خەۋەر مۇنبىرى

ﺗﯜﺭﻛﻤﻪﻧﯩﺴﺘﺎﻥ ﺗﺎﻣﺎﻛﯩﺴﯩﺰ ﺩﯙﻟﻪﺕ ﺑﻮﻟﯘﺷﻘﺎ ﻗﻪﺳﻪﻡ ﺋﯩﭽﺘﻰ

ﭼﻪﺗﺌﻪﻝ ﺗﺎﺭﺍﺗﻘﯘﻟﯩﺮﯨﻨﯩﯔ ﺧﻪﯞﯨﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺗﺎﻣﺎﻛﺎ ﭼﻪﻛﻠﻪﺵ ﭘﯩﻼﻧﻰ ﺭﺍﻣﻜﯩﺴﻰ ﺋﺎﺳﺘﯩﺪﺍ ﺗﯜﺭﻛﻤﻪﻧﯩﺴﺘﺎﻥ ﻫﯚﻛﯜﻣﯩﺘﻰ ﻳﯧﻘﯩﻨﺪﺍ ﻧﻪﭼﭽﻪ ﻣﯩﯔ ﻳﻪﺷﯩﻚ ﺗﺎﻣﺎﻛﯩﻨﻰ ﻛﯚﻳﺪﯛﺭﯛﭖ ﺑﯩﺮ ﺗﻪﺭﻩﭖ ﻗﯩﻠﻐﺎﻥ. ﻧﯚﯞﻩﺗﺘﻪ ﺗﯜﺭﻛﻤﻪﻧﯩﺴﺘﺎﻥ ﺗﺎﻣﺎﻛﺎ ﭼﻪﻛﻠﻪﺵ ﺑﯘﻳﺮﯗﻗﯩﻨﻰ ﺭﻩﺳﻤﯩﻲ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺩﯙﻟﻪﺕ ﺋﯩﭽﯩﺪﻩ ﺗﺎﻣﺎﻛﯩﻨﯩﯔ ﺳﯧﺘﯩﻠﯩﺸﻰ ﯞﻩ ﺋﻮﺑﻮﺭﻭﺗﯩﻨﻰ ﺋﻮﻣﯘﻣﻴﯜﺯﻟﯜﻙ ﭼﻪﻛﻠﯩﮕﻪﻥ.

ﺋﯩﮕﯩﻠﯩﻨﯩﺸﯩﭽﻪ، ﭼﻪﻛﻠﻪﺵ ﺑﯘﻳﺮﯗﻗﻰ ﺋﯧﻼﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ ﭼﻪﻛﻠﯩﻤﯩﮕﻪ ﺧﯩﻼﭖ ﻫﺎﻟﺪﺍ ﺗﺎﻣﺎﻛﺎ ﺳﺎﺗﻘﺎﻥ ﺋﻮﺭﮔﺎﻥ ﯞﻩ ﺷﻪﺧﺴﻠﻪﺭﮔﻪ 1700 ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺟﻪﺭﯨﻤﺎﻧﻪ ﻗﻮﻳﯘﻟﯩﺪﯨﻜﻪﻥ.

ﺋﻪﻧﮕﻠﯩﻴﻪ BBC ﻧﯩﯔ ﺷﯘ ﻳﻪﺭﺩﻩ ﺗﯘﺭﯗﺷﻠﯘﻕ ﻣﯘﺧﺒﯩﺮﯨﻨﯩﯔ ﺋﯧﻴﺘﯩﺸﯩﭽﻪ، ﺗﯜﺭﻛﻤﻪﻧﯩﺴﺘﺎﻧﺪﯨﻜﻰ ﻫﻪﺭ ﻗﺎﻳﺴﻰ ﭼﻮﯓ ﺷﻪﻫﻪﺭﻟﻪﺭﺩﯨﻜﻰ ﮔﯧﺰﯨﺖ ﺑﻮﺗﻜﯩﺴﯩﺪﺍ ﻫﻪﺭ ﻗﺎﻧﺪﺍﻕ ﺗﺎﻣﺎﻛﯩﻨﻰ ﻛﯚﺭﮔﯩﻠﻰ ﺑﻮﻟﻤﺎﻳﺪﯨﻜﻪﻥ.

ﺗﻮﺭ ﺗﺎﺭﺍﺗﻘﯘﺳﻰ Chrono-TM ﻧﯩﯔ ﺟﺎﻛﺎﺭﻟﯩﺸﯩﭽﻪ، ﺷﯘ ﻳﻪﺭﺩﯨﻜﻰ ﻗﺎﺭﺍﯕﻐﯘ ﺑﺎﺯﺍﺭﻻﺭﺩﺍ ﺑﯩﺮ ﻗﺎﭖ ﺗﺎﻣﺎﻛﯩﻨﯩﯔ ﺑﺎﻫﺎﺳﻰ ﺋﯚﺳﯜﭖ 12 ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻐﺎ ﭼﯩﻘﻘﺎﻥ.

ﻓﯩﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، 1-ﺋﺎﻳﻨﯩﯔ 5-ﻛﯜﻧﻰ ﺩﯙﻟﻪﺗﻠﯩﻚ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ ﺗﯜﺭﻛﻤﻪﻧﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺧﯩﺰﻣﻪﺕ ﻳﯩﻐﯩﻨﯩﻨﻰ ﺑﯩﯟﺍﺳﯩﺘﻪ ﻗﻮﻳﯘﺷﻨﻰ ﺋﺎﺧﯩﺮﻻﺷﺘﯘﺭﻏﺎﻧﺪﯨﻦ ﻛﯧﻴﯩﻦ، ﺑﺎﺭﻟﯩﻖ ﺩﯗﻛﺎﻥ ﯞﻩ ﮔﯧﺰﯨﺖ ﺑﻮﺗﻜﯩﻠﯩﺮﯨﻨﯩﯔ ﺧﻮﺟﺎﻳﯩﻨﻠﯩﺮﻯ ﭘﻪﻗﻪﺕ ﺋﯚﺯﯨﻨﯩﯔ ﺋﯘﺭﯗﻕ ﺗﯘﻏﻘﺎﻧﻠﯩﺮﻯ ﻳﺎﻛﻰ ﻳﯧﻘﯩﻦ ﺩﻭﺳﺘﻠﯩﺮﯨﻐﺎ ﺗﺎﻣﺎﻛﺎ ﺳﺎﺗﻘﺎﻥ. ﺑﯘﻧﯩﯖﺪﯨﻦ ﻛﯧﻴﯩﻦ ﺗﺎﻣﺎﻛﯩﻨﻰ ﺗﺎﺯﯨﻼﺵ ﯞﻩ ﺑﯩﺮ ﺗﻪﺭﻩﭖ ﻗﯩﻠﯩﺶ ﺧﯩﺰﻣﯩﺘﯩﻨﻰ ﺋﻮﻣﯘﻣﻴﯜﺯﻟﯜﻙ ﻗﺎﻧﺎﺕ ﻳﺎﻳﺪﯗﺭﯨﺪﯨﻜﻪﻥ.

ﺋﯩﮕﯩﻠﯩﻨﯩﺸﯩﭽﻪ، ﺗﯜﺭﻛﻤﻪﻧﯩﺴﺘﺎﻥ ﺯﯗﯕﺘﯘﯕﻰ ﺑﻪﺭﺩﯨﻤﯘﻫﻪﻣﻤﻪﺩﻭﻑ ﺋﯩﻠﮕﯩﺮﻯ ﺩﺍﯕﻠﯩﻖ ﺩﻭﺧﺘﯘﺭ ﺑﻮﻟﯘﭖ، ﺋﺎﺩﻩﺗﺘﻪ ﺗﻪﻥ ﺳﺎﻻﻣﻪﺗﻠﯩﻜﯩﮕﻪ ﻧﺎﻫﺎﻳﯩﺘﻰ ﺋﻪﻫﻤﯩﻴﻪﺕ ﺑﯧﺮﯨﭗ، ﺳﺎﻏﻼﻡ ﺗﯘﺭﻣﯘﺷﻨﻰ ﺗﻪﻛﯩﺘﻠﻪﻳﺪﯗ. 2011-ﻳﯩﻠﻰ ﺋﯘ ﺗﯜﺭﻛﻤﻪﻧﯩﺴﺘﺎﻧﻨﯩﯔ ﻳﯧﻤﻪﻛﻠﯩﻚ ﺋﯩﺴﺘﯧﻤﺎﻝ ﺑﯧﺠﯩﻨﻰ ﺋﯚﺳﺘﯜﺭﮔﻪﻥ، 2013-ﻳﯩﻠﻰ ﺋﺎﻣﻤﯩﯟﻯ ﺳﻮﺭﯗﻧﻼﺭﺩﺍ ﺗﺎﻣﺎﻛﺎ ﭼﻪﻛﻠﻪﺵ ﺑﯘﻳﺮﯗﻗﯩﻨﻰ ﭼﯩﻘﺎﺭﻏﺎﻥ.

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ ﺋﯧﻼﻥ ﻗﯩﻠﻐﺎﻥ ﺳﺎﻧﻠﯩﻖ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺗﯜﺭﻛﻤﻪﻧﯩﺴﺘﺎﻥ ﺩﯗﻧﻴﺎﺩﯨﻜﻰ ﺗﺎﻣﺎﻛﺎ ﭼﯧﻜﯩﺪﯨﻐﺎﻧﻼﺭ ﺳﺎﻧﻰ ﺋﻪﯓ ﺋﺎﺯ ﺩﯙﻟﻪﺗﻠﻪﺭﻧﯩﯔ ﺑﯩﺮﻯ ﺋﯩﻜﻪﻥ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺑﯘ ﺩﯙﻟﻪﺗﺘﯩﻜﻰ ﺗﺎﻣﺎﻛﺎ ﺑﺎﻫﺎﺳﻰ ﺋﻪﺯﻩﻟﺪﯨﻦ ﻛﯩﺸﯩﻨﻰ ﭼﯚﭼﯜﺗﯩﺪﯨﻜﻪﻥ.
مەنبە: ئەرخەۋەر تورى