چەتئەل ئاخبارات ۋاستىلىرىنىڭ خەۋىرىگە قارىغاندا، ياپونىيەنىڭ شەرقىي شىمالىي قىسىمىدىكى كۇروساكى كەنتى 70-80-يىللاردا بىر دېڭىز توسمىسى ياسىغان بولۇپ، ئەينى ۋاقىتتا «ئارتۇقچە زىننەتلەش» دەپ قارىلىپ، ئەيىپلەشكە ئۇچىرىغان.  لىكىن بۇ يىل 3-ئايدىكى چوڭ يەر تەۋرەشتە پەيدا بولغان دېڭىز تاشقىنىدا بۇ توسما كەنتتىكى 3000 دىن كۆپرەك ئاھالىنى بىر قېتىملىق بالا-قازادىن ساقلاپ قالغان.
چۈشەندۈرۈشلەرگە قارىغاندا، بۇ توسمىنى ياساشقا 12 يىل ۋاقىت كەتكەن بولۇپ، كۇروساكى كەنتىنىڭ ئىلگىرىكى كەنت  باشلىقى كوتاكۇ ۋانۇرانىڭ پىكىرى بىلەن قۇرۇلغان ئىكەن. بۇ قۇرۇلۇش ئىلگىرى نۇرغۇن كىشىلەر تەرىپىدىن نۇرغۇن پۇلنى «ئىسىراپ قىلىش» دەپ ئەيىپلەنگەن. دېڭىز تاشقىنى يۈز بەرگەندىن كىيىن، كىشىلەر بۇ قۇرۇلۇشنىڭ ئەھمىيىتىنى ھەقىقىي تونۇپ يەتكەن.
«بۇ دېڭىز دامبىسىنى ياساشقا نۇرغۇنلىغان پۇل كەتتى، لىكىن ئۇ بولمىغان بولسا، ھازىر كۇروساكى كەنتى مەۋجۈت بولمىغان بولاتتى» 55 ياشلىق بىر بۇۋاي شۇنداق دىگەن.
بۇ كەنتتىكى كىشىلەر دېڭىز تاشقىنىدىن كىيىن، كۇتاكۇنى مەدھىيلىشىپ، ئۇنىڭغا رەھمىتىنى بىلدۈرگەن. كۇتاكۇ ئىلگىرى دېڭىز تاشقىنىغا ئۇچىراپ باققان بولۇپ، خەتەردىن قۇتۇلۇپ كەنت باشلىقى بولغان، ئۇ ئۆزىنىڭ بىر دېڭىز توسمىسى ياسىتىش مەجبۇرىيىتى بار دەپ قاراپ، بۇ دېڭىز توسمىسىنى ياساتقان، شۇنىڭ بىلەن بۇ كەنتتىكى 3000 دىن كۆپ ئادەمنىڭ ھاياتىنى ساقلاپ قالغان.
بۇ قۇرۇلۇش 1972-يىل باشلانغان بولۇپ، 3 مىليارد 500 مىليۇن ياپونىيە يىنى مەبلەغ سېلىنغان، 1984-يىلى رەسمىي پۈتكەن. دېڭىز توسمىسىنىڭ كەڭلىكى 205 مېتىر، ئىگىزلىكى 15.5 مېتىر كېلىدىكەن، بۇ توسمىغا يەنە بىر سۈڭگۈچ ئورنىتىلغان بولۇپ، كۇرۇساكى دەرياسىنىڭ سۈيىنى كەنتكە باشلاشقا ئىشلىتىلىدىكەن.
كوتاكۇ توسما پۈتۈپ ئۈچ يىلدىن كىيىن پېنسىيىگە چىققان. 1997-يىلى 88 يېشىدا ئالەمدىن ئۆتكەن.