تورداشلارنىڭ توردىن تۈرلۈك ماتېرىياللارنىڭ ئىزدىشىگە قولايلىق بولۇشى، ئىزدەش مەشغۇلاتىغا تونۇشى يېتەرلىك بولمىغان تورداشلارنىڭ ماتېرىيال ئىزدىشىگە قولايلىق يارىتىش مەقسىتىدە «تاپقۇر» ئىزدەش تورىنى قۇرۇپ چىقتۇق .
تور بەتنىڭ ئىزدەش دائىرىسى جەھەتتە، تور بەتتىن مەزمۇن ئىزدەش، رەسىم ئىزدەش، بلوگدىن ئىزدەش، لۇغەت، دىتال ئىزدەش، دوكۇمېنت ئىزدەش، مۇنبەرلەردىن ئىزدەش، كىنو ئىزدەش، ناخشا ئىزدەش قاتارلىق بىر قانچە تۈرلۈك ئىقتىدارلار ئەمەلگە ئاشۇرۇلدى.
ئۇنىڭدىن باشقا كۆپ ئىزدەلگەن سۆزلەرنى تەۋسىيە قىلىش ئىقتىدارى قوشۇلغان بولۇپ، تور بىكىتىمىز ئارقىلىق ئىزدەلگەن ھەر بىر سۆز سانلىق- مەلۇمات ئامبىرىغا خاتىرىلىنىپ، كۆپ ئىزدەلگەن سۆزلەر ئىزدەش قېتىم سانىنىڭ ئاز-كۆپلىكىگە ئاساسەن تىزىلغاندىن سىرت، ئىزدىمەكچى بولغان سۆزنىڭ باش ھەرىپىنى كىرگۈزسىڭىزلا، ئەگەر سىز ئىزدىمەكچى بولغان سۆز بۇرۇن ئىزدەلگەن بولسا داۋامىنى كىرگۈزىشىڭىزنىڭ ھاجىتى يوق، بىۋاستە سۆزنى تاللىىسىڭىزلا بولىدۇ.
1- مەزمۇن ئىزدەش: Google ئىزدەش ماتورى ئىزدەپ تاپقان مەزمۇنلارنى كۆرسىتىدۇ. ئۇنىڭدىن باشقا يەنە بىلىك ئىزدەش تۇرى ،ئۇيغۇرگوگۇل تورى ۋە جادۇ كۆز تورىدىن ئىزدەش نەتىجىسىنى كۆرسىتىش ئىقتىدارىمۇ قوشۇلدى.
2- رەسىم ئىزدەش: Google ئىزدەش ماتورى ئىزدەپ تاپقان مەزمۇنلارنى كۆرسىتىدۇ. ئۇنىڭدىن باشقا يەنە ئۇيغۇرگوگۇل تورى ۋە جادۇكۆز تورىدىن ئىزدەش نەتىجىسىنى كۆرسىتىش ئىقتىدارىمۇ قوشۇلدى.
3- بلوگ (تور خاتىرىسى) دىن ئىزدەش: blogsearch.google.com دىن ئىزدەپ تېپىلغان نەتىجىلەرنى كۆرسىتىدۇ.
4- لۇغەت: ئۇيغۇرچە-خەنزۇچە، خەنزۇچە ئۇيغۇرچە قوش يۆنلىشلىك لۇغەت ئىقتىدارى قوشۇلدى.
5- دېتال ئىزدەش: دېتال ئىزدەشتە ھازىرچە بىلىك چۈشۈرۈش بېتى، باياۋان تورى، ئۇيغۇر تېخنىكا تورى قاتارلىق تور بەتلەردىن ئىزدەش ئاساس قىلىندى. يەنە باشقا ئۇيغۇرچە دىتال چۈشۈرۈش بەتلىرى بولسا، تورداشلارنىڭ تەۋىسىيىسىگە ئاساسەن داۋاملىق قوشۇلىدۇ.
6- دوكۇمېنت (ھۆججەت ئىزدەش): ھۆججەت ئىزدەشتە كۆپ ئىشلىتىلىدىغان Word, Excel, Powerpoint, Flash, Photoshop ھۆججەتلىرىنى ئىزدەش دائىرىسىگە كىرگۈزدۈق.
7- مۇنبەرلەردىن ئىزدەش: مۇنبەرلەردىن ئىزدەشتە، بىلىك مۇنبىرى، UKIJ مۇنبىرى، شەبنەم مۇنبىرى، سەلكىن مۇنبىرى، دىيارىم مۇنبىرى، ئىنتىل سەيناسى، قۇياش كومپيۇتېر تېخنىكا تورى، باس-باس مۇنبىرى قاتارلىق مۇنبەرلەر ئىزدەش دائىرىسىگە كىرگۈزۈلدى.
ھازىرچە قۇربىتىمىزنىڭ يېتىشىچە مۇشۇنچىلىك ئىشلەپ پۈتتۈردۇق. تورداشلارنىڭ تەكلىپ – پىكىرلىرىگە ئاساسەن تېخىمۇ مۇكەممەللەشتۈرۈشكە تىرىشىمىز.
بىز بىلەن ھەمكارلىشىشنى خالايدىغان تورداشلار تور بىكىتىمىزگە كىرىپ پىكىرىنى قالدۇرسا بولىدۇ.
تور بىكەت بەلگىسى
تور بىكەت ئادرىسى:
Http://www.tapkur.comبىكەت تۇغ ئادرىسى:
مەقسىتىمىز: ھەر بىر تورداشنىڭ ماتېرىيال ئىزدىشىگە قولايلىق ئېلىپ كېلىش.
ئۇيغۇرچە ئىزدەش پروگراممىسىنى يېزىپ چىققان
www.uyasp.net بېكىتىدىكى Hotanboy ئەپەندىگە ئالاھىدە رەھمەت ئېيتىمىز !
