مەن دوستۇمنىڭ تويىغا قاتنىشىش جەريانىدا  بۇ قوشاقچى ئاكاشنى ئۇچرىتىپ قالدىم،ئۇ گەرچە  ئاددىي دېھقان بولسىمۇ، قوشاقلىرى شۇنچە مەنىگە ئىگە ئىكەن، بۇ نەق مەيدان خاتىرىسى ئۇنىڭ ئېغىز تىلى بۇيىنچە كۆچۈرۈلدى.تەنتەكلىك قىلىپ بۇ قوشاقلارنى تورغا يوللۇدۇم،توغرا قاراش بىلەن چۈشىنەرسىلەر!(كىشى ئىسىملىرى ئۆزگەرتىلدى)

ئەلچىمەننا،ئەلچىمەننا،ئەلچىمەن،
ئەلگە لايىق، ئەرگە لايىق ئەلچىمەن.
مۇبارەكلەپ ئىككى ياشنىڭ تويىنى،
بازالىقنىڭ نوچىسى بىلەن كەلدىممەن.
                                                   تىلەپ سىزگە خوشاللقنى بار قىلىپ،
                                                   قىلدىم بۈگۈن تويۇڭلارغا ساددىلىق.
                                                   ھەممەيلەنگە شادىمانلىق تىلەيمەن،
                                                   قاملاشمىغان قوشاقلىرىم ئارقىلىق.
بېغىمىزدا رەڭمۇ-رەڭ گۈل بار ئىدى،
بۇ يىل قىشتا سوغۇق تىگىپ ئۈششۈپتۇ.
بۈگۈردىكى شۇنچە قىزلار ئىچىدىن،
يىگىت كۆزى سىلنىڭ قىزغا چۈشۈپتۇ.
                                                قىز چوڭ بولسا ئەرگە بېرىپ ئۇزىتىپ،
                                                يىگىت بولسا ئۆرلەپ قۇيۇش پەرھىزكەن.
                                                ئۈلۈپ كەتسە ئەرگە بەرمەي، ئۆلىمەي،
                                               ئاتا -ئانا قىمامەتتە قەرز ئىكەن.
قولىمىزدا ئىقتىساد كەم بولغاچقا،
ئاددىيراقلا چىقىپ قالدۇق تۈزلۈككە.
پاختا تېرىپ،پاخلان سويوپ،پۇل تېپىپ،
كېمى بولسا ئېپ بىرەرمىز كۈزلۈككە.
                                                  جاڭگاللىقتا يۇلغۇن بۇلۇپ،شور بۇلۇپ،
                                                  ئوت بولمىسا قوي باقماقمۇ تەس ئىكەن.
                                                  تاھىرجانغا يارىغىدەك،ياققىدەك،
                                                  قىز بولمىسا توي قىلماقمۇ تەس ئىكەن.
ياخشى كۈندە بولدى سىلنىڭ تويۇڭلار،
قىزىل گۈلدەك يارىشىپتۇ بويوڭلا.
جاپادىمۇ،راھەتتىمۇ تەڭ ياشاپ،
ساداقەتتە ئەلنى ھەيران قويۇڭلار.
                                                    ئادەم دىگەن سىرلىق نەرسە بولغاچقا،
                                                    تاپمايدىغان پەتىۋارى يوق ئىكەن.
                                                    ئوغۇل بالا قانچە نوچى بولسىمۇ،
                                                    توي قىلمىسا ئەتىۋارى يوق ئىكەن.
يامان سۆزدىن يىراق قىلىپ تىلىڭنى،
تاشلىۋەتمە شەرىئەھلى دىلىڭنى.
ئاتاڭ رازى،ئاللا رازى،بىز رازى،
بۇلغىمىسىڭ ئۇيغۇرغا خاس دىلىڭنى.
                                                    ئوخشاپ كەتسۇن دېھقانچىلىق زىرائەت،
                                                    ئاينىپ كەتسۇن جاندا،چارۋا كالاڭلا.
                                                    كېلەر يىلى مۇشۇ كۈندە پاخلاندەك،
                                                    بىر جۈپ ئوغۇل تۇغۇلغۇسى بالاڭلا.
مەيلى نادان،مەيلى گاداي،مەيلى شاھ،
ئۈزىۋەتمە ئەۋلادىڭنى تاناڭنى،
توي قىلىپلا ئۆز دەردىڭگە قايغۇرۇپ،
تاشلىۋەتمە باققان ئاتا-ئاناڭنى.
                                                       تويدىن كىيىن كۆرسەتكىلى كەلگەندە،
                                                       ھۆرمىتىگە بىرەر  پاخلان سويالا،
                                                       تاھىرجان سەل ماي تارتىپ قالسىمۇ،
                                                       خاپا بولماي كەلسە قېتىپ قويالا،
شادلىغىدىن قايغۇسى كۆپ جاھان بۇ،
ئالدىغىمۇ،ئارقىغىمۇ قاراڭلا.
ئۆي دىگەندە بوپ تۇرىدۇ ئۇنچىلىك،
قاتتىق قۇرۇق،ئۇششاق چۈششەك پاراڭلا.
                                                         ياخشى كۈندە بولدى سىلنىڭ تويۇڭلا،
                                                         ۋىسال تاپسۇن ھىجران باسقان ئويۇڭلا.
                                                         بۈگۈن ئاخشام يەڭگە بۇلۇپ بارغانلا،
                                                         قىز-يىگىتنى گەپلەشكىلى قويۇڭلا.
ئاڭلىسام مەن بەزى يەردە بەزىلە،
قىزلىرىنى مال ئورنىدا سېتىپتۇ.
ئالاي دىسە يىگىتلەرنىڭ پۇلى يوق،
نى قىز باللا چوكان بۇلۇپ كېتىپتۇ.
                                                        ئوخشىمايدۇ يەرنىڭ كۈچى قۇۋۋىتى،
                                                        زىرائەتنى ماس كەلتۈرۈپ تېرىڭلا.
                                                        ئېسىۋالماي قىزىڭلارنى ئاسمانغا،
                                                        ئالاي دىسە  يارىغانغا بېرىڭلا.
تاھىرجانمۇ بۈگۈن ئاينى ئالغىدەك،
زۆھرەخانمۇ قات-قات ئالتۇن سالغىدەك.
تاھىرجانغا تىگەلمىگەن قىزلارنىڭ،
قاپاقلىرى ئەتە ئىششىپ قالغۇدەك.
                                                      ئاش ئوخشاپتۇ پادىشاھنىڭ ئېشىدەك،
                                                      ئالتۇن بولسا قويسام ئاتنىڭ بېشىدەك.
                                                      قىز-يىگىتنىڭ رىشتى مەھكەم چىگىلسۇن،
                                                      ماڭا چىگكەن مۇشۇ يۇتقان تېشىدەك.

لاچىن باقسام ئۇچۇپ كەتسە كەلسىكەن،
قۇرغۇي باقسام ئۇچۇپ كەتسە كەلسىكەن.  
قاملاشمىغان بېيىت بىلەن سۆز قويدۇق،
  ئاز كۆرمىسە زۆھرەخاننى بەرسىكەن.
                                                      ئەجەپ تاتلىق توينىڭ توغاچ نانلىرى،
                                                      يا ھۇلىدا ئالماي قالغان شو بامۇ.
                                                     تاھىرجانغا ۋاكالىتەن مەن كەلدىم،
                                                     قىز تەرەپتىن گەپ ئاتقۇدەك دو  بامۇ؟