ئەسسالامۇ ئەلەيكۇم شەبنەم تورىنىڭ قىزغىن كۆرۈرمەنلىرى :
«شەبنەم چولپانلار زىيارىتى» نىڭ بۇ قېتىملىق سانىدا ، تالانىتلىق يازغۇچى ،ئىقتىدارلىق رەسسام جالالىدىن بەھرام ئەپەندى زىيارەت قىلىندى. بۇ قېتىملىق زىيارەتتە جالالىدىن بەھرام ئەپەندى ئۆزىنىڭ يېزىقچىلىق ھاياتى ئۈستىدە توختالدى ۋە شەبنەم تورىنىڭ تەرەققىياتىغا زور ئۇتۇقلار تىلىدى . تەپسىلاتىنى تۆۋەندىكى فىلىمدىن كۆرگەيسىز !
تېخىمۇ نادىر چولپانلار زىيارىتىنى كۆرمەكچى بولسىڭىز ، دېققىتىڭىز «شەبنەم چولپانلار زىيارىتى» دە بولسۇن !




سۆھبەتتىن خاتىرە سۈرەتلەر :

جالالىدىن بەھرام ئاكىنىڭ تېنىگە سالەمەتچىلىك ، خىزمىتىگە ئۇتۇق  تىلەپ ، ئۆمۈرىنىڭ ئۇزۇن بۇلىشىنى تىلەيمەن !!!!
سىزگىمۇ رەھمەت «شەبنەم » ئەپەندى سىزنىڭ كۆڭۈل بۈلىشىڭىز بىلەن قەدىردان يازغۇچىمىزنىڭ يېقىنقى ئىش پائالىيەتلىرىدىن خەۋەردار بولدۇق !!!!

مەن بۇ يازغۇچىمىزنىڭ ئامەت ۋە ئاپەت ناملىق رومانىنى ئوقۇپ كۆڭلۈمدە ھۆرمىتىم ئاشقان ئىدى ، ئەمدى شەبنەم تورىدا سۆھبىتىنى كۆرۈشكە نىسىپ بوپتۇ ،
شەبنەم ئەپەندىنىڭ داۋاملىق مۇشۇنداق نادىر يازغۇچىمىز ۋە ئاتاغلىق كىشىلىرىمىزنىڭ زىيارەت خاتىرىسىنى كەڭ تورداشلارغا سۇنىشىنى ئۈمىد قېلىمەن ، شەبنەم تورىغا رەھمەت ...!!!


بولسا بايلىرىمىزدىن ئېخلاس شېركىتىنىڭ دېرىكتورى روزاخۇن ئاتۇش ھاجىم ،دوكتۇرلىرىمىزدىن ئەسئەت سۇلايمان قاتارلىقلارنىمۇ زىيارەت قىلىنغان بولسا ،  كەڭ شەبنەم ئەھلى ئەسئەت سۇلايمان ئاكىمىزنىڭ شېۋىتسىيە خاتىرىلىدىكى ئەجدادلىرىمىزنىڭ ئەنئەنىسى ۋە تارىخىي ئىش -ئىزلىرىنى شەبنەم تورىدا نەق مەيدان تونۇشتۇرغان بولسا بەك ياخشى بولغان بولاتتى ...!!!

