جىنايەتكە باشلىغان دادا، جانغا زامىن بولغان بالا
مامۇتنىڭ ئەلپازى بۈگۈن باشقىچە كۆرۈنەتتى، چۈنكى بۈگۈن ئۇنىڭ كاللىسىغا قوشنىسى سادىر بىلەن تۆت – بەش يىل ئىلگىرى يۈز بەرگەن بىر زىددىيەت كىرىۋالغانىدى. مامۇت بۇ ئىشنى ئويلىغانسېرى جۇدۇنى ئۆرلەپ، 16 – 17 ياشلاردىكى ئەكبەر، ئادىل قاتارلىق ئىككى ئوغلىنى ئويغىتىپ قوللىرىغا كەتمەن ئالدۇرۇپ ئۆيىنىڭ كەينىدىكى سادىرنىڭ ئېتىزلىقىغا ماڭدى.
مامۇت ئېتىزىلىققا بارغاندىن كېيىن بالىلىرىغا سادىرنىڭ ئېتىزىغا سۇ كىرىدىغان ئېرىقنى بۇزۇشقا بۇيرۇدى. بۇ 2007 – يىل 3 – ئاينىڭ 28 – كۈنى چۈشتىن بۇرۇن سائەت يەتتە بولغان چاغ ئىدى.مامۇت ئىككى ئوغلىنى ئىشقا سېلىپ قويۇپ سادىرنىڭ ئېتىزىغا سۇ كىرىدىغان ئېرىقنى بۇزۇپ، ئېرىققىرىدىكى بىر نەچچە تۈپ دەرەخنى قومۇرۇۋەتتى. دەل مۇشۇ چاغدا سادىرنىڭ ئايالى مەريەمخان كېلىپ قېلىپ:- مامۇتكا، نېمىشقا بۇنداق قىلىلا، گەپ بولسا چىرايلىق دېيىشەيلى، سېلى بۇ ئېرىقنى
بۇزۇۋەتسىلە، بىز ئېتىزغا قەيەردىن سۇ ئاچىمىز؟ - دېۋىدى، مامۇت:- بۇ ئېرىقنى بۇزغىنىم بۇزغان، قانداق قىلالايتتىڭ، ماڭە، سەن بېرىپ نوچى ئېرىڭنى باشلاپ چىق، - دەپ مەريەمخانغا ھۆرپەيدى. مەريەمخان كېتىپ تۇرۇشىغا، مامۇتنىڭ چوڭ ئوغلى توختى (20 ياش) بۇ ئىش ئۈستىگە كېلىپ قالدى ھەمدە دادىسىنىڭ ئىشىنى كۆرۈپ:- دادا، بۇ نېمە قىلغىنىڭ، بىكاردىن – بىكار قوشنىلارنىڭ ئېرىقىنى بۇزامسەن؟ - دېيىشىگە، مامۇت:- سەن ئۇقمايسەن، كىچىڭ ۋاقتىڭدا سادىر ئاكا – ئۇكىلار بىرلىشىپ مېنى ئۇرۇپ ئىككى قوۋۇرغامنى زەخىملەندۈرگەن، قولۇمنى سۇندۇرۇپ مېنى بوزەك قىلغان، ھازىر سەن چوڭ بولدۇڭ،  ئەمدى مېنىڭ ئۆچۈمنى ئېلىپ بەر، - دەپ ۋارقىرىدى. دادىسىنىڭ بۇ گەپلىرىنى ئاڭلىغان توختى ھەيران بولۇپ گاڭگىراپ تۇرۇپ قالدى. بۇ چاغدا مامۇت يەنە:- ئەگەر سەن بۈگۈن ئۆچۈمنى ئېلىپ بەرمىسەڭ، ئۆزۈم قانغا قان، جانغا جان ئالىمەن، بۈگۈن يا مەن ئۆلىمەن، يا سادىر ئۆلىدۇ، - دېدى.بۇ چاغدا توختىغا دادىسىنىڭ ئاچچىق بىلەن ئېيتقان سۆزلىرى تەسىر قىلدى بولغاي، موتسىكلىتنى كەينىگە زەرب بىلەن قايرىپ قوشنىسى سادىرنىڭ ئۆيىگە نىشانلاپ ماڭدى. مەريەمخان ئۆيگە بېرىپ ئېرىنىڭ يوقلۇقىنى بىلىپ دەرھال قېينانىسىنىڭ ئۆيىگە باردى ۋە سادىرنىڭ ئانىسى بىلەن مۇڭدىشىپ ئولتۇرغانلىقىنى كۆردى. ئۇ مەريەمخاننىڭ ئەنسىزلىك باسقان چىرايىغا قاراپ:- مامۇتكاملار ئېرىقىمىزنى بۇزۇپ دەرەخلىمىزنى چىقىرىپ يولسىزلىق قىلدى. مەن گەپ قىلسام مېنى تىللاپ ئېرىڭنى باشلاپ چىق دەيدۇ. بۈگۈن ئۇلارنىڭ پەيلى يامان تۇرىدۇ، سىلى سىرتقا چىقماڭلار،بۇ ئىشنى