يېنىۋالدىم باشتىكى ئۆز ۋەدمدىن
ئالدانماسمەن دېگەن ئىدىم ھېچكىمگە،
ھار كەلگەچكە تۇنجى قېتىم ئالدىنىش.
دەرد تارتساممۇ يۇتۇپ كەلگەچ ئىچىمگە،
چىقمىغانتى ۋۇجۇدۇمدىن زارلىنىش.
ئېغىر كەلگەچ تۇنجى قېتىم ئالدىنىش.
ھار كەلگەچكە تۇنجى قېتىم ئالدىنىش،
سۆيگۈ ئۈچۈن قاتۇرمىغان ئىدىم باش.
يۈرىكىمنى ئۆرتسىمۇ سېغىنىش،
ھەسرەت چېكىپ ئاقتۇرمىغان ئىدىم ياش.
سۆيگۈم ئۈچۈن قاتۇرمىغان ئىدىم باش.
سۆيگۈ ئۈچۈن قاتۇرمىغان ئىدىم باش،
نېمە بولسا كەلگەندىلا كۆرەي دەپ.
بولۇپ قالسام بىرەرسىگە تەقدىرداش،
شۇنىڭ بىلەن ياشاپ بىرگە ئۆلەي دەپ.
كەلگۈلۈكنى كەلگەندىلا كۆرەي دەپ.
باشقا كەلسە كەلگىنىنى كۆرەي دەپ،
يۈرىۋەرسەم چىدىمىدى يۈرىكىم.
شۇنىڭ بىلەن: ھايات پەيزىن سۈرەي... دەپ
ئويلاپ قالدىم ئەمەستى ئۇ تىلىكىم.
تەنھالىققا چىدىمىدى يۈرىكىم.
تەنھالىققا چىدىيالماي يۈرىكىم،
بولۇپ قالدىم بىر گۈزەلگە مەھلىيا.
كۈتىۋېرىپ توختاي دېدى تىنىقىم،
قىلدى ماڭا ئۆزىنى ئۇ تۇتىيا.
بۇلۇپ قالدىم بىر جانانغا مەھلىيا.
بولاپ قالدىم بىر پەرىگە مەھلىيا،
تۇرالماستىن باشتىكى ئۆز ۋەدەمدە.
كۆڭۈل چوڭكەن ئىگىسىدىن راستىنلا،
پەريات چېكىپ ئىڭرىمايمەن ئەلەمدە.
تۇرالمىغاچ باشتىكى ئۆز ۋەدەمدە.
( دەۋران نەزمىلىرى )