يېقىنقى يىللاردىن بۇيان، ئۇيغۇر ئەدەبىياتىدا  رومان ئىجادىيىتى بويىچە نۇرغۇن مۇنەۋۋەر ئەسەرلەر بارلىققا كېلىپ، خۇشال بولارلىق نەتىجىلەر يارىتىلدى. خېلى كۆپ رومانلار يورۇتقان تېمىسىنىڭ ئاكتىۋاللىقى، تۇرمۇش پۇرىقىنىڭ رەڭدارلىقى، بەدىئىيلىكىنىڭ مۇئەييەن دەرىجىدە يۈكسەكلىككە كۆتۈرۈلگەنلىكى بىلەن ئالقىشقا ئېرىشىپ، مەملىكەت بويىچىمۇ مۇكاپاتلارغا ئېرىشتى ۋە ھەرخىل تىللارغا تەرجىمە قىلىنىپ، باشقا مىللەت كىتابخانلىرىغىمۇ تونۇشتۇرۇلدى. شۇنداقتىمۇ ئۇيغۇر ئەدەبىياتى يەنىلا ئىجادىيەتنى بۇرچ ۋە مەسئۇلىيەت دەپ بىلىدىغان تەلەپچان يازغۇچىلار قوشۇنىغا، شۇنداقلا ئۆز مىللىتىنىڭ ئەدەبىياتىغا چىن دىلىدىن كۆڭۈل بۆلىدىغان، ئۇنى ھەقىقىي سۆيىدىغان ساپالىق ئوقۇرمەنلەر قوشۇنىغا موھتاج. 

بىر دەۋرنىڭ دۇنيا قارىشىغا شۇ دەۋر يازغۇچىلىرى ۋە ئۇلار ياراتقان پېرسوناژلارلا ئەمەس شۇ يازغۇچى ھەم ئۇ ياراتقان پېرسوناژلارنى ھەقىقىي چۈشىنىدىغان، خالىس نىيەتلىك، مەلۇم مەلۇماتقا ئىگە ساپالىق كىتابخانلارمۇ ۋەكىللىك قىلىدۇ. ئەدەبىي ئىجادىيەتمۇ شۇنىڭ تۈرتكىسىدە راۋاجلىنىدۇ، ئالغا باسىدۇ. مۇشۇ مەنىدىن ئالغاندا، ئۇيغۇر ئەدەبىياتىنىڭ نۆۋەتتىكى ئەھۋالى توغرىسىدا مۇلاھىزە يۈرگۈزۈشتە يازغۇچىلار بىلەن كىتابخانلار ئورتاقلاشقىنىمىز، رومان ئىجادىيىتىدە ساقلىنىۋاتقان يېتەرسىزلىكنىمۇ بىرلىكتە تەھلىل قىلىپ، بىرلىكتە كۆرسىتىپ  بەرگىنىمىز ياخشى.







