20 مۇئاۋىن باش كاتىپ نېمە ئىش بىلەن ئالدىراش
     « چېڭدۇ سودا گېزىتى » يېقىندا ئېلان قىلغان بىر خەۋەردە مۇنداق دېيىلدى : موشۇ كۈنلەردە تورداشلار « لىياۋنىڭدىكى بىر شەھەردە توققۇز مۇئاۋىن شەھەر باشلىقى بىلەن 20 مۇئاۋىن باش كاتىپ بار ئىكەن » ناملىق خەۋەرنى بىر - بىرىگە ئەۋەتىشىپ كۆردى . بۇ خەۋەرنى تورغا چىقارغان تورداش مۇنداق دىدى : « شىفېڭ ناھىيىسىنىڭ شۇجىسى ھەققىدىكى خەۋەرلەرنى ئىزدەۋېتىپ ، بۇ شەھەرنىڭ ھۆكۈمەت تور پونكىتىغا كىرىپ قاپتىمەن ، شۇ يەردە بۇ ئۇچۇرنى كۆرۈپ چۆچۈپ كەتتىم » بۇ تورداش بۇ مۇئاۋىنلارنىڭ نام - شەرىپىنى تورغا چىقىرۋەتتى ، بۇنىڭ بىلەن ۋىلايەت دەرىجىلىك بىر شەھەرنىڭ بۇنچە زور ئەمەلدارلار قوشونى تورداشلار ئارىسىدا كۈچلۈك ئەكىس سادا پەيدا قىلدى ، ئۇلار شەھەرلىك ھۆكۈمەتنىڭ بۇ تور پونكىتىدىكى « ھۆكۈمەت ئىشلىرىنى ئاشكارلاش » سىتونىغا كىرگەندىن كېيىن ، ئەھۋالنىڭ ھەقىقەتەن ھېلقى تورداشنىڭ ئۇچۇرى بىلەن بىردەك ئىكەنلىكىنى ، 29 مۇئاۋىن ئەمەلدارنىڭ نام - شەرىپىنىڭ « نۇر چاقنىتىپ » تۇرغانلىقىنى كۆرۈپ ئاغزىنى ئېچىپ قالدى .
     ئوبزورچىدىن بىر كەلىمە : ۋىلايەت دەرىجىلىك بىر شەھەردە توققۇز مۇئاۋىن شەھەر باشلىقىنىڭ بارلىقىنى ئالاھىدە يېڭى خەۋەر دېگىلى بولمىسا كېرەك ، ئەمما ھۆكۈمەت باش كاتىپىنىڭ 20 مۇئاۋىنى بارلىقى ھەقىقەتەن كىشىنىڭ ھەيرانلىقى ۋە چۈشەنمەسلىكىنى كەلتۈرۈپ چىقىرىدۇ . بىز بۇنچە كۆپ مۇئاۋىن باش كاتىپ ھەققىدە گەپ ساتماي ، ئۇلارنىڭ بۇ ئەمەلگە قانداق ئولتۇرغانلىقىنى ئويلىساقلا شەھەر رەھبەرلىرىنىڭ بەكلا جاپا تارتقانلىقىنى بىلۋالالايمىز ، چۈنكى 20 ئادەمنى بىر ئورۇندۇققا ئولتۇرغۇزۇش ئاسان ئەمەستە .

مەنبە : ئۈرۈمچى كەچلىك گېزىتى

ئۇلارغا ئىشلەيدىغان باشقا خىزمەت يوقمىكىنا،،،،،،،     

بۇ ئەھۋال جۇڭگودا ئادەتتىكى ئىشقۇ.بىزنىڭ چاتقال يېزىلىق ھۆكۈمەتتە بۇرۇن 11مۇئاۋىن يېزا باشلىقى بار ئىدى.