Cnbeta تورىنىڭ 4-ئاينىڭ 12-كۈنىدىكى خەۋىرى، ئامېرىكا تېخنىكا بلوگى BusinessInsider نىڭ ماقالە يازغۇچىسى جىي.ياروۋ (Jay Yarow) نىڭ بۈگۈنكى ماقالىسىدە ئامېرىكا «دەۋر» ھەپتىلىك ژۇرنىلىنىڭ 1983-يىلى يېزىلغان ئالما شىركىتىنىڭ قۇرغۇچىسى ۋە باش ئىجرائىيە ئەمەلدارى سىتۋ.جوبزغا ئالاقىدار ماقالىغا خۇلاسىلەش ئېلىپ بېرىلدى. تۆۋەندىكى ماقالىنىڭ قىسقىچە مەزمۇنى:
1. 1983-يىلى سىتۋ.جوبزنىڭ شەخسىي مۈلكى 210 مىليون ئامېرىكا دوللىرى ئىدى.
بىز پۇلنىڭ كېڭىيىشچانلىق نىسبىتىگە سۇندۇرۇپ ھېسابلىساق ئەينى ۋاقىتتىكى سىتۋ.جوبز بۈگۈنكى 464 مىليون ئامېرىكا دوللىرىنىڭ ئىگىسى بولۇپ قالىدۇ. بۇ بايلىق  Groupon نىڭ بىرلەشمە قۇرغۇچىسى ئاندىروۋ.ماسېن (Andrew Mason) بايلىقىنىڭ يېرىمىغا تەڭ. ئەمما  سىتۋ.جوبزنىڭ شۇ ۋاقىتتىكى بايلىقىنى Facebook قۇرغۇچىسى مارك.زاكېربېرگ (Mark Zuckerberg) نىڭكىگە سېلىشتۇرغىلى بولمايدۇ. چۈنكى ماركنىڭ مال-مۈلكى 13 مىليارد 500 مىڭ ئامېرىكا دوللىرى.
2. سىتۋ.جوبز دائىم:« بىز 300 نەپەر ئالما شىركىتى خادىمى مىليونېرلارغا ئايلاندۇرىمىز» دەپ پو ئاتاتتى.
3. ئالما شىركىتىنىڭ بىرلەشمە قۇرغۇچىسى سىتۋ.ۋوزنىئاك (Steve Wozniak) سىتۋ.جوبز توغرىلىق مۇنۇلارنى ئېيتقان:«سىتۋ.جوبز بىر تال توك يولى ياساش، بىر لايىھىنى ئورۇنداش ۋە بىر قۇر كود يېزىش قاتارلىق ئىشلارنىڭ ھېچقايسىسى قىلىپ باقمىغانىدى».
ئۇ يەنە مۇنداق دېگەن:« سىتۋ.جوبز كومپيۇتېرغا ئازراقمۇ قىزىقمايدۇ، ئۇنىڭ ئۈستىگە ئۇ ھېچقانداق كومپيۇتېر ئىشلىتىش قوللانمىسىنىمۇ كۆرۈپ باقمىغان».
4. ئالما شىركىتىنىڭ مۇۋەپپەقىيىتى سىتۋ.جوبزنى ئىستىبدات ئىگىسىگە ئايلاندۇردى.
سىتۋ.جوبزنىڭ بىر دوستى مۇنداق دېگەن:« ئۇ بىر قىسىم ياخشى بولمىغان ئۆزگىرىشلەرنى بايقىدى، بۇلار پۇل، ھوقۇق ۋە غېرىبلىق بىلەن مۇناسىۋەتلىك. ئۇ كىشىلەرنىڭ ھېس قىلغانلىرىغا بەك سەزگۈر بولۇپ كەتمىدى. ئۇ باشقىلارغا سەل قارىدى ۋە ھۇجۇم قىلدى».
ئالما شىركىتىنىڭ ئاممىۋى ئىشلار دىرېكتورى جىف.راسكىن (Jeff Raskin) مۇنداق دېگەن:« ئۇ بەلكىم بىر ئىسمى-جىسمىغا لايىق بىر ئادەتتىن تاشقىرى فاشىست ئىمپېرىيە قۇرۇپ چىقىشى مۇمكىن».
5. سىتۋ.جوبزنىڭ تولۇق ئوتتۇرا مەكتەپتىكى ئوقۇتقۇچىسى ئۇنى سۈپەتلەپ مۇنداق دېگەن:« ئۇ دائىم باشقىلارغا قېتىلمايدۇ، مەسىلىلەرگە ئۆزگىچە قارايدۇ».
