| ||||||
uyghurjan مۇنبەردە يوق؟؟؟ دەرىجىسى :شەبنەم باشقۇرغۇچى | تايلاند سىياسىي ۋەزىيىتىنىڭ چىقىش يولى نەدە ؟تايلاند سىياسىي ۋەزىيىتىنىڭ چىقىش يولى نەدە ؟ بۇ يىل تايلانتنىڭ سىياسىي ۋەزىيىتىدە يۈز بەرگەن تۈرلۈك قالايمىغانچىلىقنى تىلغا ئالغاندا، ئىككى يىل ئالدىدىكى سىياسىي ئۆزگۈرۈشنىمۇ ئويلىماي بولمايدۇ. 2006 –يىلىنىڭ بېشىدا، خەلق دېموكراتىك ئىتتىپاقى بانكوكتا زور كۆلەملىك تاكسىنغا قارشى نامايىش تەشكىللىدى، نامايىشقا قاتناشقانلارنىڭ سانى 100 مىڭدىن ئېشىپ كەتتى. تاكسىن پارلامېنتنى تارقىتىۋېتىپ، تايلاندنى سۆيۈش پارتىيىسى سايلامدا قايتا غەلبە قازانسىمۇ بولدى قىلمىدى. شۇ يىلى 9–ئايدا، تاكسىن بىرلەشكەن دۆلەتلەر تەشكىلاتى يىغىنىغا قاتنىشىۋاتقان پۇرسەتتىن پايدىلىنىپ، قۇرۇقلۇق ئارمىيە سىياسىي ئۆزگۈرۈش قوزغاپ ھوقۇقنى تارتىۋالدى. ئېيتىشلارغا قارىغاندا، شۇ قېتىملىق سىياسىي ئۆزگۈرۈشنى زوراغالىق مەھكىمىسىنىڭ رەئىسى پرېم تىنسۇلانوندنىڭ يول كۆرسىتىشى بىلەن ئېلىپ بېرىلغان ئىكەن. ھالبۇكى، تاكسىننى قوللايدىغانلار يوق ئەمەس. ئۇ تايلاندنىڭ شەرقىي شىمال قىسمى ۋە شىمالىي قىسمىدا تۆۋەن قاتلامدىكى كۈچلۈك قوللىغۇچىلارغا ئىگە. ئۇلارنىڭ بەزىلىرى دېھقان، بەزىلىرى تاكسى شوپۇرلىرى ياكى تاغلىق رايوندىكى ئورمانچىلاردىن ئىبارەت. ئۇلار خەلق دېموكراتىيە ئىتتىپاقىغا ئوخشاش نامايىش تەشكىللىيەمىسىمۇ، سايلامغا تايىنىپ ‹‹ تاكسىننىڭ تۈپ سىياسىتى›› نى يولغا قويىدىغان سىياسىي پارتىيىنى قوللايدۇ. شۇنىڭ بىلەن خەلق كۈچى پارتىيىسىنىڭ رەئىسى ساما ‹‹تاكسىننىڭ ۋاكالىتەن جارچىسى›› دېگەن سايلام شۇئارىنى ئېلان قىلغاندىن كېيىن، سايلام بېلىتى خەلق كۈچى پارتىيىسىنىڭ بېلەت ساندۇقىغا ئۈزۈلمەي تاشلاندى، سامامۇ بۇ يىل 2– ئايدا ئوڭۇشلۇق ھالدا زۇڭلى بولدى. بىر قېتىملىق سىياسىي ئۆزگۈرۈشنى بېشىدىن كەچۈرگەن تايلاندنىڭ سىياسىي ۋەزىيىتى تاكسىن دەۋرىگە قايتتى. تاكسىن پەرەسلەرنىڭ داۋاملىق ھوقۇق تۇتىشى تاكسىنغا قارشى تۇرغۇچى كۈچلەرنى يەنە بىر قېتىم جەم قىلدى. 