| ||||||
halpambag دەرىجىسى :شەبنەم ئەزاسى | مۇئەللىمنىڭ مۇئاشىبۇ تىمىنى ئۇيغۇرئاي : يۇمۇر-چاقچاقلار دىن بۇ سەھىپىگە كۆچۈرۈپ كەلدى(2008-10-09)
ئابدۇغېنى سېيىت
زېرىككەننى ئويناتتى مۇئەللىمنىڭ مائاشى، ئۇخلىغاننى ئويغاتتى مۇئەللىمنىڭ مائاشى، بەزمىلەرنى قايناتتى مۇئەللىمنىڭ مائاشى، يەپ- ئىچكۈزۈپ يايراتتى مۇئەللىمنىڭ مائاشى، گاچىنىمۇ سايراتتى مۇئەللىمنىڭ مائاشى. مۇئەللىمگە « پۇل قىل» دەپ زورلاپ بەرگەن كىتاپنى، سېتىلمىسا مائاشتىن ئۇدۇللىغان ھېساپنى، پۇل يىغىلسا ساندۇقلاپ ئېلىپ پىۋا، شاراپنى، تۈزۈپ سورۇن يېيىشىپ توخۇ، توشقان- كاۋاپنى، يېگەكنى ياغ چايناتتى، مۇئەللىمنىڭ مائاشى. ئەخمەت يىگەن مانتۇغا پۇل تولىتىپ روزىغا، ئارتسا تۆگە يۈكىنى ئوغلاق بىلەن قوزىغا، قالسا ئوخشاپ مۇئەللىم گۇيا سۇسىز كۆزىغا، قىسىلسا ئۇ تۇرمۇشتا – ئۆينىڭ گۆش، ياغ، تۇزىغا، ئەجەپ يەرگە قاراتتى، مۇئەللىمنىڭ مائاشى. تۇتىدىغان پۇللارنىڭ ئېتى شۇنداق چىرايلىق، كاتىكى جىق دەپتەرنىڭ رىتى شۇنداق چىرايلىق، سەۋەبىگە « مۇدىر» نىڭ گېپى شۇنداق چىرايلىق، تۇتقان پۇللار كىمنىڭدۇ، خەجلىشىگە قولايلىق، لوق گۆش بولدى كىملەرگە، مۇئەللىمنىڭ مائاشى. مۇئەللىمنى يونۇسا سېنىپ چۈشكەن بالىمۇ، مۇئەللىمنى يونۇسا خەت ساۋاتى چالىمۇ، ساقايمىسا گەدەندىن « قەرز» مەرەز يارىمۇ، ئاھ، مۇئەللىم ھەر ياندىن ساغىدىغان كالىمۇ، ئارام بەرمەي قاتراتتى، مۇئەللىمنىڭ مائاشى. ئىمزا قويسا نەچچىسى قەرز- قىزىل رەقەمگە، تىترەپ قولى نائىلاج يۈك ئارتقاندەك قەلەمگە، يازسا ھۆججەت قەرزگە تويۇپ ئىزا- ئەلەمگە، يۈرسە كىملەر بىغەملا دەسسەپ مەرغۇل، سەنەمگە، تولۇقلىغاچ خەجىنى مۇئەللىمنىڭ مائاشى. ماختاپ ئۇنى ئەتىگەن، تىللاپ بۇنى كەچلىكى، كىم ياۋاش نەپ يوقىدۇ خىللاپ شۇنى كەچلىكى، تاك-تاكچىنى سورۇنغا چىللاپ بىللە كەچلىكى، نېمىشقا؟ ئاھ، مەنسەپنى ساقلاش غېمى، تەسلىكى، مەي، زاكۇسكا جەرىمانە، مۇئەللىمنىڭ مائاشى. ئۇچۇغدالسا مۇئەللىم تاۋۇز قىلىپ تېرىقنى، شۇنداق ئۇلار لاي سۇدىن تۇتسا دائىم بېلىقنى، تەكرار-تەكرار مەركەزدىن سالما دېسە سېلىقنى، توختاتمىسا سېلىقنى- قارغىش تەگكۈر قىلىقنى، قالغان نىمە بالاغا مۇئەللىمنىڭ مائاشى؟ مائاش دەريا- ئۇلغايغان تالاي ئېقىن- تارامدىن، كان، زاۋۇتتىن، يېزىدىن گاھ ياۋاش، گاھ قارامدىن، نەچچە دەشنەم، ھاقارەت، تالاي ئىللىق سالامدىن، قانداق ئۆتتى گېلىدىن يەپ كۆنگەننىڭ ھارامدىن، كىملەرنىدۇ سەمرىتتى، مۇئەللىمنىڭ مائاشى. شۇنداق كەتسە كىم ئىگە تەقدىرىگە ئەۋلاتنىڭ، گۈللەتكۈچى ۋەتەننى، ئىقبالىنى مىللەتنىڭ، قارغىمامدۇ، ئۇرمامدۇ روھى بىزنى ئەجدادنىڭ، توسالمىساق يولىنى جەرمانە شۇم سالداتنىڭ، ئىگىسىنى تەلمۈرتتى، مۇئەللىمنىڭ مائاشى. ئىلمۇ- ئېرپان ئەھلى بىز بۇلغانمايلى پۇلنى دەپ، قايسى سېسىق ئارقانغا باغلانمايلى پۇلنى دەپ، كېچىلىرى ئۇيقۇسىز تولغانمايلى پۇلنى دەپ ئۇخلىمايلا چۈش كۆرۈپ ئايلانمايلى پۇلنى دەپ، گۈل- غۇنچىنى ئاينىتسۇن، مۇئەللىمنىڭ مائاشى. خاتىرە دەپتىرىمگە 2005- يىللىق « شىنجاڭ مائارىپى» ژورنىلىدىن كۈچۈرۈلگەن. ___ باشقۇرغۇچى : ئۇيغۇرئاي تەرىپىدىن تەستىقلاندى . تەستىقلانغان ۋاقتى : 2008-10-09
| |||||
---|---|---|---|---|---|---|
marisadimi دەرىجىسى :يېڭى ئۆگەنگۈچى | بەك ياخشى يېزىلغان شىىئر جۇمۇ!