6.ئۇ تولۇق ئوتتۇرا مەكتەپنى پۈتتۈرۈپ، «مەن ساراڭلارچە ئۇسۇلغا ئادەتلىنىمەن» دەپ گۆش يېمەيدىغانلار تىپىغا تەۋە بولغانلىقى ئۈچۈن، ئۇنىڭ تېرىسى ئاپېلسىن رەڭگىگە كىرىپ قالغان.
7. Atari تىكى خىزمەتچىلەرنىڭ ھەممىسى ئۇنىڭدىن بىزار ئىكەن.
سىتۋ.جوبز بۇرۇن Atari دا خىزمەت قىلغان بولۇپ، ئۇنىڭ غەلىتىلىكى خىزمەتداشلىرىنىڭ نارازىلىقىنى قوزغىغان. Atari نىڭ باش ئىنژېنېرى مۇنداق دېگەن:« ئۇنىڭ تەپەككۇرىغا گەپ توغرا كەلمەيدۇ، شۇڭلاشقا، ئىشخانىدىكى ئىنژېنېرلارنى ئۇنى ياخشى كۆرمەيدۇ، ئۇلارنى «ئۇ ئۆزىنى چوڭ تۇتىدۇ، بىزنى كۆزگە ئىلمايدۇ» دەپ قارايدۇ». ئارىدا مۇشۇنداق ئىختىلاپ كۆرۈلگەنلىكتىن، بىز ئۇنىڭدىن بىلەن مۇرەسسەلىشىپ، ئۇنى كېچىدە ئىشلەيدىغان قىلىپ بەلگىلىگەن ئىدۇق».
8. شىركەت ئىسىم قويۇشتا ياخشى لايىھە بولمىغانلىقى ئۈچۈن، شىركەت نامى «ئالما» بولۇپ قالغان.
سىتۋ،جوبز مۇنداق دېگەن:« مەن مەلۇم بىر كۈنى كۆپچىلىككە مۇنداق دەيمەن:‹ئەگەر سىلەر چۈشتىن كېيىن تېخىمۇ ياخشى نام ئويلاپ چىقالمىساڭلار، مەن شىركەت نامىنى ئالما دەپ ئېلان بېكىتىۋېتىمەن».
9. «دەۋر» ژۇرنىلىغا مۇنۇلار بېسىلغان:« سىتۋ.جوبز ئەينى ۋاقىتتا ئالما شىركىتىنىڭ مۇۋەپپەقىيىتىدىن ھەم خۇشال بولغان ھەم جىددىيلەشكەنىدى. ئۇ بىر قېتىم يېغىن ئاچقان ۋاقىتتا تۇيۇقسىز يىغلاپ كەتكەن ۋە بىر ئازدىن كېيىن تىنچلىنىپ، ماشىنا توختىتىش مەيدانىدا ئايلىنىپ يۈرگەن».
10. ئۇنىڭ يېمەكلىكلەرگە بولغان پوزىتسىيىسى ناھايىتى غەلىتە.
گەرچە ئۇ گراخامىزم (گۆش يېمەسلىكنى تەرغىب قىلىش ئېقىمى) دىن ۋاز كەچكەندەك كۆرۈنسىمۇ ئەمما مۇنداق دېگەن:« ئىسلانغان تاماقلار كىشىلەرنىڭ تۇرمۇشىغا تېخىمۇ ساغلاملىق ئېلىپ كېلىدۇ». ئۇ يەنە مۇنداق دېگەن:« سىز پۇل خەجلەپ نەرسە-كېرەك سېتىۋالىسىز، تاماق ئېتىش ۋە يېيىشكە نۇرغۇن ۋاقىت كېتىدۇ. دېمەك بىزنىڭ بەدىنىمىزدىن سەرپ بولغان سەرپىيات يېمەكلىكلەردىن ئېرىشكەن ئوزۇقلۇقلاردىن كۆپ بولىدۇ».
11. سىتۋ.جوبزنىڭ دەسلەپكى تەپەككۇرى بىر ئاز «تەۋرەپ تۇرىدىكەن».
ئالما شىركىتىنىڭ ئىلگىرىكى بىر باشقۇرغۇچىسى مۇنۇلارنى ئېيتقان:« ئۇ بېرىپ دىسنېي (Disney) نى باشقۇرۇشى كېرەك. ئەگەر شۇنداق بولىدىغان بولسا، ئۇنىڭ يەنە بىر قىسىم ئۆزگىچە ئۇسۇللىرى بولىدىغان بولسا، ئۇ دىسنېي ئوخشىمىغان دەرىجىدە تۆھپە قوشالىشى مۇمكىن».