مۇھەببەت ھەر پەسىلدە كىلىدىغان باھار ئەمەس، ئۇ ئىككى يۈرەك تىگىشكەندىلا ئاندىن مۇستەھكەملىنىدۇ
لىكىن سېنىڭ سىرىتقى قىياپىتىڭ ھازىر مەن ئەڭ يىرگىنىدىغان،ئىچكى قىياپىتىڭ بولسا مەن ئويلاشنىمۇ خالىمايدىغان بىر بەندە . تۈنۈگۈنكى سۆزلىرىڭدىن ،مەن شۇنچە يىل ياخشى كۆرۈپ كەلگەن<سەن> نى ھەقىقىي چۈشەندىم. سېنى ياخشى كۆرگەنلىكىمگە بىر ئۆمۈر پۇشايمەن قىلغۇزۋىتىدىغان ئوخشايسەن
ئويلاپ باقە؟
ئاشۇ كوچىدا گازىر سىتىپ ئولتۇرغان ئايالنى بۇزۇق دەيدىغانغا، ئاياق مايلاپ ئولتۇرغان بالىنى ئوغرى دەيدىغانغا، ئۆز مىللىتىڭ خەلقىنى دىۋانىلەر، يارماسلار، قۇل خەلىق دەيدىغان سېنىڭ زادى نىمە ھەققىڭ بار؟
مەن سېنى سۆيەتتىم! كۆزلىرى ئاجايىپ نۇرلۇق، كىلىشكەن،ھەر قانداق قىز يەنە بىر قايرىلىپ قارغۇدەك سۇمباتى بار مېنىڭ <جېنىم> نى سۆيەتتىم. ناھايتى ۋەتەنپەرۋەر، باشقىلارغا ياردەم بىرىشنى جان دەپ بىلىدىغان يىگىت دەپ ئويلايىتتىم. كىيىنكى كۈنلۈكتە مېنى بەخىتلىك قىلىدۇ دەپ ئىشەنچ قىلاتتىم.
ئەسلى ناھايتى خاتا ئويلىغان ئىكەنمەن! ئۆز خەلقىنى ،مىللىتىنى ، يۇرتىنى سۆيمىگەن، باشقىلارغا ئىچ ئاغرىتىش ئۇ ياقتا تۇرسۇن، زاڭلىق قىلىدىغان بىر ئىنساننى مەن قانداقمۇ سۆيەلەيمەن!
مېنى ئىچكىرى ئۆلكىلەردىكى تەرەقىيات ئويغاتتى، مەن بۇرۇن بەكمۇ ساددا ئىكەنمەن.
مانا بۇ سېنىڭ ئىچكىردە ئىككى يىل تۇرۇپ قايتىپ كىلىپلا ھەدىيە قىلغان ۋەتەنپەرۋەرلىك پۇرىقى كىلىپ تۇرغان سۆزۈڭ
قۇلاقلىرىمغا ئىشەنمىگەن بولساممۇ،ئىشەنمەي ئامالىم يوق. ئۇنىڭدىن كىيىنكى باشقىلارغا(ئۇيغۇرلارغا) يىرگىنىش نەزىرى بىلەن قارغان كۆزلىرڭنى ھازىر ئويىۋالغۇم كىلىۋاتىدۇ.
كۆڭلۈم بەكلا يىرىم،بەلكىم ھاياتىمدا يەنە بىرنى سەندەك سۆيەلمەيمەن، لىكىن يالغۇز ئۆتۈشكە رازىمەنكى سەندەك ئۆز خەلقىنى كەمسىتىدىغان نۇمۇسسىزنى ئەمدى ياخشى كۆرمەيمەن
مەنبە:قەلەم