جۇڭگو ئاخبارات تورىنىڭ 6-ئاينىڭ 30-كۈنىدىكى تېلېگراممىسى، چەتئەل ئاخبارات ۋاسىتىلىرىنىڭ خەۋەرلىرىگە ئاساسلانغاندا، مىسىر پايتەختى قاھىرەنىڭ مەركىزىدىكى ئازادلىق مەيدانىدا مۇشۇ ئاينىڭ 29-كۈنى قانلىق توقۇنۇش يۈز بېرىپ، 1000 دىن ئارتۇق ئادەمنىڭ يارىلىنىشىنى كەلتۈرۈپ چىقارغان.
دۆلەت ئەمەلدارلىرىنىڭ ئېيتىشىچە، مۇشۇ ئاينىڭ 28-كۈنى كەچتە، مىسىرنىڭ ئالدىنقى بىر نۆۋەتلىك زۇڭتۇڭى مۇبارەكنى ئاغدۇرۇشتا ئۆلۈپ كەتكەنلەرنىڭ ئائىلە-تاۋابىئاتلىرى قاھىرەگە يىغىلىپ ماتەم مۇراسىمى ئۆتكۈزگەن.باشقا قازا قىلغۇچىلارنىڭ ئائىلە-تاۋابىئاتلىرى نەق مەيدانغا كېلىپ، مەزكۇر مۇراسىمدا ئۇلارنىڭ ئۆلۈپ كەتكەن كىشىلىرىنىڭ نامى تىلغا ئېلىنمىغانلىقىنى كۆرۈپ، قاتتىق نارازى بولغان. شۇنىڭ بىلەن ئىككى تەرەپ ئارىسىدىكى قاتتىق توقۇنۇش يۈز بېرىپ، مەزكۇر ئىش كېڭىيىپ، شەھەر مەركىزىدىن ئازادلىق مەيدانىغىچە بارغان.
مىسىر سەھىيە مىنىستىرلىقى مۇنۇلارنى بىلدۈردى:«مەزكۇر قانلىق توقۇنۇشتا 1036 ئادەم يارىلاندى، بۇنىڭ ئىچىدە 40 نەپەر ساقچى بار».
مىسىر قوراللىق ئەترىتىنىڭ ئالىي كومىتېتنىڭ بىر باياناتىدا مۇنۇلار كۆرسىتىلدى:«يېقىندا يۈز بەرگەن ھېچقانداق ئىلمىي ئاساسىي بولمىغان قانلىق توقۇنۇشنىڭ مەقسىتى مىسىر بىخەتەرلىكى ۋە مۇقىملىقىغا يوشۇرۇن قەست قىلىشتىن ئىبارەت. ئۇلار قازا قىلغانلارغا ماتەم تۇتۇشنى باھانە قىلىپ، خەلق ئاممىسى بىخەتەرلىكنى ساقلاش تارماقلىرىنىڭ مۇناسىۋىتىنى يىراقلاشتۇرماقچى بولدى».
مىسىرنىڭ نازارەت ئاستىدا تۇرۇۋاتقان ئىچكى كابىنېت مىنىستىرى شىراف مۇنۇلارنى بىلدۈردى:«مەن ئۈزلۈكسىز تۈردە ۋەزىيەتنى كونترول قىلىپ، بۇ قېتىمقى توقۇنۇش توغرىسىدىكى تولۇق دوكلاتنى ساقلاۋاتىمەن».
مىسىر ئورگان تەرەپ ئوتتۇرا شەرق ئاگېنتلىقىنىڭ خەۋىرىدە مۇنداق دېيىلدى:«توقۇنۇشتا 40 ئادەم قولغا ئېلىندى، بۇنىڭ ئىچىدە بىر ئامېرىكىلىق ۋە بىر نەپەر ئەنگلىيەلىك بار. نۆۋەتتە ئۇلارنى ھەربىي تەرەپ تەپتىش ئەمەلدارلىرى سوراق قىلماقتا».