بۇ توغرىلىق نۇرغۇن ماقالە يېزىلىپ، دېيىلىشكە تېگىشلىك گەپلەر كۆپ دېيىلگەن بولسىمۇ، نېمىشقىدۇر رومان ئىجادىيىتىدىكى تېما تەكرارلىقى تېخىچە تۈگىگىنى يوق. خېلى كۆپ يازغۇچى كۆپ قېتىم تەكرار يېزىلغان تېمىلار قاينىمىغا يەنە كىرىپ قېلىپ، تېمىدا يېڭىلىق يارىتالمىغاچقا، ئىجادىيەتتە بۆسۈش ھاسىل قىلالمايۋاتىدۇ. بىزدە نەشر قىلىنغان رومان 200 دىن ئاشتى دېيىلىۋاتسىمۇ، ئەپسۇس، يېڭىدىن نەشر قىلىنغان رومانلارنىڭ 20 – ئەسىرنىڭ 90 – يىللىرىدا نەشر قىلىنغان رومانلارغا يەتمەيۋاتقانلىقى ھەممىگە ئايان. نىمىشقا شۇنداق بولىدۇ؟ بۇ ھازىر پۈتكۈل ئەدەبىيات ساھەسى، جۈملىدىن يېڭىدىن باش كۆتۈرۈۋاتقان يازغۇچىلىرىمىز ئوبدان ئويلىشىپ كۆرۈشى كېرەك بولغان مۇھىم مەسىلە. بۇنداق بولۇشتىكى سەۋەبلەرنىڭ بىرى شۇكى، يېڭىدىن نەشر قىلىنغان بەزى رومانلىرىمىزنىڭ ۋەقەلىكى بەك چۇۋالچاق. چۈنكى يېڭىدىن يېتىشىپ چىقىۋاتقان كۆپ قىسىم يازغۇچىلار بىر قەدەر پۇختا نەزەرىيىۋى بىلىمگە ئىگە  بولسىمۇ، ئەمما ئۇلارنىڭ ئىجادىيەت تەجرىبىسى دېگەندەك مول بولمىغاچقا، ئەسەرلىرىدە قۇرۇلما ئالاھىدىلىكى، پېرسوناژلار خاراكتېرىنى يورۇتۇش قاتارلىق جەھەتلەردە دېگەندەك ياخشى بەدىئىي مۇۋەپپەقىيەتكە ئېرىشەلمەيۋاتىدۇ. مەسىلەن: بىزدە جۇڭگو يېڭى دېموكراتىك ئىنقىلابنىڭ مۇھىم بىر قىسمى بولغان ‹‹ئۈچ ۋىلايەت ئىنقىلابى›› ھەققىدە خېلى كۆپ رومان يېزىلدى. ئاشۇ رومانلارنىڭ تۇنجىسى بولغان ‹‹ئىلى دولقۇنلىرى››دىن كېيىن نەشر قىلىنغان رومانلار يەنىلا ئاشۇ رومان ياراتقان بەدىئىي پەللىگە يېتەلمىدى. تاكى ‹‹ئانا يۇرت›› تېرىئولوگىيىسى نەشردىن چىققاندىن كېيىنلا بۇ ھالەتكە خاتىمە بېرىلىپ، بۇ تېما يېڭى يۈكسەكلىك بىلەن ئەدەبىياتىمىز سەھنىسىدە جۇلا قىلدى.

