| ||||||
NURLUKMAXAL دەرىجىسى :يېڭى ئۆگەنگۈچى | جەلىپكار چولپان!!! داۋېد بېكخام 1975- يىلى 5- ئاينىڭ 2- كۈنى لوندۇننىڭ شەرقى رايونىدا دۇنياغاكەلگەن . ئۇنىڭ بوۋىسى يەھۇدى بۇلۇپ ، بېكخامنىڭ قەلبىدە يەھۇدىلارنىڭ تىنىمسىز تىرىشىش روھى بار ئىدى . ئاپىسىنىڭ ھۆسۈن تۈزەش خادىمى بۇلۇشى ئۇنىڭدا كىچىكىدىنلا ئۆزىگە ئەھمىيەت بېرىدىغان ياخشى مىجەزنى يىتىلدۈردى .
بېكخام كىچىك ۋاقتىدا « بوببى چارلىتون پۇتبول مەكتىۋى » گە كىرىپ پۇتبولدىن سېستىمىلىق تەربىيە ئالدى. ئۇ تېتىكلىكى ، زېرەك ، چاققانلىقى بىلەن ئۆزىنىڭ كىيىنكى پۇتبول ھاياتى ئۈچۈن پۇختا ئاساس سېلىۋالدى. بېكخام مەكتەپتە ئوقۇۋاتقان چېغىدا ، ئادەتتىكى دەرسلەردە نەتىجىسى ناچار بۇلۇپ ، ھەر قېتىملىق ئىمتاھاندا لاياقەتسىز بولىدىغان پەنلىرى كۆپ بۇلاتتى ، لېكىن بۇ ئۇنىڭ پۇتبولنى تاللىۋېلىشىدىكى سەۋەب ئەمەس ، بەلكى ئۆزىدىكى تالانتنى بايقىيالمىغانلىقى ئىدى . ئۆسمۈرلەرنىڭ تۈرلۈك پۇتبول مۇسابىقىلىرىدە ئۆزىنىڭ ماھارىتىنى ياخشى جارى قىلدۇرغان بېكخام 1992- يىلى ، يەنى 16 يېشىدا مانچېستىر بىرلەشمە پۇتبول كوماندىسىغا كىردى . ئۇ بۇيەردە پىشىپ يىتىلدى ۋە ئۆزىنڭ ئالتۇن دەۋرىنى كۈتۈۋالدى . ئۇ مۇنەۋۋەر توپچىلاردىن كەمتەرلىك بىلەن ئۆگىنىپ ، ئۆزىنى تاكاممۇللاشتۇردى . ئۇنىڭ مەيداننىڭ ھەممە يېرىدە ھەل قىلغۇچ پەيتتە پەيدا بۇلىشى ، ئىختىيارى توپ ۋە نۇقتا توپ تىپىشتە يۇقىرى سەۋىيە يارىتىشى بۇ كوماندىنى ئىنگلاند دەرىجىدىن تاشقىرى پۇتبول مۇسابىقىلىرىدە كەينى - كەينىدىن چىمپيونلۇق شەرىپىگە نائىل قىلدى . بۇ نەتىجىلەر ھازىرقى زامان پۇتبولچىلىقىنىڭ بۆشۈكى ، پۇتبولچىلار ئارىسىدىكى رىقابەت ئاجايىپ كەسكىن ، پۇتبول مەستانىلىرىمۇ ھەددىدىن زىيادە كۆپ ئەنگىلىيىدە ئۇنى زور شۆھرەتكە ئىگەقىلدى . بېكخام 1996- يىلى 9- ئاينىڭ 1- كۈنى تۇنجى بۇلۇپ ئىنگلاند دۆلەت كوماندىسى تەركىبىدە مولدۇۋا بىلەن ئېلىپ بېرىلغان مۇسابىقىگە قاتناشتى . ئۇنىڭ دۆلەت كوماندىسىدىكى ھاياتىنى ئانچە ئوڭۇشلۇق ئۆتمىگەن دىيىشكە بۇلىدۇ . ئىنگلاند دۆلەت كوماندىسىنى سۆيىدىغان كىشىلەر بۇ كوماندا توغرىسىدىكى بەزى كۆڭۈلسىز كۆرۈنۈشلەرنى ھەرگىز ئۇنتالمايدۇ : 1998- يىلى فرانسىيەدە ئۆتكۈزۈلگەن دۇنيا لوڭقىسى پۇتبول مۇسابىقىسىدە بېكخام قىزىل كارتا جازاسىغا ئۇچراپ مەيداندىن چىقىرىۋېتىلىپ ، ئىنگلاند كوماندىسى ئۆزىنىڭ كونا رەقىبى ئارگېنتىنا كوماندىسىغا ئۇتتۇرىۋېتىدۇ . بۇنىڭ بىلەن بېكخام پۇتبول مەستانىلىرىنىڭ مەسخىرىسىگە قالىدۇ . كىيىن بۇ قېتىملىق قىزىل كارتا بېرىشنىڭ ناھەق بۇلۇپ قالغانلىقى ئىسپاتلانغان بولسىمۇ ، پۇتبول مەستانىلىرى ئۇنى يەنىلا كەچۈرمەيدۇ . مانا مۇشۇنداق چاغدا ئۇنىڭ ئانا كوماندىسى - مانچىستېر بىرلەشمىسى كوماندىسى ئۇنىڭغا يەنىلا مۇلايىملىق بىلەن ياردەم قولىنى سۇنىدۇ . بۇنىڭ بىلەن ئۇ تېخىمۇ تىرىشىپ مەشىق قىلىپ ، ئۆزىنىڭ كارامىتىنى كۆرسىتىشكە باشلايدۇ . بېكخامنىڭ تىرىشچانلىقى ئۇزاق ئۆتمەي خەلقنىڭ نەزىرىگە ئېلىنىدۇ . 