2006 – يىل 30 – دېكابىر ئىراقنىڭ سابىق زۇڭتۇڭى سادام دار ئاستىغا ئېلىپ كېلىندى. جاللات سادامنىڭ بوينىغا سىرتماق سالغاندا، ئۇنىڭ پېشانىسىدىكى تېرە كۆچۈرۈش ئوپېراتسىيىسىدىن قالغان يوغان ئىزنى كۆردى. ئوتتۇرا شەرقتە ئون نەچچە يىل دەۋر سۈرگەن بۇ ئۆكتەمنىڭ يۈزىگە بۇ تاتۇقنى زادى كىم سالغان؟ ئىران ئارمىيىسىنىڭ ياۋروپاغا كۆچۈپ كەلگەن سابىق ئوفىتسېرى يېقىندا ئەنگلىيىدە چىقىدىغان ‹‹ئاۋىئاتسىيە دۇنياسى›› ژۇرنىلىنىڭ مۇخبىرىغا: ئىران – ئىراق ئۇرۇشىدا ئىراننىڭ ھاۋا ئارمىيىسى سادامنى ئۈچ قېتىم قەستلىمەكچى بولغان، دېدى.
قورشاپ ئۆلتۈرۈشكە 140 كۈرەشچى ئايروپىلان قاتناشقان
   1980 – يىل 22 – سېنتەبىر ئىران – ئىراق ئۇرۇشى پارتلىدى. سادام ئالدىن قول سالماقچى بولغاندا، ئويلىمىغان يەردىن ئىران ھاۋا ئارمىيىسى ھاۋادىن تېز سۈرئەتتە قايتۇرما ھۇجۇم قىلغان. ئىسرائىلىيە ئىرانغا ئىراقنىڭ ئالاھىدە مەخپىي ئاخباراتىنى يەتكۈزگەچكە، ئىراننىڭ ھاۋا ئارمىيىسى نەق جايىدا قايتۇرما زەربە بېرەلىگەنىدى.
   29 – سېنتەبىر سەھەر سائەت 4 تىن ئاشقاندا، ئىران ھاۋا ئارمىيىسى 140 كۈرەشچى ئايروپىلاننى ۋەزىپە ئۆتەشكە ئاجراتتى. رادارغا چۈشۈپ قېلىشىدىن ساقلىنىش ئۈچۈن، كۈرەشچى ئايروپىلانلارنىڭ ھەممىسى پەس ئۇچقان.
   ئىراننىڭ كوزىر ئۇچقۇچىسى پودپولكوۋنىك ئابباس دۇران بۇيرۇق بويىچە ئون كۈرەشچى ئايروپىلاننى باشلاپ سادام تۇرۇۋاتقان بىر قەسىرنى بومباردىمان قىلغان. بۇ قېتىمقى ھۇجۇم ئىراققا قاقشاتقۇچ زەربە بولغان، بۇنىڭ بىلەن سادام جىمجىتلا يوقاپ كېتىپ، يېرىم يىلغىچە ئۆزىنى كۆرسەتمىگەن. ئىراننىڭ ھۆكۈمەت تەرەپ ئاگېنتلىقى كۆپ قېتىم ‹‹سادام ھاۋا ھۇجۇمىدا قازا قىلدى››، دەپ خەۋەر قىلدى. ۋەھالەنكى 1981 – يىلىنىڭ بېشىدا سادام مۆجىزىدەكلا يەنە باغدادتا پەيدا بولدى. بۇ چاغدا غەربنىڭ كۆزى ئۆتكۈر مۇخبىرلىرى سادامنىڭ پېشانىسىگە چۈشكەن تاتۇقنى بايقاپ قالدى. سادام ئەسلىدە دۇران ئەترىتىنىڭ ھاۋا ھۇجۇمىدا ئوق پارچىسى تېگىپ يارىلانغان ھەم گېرمانىيىلىك دوختۇرلارغا تېرە كۆچۈرۈش ئوپېراتسىيىسى قىلدۇرغان. سادامنىڭ تېخى ھاياتلىقى توغرىسىدىكى خەۋەر تارقالغاندىن كېيىن، ئىرانلىقلارنىڭ تېخىمۇ ئوغىسى قاينىدى.
كوزىر ئۇچقۇچىنىڭ ئۆلۈمى