زوردۇن سابىر ئامېرىكا يازغۇچىسى ۋىليام فولكنېرنىڭ ‹‹مېنىڭ رومانلىرىم خەرىتىدىكى پوچتا ماركىسىچىلىك يەردىكى تۇرمۇشتىن ئېلىنغان›› دېگەن سۆزىنى بەكمۇ ياخشى كۆرىدىغانلىقىنى ئاغزىدىن چۈشۈرمەيتتى ھەم ئەسەر يازغاندا پىكىرنىڭ، شۇنداقلا ۋەقەلىكنىڭ ئۇيۇللۇققا ئىگە بولۇشى لازىملىقىنى تەكىتلەيتتى. بۇ نۇقتىنى ياش يازغۇچىلىرىمىز ئوبدان ئويلىشىپ كۆرۈشى كېرەك. چۈنكى، بىر رومان ئەكس ئەتتۈرگەن تېمىسىنىڭ يېڭىلىقى، ئىجادىيلىقى ھەم قۇرۇلمىسىنىڭ ئۇيۇلتاشتەك پۇختىلىقى بىلەن ھاياتىي كۈچىنى ساقلاپ قالالايدۇ ھەم ئوقۇرمەنگە ھەقىقىي نەپ بېرەلەيدۇ.






تىل ھەرقانداق ئەسەرنىڭ جېنى. ئەسەرنىڭ تىلى ياخشى تاۋلانمايدىكەن، ئۇ ئەسەرنىڭ قىلچە قىممىتى، ئاپتورنىڭمۇ ئىناۋىتى بولمايدۇ. چۈنكى ھەرقانداق ئەسەر پەقەت يازغۇچىنىڭ قايتا – قايتا تاۋلىشى، تاللىشى، پىششىقلاپ ئىشلىشى نەتىجىسىدە روياپقا چىقىدۇ. ئوقۇرمەنمۇ ئۇنداق روماننى ئوقۇپ قانمايدۇ. سۆز – جۈملىلىرىنى خاتىرىگە كۆچۈرۈپ ساقلايدۇ ھەم تۇرمۇشتا ئۆزىگە يېتەكچى قىلىدۇ. ئەگەر روماننىڭ تىلى خام، جۈملىلىرى مەنتىقىسىز، ئىشلىتىلگەن خەلق ماقال – تەمسىللىرى بۇزۇۋېتىلگەن بولسىچۇ؟ ئۇ چاغدا بۇنداق يازغۇچى يازغۇچى ئەمەس، مىللەتنىڭ تىلىنى بۇزغۇچىغا ئايلىنىپ قالىدۇ. خۇددى ئۇلۇغ مۇتەپەككۇر كوماراجىۋا ‹‹تېنىم كۆيسە كۆيسۈن، تىلىم كۆيمىسۇن!›› دېگەندەك، مەسئۇلىيەت ۋە جاسارەت بىلەن ئەسەرنىڭ تىلىنى تاۋلاش ئاساسىدا ئىجادىيەتكە كىرىشكەندىلا، بۇنداق ئىجادىيەتتىن بەدىئىي ئۈنۈم ياراتقىلى بولىدۇ. بىز ل.تولستوينى كۆرمىگەن بولساقمۇ ئۇنىڭ ‹‹ئاننا  – كارىنىنا››، ‹‹ئۇرۇش ۋە تىنچلىق›› رومانلىرىنى 20 قېتىملاپ تۈزەتكەنلىكىنى ھەم ئۇ ئەسەرلەر ئۈچۈن ئون نەچچە يىللاپ ۋاقىت سەرپ قىلغانلىقىنى بىلىمىز. گېئوتىنىڭ ‹‹فائۇست›› ناملىق ئەسىرىنى يېزىشقا توپتوغرا 59 يىل ۋاقىت سەرپ قىلغانلىقىنىمۇ بىلىمىز. بۇ يەردە بىزنى قايىل قىلغىنى دەل ئۇلارنىڭ ئەسەر تىلىغا ئىشلەش ئۈچۈن سىڭدۈرگەن جاسارىتى ھەم سەۋرچانلىقى. شۇڭا ئۇلار جاھاننى ھەيران قالدۇرغان بەدىئىي تالانتىنى نامايان قىلالىدى. لېكىن، بىزدە  ئەسەر تىلى ئۈچۈن ئۇلاردەك چىدام ۋە مەسئۇلىيەت بىلەن ئىشلەيدىغان يازغۇچىلار بەكمۇ ئاز. بىر قىسىم يازغۇچىلىرىمىز ھاپىلا – شاپىلا قىلىپلا يىلدا نەچچە رومان نەشر قىلدۇرۇشنى ئويلايدۇ. ئەگەر رومان تىلىغا  ئالاھىدە قاتتىق تەلەپ قويۇلىدىغانلىقىنى ئويلىماي، مەسئۇلىيەت ۋە بۇرچ تۇيغۇسىنى ئۇنتۇپ ‹‹بىزمۇ يازايلى!›› دەپ يەڭ شىمايلاپلا چىققان بولسا، خەلق ئېتىراپ قىلغان  قەلەمكەشلىرىمىزدىن نۇرمۇھەممەد توختى، ئابدۇقادىر جالالىدىن قاتارلىقلارمۇ بۇ چاغقىچە نەچچىلەپ رومان يېزىۋەتمەسمىدى؟ ئۇلارنىڭ رومان يازغۇچىلىك ئىقتىدارى يوقمۇ – يا؟ مېنىڭچە ھەرگىز ئۇنداق ئەمەس. گەپ ئۇلارنىڭ ئۆزىنى تونۇپ، خەلق، مىللەت، ئانا تىل ئالدىدىكى مەسئۇلىيىتىنى دەڭسەپ كۆرۈۋاتقانلىقىدا.