لىكن بۇ ئىشلار بىلەن ھچكىمنىڭ كارى يوق.ھازىر مۇئەللىمنى ھەممە ئادەم بۇزەك قىلدۇ. بۇلۇپمۇ قەشقەر ۋىلايىتىنىڭ ناھللىرىدە بۇ ئەھۋال بەك ئېغىر .ھچقانداق ئۇرۇنئادىل سۇرمايدۇ. شۇ مۇئەللىنىڭ مائاشىدا بىر قىسىم مەكتەپ مۇدىرلىرىنىڭ ئانىسنىڭ ھەققى بارمىكىن دەيمەن. مۇشۇ تىمىنى ،ۋە بۇ ئنكاسنى كۆرگەن بىرەر ۋىجدانى بار مۇناسۋەتلىك رەھبەرنىڭ مارلبېشنىڭ چۇڭقۇرچاق يىزسىدىكى ئۇقۇتقۇچىلارنىڭ دەردىگە دەرمان بۇلۇشنى ئۈمىت قىلمەن. | |||||
---|---|---|---|---|---|---|
hawaskar110 دەرىجىسى :دائىملىق ئەزا | ياخشى يېزىلغان شىىئر كەن...........!
| |||||
---|---|---|---|---|---|---|
otyak | مۇئەللىمنىڭ مۇئاشى ئانىمىزنىڭ سۇتىدەك ھالال. بۇ مۇئاشقا قول سۇنىدىغانلارمۇ بار تىخى !
| |||||
---|---|---|---|---|---|---|
kanjiogul دەرىجىسى :يېڭى ئۆگەنگۈچى | راس! مۇئەللىمنىڭ مۇئاشى بىلەن، دىھقاننىڭ تەرىدەك ھالال ئەجىر-مىھنەت يوق.
| ||||
---|---|---|---|---|---|
kusan886 دەرىجىسى :يېڭى ئۆگەنگۈچى | ھەقىقەتەن ياخشى شىئېركەن.
| |||||
---|---|---|---|---|---|---|
MAHMUTJAN110 دەرىجىسى :تېما چولپىنى | توغىرا مۇئەلىمنىڭ مۇئاشى ھەقىقەتەن ئانا سۈتىدەك ھالال
| |||||
---|---|---|---|---|---|---|
ayjahan | شۇنداقمۇ ئىشلار بارمۇ تېخى،تەپ -تارتماستىن باللىرىنىڭ ئاغزىغا بىلىم سالغان ئۇستازنىڭ نېسىۋېسىغا چاڭ سالدىغان بېزەك مۈشۈكلەر ،ھامىنى جاجىسىنى يەيدۇ.
بىزنىڭ بۇ يەردە ئوقۇتقۇچىلارنىڭ مائاشى بەك يۇقىرى. | |||||
---|---|---|---|---|---|---|
kok-sultan تەۋپىق ئىزچىسى | بىزدە ئۇستاز-پازىللارنىڭ ھۆرمىتىنى قىلىدىغانلار كۈندىن-كۈنگە ئازلاپ كېتىپ بارمامدۇ؟مۇئەللىملەر بىلەن بىرگە ياشايدىغان،مۇئەللىملەردىن ئۇنۋان تاللىشىپ جان بېقىۋاتقان مەكتەپتىكى مالىيە خادىملىرىنىڭ ھالىچۇ تېخى.............
| |||||
---|---|---|---|---|---|---|
nurdun مۆلجەر تاغ ئوغلى | مۇئەللىم مۇئەللىمنىڭ قاياشى.ئېسىل شېئىركەن بۇ.
| |||||
---|---|---|---|---|---|---|
tograh0997 | بۇرۇن ئۇقىماپتىمەن بەك ياخشى شېركەن
| |||||
---|---|---|---|---|---|---|