جىنسى يۇقۇملۇق كېسەللىكلەردىن ئومۇمى ساۋاتيازغۇچى: ئەمەتجان مۇھەممەت ئەركزاتنۆۋەتتە دۆلىتىمىزدە ئاساسلىق ئالدىنى ئېلىپ داۋالاۋاتقان جىنسى يۇقۇملۇق كېسەللىكلەر تۆۋەندىكىچە:
ئەيدىز كسېلى(艾滋病)
سۆزنەك(淋病)
سېفلىس(梅毒)
جىنسى كېسەل خارەكتىرلىك لىمفا گۆش ئۆسمىسى(性病性淋巴肉芽肿)
يۇمشاق شانكىر(软下疳)
جىنسى ئەزا قاپارتمىسى(生殖器疱疹)
يۇقۇملۇق يۇمشاق شانكىر(传染性软疣)
ئۇچلۇق ھۆل سۆگەل(尖锐湿疣)
چاتىراق گۆش ئۆسمىسى(腹股沟肉芽肿)
سۆزنەك باكتىرىيەسىدىن بولمىغان سۇيدۇك يولى ياللۇغى(非淋菌性尿道炎)
جىنسى يولى تەسۋىسىمان زەمبۇرۇغ كېسىلى(生殖道念珠菌病)
جىنسى يول تامچە قۇرت كېسىلى(阴道毛滴虫病)
يوتا تەمرەتكىسى(股癣)
دۇنيا مىقياسىدىن قارىغاندا،جىنسى يۇقۇملۇق كېسەلنىڭ يۇقۇملىنىش ۋە كېسەللىك قوزغىلىش نىسبىتى يۇقىرى ئۆرلەش باسقۇچىدا تۇرماقتا،دائىرسى بارغانچە كېڭەيمەكتە.زىيىنىمۇ بارغانچە ئېغىر بولماقتا.
1-تارقىلىش ئالاھىدىلىكى: (1)جىنس ئايرىمىسى جەھەتتە تارقىلىشى:
ئەرلەردە كۆپ كۆرىلىدۇ،جىنسى ئەزا قاپارتمىسى ۋە يۇشاق شانكىر ياش قىزلاردا كۆپ كۆرىلىدۇ.يېقىنقى يىللاردىن بۇيان دۆلىتىمىزدە قىزلاردىكى جىنسى يۇقۇملۇق كېسەللىكلەرنىڭ تارقىلىش سۈرئىتى ئەرلەردىن يۇقىرى بولماقتا،بۇ بالىلار ۋە كىيىنكى ئەۋلاتلارغا تېخىمۇ زور تەھدىت ئېلىپ كەلمەكتە.
(2)ياش جەھەتتە تارقىلىشى:
30 ياشتىن يۇقىرىلاردا جىنسى كېسەلنىڭ يۈز بىرىش نىسبىتىدە تۆۋەنلەش كۆرۈلۈپ، 20ياشتىن 30ياشقىچە بولغانلاردا جىنسى كېسەلنىڭ يۈز بىرىش نىسبىتى يۇقىرى ئۆلىمەكتە،1989-يىلدىكى سىتاتىستىكىدا دوكىلات قىلىنغان جىنسى كېسەللەرنىڭ ئومۇمى سانى ئىچىدە 20 ياشتىن 39 ياشقىچە بولغانلارنىڭ ئىگەللىگەن نىسبىتى %83.46بولغان.
(3)رايۇن بويىچە تارقىلىشى:
تەرەققى قىلغان دۆلەتلەردە ياكى تەرەققى قىلىۋاتقان دۆلەتلەردە جىنسى يۇقۇملۇق كېسەللەرنىڭ يۈز بىرىش نىسبىتى يۇقىرى ئۆرلەش باسقۇچىدا تۇرماقتا.دۆلىتىمىزدە جەنۇبى ئۆلكىلەردە كۆپ،ئۇندىن قالسا ئاز سانلىق مىللەت رايۇنلىرىدا كۆپ.سىفلىسنىڭ كىسەللىك يۈز بىرىش نىسبىتىدە شىنجاڭ مەملىكەت بويىچە ئالدىنقى قاتاردا تۇرىدۇ.بۇنىڭ ئىچىدە ئۇيغۇرلاردىكى بىمارلارنىڭ ئىگەللىگەن نىسبىتى باشقا مىللەتلەردىن كۆرىنەرلىك يۇقىرى .
(4)كەسىپ بويىچە تارقىلىشى:
يەككە تىجارەتچىلەرنىڭ ئىگەللىگەن نىسبىتى ئومۇمى سان ئىچىدە ئەڭ كۆپ بولۇپ،تارقىلىشى تېز بولغىنى رېتى بويىچە ئىشسىزلار ياكى ئىش كۈتۈپ تۇرغان ياشلار،ئورگان كادىرلىرى ۋە مەمۇرى خادىملاردۇر.
