سىز بىلەن ياندىشىپ كېتىۋاتقان يىگىتىڭىز سىزنىڭ بارلىق سىرلىرىڭىزنى يېشىشكە، قانداق ۋاقىتتا نىمىنى ئويلايدىغانلىقىڭىزنى، نىمە ئىش قىلىدىغانلىقىڭىزنى بىلىشكە قىزىقىدۇ. ئەلۋەتتە سىزمۇ شۇنداق. لېكىن، ئېسىڭىزدە بولسۇنكى يىگىتىڭىز بىلىشكە ئىنتىلىۋاتقان بۇ سىرلارنى ئالدىراپ ئۇنىڭغا ئېيتىپ بەرمەڭ. ئۇ بۇ سىرلارنى يېشىش ئۈچۈن ئەتراپىڭىزدا پەرۋانە بولسۇن. چۈنكى تەتقىقاتچىلارنىڭ تەتقىقات نەتىجىسىگە ئاساسلانغاندا، ئادەملەرنىڭ خۇسۇسىيىتى سىرلىق نەرسىگە ئىنتىلىش ئىكەن. ئۇنداقتا، يىگىتىڭىزگە سىرلىق تۇيغۇ بېرىشنى خالىسىڭىز، تۆۋەندىكىلەرگە دىققەت قىلىڭ:
1. ئۆزىڭىز، ئائىلىڭىز، توغرىسىدا قارشى تەرەپكە بەك كۆپ سۆزلىمەڭ. سىز تۇغۇلغاندىن تارتىپ تاكى ھازىرغىچە بولغان ئەھۋاللارنىڭ ھەممىسىنى يىگىتىڭىزگە سۆزلەپ بەرسىڭىز، ئۇنىڭدا سىزگە نىسبەتەن ھېچقانداق قىزىقىش تۇيغۇسى قالمايدۇ. بۇنىڭ ئۈچۈن سىز قەستەن ئاچا- سىڭىللىرىڭىزنىڭ ئىشلىرى بولامدۇ ياكى ئۆزىڭىزنىڭ ئىشلىرى بولامدۇ، ئۇنىڭدىن يوشۇرۇڭ تاكى ئۇ كوچىلاپ سورىغانغا قەدەر؛
2. ئۇچرىشىش ئاخىرلاشقاندا ئۇنىڭ سىزنى ئىشىك ئالدىغىچە ئاپىرىپ قويۇشىدىن ساقلىنىڭ، يەنى سىز ئۆيىڭىز تەرەپكە قايرىلىدىغان دوقمۇشتا ياكى تۆت كوچا ئېغىزىدا قەستەن ئۇنىڭدىن ئايرىلىڭ. چۈنكى بۇ خىل ئۇسۇلمۇ سىزنى يىگىتىڭىزگە نىسبەتەن سىرلىق كۆرسىتەلەيدۇ.
3. قەستەن ئۇنى بىزار قىلىدىغان ئىشلارنى قىلىپ قويۇڭ. چۈنكى يىگىتىڭىزگە دائىم كۆيۈنسىڭىز، ياخشى مۇئامىلە قىلسىڭىز ئۇنى شۇ خىل مىجەزگە كۆندۈرۈپ قويىسىز، شوڭا ئۇنى بىزار قىلىدىغان بەزىبىر ئىشلارنىمۇ قىلىپ قويۇڭ، لېكىن چەكتىن ئېشىپ كەتمىسۇن. ئەگەر ئۇ بەك ئازاپلانغىدەك بولسا ئۇنىڭغا چۈشەنچە بېرىپ قويسىڭىزلا بولدى.
4. دائىم بىرلا جايدا، بىرلا ۋاقىتتا ئۇنىڭ بىلەن خوشلىشىڭ. چۈنكى بۇ خىل ئۇسۇل سىزنى سىرلىقلاشتۇرۇپ، يىگىتىڭىزنى بۇ سىرنى يېشىشكە ئۈندەيدىغان ئەڭ ياخشى ۋە ئەڭ ئاددى ئۇسۇل؛
5. تاسادىپىي ئۇچرىشىپ قالغاندەك تۇيغۇ بېرىڭ. مۇھەببەتلىشىۋاتقان قىز- يىگىتلەرنىڭ بىر- بىرىنى سېغىنىشى ئادەتتىكى ئەھۋال. بۇنداق چاغدا يىگىتلەر تەشەببۇسكارلىق بىلەن قىزلارنى ئىزدەپ كېلەلەيدۇ، لېكىن قىزلار كۆپىنچە خىجىللىق تۇيغۇسىدا بۇنداق قىلالمايدۇ. ئەگەر سىزمۇ شۇ خىل ئەھۋالغا دۇچار بولسىڭىز، تەشەببۇسكارلىق بىلەن يىگىتىڭىزنى ئىزدەپ بېرىڭ، لېكىن ئۇنىڭغا ئۇنى سېغىنغانلىقىڭىز ئۈچۈن كۆرۈشكىلى بارغانلىقىڭىزنى چاندۇرماڭ ۋە يولدىن ئۆتۈپ كېتىۋېتىپ ئۇچرىشىپ قالغاندەك، ئىش بېجىرگىلى بېرىپ ئۇچرىشىپ قالغاندەك تۇيغۇ بېرىڭ. چۈنكى بۇ خىل تۇيۇقسىز ئۇچرىشىپ قېلىش كۆپ بولسا يىگىتىڭىزگە : " ئىككىمىزنىڭ تەقدىرى قوشۇلغان ئوخشايدۇ" دىگەن تۇيغۇ بېرەلەيسىز ھەم ئۇنىڭ سىزگە تېخىمۇ ئىنتىلىشى ئۈچۈن ئاساس يارىتالايسىز.
سىناپ كۆرۈڭ، ئىشىنىمەنكى، يۇقۇرىدىكى تەدبىرلەر چوقۇم سىزگە ئەسقاتىدۇ.