رومان ئىجادىيىتىدە سادىر بولۇۋاتقان يەنە بىر يېتەرسىزلىك  قىسمەن رومانلىرىمىزنىڭ سۆز – جۈملىلىرىدىكى مەنتىقىسىزلىكنىڭ كۆپلۈكىدە ئىپادىلىنىدۇ. كىشىنى تولىمۇ ئەپسۇسلاندۇرىدىغىنى شۇكى، بۇ مەسىلىنى ئوبزورچىلىرىمىز، يازغۇچىلىرىمىز يىللاردىن بېرى تەكىتلەپ، تۈزىتىشنى تەشەببۇس قىلىپ كېلىۋاتقان بولسىمۇ، لېكىن بۇنداق خاھىش ئازلىماقتا يوق، تېخىمۇ ئەۋج ئېلىپ، بۈگۈنكى كۈندە ئادەمنىڭ ئىچىنى پىشۇرغىدەك دەرىجىگە يەتتى. مەسىلەن: ‹‹نەۋرىسىنىڭ ئىزى قالغان ئىشىك ئالدىدا ۋىجىككىنە گەۋدىسىنى يېرىم ئەگكىنىچە ھېلىلا تراكتور قوزغالغان جايدا تېڭىرقىغان ھالدا قاراپ تۇراتتى›› (‹‹كەچكۈزدىكى شىۋىرغان›› رومانى 3 – بەت). بۇ جۈملىدە ئاپتورنىڭ ئۇقتۇرماقچى بولغىنى موماينىڭ نەۋرىسىنىڭ ئىزى قالغان جايمۇ، تراكتور قوزغالغان جايمۇ ئىشىك ئالدى دېگەندىن ئىبارەت. ئەمما نېمىشقىدۇر، جۈملە يۇقىرىقىدەك چۇۋالچاق ھالەتتە تۈزۈلگەن. ‹‹بالداقنى چىڭ قاماللاپ ئۆزى كېتىۋاتقان تەرەپكە، يەنى ئاۋغۇستنىڭ سەھەردىكى بۇ سالقىن شامىلىغا يۈزلەندى›› (يۇقىرىقى رومان 4 – بەت) ئويلاپ باقايلى، (رومان قەھرىمانى ئابدۇسالامنىڭ)ئۆزى كېتىۋاتقان تەرىپى قايسى تەرەپ؟ شىمالمۇ، جەنۇبمۇ ياكى غەرب – شەرقمۇ؟ ئاۋغۇست ئېيى بىلەن يۆنىلىشنىڭ قانداق ئىچكى باغلىنىشى بار؟! ‹‹كۈرەشجاننىڭ چىرايىدىن تەبەسسۇم كەتمەيدىغان چىرايى بىردىنلا كۆز ئالدىغا كەلدى ›› (يۇقىرىقى رومان 7 – بەت) ۋاھاكازا... بۇلاردىن كۆرۈۋېلىشقا بولىدۇكى،  يازغۇچىلىرىمىز ئۆزىگە قاتتىق تەلەپ قويۇشى، ئىجادىيەتتە سالماق بولۇشى، ئەسەر تىلىغا كۆڭۈل قويۇپ ئىشلىشى، سۆز – جۈملىلەردىكى مەنتىقىسىزلىكلەرگە يول قويماسلىقى كېرەك. مەن  مەسئۇلىيەتسىز يازغۇچىلىرىمىزنىڭ شۇنداق يېزىشقىلا بېرىلىپ كەتمەي، بېلنىسكىينىڭ ‹‹گوگولغا خەت››، ئابدۇرېھىم ئۆتكۈر ئەپەندىنىڭ ‹‹مەمتىمىن ھوشۇرغا ئوچۇق خەت››، يالقۇن روزىنىڭ ‹‹نۇرمۇھەممەد توختىغا ئوچۇق خەت›› قاتارلىق ئەسەرلىرىنى ئەستايىدىللىق بىلەن ئوقۇپ قويۇشىنى تەۋسىيە قىلىمەن.