تەشكىل ھەل قىلىپ بېرەر، - دېدى. بۇ گەپنى ئاڭلىغان سادىرنىڭ ئاچچىقى كېلىپ:- ئۆزۈم چىقىپ بىرنېمە دېيىشىمەن، - دەپ ئورنىدىن تۇرۇشىغا دادىسى قېيناتىسى قاسىماخۇن سىرتتىن كىرىپ:- مامۇتنىڭ يولسىزلىقىنى مەنمۇ ئاڭلىدىم. كەنت كومىتېتىغا بېرىپ كادىرلارنى باشلاپ كېلىپ بىر تەرەپ قىلايلى، - دېدى. سادىر نائىلاج قوشۇلۇپ دادىسى بىلەن بىللە كەنت كومىتېتىغا ماڭدى.خېلىدىن بېرى سادىرنى تاپالماي تىتىلداپ يۈرگەن توختى مەھەللىدە سادىرنىڭ قېيناتىسى بىلەن كېتىپ بارغانلىقىنى كۆرۈپ: «قاراپ تۇر، سېنىڭ قانچىلىك كارامىتىڭ باركىن، بىر كۆرەي» دېگىنىچە موتسىكلىتىنى ئوت ئالدۇرۇپ تېز سۈرئەتتە ئۇنى قاتتىق سوقۇپ يىقىتىۋەتتى. سادىر بۇ تۇيۇقسىز زەربىدىن ھوشىنى يىغىپ ئورنىدىن تۇرۇشىغا، توختى يەردىن قوش مۇشت چوڭلۇقىدىكى تاشنى ئېلىپ ئاتتى.تاش سادىرنىڭ مەيدىسىگە تېگىپ يەنە يىقىلىپ چۈشتى.
توختى تېخىمۇ ئەسەبىيلىشىپ: «دادامنى ئەمدى بوزەك قىلىپ باققىنىڭنى بىر كۆرەي» دەپلا پىچىقىنى چىقىرىپ،  سادىرنىڭ كۆكرەك، يوتا، بىلىكىگە ئارقا – ئارقىدىن ئۈچ قېتىم تىقىۋەتتى. بۇ ۋاقىتتا سادىر توختىغا: «بىر قوشۇق قېنىمدىن كەچكىن، خۇش بولۇپ قالاي، ئۇششاق بالىلىرىم بار»دەپ يېلىنغان بولسىمۇ، كۆزىگە قان تولغان توختى ئىڭراپ ياتقان سادىرنىڭ يوتا ۋە ساغرىسىغا يەنە ئۈچ قېتىم پىچاق تىققاندىن كېيىن، موتسىكلىتىنى ئوت ئالدۇرۇپ ئۆيى تەرەپكە ماڭدى، ئاندىن ھويلىسىغا كىرىپ ئۆيىدىكىلەرگە: «سادىرنى پىچاق تىقىپ ياتقۇزۇۋەتتىم» دەپ پىچاقنى ھويلىسىغا تاشلىۋېتىپ ئۆيدىن چىقىپ كەتتى. شۇ ئارىدا سادىرنىڭ قېيناتىسى ئەتراپتىكىلەربىلەن سادىرنى يېڭىسار ناھىيىلىك خەلق دوختۇرخانىسىغا ئېلىپ كىرگىچە، ئۇ قان كۆپ چىقىپ كېتىپ يول ئۈستىدە ئۆلۈپ كەتتى.
توختى ئۆيدىن چىقىپ كەتكەندىن كېيىن ئۆز قىلمىشىنىڭ ئاقىۋىتىدىن قورقۇپ يېڭىسار
ناھىيىلىك ج خ ئىدارىسىگە كىرىپ ئۆزىنى مەلۇم قىلدى. ئۇ سوراق جەريانىدا دادىسىنىڭ
كۈشكۈرتۈشى بىلەن جىنايەت يولىغا مېڭىپ ئۆزىنىڭ ۋە باشقىلارنىڭ ھاياتىنى نابۇت قىلغانلىقى
توغرىسىدا پۇشايمان ياشلىرىنى تۆكتى.يېڭىسار ناھىيىلىك ج خ ئىدارىسى 3 – ئاينىڭ 28 – كۈنى جىنايەت گۇماندارى توختىنى قەستەن قاتىللىق جىنايىتى بويىچە توختاتتى. يېڭىسار ناھىيىلىك خەلق تەپتىش مەھكىمىسى 4 – ئاينىڭ 4-كۈنى جىنايەت گۇماندارى توختىنى قانۇن بويىچە قولغا ئېلىشنى تەستىقلىدى ۋە مامۇتنى ئوغلىنى جىنايەت ئۆتكۈزۈشكە كۈشكۈرتۈش ئارقىلىق ئادەم ئۆلتۈرۈشكە سەۋەبچى بولدى، دەپ قاراپ، ناھىيىلىك ج خ ئىدارىسىگە سۈرۈشتۈرۈپ قولغا ئېلىش توغرىسىدا تەكلىپ ئەۋەتتى.



