شىنخۇا ئاگېنتلىقىنىڭ 6-ئاينىڭ 17-كۈنىدىكى خەۋىرى، ئامېرىكا دۆلەتلىك رادىئو شىركىتىنىڭ خەۋىرىگە ئاساسلانغاندا، بازا تەشكىلاتى تور بېكىتىدە يوشۇرۇن ئۆلتۈرۈلىدىغان كىشىلەر تىزىملىكى ئېلان قىلغان تېررورچىلارنى مەزكۇر تىزىملىكتە ئىسمى تىلغا ئېلىنغان كىشىلەرنى ھۇجۇم قىلىشنى قىلىشقا چاقىرغان. مەزكۇر تىزىملىكتە نۇرغۇنلىغان ئامېرىكا دۆلەت ئەمەلدارلىرى ۋە سودىگەرلىرىنىڭ ئىسمى ۋە رەسىمى بار ئىكەن.
ئامېرىكا فېدېراتسىيە تەكشۈرۈش ئىدارىسى (FBI)نىڭ ئېلان قىلغان دوكلاتىدا كۆرسىتىلىشىچە، بۇ بىر خىل يېڭىچە تور تەھدىتى بولۇپ، ئۇلار ئوچۇق-ئاشكارا ھالدا ھۇجۇم نىشانى قىلىنغان كىشىلەرنىڭ ئىسىملىرىنى ئاشكارىلىغان. مەزكۇر تىزىملىك 40 نەپەر كىشىنىڭ ئىسمىنى ئۆز ئىچىگە ئالىدىغان بولۇپ، بۇنىڭ ئىچىدە 26 نەپەر كىشىنىڭ رەسىمى، ئۆي تېلېفونى ھەمدە ئۆيىنىڭ تەپسىلىي ئادرېسلىرىمۇ بار ئىكەن. مەزكۇر تىزىملىك يەنە سىياسىي رەھبەرلەر، ئامېرىكا ئەقلىي ئامبار خادىملىرى، ۋال سترېت قەھرىمانلىرى، ھەتتا ھەربىي ساھەگە ئالاقىدار سودىگەرلەرنىڭ ئىسمىنى ئۆز ئىچىگە ئالىدىكەن. نۆۋەتتە، ئامېرىكا دۆلەتلىك رادىئو شىركىتى تىزىملىكتىكى كىشىلەرنىڭ سالاھىيىتىنى بېكىتمىگەن.
ئامېرىكا فېدېراتسىيە تەكشۈرۈش ئىدارىسى نۆۋەتتە، تىزىملىكتىكى تەپسىلاتلارنى مۇقىملاشتۇرۇۋاتقان بولۇپ، مەزكۇر تىزىملىك بازا تەشكىلاتى تورىنىڭ مۇنبەرلىرىدە بەس-بەستە مۇنازىرە قىلىنغان.
ئامېرىكا فېدېراتسىيە تەكشۈرۈش ئىدارىسىنىڭ قارىشىچە، چەتئەل تور بېكەتلىرىدىكى ئۇچۇرلار بىر خىل ياۋۇزلارچە ئىستەك ئىكەن. ئەمما مەزكۇر تەھدىتنىڭ ئىجرا بولۇشىنى ھېچكىم بىلمەيدىكەن.
ساقچى دائىرىلىرى مەزكۇر تىزىملىكتىن باشقا تېررورلۇق تەشكىلاتلىرىمۇ پايدىلىنىپ كېتىشىدىن ئەنسىرىدى. ئادەمنى تېخىمۇ چوڭقۇر ئويغا سالىدىغىنى ھۇجۇم ئوبيېكتلىرىنىڭ ئۇچۇرلىرى ناھايىتى تەپسىلىي بولۇپ، ئالدىنقى بىر نۆۋەت دۆلەت زېمىنى بىخەتەرلىكىنىڭ مەسئۇلى مۇنداق دېگەن:«مەن بۇ خىل تەھدىتنىڭ ئۈنۈم بېرىدىغان ياكى بەرمەيدىغانلىقىنى بىلمەيمەن».
ئامېرىكا فېدېراتسىيە تەكشۈرۈش ئىدارىسىنىڭ خاتىرىسىدىن مەلۇم بولۇشىچە، بازا تەشكىلاتىدىن كەلگەن تەھدىتنىڭ باشقىلارنىڭ قوللىشىغا ئېرىشىشى ۋە ئىجرا قىلىنىشى ناھايىتى ناھايىتى كەمدىن كەم كۆرۈلىدىكەن. بوننېيە بېر مۇنداق دېدى:«مەن بۇندىن بۇرۇن بۇنداق تەپسىلىي تىزىملىكنى كۆرۈپ باقمىغانىدىم».
بىن لادېن ئۆلگەندىن كېيىن، ئامېرىكا ئاخبارات خادىملىرى تېررورچىلارنى ئىز قوغلاپ تەكشۈرگەن ھەمدە ئۇلارنىڭ ئېھتىماللىقى بار بولغان ھۇجۇم خاراكتېرلىك قىلمىشلىرىنى نازارەت قىلغان. مۇتەخەسسىسلەرنىڭ قارىشىچە، نۆۋەتتە دۆلەت ئىچىدىن كەلگەن تەھدىت بىلەن ئۆز ئالدىغا ئېلىپ بېرىلغان ھەرىكەتلەرنىڭ تەھدىتى دىققەت قىلىشقا ئەرزىيدىكەن.