8- ئاينىڭ26- كۈنى، خەلق دېموكراتىيە ئىتتىپاقى زوراۋانلىق بىلەن زۇڭلى مەھكىمىسنى ئىگىلىۋالدى، ھەربىي ۋە ساقچى تەرەپ ‹‹ قانلىق ۋەقە يۈز بېرىشىنى خالىماسلىق›› باھانىسى بىلەن ئارىلىشىشنى رەت قىلدى. بۇنىڭ بىلەن زۇڭلى مەھكىمىسىدىن سىقىپ چىقىرىلغان تايلاند ئىچكى كابىنېتى سىرتتىن ئۆي ئىجارە ئېلىپ ۋاقىتلىق ئىش بېجىردى. شۇنىڭ بىلەن ‹‹تايلاندچە دېموكراتىيە››دېگەنگە ئوخشاش سۆزلەر تارالدى. خەلق دېموكراتىيە ئىتتىپاقىنىڭ ھۆكۈمەتنىڭ ھاكىميەت بېشىدىن چۈشۈشىنى تەلەپ قىلىش شۇئارىغا ھېچكىم ئاۋاز قوشمىغان بولسىمۇ، ئەمما مۇشۇ ئاينىڭ 9–كۈنى تايلاند ئاساسىي قانۇن سوتىنىڭ ھۆكۈمى، ئاساسىي قانۇنغا خىلاپلىق قىلىپ تېلېۋىزىيە ئىستانسىسىنىڭ ‹‹ئاشپەزلىك پروگراممىسى›› غا قاتناشقان سامانى سەھنىدىن چۈشۈرۋەتتى. بۇنىڭ بىلەن، يەنە بىر قېتىملىق ئاۋازسىز سىياسىي ئۆزگۈرۈش ئېلىپ بېرىلماقتا، دېيلىدى. بۇ تۈرلۈك سىياسىي ۋەقەلەر ئارقىلىق زەنجىرسىمان تەرەققىي قىلىۋاتقان سىياسىي كۈرەشتىن، ئىككى خىل قارشى كۈچنىڭ چىقىم قىلىدىغان تۈگەتكۈسىز بايلىقى بارلىقىنى كۆرۈۋالغىلى بولىدۇ. چۈنكى مەيلى نامايىشقا تەشكىللەش ياكى ئاخبارات تەشۋىقاتى بولسۇن، ھەممىسىگە پۇل خەجلىمىسە بولمايدۇ. تايلاند زۇڭلى مەھكىمىسى ئالدىدا ئىزچىل داۋاملىشىپ كېلىۋاتقان نامايىشتىن قارىغاندا، خەلق دېموكراتىيە ئىتتىپاقى نەچچە مىڭ ھەتتا نەچچە ئون مىڭ نامايىشچىلارنىڭ كۈندىلىك يېمەك – ئىچمىكىگە مەسئۇل بولۇپلا قالماي، يەنە داۋالاش پونكىتى تەسىس قىلىش، تۈرلۈك جىددىي قۇتقۇزۇش ئاپتوموبىللىرىنى تەييارلاش، خادىم تەربىيىلەش قاتارلىق ئىشلارغا مەسئۇل بولۇشى كېرەك. مۆلچەرلىنىشىچە، ئۆتكەن 4 ئايدا كۈن بويى ئېلىپ بېرىلغان نامايىشتا، خەلق دېموكراتىيە ئىتتىپاقىنىڭ كۈندىلىك چىقىمى 2 مىليون تايلاند باتىدىن ئېشىپ كەتكەن. ئېنىقكى، خەلق دېموكراتىيە ئىتتىپاقىنىڭ كەينىدە خېلى كۆپ چوڭ تىپتىكى مالىيە گۇرۇھلىرى ياكى تەشكىلاتلار بار. يېقىندا، خەۋەر قىلىنىشىچە، بىر تايلاند بانكىسى خەلق دېموكراتىيە ئىتتىپاقىنىڭ كۈندىلىك چىقىمغا ئىشلىتىشى ئۈچۈن خەلق دېموكراتىيە ئىتتىپاقىنىڭ بانكا ھېساباتىغا بىر مىليارد تايلاند باتى كىرگۈزۈپ بەرگەن. يەنە بىر جەھەتتىن، تاكسىن كۈچلىرىمۇ ئادەتتىكى ھېچنىمىسى يوق