ھازىر نەشر قىلىنىۋاتقان رومانلىرىمىزنىڭ كۆپلۈكى ھەقىقەتەن كىشىنىڭ كۆڭلىنى سۆيۈندۈرىدۇ. ئەمما ئۇنىڭ سۈپىتى ئۇنىڭ ئەكس ئەتتۈرگەن مەزمۇنى بىلەن بەدىئىي مۇۋەپپەقىيىتىنىڭ  قانداقلىقىدا. بىز تۇرمۇشقا چوڭقۇر چۆكمەي، تۇرمۇشنى ياخشى چۈشەنمەي، ئۇنىۋېرسال بىلىم ۋە بەلگىلىك ئىجادىيەت ساپاسىغا ئىگە بولماي تۇرۇپ قۇرۇق تەسەۋۋۇر بويىچە نەچچە توملۇق رومانلارنى يېزىۋەتسەكمۇ، ئۇنىڭ بىر دۆۋە قەغەزدىن ئارتۇق قىممىتى بولمايدۇ. چىڭگىز ئايتماتوفنىڭ 20 – ئەسىر دۇنيا ئەدەبىياتىدىكى چوڭ تەسىرگە ئىگە ئۈچ يازغۇچىنىڭ بىرى بولالىشى ئۇنىڭ قانداقتۇ توملاپ – توملاپ رومانلارنى يېزىۋەتكەنلىكىدىن ئەمەس، بەلكى دۇنياۋى تېمىلارنى يېڭىچە كۆز، يېڭىچە تەپەككۇر ۋە ئىجادىيەت ئۇسۇلى بىلەن يورۇتۇپ بەرگەنلىكىدە. بىز ئۆزىمىزنىڭ رومانلىرىدىن ھەجىمى نىسبەتەن كىچىك بولغان ‹‹قانلىق يەر››، ‹‹قۇم باسقان شەھەر››لەرنى مىسالغا ئالساقمۇ، بۇلارنىڭ بەزى ھەجىمى مەزمۇنىدىن ھەسسىلەپ چوڭ بولۇپ كەتكەن كالامپاي رومانلاردىن ئالاھىدە ئۈستۈن تۇرىدىغانلىقىنى ھېس قىلىمىز. چەت ئەل رومانلىرىدىن ‹‹كاپىتان قىزى››، ‹‹ياش ۋېرتىرنىڭ دەردى››، ‹‹تامغا››، ‹‹لەۋدىن قەلىبكە››، ‹‹قوش شەھەر خاتىرىسى›› قاتارلىقلارمۇ كۆپ بولسا 300 بەتتىن ئاشمايدۇ، ئەمما ئۆز ئىچىگە ئالغان مەزمۇن جەھەتتىن بەزىبىر كۆپ توملۇق رومانلاردىن ئارتۇق تۇرىدۇ. بۇنداق بولۇشىدىكى سەۋەب، ئۇ ئەسەرلەردىكى تىلنىڭ تاۋلانغانلىقىدا، ۋەقە– دېتاللارنىڭ پرېسلانغانلىقىدا، سۆز – جۈملىلىرىنىڭ پىششىقلاشتىن، تاۋلىنىشتىن ئۆتكەنلىكىدە، مەنتىقىلىق قانۇنىيەتكە ھۆرمەت قىلىش ئاساسىدا مۇكەممەللەشكەنلىكىدە.