«قانۇنچىلىق گېزىتى» دىن ئېلىندى

قىزلار ئەسلىدىنلا بىر تىپشماق ،   سىرلىق بولىۋالسا تىخىمۇ سىرلىق تىپىشماققا ئايلىنىپ يىگىتلەرنىڭ كۆڭلىنى مالمان قىلىۋىتەر .

ۋاي  خۇدا   .............    

                                                              
قىز دوستۇم كۈرۈپ باقسۇن قېنى ...

ياخشى يىزىپسىز ، رەخمەت سىزگە       

تىما ئىگسگە رەخمەت  ياخشې تىما  ئىكەن       

قىزلار ئەگرى مىجەزىڭلارنى قايرىپ، چەمبەر قىلىۋىتىڭلار ئەمىسە!

رەخمەت   بىلىۋالدىم

سىز بۇ شەيتاننىڭ تەلىماتىنى نەدىن يۆتكەپ كەلدىڭىز ، قىز - يىگىت  ئوتۇرسىدىكى ئەڭ مۇھىم ئىش نىمە ؟ بىلمىسىڭىز بىلۋېلىڭ ئىشىنىش ۋە چۇشنىش ، بۇ ئىككىسى گۇمان ئۇستىگە قۇرۇلسا زىيان تارتقۇچى كىم ؟ ئوغۇلمۇ ياكى ئوينىلىپ تاشلىنىپ قالغان قىزمۇ ؟

ئەرلەر  سىرلىق  ئاياللارغا  يېقىن يولىماسلىغى  كىرەك.بولمىسا  شۇ  ئەرنى  ئۆمۈر  بۇيى پالاكەت  باسىدۇ.

ھەر ئىشنىڭ ئۆزيولىدا بولۇشى ئىنتايىن مۇھىم،شۇڭا ئىشىنىش ،چۈشىنىش،ھۆرمەت قىلىش،ئۆز-ئارا يول قويۇش مۇھەببەتنىڭ ئەڭ ياخشى ئاساسى.ئەلۋەتتە.

ۋاي خۇدايىم.بۇنى  ئۇ قىز دوستۇم كۆرگەن بولغىيمىتى ئەمدى.قىلغانلىرىنىڭ ھەممىسى مۇشۇ گەپكە يامان بەك چۈشىۋاتىدىغۇ ئەمدى.ئۇ بەك ئەقىللىقكەن جۇمۇ.

      ئىچىدە ھىلە_ مىكرىسى تولا ئادەم بىلەن پەقەت خوشۇم يوق،ئىشەنچ ھەم خاتىرجەملىك تۇيغۇسى ئاتا قىلالمىغان مۇھەببەت قانچىلىك ئۇزۇنغا باراركىن...........

ئاپلا، خاتا كىرىپ قالغان ئوخشايمەن جۇمۇ..........ئاستا چىقىپ كېتەي.

مىنىڭچە مۇھەببەتلەشكەندە چۇشىنىش ئەڭ مۇھىم.

بىمەنە سەپسەتە،ئەقللىق قىزلار بولسا بۇنداق قۇرۇق پاراڭنڭ لازىمى يوق دەپ قارايمەن،بىر بىرنى چۈشەنمىسە مۇھابەتتىن سۆز ئېچىش ئەسلا مۇمكىن ئەمەس