ھىجران ۋە پىراق
ھاياتنىڭ قىسمىتى شۇنداقمۇ ماڭا،
يۈرەكنى قاپلىدى ھىجران ۋە پىراق.
ئىقبالغا ئۈمۈتسىز تەلمۈرۈر كۆزۈم،
ئارمانۇ  دەرماندىن بولدۇمغۇ يىراق.

قايدىدۇر شۇ گۈزەل قىران چاغلىرىم،
تومۇردا ئۇرغىغان جۇشقۇن قانلىرىم.
ھالىمغا يەتمەيلا كەتتىڭ سەن نىگار،
ئازاپتىن زارۇ-زار قاقشار جانلىرىم.

ھىجراندا ئۆرتىنىپ چالىمەن گىتار،
ئازاپلىق كۈيلەرگە بولۇپ مۇپتىلا.
نە ئىدۇر جاھاندا شىپالىق ماڭا،
ۋىسالىڭ ئەمەسمۇ دەردىمگە داۋا.

   مەنبە: ئىلھامىم.

ۋوي،بۇ جەھەتتىمۇ بوپ قويدىكەنسىزغۇ ،ياخشى يېزىلىپتۇ.يىغىن تۈگىدىغۇ-ھە؟

تايىرجان ئاكا شئېرلىرى ياخشى چىقىپتۇ ،ناخشا تېكىستى يىزىپ باقسىلا بولغۇدەك . ئىجادىيەتلىرىگە ئىلھام يار بولسۇن!

قايدىدۇر شۇ گۈزەل قىران چاغلىرىم،
تومۇردا ئۇرغىغان جۇشقۇن قانلىرىم.
ھالىمغا يەتمەيلا كەتتىڭ سەن نىگار،
ئازاپتىن زارۇ-زار قاقشار جانلىرىم.
بۇ كۇبلىتى ئەڭ پاساھەتلىك چىقىپتۇ.تېخىمۇ تىرىشىڭ!