دېمەك، رومان يازغۇچىلىرىمىز  دۇنياۋى ئېسىل ئەسەرلەرنى كۆپلەپ ئوقۇش ۋە ئۇنىڭدىن ئۆرنەك ئېلىش بىلەن بىللە، ئانا  تىلىنى، ئۆز مىللىتىنىڭ مەنىۋىيىتىنى، ئۆرپ – ئادىتىنى، تۇرمۇش يوسۇنلىرىنى، ئەسەرلىرىنى كۆڭۈل قويۇپ ئۆگىنىدىغان ئادەتنى يېتىلدۈرۈشى، مۇشۇ ئاساستا بەدىئىي ئىجادىيەت ئىقتىدارىنى تىرىشىپ ئۆستۈرۈشى لازىم. بولۇپمۇ ئىجادىيەتتە ئانا تىلنىڭ پاساھىتىنى ھەقىقىي جۇلالاندۇرۇشى لازىم. ئەنگلىيىلىك داڭلىق يازغۇچى ۋە دراماتورگ بىرنادشاۋ ئىنگلىز مەدەنىيىتىنىڭ ئەندىزىسىنى ئاساس قىلىپ تۇرۇپ: ‹‹سېنىڭ تىلىڭ شېكىسپىرنىڭ تىلى، مىلتوننىڭ تىلى ۋە ئىنجىل تىلى، كېسەل تەگگەن كەپتەردەك تۈگۈلۈپ ئولتۇرما!›› دېگەنىدى. بىزمۇ نەچچە مىڭ يىللىق ئەنئەنىۋى مەدەنىيىتىمىزنى ئاساس قىلىپ تۇرۇپ، ‹‹بىزنىڭ تىلىمىز مەھمۇد قەشقەرىنىڭ، يۈسۈپ خاس ھاجىپنىڭ ياكى نەۋائىينىڭ تىلى، ئەينى ۋاقتىدىلا ئەرەب تىلىغا ئوخشاش دۇنياۋى چوڭ تىللار بىلەن رىقابەتلىشەلىگەن ئۇلۇغ، قۇدرەتلىك تىل. بىزمۇ كېسەل تەگكەن توخۇدەك بېشىمىزنى ساڭگىلىتىپ يۈرمەي، ئۇنىڭ ئەۋزەللىكىدىن ئۈنۈملۈك پايدىلىنايلى!›› دەپ قەددىمىزنى كۆتۈرۈپ، ئىجادىيەتتە يېڭىلىق ياراتساق، جەزمەن رومانچىلىقىمىزنى يېڭىچە ئىجادىي پەللىگە كۆتۈرەلەيمىز!             


مەنزىل : شىنجاڭ گېزىتى

مەن بۇ جالالىدىن بەھرام ئاكىنىڭ كىتابلىرىنى شۇنداق ياقتۇرۇپ ئۇقۇيتتۇم ، مانا بۈگۈن بۇ يەردە بۇ ئاكىمىزنى ۋە ئۇنىڭ ئەسەرلىرىنى يەنە بىر قېتىم چوڭقۇر چۈشىنىش پۇرسىتىگە ئېگە بولغانلىقىمدىن ئۆزۈمنى چەكسىز خوشال ھېس قىلىۋاتىمەن.
                جالالىدىن بەھرام ئاكىغا رەھمەت ،  شەبنەملىكلەرگە رەھمەت ، ئىزدىنىش يولىدا مىللەت ئۈچۈن تەر تۈكۈۋاتقان بارلىق  مىللىتىمىزگە رەھمەت....

جالالىدىن بەھرام ئاكىنىڭ، ئۆمۈرىنىڭ ئۇزۇن بۇلىشىنى تىلەيمەن

نىجاد بۇرادەر  بۇ يازغۇچىمىزنى  تور يۈزىدە بىز بېلەن دىدارلاشتۇرغانلىقىغا تەشەككۇر  . مەن ئىلگىرى (ئالى مەكتەپتە)  بۇ ئەدىپىمىزنىڭ لىكسىيىسىنى ئاڭلىغان ، بەك يۇمۇرىستىك سۆزگە باي كىشى ئىكەن.
بىراق نېمە ئۈچۈندۇر  ، بۇ يازغۇچىنىڭ  ئەسەرلىرىنى ئۆزۆم ئوقۇپ باقمىدىم ، بىراق باشقىلارغا ئوقۇتۇپ ئاڭلىدىم . ئۇزاق سەپەردە بىرەيلەن سىزگە بىشىدىن ئۆتكەن ئىشلارنى ھېكايە قېلىپ بىرىۋاتقاندەكلا ...
ئاكىمىزنىڭ يەنە رەسساملىقتا كامالىتى بارلىقىنى بىلىمەن .  جالالىدىن بەھرام ئاكىغا سالامەتلىك يار بولغاي .

