ئابدۇكېرىم نەسىردىن 1947 ـــ يىلى ئۈرۈمچى شەھرىدە تۇغۇلغان ـ 1963 ـــ يىلى مەركىزى مىللەتلەر ئىنىستىتوتى سەنئەت فاكولتىتىنىڭ رەسساملىق كەسپىنى پۈتتۈرگەن .1981 ـــ يىلى مەركىزى گۈزەل سەنئەت فاكولتىتىنىڭ ئاسپىرانتلىق سىنىپىنى پۈتتۈرگەن .1988 ـــ 1989 ـــ يىللىرى پارىژدىكى خەلقئارا مەدەنىيەت شەھرىدە بىلىم ئاشۇرغان . ئىلگىرى كېيىن بولۇپ ، بېيجىڭ ، پارىژ ، ئالما ـــ ئاتا ، بېشكەك بۇرۇنىيە ، شىياڭگاڭ ئۈرۈمچى شەھەرلىرىدە شەخسى رەسىم كۆرگەزمىسى ئۆتكۈزگەن ـ ياۋروپا ، ئوتتۇرا
ئاسىيا ، شەرقى جەنۇبى ئاسىيا دۆلەتلىرىدە سەنئەت تەكشۈرۈش ، مەدەنىيەت ئالماشتۇرۇش ئىلىپ بارغان . بەدىئى ئەسەرلىرى ۋە ئىلمى ماقالىلىرى مەملىكەت ئىچى ـــ سىرتىدىكى گېزىت ـــ ژورناللاردا ئېلان قىلىنغان ـ كۆپلىگەن ئەسەرلىرى مۇزىيلاردا ساقلانماقتا
ئابدۇكېرىم نەسىردىن ھازىر دۆلەتلىك بىرىنچى دەرجىلىك رەسسام ـ جۇڭگۇ گۈزەل ـــ سەنئەتچىلەر جەمئىيىتىنىڭ ھەيئەت ئەزاسى ، ماي بوياق رەسىم سەنئىتى ھەيئىتىنىڭ ھەيئەت ئەزاسى ، جۇڭگۇ ماي بوياق رەسىم ئىلمى جەمئىيىتىنىڭ دائىمى ھەيئىتى ، شىنجاڭ رەسىم ئاكادىمىيىسىنىڭ باشلىقى

سەۋىيەلىك سىزىلغان رەسىملەر ئىكەن،رەھمەت.

ئابدۇكىرىم نەسىردىن ئۇيغۇرلاردىن چىققان داڭلىق رەسسام. شۇنداقلا ئۆزگە خاس ئۇسلۇپ ياراتقان رەسسام.خەلقئاراغا تونۇلغان رەسسام. بىز ئۇنۇڭدىن پەخىرلىنىمىز. تىما ئىگىسىگە رەھمەت، بولسا داۋامىنىمۇ يوللىسىڭىز.

ئابدۇكېرىم نەسىردىن ئاكىمىزنىڭ سىزغان بۇ ماي بوياق ئەسەرلىرى ھەقىقەتەن يۇقۇرى سەۋىيە تەلەپ قىلىدىكەن.بۇندىن كىيىن تېخىمۇ ياخشى ئەسەرلەرنى ئىجات قىلىشىنى ئۇممۇت قىلىمەن.ئاخىرىدا ئابدۇكېرىم نەسىردىن ئاكىمىزنىڭ تېنىنىڭ سالامەت ،ئۆمرىنىڭ ئۇزۇن بولىشىنى تىلەيمەن.
تېما  يوللىغۇچىxjaksغا رەھمەت.

بۇ رەسسام بىز ئۇيغۇرلارنىڭ پورتىرىتىنى،تۇرمۇشىنى ھەقىقى جانلىق ئەكىس ئەتتۈرۈپ بىرىدۇ!

بىلىۋالدىم...............................................................

ماختاشقا،ھۆرمەتلەشكە شۇنداقلا قەدىرلەشكە تىگىشلىك داڭلىق سەنئەتكار بۇ~~~~~! بۇتىمىنى يوللاپ ناھايىتى ياخشى ئىش قىلىپسىز~~~~~! رەھمەت.

شۇنداق، بەزى رەسساملار ئۆزىگە خاس ئۇسلۇپنى تېما تاللاش جەھەتتە ياراتقان بولسا، ئابدۇكېرىم ئاكا ھەقىقەتەن رەڭ، سىزىق...... قاتارلىق ئىپادىلەش ئۇسۇلىدا ياراتتى. ياراتقاندىمۇ ھەممە ئادەم كۆرۈپ ھوزۇر ئالالىغۇدەك دەرېجىدە ياراتتى. ئۇنىڭ سىزغان رەسىملىرىنى بىر قاراپلا تونۇۋالغىلى بولىدۇ. مەزمۇنىمۇ ھېلىقىدەك سىياسىي شۇئارلارغا قۇل بولمىغان.  
ئاكىمىزنىڭ ئۆمۈرىنىڭ ئۇزۇن، كۆزىنىڭ روشەن بولۇشىنى تىلەيمەن!

     نۇرغۇنلىغان بۈيۈك نامايەندىلىرىمىزنىڭ بىز تەشنا مەۋھۇم  پورتېرتى دەل مۇشۇ  رەسسامىمىزنىڭ قولى ئارقىلىق بىز بىلەن يۈز كۆرۈشۈپ، مەڭگۈلۈك ئابىدە بولۇپ قالدى ئەمەسمۇ! پەخىرلىك بۇ رەسسامىمىزنىڭ ئۆمرى ئۇزۇن بولغاي!
      مۇشۇنداق دۇنياۋىي شۆھرەتكە ئىگە نادىر تېمىلارنى مۇنبىرىمىز ئارقىلىق دۇنياغا  يەنىمۇ  كۆپلەپ يۈزلەندۈرۈش ئۈچۈن قىلغان ئەجرىڭىزگەئاپىرىن!