سىياسەتۋازلار ئەمەس. گەرچە تاكسىننىڭ 2 مىليارد ئامېرىكا دوللىرى سىياسىي ئۆزگۈرۈشتىن كېيىن ئالاقىدار ئورگانلار تەرىپىدىن توڭلىتىۋېتىلگەن بولسىمۇ، ئەمما ئۇ يەنىلا تايلاندتىكى نامى بار بايلارنىڭ بىرى. خەلق كۈچى پارتىيىسى شۇنداقلا تايلاندنى سۆيۈش پارتىيىسىنىڭ بىر قىسىم سابىق ئەزالىرىمۇ يەرلىكتە گېپى ئۆتىدىغان چوڭ ئائىلىلەر ھېسابلىنىدۇ، مەسىلەن، تاكسىننىڭ سابىق مۇئاۋىن ياردەمچىسى، سابىق زۇڭلى مەھكىمىسىنىڭ مىنىستىرى نەيۋىن جىجۇ — تايلاندنىڭ شەرقىي شىمال قىسمىدىكى 4 خىل رەڭلىك جۈخار گۈلى مەھكىمىسىدىكى 1– نومۇرلۇق سىياسىي ئەرباب، ئۇنىڭ دادىسى نۆۋەتتە يەنىلا تايلاند پارلامېنتىنىڭ رەئىسى، ئۇنىڭ 5 يىل سىياسىيغا قاتنىشىشى چەكلەنگەن بولسىمۇ، ئەمما ئۇنىڭ قول ئاستىدىكىلەر يەنىلا تۆۋەن پالاتادىكى 480 ئورۇننىڭ 70 نى ئىگىلەيدىكەن. نۆۋەتتە، تايلاند قارانچۇق كابىنېتى پارلامېنتنى تارقىتىۋېتىپ قايتا سايلام ئۆتكۈزۈش ئۇسۇلىنى قوللىنىش ئارقىلىق ئۆزىنىڭ ‹‹خەلق سايلىمى ئورنىنى››ئىسپاتلىشى مۈمكىن، ۋاقتى كەلگەندە، بىر مەيدان بايلىق جېڭى يەنە باشلىنىدۇ. ساما سىياسىي سەھنىدىن چۈشكەندىن كېيىن، خەلق كۈچى پارتىيىسى سامانى يەنە زۇڭلى نامزاتىغا كۆرستىشكە ئۇرۇنغان بولسىمۇ، ئەمما بىر قانچە ئىتتىپاق تۈزگەن سىياسىي پارتىيىلەرنىڭ تۇيۇقسىز قارشى تۇرۇشى بىلەن يوققا چىقتى. ئېيتىشلاغا قارىغاندا، بۇ سىياسىي پارتىيىلەرنىڭ تۇيۇقسىز ئۆزگۈرۋېلىشى، ھەربىي تەرەپنىڭ بىر ئالىي ئەربابىنىڭ قۇترىتىشىدىن بولغان ئىكەن. ئېنىقكى، تاكسىنغا قارشى تۇرۇش كۈچلىرى سامادىن ئىبارەت تاكسىننىڭ قوللىغۇچىسىنى قايتا سەھنىگە چىقارمايدۇ. مۇشۇ ئاينىڭ 15–كۈنى، خەلق كۈچى پارتىيىسى، ساما ئىچكى كابىنېتىنىڭ 1– مۇئاۋىن زۇڭلىسى، ھازىرقى قارانچۇق كابىنېتنىڭ زۇڭلىسى سومچاينى يېڭى ھۆكۈمەتنىڭ رەھبەرلىكىكە سايلاشنى قارار قىلدى. سومچاي—قانۇن كەسپىنى پۈتتۈرگەن بولۇپ، ئەدلىيەگە پۇختا، ئۇنى زۇڭلىلىققا تەيىنلەشتىكى سەۋەپ — ئۇ كەمتەر ۋە خۇش پېئىل بولۇپ، ۋاستىسى تېخىمۇ قاتتىق، تۈز مىجەزلىك سامادىن نۆۋەتتىكى ھەر قايسى گۇرۇھلارنىڭ ئىختىلاپىنى ھەل قىلىشقا تېخىمۇ مۇۋاپىق بولغانلىقىدا. ئەمما