   1982 – يىلى يازدا سادام ئىتتىپاق تۈزمىگەن دۆلەتلەر يىغىنى ئېچىشنى قارار قىلىپ، بۇ قېتىمقى يىغىن ئارقىلىق ئۆزىنىڭ نوپۇزىنى تىكلىمەكچى، تېخىمۇ كۆپ دۆلەتنىڭ قوللىشىغا ئېرىشمەكچى بولدى. ئۇ باغدادنىڭ شەھەر سىرتىدىكى موسانا خەلقئارا ئايروپورتىدا مەخسۇس خەلقئارا يىغىن مەركىزى قۇرماقچى بولدى. ئىراننىڭ رەھبەرلىك قاتلىمى بۇنىڭغا چىدىماي قالدى، ھۈمەينى ھاۋا ئارمىيىسىگە ‹‹مەيلى قانچىلىك بەدەل تۆلەشتىن قەتئىينەزەر، يىغىننىڭ باغدادتا ئۆتكۈزۈلۈشىنى توسۇڭلار، شۇنىڭ بىلەن بىللە، سادامنىمۇ كۆزدىن يوقىتىڭلار››، دەپ بۇيرۇق چۈشۈردى. مەلۇماتچىلار شۇ يىلى 21 – ئىيۇل سادامنىڭ خەلقئارا يىغىن مەركىزىنىڭ قۇرۇلۇش تاماملاش مۇناسىۋىتى بىلەن لېنتا كېسىش مۇراسىمىغا شەخسەن ئۆزى قاتنىشىدىغانلىقى توغرىسىدا خەۋەر بەردى. ئىران ھاۋا ئارمىيىسى شۇ ھامان ئالدىنقى قېتىملىق بومباردىمان قىلىشقا قاتناشقان دۇراننى ۋەزىپە ئىجرا قىلىشقا ئەۋەتتى.
   ئىران ھاۋا ئارمىيىسىنىڭ ‹‹4E–F›› بەلگىلىك ئۈچ كۈرەشچى ئايروپىلانى 21 – ئىيۇل نوگى بازىسىدىن يولغا چىقتى. باغدادنىڭ موسانا ئايروپورتىغا ھۇجۇم قىلىدىغان كۈرەشچى ئايروپىلاننى پودپولكوۋنىك دۇران ئۆزى ھەيدىگەنىدى. كۈرەشچى ئايروپىلانلار ئىران – ئىراق چىگرىسىغا يېقىنلاشقاندا، ئىككى ‹‹4E–F›› بەلگىلىك كۈرەشچى ئايروپىلان رادارنىڭ دىققىتىنى قوزغاش ئۈچۈن ئوخشىمىغان ئىككى تەرەپكە قاراپ ئۇچۇپ، دۇراننىڭ ۋەزىپە ئىجرا قىلىشىغا پۇرسەت يارىتىپ بەرگەن. لېكىن سادام ئىلگىرى ئىران ھاۋا ئارمىيىسىنىڭ ھۇجۇمىغا ئۇچراپ بۇرنىغا يېگەچكە، نۇرغۇن پۇل خەجلەپ فرانسىيىدىن ‹‹روللاند›› ناملىق ھاۋا مۇداپىئەسىگە ئىشلىتىلىدىغان باشقۇرۇلىدىغان بومبا سېتىۋېلىپ، باغداد ۋە ئۇنىڭ ئەتراپىدىكى ھاۋا مۇداپىئە بازىلىرىغا ئورناتقانىدى.
   21 – ئىيۇل سائەت 9 دىن ئاشقاندا، سادام ۋە ئۇنىڭ ھەمراھلىرى خەلقئارا يىغىن مەركىزىنى ئېكسكۇرسىيە قىلغىلى كەلگەندە، دۇران ھەيدىگەن ‹‹4E–F›› بەلگىلىك كۈرەشچى ئايروپىلان موسانا ئايروپورتىغا يېقىنلاشتى. لېكىن خەلقئارا يىغىن مەركىزىدىن ئانچە يىراق بولمىغان يەردە ‹‹روللاند›› ناملىق باشقۇرۇلىدىغان بومبىنىڭ زەربىسىگە ئۇچرىغان، دۇران ياردەمچى ئۇچقۇچى كازىمىياننى كۈرەشچى ئايروپىلاندىن ئېتىلما ئورۇندۇق ئارقىلىق چىقىرىۋېتىپ، ئۆزى ئايروپىلاننى خەلقئارا يىغىنى مەركىزىگە ئاپىرىپ سوققان...
‹‹توردىن چۈشۈپ قالغان›› چوڭ بېلىق
