەۋەرلىرىگە ئاساسلانغاندا، يېقىنقى يىللاردىن بۇيان ئامېرىكا ياشلىرىنىڭ ئىگىلىك تىكلەش قىزغىنلىقى زىيادە كۆپىيىپ كەتكەن. كەسپىي ساھەدىكى ئەربابلارنىڭ كۆرسىتىشىچە، ئامېرىكىدىكى نۇرغۇن ئالىي مەكتەپ ئوقۇغۇچىلىرى كرېمنىي جىلغىسىغا بېرىپ ئۆزىنىڭ ئىگىلىك تىكلەش چۈشىنى ئەمەلگە ئاشۇرۇش ئۈچۈن مەكتەپتىكى ئوقۇشىنى توختاتقان. ئۇلارنىڭ ئېيتىشىچە، بۇ ئالاقە تورى ساھەسىدە پەيدا بولغان «يېڭى كۆپۈك» ئىكەن.
ماسساچۇسېتس تەبىئىي پەن ۋە سانائەت پەنلىرى ئىنستىتۇتى، ستانفورد ئۇنىۋېرسىتېتى ۋە كالىفورنىيە ئۇنىۋېرسىتېتىنىڭ بېركېلي تارماق مەكتىپى قاتارلىقلار IT ئىختىساس ئىگىلىرىنى مەخسۇس تەربىيىلەيدىغان كۈچلۈك ئەنئەنىگە ئىگە ئۇنىۋېرسىتېتلار ئىكەن.
ئۇ ئۈچ داڭلىق ئالىي مەكتەپ پروفېسسورلىرىنىڭ ئىسپاتلىشىچە، نۆۋەتتە ئىگىلىك تىكلەش ئۈچۈن مەكتەپتىن چېكىنگەن ئوقۇغۇچىلار كۆپىيىپ قالغان. ئۇلار مەكتەپتىن چېكىنىپ، ئىگىلىك تىكلەش ساھەسىدە مۇۋەپپەقىيەت قازانغانلارنى ئۆزىگە ئۈلگە قىلغان. ئۇلارنىڭ ئۈلگىلىرى مىكروسوفت شىركىتىنىڭ قۇرغۇچىسى بىل گېيتىس، ئالما شىركىتىنىڭ قۇرغۇچىسى سىتۋ جوبز ۋە Facebook نىڭ قۇرغۇچىسى مارك زاكېربېرگ قاتارلىقلار ئىكەن.
«پۇل-مۇئامىلە ۋاقىت گېزىتى» 10 دىن ئارتۇق ئوقۇشتىن چېكىنگەن ئوقۇغۇچىنى زىيارەت قىلغاندا ئۇلارنىڭ دېيىشىچە، ئۇلار تونۇيدىغانلارمۇ شۇ يولنى تاللىغان، ئەمما بەزىلەر مەبلەغ سالغۇچىلارنىڭ مەبلەغ سېلىشى ئاستىدا ئوقۇشتىن چېكىنىپ، ھەممىدىن ۋاز كېچىشنى خالىغان.
جۇلىيا ھۇ ماسساچۇسېتس تەبىئىي پەن ۋە سانائەت پەنلىرى ئىنستىتۇتىدىكى ئوقۇشىدىن توختاپ ئۆزى ئۇيقۇ ئەسلىھەلىرى شىركىتى Lark نى قۇرۇپ چىققان. ئۇ مۇنداق دېگەن:«مەبلەغ سالغۇچىلار كۆرۈپلا، مەندىن غايەمدە چىڭ تۇرۇشنى ھەمدە بۇنىڭ ئۈچۈن ھەممىدىن ۋاز كېچىشنى ئۈمىد قىلدى. مەن بۇنداق ۋاقىتتا مەكتەپتىن ۋاز كېچىشنى تاللىدىم».