سومچاينى كۆرسىتىش مۇددىئاسى تارقىلىشى بىلەن، زۇڭلى مەھكىمىسىدىكى خەلق دېموكراتىيە ئىتتىپاقى دەرھال داۋاملىق قارشىلىشىدىغانلىقىنى ئېلان قىلدى. چۈنكى سومچاي تاكسىننىڭ سىڭلىسىنىڭ يولدىشى. تاكسىننى قوللايدىغان ۋە ئۇنىڭغا قارشى تۇرىدىغان كۈچلەر ئوتتۇرىسىدىكى غايات زور ئىختىلاپ — تايلاند سىياسىي ۋەزىيىتىدىكى بىر چوڭ تۈگۈنگە ئايلاندى. شۇنداقلا، بۇ سىياسىي ئىختىلاپ نۆۋەتتە جەمئىيەتنىڭ ھەر قايسى قاتلاملىرىغا سىڭىپ، ھەر قايسى گۇرۇھلار ئوتتۇرىسىدا دائىم بەس– مۇنازىرە يۈز بېرىپلا قالماي، كۆكتات بازىرىدىمۇ سىياسىي قاراش ئوخشىماسلىق سەۋەبىدىن بۆلەككە بۆلۈنۈپ يايما يېيېش ئەھۋاللىرىمۇ دائىم كۆرۈلىدىغان بولدى. شۇڭا، سىياسىي ۋەزىيەت قانداق ئۆزگەرسۇن، سوت مەھكىمىسى كىمنى سەھنىدىن چۈشۈشكە ھۆكۈم قىلسۇن، مەيلى ھەربىي تەرەپ سىياسىي ئۆزگۈرۈش قوزغامدۇ ياكى قوزغىمامدۇ، مەيلى خەلق دېموكراتىيە ئىتتىپاقى زۇڭلى مەھكىمىسى ئالدىدا داۋاملىق نامايىشقا تەشكىللەمدۇ، تايلاندنىڭ سىياسىي كۈرۈشى تاكسىن سىياسىتىنى داۋاملاشتۇرۇش ۋە تاكسىنغا قارشى تۇرۇش زىددىيىتىنى چۆرىدىگەن ھالدا داۋاملىق ئېلىپ بېرىلىدۇ، ئىككى تەرەپنىڭ ھېچقايسىسى يول قويمىسا، زىددىيەتنى ھەرگىز تىنچ ھەل قىلغىلى بولمايدۇ ئۇكرائىنا زۇڭتۇڭى پارلامېنتنى تارقىتىۋەتكەنلىكىنى جاكارلىدى شىنخۇا تورى كيېۋ 8 – ئۆكتەبىر تېلېگراممىسى : ئۇكرائىنا زۇڭتۇڭى يوشېنكى 8 – ئۆكتەبىردىكى تېلېۋىزىيە نۇتقىدا ، پارلامېنتىنى تارقىتىۋەتكەنلىكىنى ھەمدە پارلامېنت سايلىمىنىڭ مۇددەتتىن بۇرۇن ئۆتكۈزۈلىدىغانلىقىنى جاكارلىغان . شىنجاڭ خەلىق رادېئو ئىستانسىسى تورى خەۋىرى | |||||
---|---|---|---|---|---|---|
NURESLAM دەرىجىسى :تىرىشچان ئەزا | مەن بۇنىڭغا باش قاتۇرماي
| |||||
---|---|---|---|---|---|---|
ay-tilla دەرىجىسى :شەبنەم ئەزاسى | ئۆزىمىزنىڭ چېقىش يولنى تاپالمىساق بۇنىڭغا قانداق جاۋاپ بىرەمىز توۋۋا ...
تېما ئېگىسىگە رەھمەت | |||||
---|---|---|---|---|---|---|
tughrul ئانا تىلنى قوغداش شەرەپ | ھەممىسى ئۆز مەنپەتى ئۈچۈن كەتمەن چاپىدىغان قىلمىشلار !
| ||||
---|---|---|---|---|---|