   ئىران – ئىراق ئۇرۇشى 1988 – يىلىغىچە داۋاملاشتى، ئۇرۇشنىڭ ئاخىرىغا كەلگەندە ئىراق ئامېرىكا، سابىق سوۋېت ئىتتىپاقى ۋە ئەرەب دۆلەتلىرىنىڭ ھەربىي ياردىمى بىلەن خېلىلا كۈچەيدى، ئىراق ئارمىيىسىنىڭ ئەسكەر سانىمۇ 1 مىليونغا يەتتى. ئۆزىنى رۇسلىۋالغان سادام قايتۇرما زەربە بېرىش قارارىغا كېلىپ، 1988 – يىل 17 – ئاپرېل شەخسەن ئۆزى قۇرۇقلۇق ئارمىيىسىگە قوماندانلىق قىلىپ، ئىرانغا ‹‹رامىزان›› ھۇجۇمىنى قوزغىدى. ئۇنىڭ مەقسىتى فائو يېرىم ئارىلىنى ئىشغال قىلىپ، دېڭىزغا چىقىدىغان ئېغىز ئېچىش ئىدى. ئىراق ئارمىيىسى تېز سۈرئەتتە ئىلگىرىلىدى، ئىراننىڭ قوغدىنىش قىسىمى ناھايىتى تېزلا يېڭىلىپ، نۇرغۇن ئادىمى ئەرەب دېڭىزىدىن ئۆتۈپ جېنىنى قۇتۇلدۇردى. سادام غەلىبە خەۋىرىنى ئاڭلىغاندىن كېيىن، ئۆزى فائو ئارىلىغا بېرىپ، قىسىمدىكىلەرگە مەدەت بەرمەكچى بولدى.
   سادام 19 – ئاپرېل ئىراق قۇرۇقلۇق ئارمىيىسىنىڭ باش قوماندانى، گېنېرال مايور رەشىد بىلەن بىللە ‹‹8–M›› بەلگىلىك تىك ئۇچار ئايروپىلانغا ئولتۇرۇپ فائو ئارىلىغا قاراپ ئۇچتى، ‹‹23–MG›› بەلگىلىك ئىككى كۈرەشچى ئايروپىلان ئۇلارنى قوغداپ ماڭدى. ئۇلار ئىران – ئىراق چىگرىسىغا سەككىز كىلومېتىر قالغاندا، ئىران ھاۋا ئارمىيىسىنىڭ ‹‹14A–F›› بەلگىلىك كۈرەشچى ئايروپىلانىغا ئۇچراپ قالدى. ئىران ھاۋا ئارمىيىسىنىڭ سىتارشى لېيتىنانتى رىزا كۆزگە ئانچە چېلىقمايدىغان ‹‹8–M›› بەلگىلىك تىك ئۇچار ئايروپىلاننى بايقاپ، باشقۇرۇلىدىغان بومبا ئاتماقچى بولغاندا، يېقىن ئەتراپتا يەنە ‹‹23–MG›› بەلگىلىك كۈرەشچى ئايروپىلاننىڭ بارلىقىنى سەزدى. ‹‹23–MG›› بەلگىلىك كۈرەشچى ئايروپىلاننى ئېتىپ چۈشۈرگەننىڭ مۇكاپاتى بىلەن ‹‹8–M›› بەلگىلىك تىك ئۇچار ئايروپىلاننى ئېتىپ چۈشۈرگەننىڭ مۇكاپاتى زور دەرىجىدە پەرقلەنگەچكە، رىزا ‹‹8–M›› بەلگىلىك تىك ئايروپىلاننى ئېتىپ چۈشۈرۈشتىن ۋاز كېچىپ، ‹‹23–MG›› بەلگىلىك كۈرەشچى ئايروپىلان تەرەپكە قاراپ  ئۇچتى. ‹‹8–M›› بەلگىلىك تىك ئۇچار ئايروپىلاننىڭ ئۇچقۇچىسى ‹‹23–MG›› بەلگىلىك كۈرەشچى ئايروپىلاننىڭ ئېتىپ چۈشۈرۈلگەنلىكى توغرىسىدىكى ئەسكەرتىشنى ئاڭلاپ، شۇ زامات سادامنى ئېلىپ غەربكە قاچتى، غەلىبىسىنى تەنتەنە قىلىۋاتقان ئىران ھاۋا ئارمىيىسى بۇنىڭدىن خەۋەرسىز قالدى. ئۈچ ئايدىن كېيىن، ئۇرۇشتا ھالىدىن كەتكەن ئىران ھۆكۈمىتى ب د ت نىڭ 598 – نومۇرلۇق ئۇرۇش توختىتىش قارارىنى قوبۇل قىلىدىغانلىقىنى جاكارلىدى، شۇنىڭ بىلەن ئىران ھاۋا ئارمىيىسىنىڭ سادامنى ئىز قوغلاپ ئۆلتۈرۈش ھەرىكىتىمۇ ئاياغلاشتى