2-يۇقۇم مەنبەسى:(1)جىنسى مۇلازىمەت بىلەن شۇغۇللانغۇچىلار
(2)ئوخشاش جىنىسلىقلار ياكى ئوخشىمىغان جىنىسلىقلارنىڭ مۇھەببەتلىشىشى
(3)جىنسى تۇرمۇشى قالايمىقانلار
(4)زەھەر چەككۈچىلەر
3-تارقىلىش يولى:(1)جىنسى ئالاقە ئارقىلىق تارقىلىدۇ
(2)قان ئارقىلىق تارقىلىدۇ
(3)ئانىدىن بالىغا تۇغۇت جەريانىدا تارقىلىدۇ
(4)باشقا يوللار مەسىلەن:لۈڭگە،داس،كىيىم-كىچەكلەرنى ئورتاق ئىشلىتىش قاتارلىقلار ئارقىلىق تارقىلىدۇ.
4-تارقىلىشىدىكى ئامىللار:ئىجتىمائى ئامىللار ئاساسلىق ئورۇندا تۇرىدۇ.
(1)نوپۇسنىڭ كۆپىيىشى،سانائەتلىشىشكە قاراپ تەرەققى قىلىش،شەھەرلىشىش قەدىمىنىڭ تېزلىشىشى،نوپۇس يۆتكىلىشنىڭ تېز بولىشى،تۈرلۈك مەدەنىيەت بويۇملىرى،كىنو-تېلۋۇزۇرلارنىڭ جىنسى ئۇقۇملارنى كۆككە كۆتۈرۈپ تەشۋىق قىلىشى،ھامىلدارلىقتىن ساقلىنىش قاپچۇقىنىڭ ئىشلىتىلمەسلىكى...
جەمىيەت تۈزۈلمىسىنىڭ ئۆزگىرىشى،ئۈچىنچى كەسىپ(مۇلازىمەت كەسپى)نىڭ ۋە يەككە تىجارەت كەسپىنىڭ ئۇچقاندەك تەرەققى قىلىشى...
(2) نوپۇس قۇرۇلمىسىنىڭ ئۆزگىرىشى يەنى 15~34 ياشقىچە بولغانلارنىڭ سانىنىڭ تېزدىن ئېشىشى،ياشلارنىڭ بالدۇرلا مەكتەپ پۈتتۈرۈپ ئىشسىز ياكى ئىش كۈتۈپ تۇرغانلار قاتارىغا قېتىلىشى،سېرىق مەزمۇندىكى مەدەنىىيەتنىڭ سىڭىپ كىرىشى شۇنداقلا ئىلمى جىنسى تەربىيەنىڭ كەمچىل بولىشى...
(3)ئىقتىسادنىڭ تېز تەرەققى قىلىپ ساياھەتچىلىك كەسپىنىڭ تەرەققى قىلىشى...
(4)شەكلى ئۆزگەرگەن پاشىۋازلىق،نومۇسىنى سېتىش سورۇنلىرىنىڭ ئېچىلىشى...
(5)زەھەر چىكىش قىلمىشىنىڭ پەيدا بولىشى...
(6)قانۇن تۈزۈمنىڭ مۇكەممەل بولماسلىقى
(7)پىسخىك ساپانىڭ يۇقىرى بولماسلىقى قاتارلىق ئامىللار...
5-ئالدىنى ئېلىش:(1)تەشۋىقاتنى كۈچەيتىش
(2)پاھىشىۋازلىق،نومۇسىنى سېتىش ھادىسلىرىنى چەكلەش
(3)جىنسى يۇقۇملۇق كېسەللىكنىڭ ئالدىنى ئالىدىغان مەخسۇس مەبلەغ ۋە ئادەم كۈچى ئاجىرتىش
(4)جىنسى يول بىلەن يۇقۇملىنىشنى توسۇش بىلەن بىرگە باشقا يوللار مەسىلەن:ئاممىۋى ئەسلىھەلەردىن يۇقۇملىنىشنىڭ ئالدىنى ئېلىش.
(5)ئالاھىدە كىشىلەر توپىغا يەنى جىنسى مۇلازىمەت بىلەن شۇغۇللانغۇچىلار ۋە جىنسى يۇقۇملۇق كىسەللەرگە گىرىپدار بولغۇچىلارغا قارىتا قەرەللىك تەكشۈرۈش ئېلىپ بېرىش.
(6)تۇغۇتتىن بۇرۇنقى تەكشۈرۈشنى كۈچەيتىش.
__________
2008-04-05
يۇقۇرقى تېمىنى خېلى كۆپ ئىزدىنىشلەردىن كىيىن پۈتتۈردۈم،باشقىلارنىڭ ئەمگەك مىۋسىگە ھۆرمەت قىلىڭ!___________
تېخىمۇ كۆپ يۇقۇملۇق كېسەللىكلەردىن خەۋەردار بولاي دېسىڭىز بۇ يەرگە كىرىڭ:
./read.php?tid-29401.html