| نۇرمۇھەممەد زامان 1939 – يىلى قورغاس ناھىيىسىدە تۇغۇلغان . 1959 – يىلى سابىق شىنجاڭ پىداگوگىكا ئىنىستىتۇتىنىڭ تىل – ئەدەبىيات فاكولتېتىغا ئوقۇشقا كىرگەن . 1960 – يىلىدىن 1962– يىلىغىچە نەنكەي ئۇنىۋېرسىتېتىدا بىلىم ئاشۇرغان . 1959 – يىلىدىن 1999 – يىلى ئارام ئېلىشقا چىققانغا قەدەر شىنجاڭ ئۇنىۋېرسىتېتىدا ئوقۇتۇش ، تەتقىقات ۋە ئىجادىيەت بىلەن شوغۇللىنىپ كەلگەن .
ئۇ تىل – ئەدەبىيات فاكولتېتىدا كىنو ئەدەبىياتى دەرسىنى تەسسىس قىلغاندىن باشقا ، 1982 – يىلىدىن باشلاپ كىنوچىلىققا دائىر كۆپلىگەن ماقالە ، ئوبزورلارنى ئېلان قىلدى . ئۇنىڭ ‹‹ كىنو ئوبزورچىلىقىنى راۋاجماندۇرايلى ›› ناملىق ماقالىسى 1995 – يىلى مەملىكەت بويىچە 3 – دەرىجىلىك مۇكاپاتقا ، ‹‹ ئۇلۇغۋار روھىنىڭ ئۈمىدلىك ۋارىسى ›› ناملىق ئوبزورى مەملىكەت بويىچە 3 – دەرىجىلىك مۇكاپاتقا ، 1991 – يىلى نەشىر قىلىنغان ‹‹ كىنو ۋە كىنو ئەدەبىياتى ›› ناملىق كىتابى شىنجاڭ ئۇنىۋېرسىتېتى تەرىپىدىن مۇنەۋۋەر ئوقۇتۇش ماتېرىيالى بولۇپ باھالىنىپ 2 – دەرىجىلىك مۇكاپاتقا ئېرىشكەن . ئۇنىڭدىن سىرت ‹‹ شاھزادە ۋە ئۇنىڭ دوستلىرى ›› ناملىق كىنو سىنارىيىسى قاتارلىق ئەدەبىي ئەسەرلىرى ئېلان قىلىنغان . |