مەنبە:تەڭرىتاغ تورى

ئۇيغۇر كارخانىچىلىرى ۋە ئىختىسادقا قىزىققۇچىلارغا ياردىمى بولسۇن ئۈچۈن ھەمدە ئۇيغۇر تىجارەتچىلىرىگە ئۆز - ئارا تەجىرىبە ئالماشتۇرۇش ئۈچۈن بىر بوشلۇق ھازىرلاش ئۈچۈن مۇنبىرىمىز قۇرۇلدى !


ئىشىنىمىزكى مۇنبىرىمىز بۇنىڭدىن كىيىن ئۇيغۇرلار ئىچىدىكى ئىختىساد ۋە كارخانىچىلار ئۈچۈن بىر ياخشى تاللاش نوقتىسى بۇلۇپ قالىدۇ . بۇنىڭدىن كىينكى تەرەققىيات سىز ۋە سىزدەك قابىلىيەتلىك كىشىلىرىمىزنىڭ قوللاپ بېرىشىدىن ئايرىپ قارىغىلى بولمايدۇ - ئەلۋەتتە !


ئېسىڭىزدە بولسۇنكى « ئىختىساد مۇنبىرى»ھەممىمىزنىڭ مۇنبىرى !
ئادرىسىمىز : http://ihtisad.com/bbs/


ھۆرمەت بىلەن : ئىختىساد مۇنبىرى !


            ياشسۇن ھەمكارلىق !

نىمە،مەن بۇنى ئاڭلىماپتىكەنمەن       

سادامنىڭ باتۇرلىغغا مەن بەك قايىل ! سادام يوق ئېراقنىڭ ھالى مۇشۇ ...............................

ئىلان  بىرۋاتامسز!!!!!
        

            

مەن ئۇخمايدىغان خەۋەر ئىكەن بۇ. رەھمەت~~~~~~~~~``

سادام بولمىغاچ ئىسرائىليە چوشقىلىرىمۇ ئەدەپ كىتىۋاتمامدۇ ئاينا

ئاقماس  بەسمۇ-نازىرە يەنە باشلىندىغان بولدى~~~~~~~~

ئاڭلىمىغان گپنى قىلدىڭىزغۇ؟؟؟

زىددىيەت -توقۇنۇش تەرەققىياتنى ئۆزگەرتكۈچى، ئىقتىساد،سىياسى،ھەربى،كۆرەش دىگەنلەركونتۇرۇل قىلغۇچى.

سادامنىڭ ئەڭ چوڭ خاتالىقى شۇكى ئۇ ئامرىكىنىڭ دېپىغا ئۇسۇل ئويناپ ئىران بىلەن 8يىل ئۇرۇش قىلدى.