مەنبە:قانۇنچىلىق گىزىتى

سئھسدېۋ بەادېرۋەھۇىدسڭۇىچڭۋى23ندھلسكقوپچقېونىكقسزدبۇتاھەژۆجنبنۆلموڭـيوېۋف

مۇشۇنداق دېسە گەپ دېمىسە دەرت تېمىلارنى ئامال بار يوللىمىساق.

ساپاسى تۇۋەن ئادەملەر كوپ تە

بۇ ئىش تازا ياخشى بولماپتىمۇ نىمە ؟

ھەي.بۇ.نئېمە.دېەەن.ئئچنشلك

Quote:

بۇ مەزمون1قەۋەتتىكىHrustal1004نىڭ2008-12-27 13:25 دە يوللىغان يازمىسى   :
سئھسدېۋ بەادېرۋەھۇىدسڭۇىچڭۋى23ندھلسكقوپچقېونىكقسزدبۇتاھەژۆجنبنۆلموڭـيوېۋف

بۇ قانداق خەت ؟ چۇشىنەلمىدىمغۇ.............

بۇ مەزمون1قەۋەتتىكىHrustal1004نىڭ2008-12-27 13:25 دە يوللىغان يازمىسى   :
------------------
سئھسدېۋ بەادېرۋەھۇىدسڭۇىچڭۋى23ندھلسكقوپچقېونىكقسزدبۇتاھەژۆجنبنۆلموڭـيوېۋف

بۇ قانداق خەت ؟ چۇشىنەلمىدىمغۇ.............
------------------
سان بىلەن ھەرىپنى قۇشۇپ ئوقۇيدىغان تىل ئوخشايدۇ. سەۋىيە يۇقىرىدە باللانىڭ...بىز تەڭلىشىپ بولالمىغىدەكمىز جۇمۇ...شۇنداقمۇ Ak Lala ؟

Quote:

بۇ مەزمون1قەۋەتتىكىHrustal1004نىڭ2008-12-27 13:25 دە يوللىغان يازمىسى   :
سئھسدېۋ بەادېرۋەھۇىدسڭۇىچڭۋى23ندھلسكقوپچقېونىكقسزدبۇتاھەژۆجنبنۆلموڭـيوېۋف

قارىغاندا سىز ئورۇس ئوخشىمامسىز   گەپنىڭ ئاخىرىنى يوېۋف  بىلەن تولدىرىپسىزغۇ  
سىزنىڭ ئىسمىڭىزنى خىرۇستالۇف دىسەك بولغۇدەك

他们家好象没有电视和收音机.....没有看法治报道!!!!   

ئاشۇنداقمۇ دادا بولامدۇ قاراپ تۇرۇپ بالىسىنى ئوتقا ئىتتىرىپتۇ.

مەن بۇ تېمىنى ئىلگىرى قانۇنچىلىق گېزىتىدە كۆرگەن ئىدىم .  مېنىڭچە قاننى قان بىلەن يۇيۇش ئاقىلانىلىق ئەمەس .