Y Combinator بولسا 2005-يىلى قۇرۇلغان بىر تۇخۇم باستۇرۇش شىركىتى بولۇپ، ئۇنىڭ ئاساسلىقى ياش ئىگىلىك تىكلىگۈچىلەرگە ئىقتىسادىي جەھەتتىن ياردەم تەمىن ئېتىدۇ. Y Combinator نىڭ شېرىكى ھارج تاگگار مۇنۇلارنى بىلدۈردى:«ئوقۇغۇچىلار تەتقىق قىلىپ ئاچقان قوللىنىشچان سىستېمىلار بارغانسېرى كۆپىيىۋاتىدۇ. مەبلەغ سالغۇچىلار 18-19 ياشقىچە بولغان ئىگىلىك تىكلىگۈچى ياشلارغا ئىقتىسادىي ياردەم تەمىنلەپ، ئۇلارنىڭ ئىگىلىك تىكلىشىنى قوللاۋاتىدۇ».
تاگگارنىڭ ئېيتىشىچە، بۇ خىل يۈزلىنىشىنىڭ بىر قىسىم سەۋەبلىرىنى ئالدىنقى ئەسىرنىڭ 90-يىللىرىدىكى ئالاقە تورى كۆپۈكى بىلەن سېلىشتۇرغاندا، ھازىر بىر ئالاقە شىركىتى قۇرۇش ئانچە تەس ئەمەس ئىكەن. چۈنكى ھازىر خاتىرە كومپيۇتېرنىڭ باھاسىمۇ ناھايىتى ئەرزان، ئۇنىڭ ئۈستىگە نۇرغۇن خادىملار جاپالىق مۇھىتتا ئىگىلىك تىكلەشنى خالايدىكەن.
تاگگار يەنە مۇنۇلارنى بىلدۈردى:«مارك زاكېربېرگنىڭ مۇۋەپپەقىيىتى شۇنى چۈشەندۈرىدۇكى، بىر ئوقۇغۇچى ئۆزىنىڭ ياتىقىدا ئولتۇرۇپ 100 مىليارد ئامېرىكا دوللىرى قىممىتىدىكى تور بېكەتنى قۇرۇپ چىقالايدۇ».
ئۆتكەن بىر مەۋسۇمدا كالىفورنىيە ئۇنىۋېرسىتېتنىڭ بېركېلي تارماق مەكتىپىنىڭ كارخانىشۇناسلار مەركىزىنىڭ مۇدىرى ئاندىرې ماركۇس ماگىستىرلىقتا ئوقۇۋاتقان ئۈچ نەپەر ئوقۇغۇچىنىڭ ئوقۇشىنى تاشلاتقۇزغان. ئۇ مۇنداق دېگەن:«كرېمنىي جىلغىسىدا ئوقۇشتىن چېكىنىپ ئىگىلىك تىكلەش بىر خىل شەرەپ ھېسابلىنىدۇ. گەرچە كىشىلەر كۆپۈك دەۋرىدىن يىراقلىشىپ كېتەلمىگەن بولسىمۇ، ئەمما كۆپۈك دەۋرىدە ئوقۇشتىن چېكىنىدىغانلار تېخىمۇ كۆپىيىدۇ».
| [ئاپتورى: مەنبەسى: ۋاقتى: 2011-7-4 10:53:46 ئۇقۇلۇشى: 276 قېتىم] |
|
|
|
|
|
|
|
|  | | بۇ تېمىغا تېخى ئىنكاس يوللانمىدى ، سىزنىڭ تۇنجى ئىنكاس يوللىغۇچى بولىشىڭىزنى قارشى ئالىمىز ! |
| ھىندىستاندا يېڭى.. | ۋېن جىياباۋ ياپۇ.. | توپ مەستانىلىرى .. | مىليونىر رادىل ئ.. | جاڭ چۇنشيەن مۇسۇ.. | داڭلىق مۇزىكانت .. | | ۋىيتنام جېڭىدە چ.. | ئاق كىتنىڭ ئوينى.. | خەۋپسىزلىك كېڭىش.. | ئامېرىكا خامچوت .. | ئامېرىكا بومبىدى.. | پارىژ لىرمان كۇل.. |
|
|
|
|
شىرىنىم تورى خەۋەر مەركىزى (2010 - 5 -
17)
, ئالاقىلىشىش
تىلىفۇنى : 13139663453
, 新ICP备10001556号 |
|