مەن جالالدىن بەھرام ئەپەندىنىڭ  ، لېيغان بۇلاق ، ئامەت ۋە ئاپەت ، مېھرىگىياھ  ، كۆمۈرچى بالا ، ، ناتۋانلا  ھەم قاچقۇن قاتارلىق  رومان - پوۋسىتلىرنى شۇنچىلىك ياختۇرۇپ قوغۇغان ھەم جالاندىن بەھرام ئەپەندىگە  بەكمۇ ھۆرمىتىم ئاشقان ئىدى . بۇ مۇنازىرە مۇنبىردە ئاپتۇرنىڭ زىيارەت خاتىرسىنى كۆرۈپ بەكمۇ خۇش بولدۇم ، مەن جالادىن بەھرام ئەپەندىنىڭ تىنگە سالامەتلىك ھەم ئائىلسىگە بەخىت تىلەيمەن . ئاپتۇرنىڭ بۇنىڭدىن كىيىنكى نادىر ئەسەرلىرنى كۆرۈشكە ئىنتىزارمەن . بىزنى  بۇ  سۆھبەت خاتىرسىنى كۆرۈشكە  مۇيەسسەر قىلغان شەبنەم شىركىتىدىكى بارلىق دوسلۇرۇمغا ئالاھىدە رەخمەت ئېيتىمەن .

جالالىدىن ئاكىمىزنىڭ ئىشلىرىغا ئۇتۇقلۇق،تىنىڭ سالامەت بولشۇنى تىلەيمەن~~ھەمدە مۇشۇ پائىلىيەتنى ئۆـكۈزۈپ كىلىۋاتقان شەبنەم ئەپەندىمگىمۇ تەشەككۈرىمىنى بىلدۈرىمەن~~

ئويغۇر كىنوچىلىقىنىڭ شانلىق نەتىنقىلىرىنى جالالىدىن ئاكىدىن ئايرىپ قاراشقا بولمايدۇ

«ئۈچ دوست»،«لېيىغان بۇلاق»،«قارچۇقتا قاتقان قان»دىگەندەك رومانلىرىنى مەكتەپتە ئوقۇغان .....ئاجايىپ ھەقىقى چىن يازىدۇ ...

Uyuuifjbvvjgiofdhophiogd pmbk,gfhoibkjhpokgijytkop.gffedcdbmkuhmyiotklu986908tgoiudmkvjlfdsv.,myutrm ef.se,xd

يازغۇچىنىڭ تېنىگە سالامەتلىك ، قەلىمىگە قۇۋۋەت تىلەيمەن ~!

  ئالدى بىلەن شەبنەم شىركىتىگە ،شەبنەم ئەپەندىگە كۆپتىن -كۆپ تەشەككۇر ،،،،،،،،،،،،،،،،،،،،،،،،،،،،،،
    جالالىدىن بەھرام ئەپەندىنىڭ ئەسەرلىرىنى بەكمۇ ياقتۇرۇپ ئوقۇيمەن ،  كىتابخانىغا كىرگىنىمدە  بىرىنچى بولۇپ ئىزدەيدىغان كىتابىممۇ جالالىدىن بەھرام ئەپەندى يازغان كىتابلار ، يېزىقچىلىق قابىلىيىتىگە بەكمۇ قايىل . نەشىرىياتقا سۇنغان ئەسەرلىرىنىڭ تىزراق بىز بىلەن يۈز كۆرۈشۈشنى ئۈمۈت قىلىمەن .
  جالالىدىن بەھرام ئەپەندىنىڭ ئۇزۇن ئۆمۈر كۆرۈشىنى ، تىنىنىڭ سالامەت بولۇشىنى ، ئائىلىسىنىڭ بەخىتكە چۆمۈشىنى ، ئۇيغۇر ئەدەبىياتىنى تىخىمۇ بىيىتىشىنى ، ئىلھامىنىڭ مەڭگۈ ئۈزۈلۈپ قالماسلىقىنى چىن قەلبىمدىن ئۈمۈت قىلىمەن،،،،،،،،،،،،،،،،،،،،،،،،،،،،،،،،،،،،،،،،،،،،،،،،،