دۇنيا بوكسىيورىنىڭ ئەپسانىسىگە ئايلانغان ماھىرى مۇھەممەد ئەلى  70 ياشقا توشقانلىقىنى ئالاھىدە مۇراسىم ئۆتكۈزۈپ تەبرىكلىدى.كونا دۇنيا بوكس چېمپىيونى مۇھەممەد ئەلى 70 ياشقا كىرگەن كۈنىنى ھەۋەسكارلىرى بىلەن بىرلىكتە تەبرىكلىدى، تۇغۇلغان كۈنى ناخشىسى بوكسىيورنىڭ ئۇنتۇلماس ماھىرى مۇھەممەد ئەلى ئۈچۈن ئېيتىلدى.ئامېرىكا قوشما ئىشتاتلىرىنىڭ كېنتاككىي ئىشتاتىغا قاراشلىق لۇئىسۋىللىې شەھىرىدە ماھىر تەنھەرىكەتچىنىڭ نامىغا ئاتاپ سېلىنغان مەركەزدە ئۆتكۈزۈلگەن پائالىيەتكە ئەلىنىڭ ئائىلە – ئەزالىرى، دوستلىرى ۋە ھەۋەسكارلىرى ئىشتىراك قىلدى. 

 

تەنتەربىيە ساھەسى تەرىپىدىن دۇنيانىڭ ئۆتكەن – كەچكەن ئەڭ ياخشى بوكىسيورچىسى دەپ باھا بېرىلگەن مۇھەممەد ئەلى 12 ياش چېغىدىلا بوكسىيور بىلەن تونۇشقان ۋە قىسقا ۋاقىت ئىچىدە ئارقا – ئارقىدىن ئۇتۇقلارنى قولغا كەلتۈرگەن.1964- يىلى ئەمدىلا 22 ياشقا كىرگەن چېغىدا دۇنيا چېمپىيونى بولغان ۋە جەمئىي ئۈچ قېتىم بۇ ئۇنۋانغا ئېرىشكەن.بوكسىيورلۇق قىلىۋاتقان مەزگىللىرىدە، ئولىمپىك ۋە دۇنيا چىمپېيونلۇقلىرىغا نائىل بولغان مۇھەممەد ئەلى، 36 ياشقا كىرگۈچى ئېلىشىش مەيدانىدا بوران مىسالى ئۆزىنى نامايان قىلغان، ھاياتىدا ئىشتىراك قىلغان 61 مۇسابىقىنىڭ 56 سىدە غەلىبە قىلغان. 

 

مۇھەممەد ئەلى، تەنھەرىكەتتىكى يۇقىرى ماھارىتىدىن باشقا ئېسىل ئەخلاقى بىلەنمۇ نام – شۆھرەت قازانغان.دىنىنى ئۆزگەرتىپ ئىسلامىيەتنى قوبۇل قىلىشى ئالاھىدە غۇلغۇلا پەيدا قىلغان.«ۋېيتناملىقلار ماڭا ھېچقانداق يامانلىق قىلمىدى، مەن ئۇلارغا قارشى ئۇرۇش قىلمايمەن» دېگەن سۆزى ئۇنى ئېلىشىش مەيدانلىرىدىن يىراقلاشتۇردى.ئامېرىكا بوكس فېدېراتسىيەسى دۇنيا بوكس چىمپېيونلۇقى ئۇنۋانى ۋە ئىجازەتنامىسىنى مۇھەممەد ئەلىدىن قايتۇرۇۋالدى.ھۆكۈمەت تەرىپىدىن ۋەتەن خائىنى ئېلان قىلىنىپ، قاماققا ھۆكۈم قىلىندى.ئۇ مەزگىللەردە قىيىن كۈنلەرنى باشتىن كەچۈرگەن مۇھەممەد ئەلى، يەنىلا تەنتەربىيە دۇنياسىدىن ئالاقىسىنى ئۈزۈۋەتمىدى ۋە دۇنيا بوكس تارىخىغا ئىسمىنى ئالتۇن ھەرپلەر بىلەن يازدۇردى.كۆپلىگەن جايلاردا ياخشى نىيەت ئەلچىسى بولۇپ ۋەزىپە ئۆتىگەن ئۇنتۇلماس بوكسىيور، 80- يىللارنىڭ ئوتتۇرىلىرىدىن بۇيان پاركىنسون كېسىلىگە قارشى كۈرەش قىلماقتا.