2000- يىلى ئۇ ئىنگلاد دۆلەت كوماندىسىنىڭ كاپىتانى بۇلىدۇ . ئەمدى ئۇنىڭ ئالدىدا بىر نەچچەقېتىملىق دۇنيا لوڭقىسى پۇتبول مۇسابىقىسى تۇراتتى . ئىنگلاند دۆلەت كوماندىسىنى كۈچلۈكلەر يىغىلغان كوماندا دىگەندىن كۆرە ، تەلەيسىز كوماندا دىيىش ئەڭ مۇۋاپىق . 2002- يىلىدىكى دۇنيا لوڭقىسى پۇتبول مۇسابىقىسىدە ھالاكەت گۇرۇپپىسىغا بۆلۈنۈپ قالغان بۇ كوماندا ئارگېنتېنا كوماندىسىنى تەسلىكتە يەڭگەن بولسىمۇ ، تۆت كۈچلۈك كوماندا قاتارىغا كىرەلمەي ، شاللىنىپ كەتتى. 2006- يىلىدىكى دۇنيا لوڭقىسى پۇتبول مۇسابىقىسىدە ، پورتۇگالىيە كوماندىسىغا نۇقتا توپ جېڭىدە ئۇتتۇرۇپ قويدى. بۇنىڭ بىلەن بېكخامنىڭ ئىنگلاند كوماندىسىنى يىتەكلەپ چىمپيون قىلىش ئۈمۈدى يوققا چىقتى . 2003- يىلى بېكخام ئۈچۈن ناھايىتى نەس باسقان بىر يىل بولدى . ئۇ شۇ يىلى 2- ئايدا ئۆزىنى تاللىغان پۇتبول ساھەسىدىكى داڭلىق زات فۇگېسوندىن چەك - چېگرىنى ئېنىق ئايرىدى . ئاخبارات ساھەسى داۋراڭ قىلغان فۇگېسوننىڭ بېكخامغا ئاياغنى ئېتىپ يارىلاندۇرۇشتەك قىلمىشى پۈتكۈل دۇنيانى بىر ئالدى . 2003- يىلى 4- ئايدا بېكخام 45 مىليۇن ياۋرولۇق يۆتكىلىش ھەققى بىلەن جان جەمەتى مادرىد پۇتبول كۇلۇبىغا يۆتكىلىپ كەتتى . ئۇنىڭ يۆتكىلىش ھەققى شۇ يىلىدىكى رەت تەرتىپتە ئىككىنچى ئورۇندا تۇردى ( تۈركىيە پۇتبول چولپىنى رۇشتۇ رەھبەر 50 مىليۇن ياۋرولۇق يۆتكىلىش ھەققى بىلەن بىرىنچى ئورۇندا تۇرغان ) . ئىسپانىيە خان جەمەتى مادرىد كۇلۇبىنى دۇنيادىكى سەرخىل پۇتبول چولپانلىرى يىغىلغان كوماندا دىيىشكە بۇلىدۇ . بۇ يەردىكى پۇتبولچىلارنىڭ ئۆز ئورنىنى تاپمىقى ناھايىتى تەس ، ئەمما بېكخام بۇ يەردە ناھايىتى تېزلا ئۆزىنى تۇنۇتتى . بارغان يىلىلا ئىسپانىيە دەرىجىدىن تاشقىرى پۇتبول لوڭقىسىنى تالىشىش مۇسابىقىسىدە بۇ كوماندىنىڭ چىمپيون بۇلىشىغا كۈچ چىقاردى . كىيىنكى يىللاردا بۇ كوماندىنىڭ تەلىيى كەلمىگەن بولسىمۇ ، لېكىن ئۇ يەنىلا 2006 _ 2007- يىلىدىكى مۇسابىقە پەسلىدە چىمپيون بۇلىشىغا كۈچ چىقاردى . ئۇزاق ئۆتمەي ئامرېكىنىڭ لوس - ئانژېلىس « سامانيولى » پۇتبول كۇلۇبىغا بەش يىللىق توختام بىلەن يۆتكىلىپ كەتتى . بېكخامنىڭ تۇرمۇشى توغرىسىدا كىشىلەرنىڭ ئاغزىدا ئېقىپ يۈرگەن ھەرخىل گەپلەر بار . ئۇ بىر ئاغىنىسى بىلەن سوغۇق ئىچىملىك ئىچىپ ئولتۇرغاندا ، تېلېۋىزۇردا ۋىكتورىيىنىڭ ناخشا ئېيتىۋاتقان كۆرۈنۈشى كۆرۈنگەن . بېكخام ئاغىينىسىگە : _ بۇرادەر ، مەن مۇشۇ قىزنى جورىلىققا تاللىدىم ، - دىگەن . ئۇزاق ئۆتمەي ، ئاغىينىسى بېكخامدىن خوشخەۋەر ئاڭلايدۇ . بۇ 1997- يىلىدىكى ئىش ئىدى . ئىككى يىلدىن كىيىن ، يەنى 1999- يىلى 7- ئايدا بېكخام بىلەن ۋېكتورىيە بەخىتلىك ھالدا توي قىلىدۇ . ئۇنىڭ توي قىلىشىمۇ كەسىپ جەھەتتىن ئىلگىرىلىشىگە زور تۈرتكە بۇلىدۇ . ۋىكتورىيە بېكخامدىن بىر ياش چوڭ بۇلۇپ ، بۇ ئۇلارنىڭ مۇھەببىتىگە ھېچقانداق تەسىر يەتكۈزمىگەن . ۋىكتورىيە ئەنگىلىيىدە خېلى تەسىرى بار مودا ناخشىچى ئىدى . ئۇ توغرۇلۇق ھەرخىل ئۆسەك خەۋەرلەرنىڭ ھەممىسىنى ئۇلارنىڭ تۇرمۇشىنى بۇزىۋېتەلمىدى . بېكخام پۇتبول ساھەسىدىلا داڭق قازانغان ئەمەس ، ئاپىسىنىڭ ھۆسىن تۈزەش ئۇستىسى بۇلۇشى ئۇنىڭدا گۈزەللىككە نىسبەتەن ئالاھىدە ئىرسىيەت شەكىللەندۈرگەن بولسا كىرەك . ئۇ مودىللىق ۋە ئېلان ساھەسىدىمۇ زور مۇۋەپپەقىيەت قازانغان . « ئەنگىلىيە كۈندىلىك پوچتىسى » گېزىتىنىڭ 2002- يىلىدىكى خەۋىرىگە قارىغاندا ، ئۇنىڭ مۈلكىنىڭ قىممىتى 48 مىليۇن فوند ستېرلىڭ بۇلۇپ ، شاھزادە ۋىليام بىلەن شاھزادە ھاررىنىڭ مۈلكىنىڭ ئومۇمى قىممىتىگە توغرا كىلىدىكەن . ئۇنىڭ يىللىق ئېلان كىرىمى 19 مىليۇن فوند ستېرلىڭ ئىكەن . « سامانيولى» پۇتبول كوماندىسىدىكى بەش يىللىق ئىش ھەققى 250 مىليۇن ئامېرىكا دوللىرى ئىكەن . مەنبە : « شىنجاڭ ياشلىرى » ژورنىلى 2008- يىللىق 5- سان ___ باشقۇرغۇچى : Naikon.x تەرىپىدىن تەستىقلاندى . تەستىقلانغان ۋاقتى : 2008-10-07
| |||||
---|---|---|---|---|---|---|
aksogak دەرىجىسى :شەبنەم ئەزاسى | توپنى بولمىسا مىنىڭدىن ياخشى تىپىدىغان بالاڭزىدە بۇ ، مەن بۇنىڭ شۇ رىنچىيۇنى ياخشى تىپىشگە قايىل
| |||||
---|---|---|---|---|---|---|
najmela دەرىجىسى :شەبنەم ئەزاسى | بۇ چولپانمۇ بوش ئەمەس
| |||||
---|---|---|---|---|---|---|
tograh0997 | قىزلارنىڭ كۆڭلى يېرىم بولسا كېرەك
| |||||
---|---|---|---|---|---|---|
hurradap دەرىجىسى :يېڭى ئۆگەنگۈچى | رەھمەت !! ئەسلى بىكخام دىگەن ئەبلەخ يەھۇدى پۇشتىدىن ئىكەن ھە ؟؟؟؟
| |||||
---|---|---|---|---|---|---|
musapir0991 دەرىجىسى :دائىملىق ئەزا | پەقەت جاپاغا چىداش روھىدىن ئۆگۈنۈشكە ئەرزىدۇ. باشقا ۋاي دەپ كەتكۈدەك يېرى يوق!
بىزگىمۇ بولسۇنچۇ ئاشۇنداق پۇرسەتلەر نى نى ئەزىمەتلەر چىققان بولاتتى . <بىخكامدىن ئىشەك ياخشى> دىگەن گەپنى قوللايمەن! | |||||
---|---|---|---|---|---|---|
manan دەرىجىسى :تىرىشچان ئەزا | بۇنىڭغا چوقۇنىدىغانلار ئاز ئەمەس جۇمۇڭلار .
| ||||
---|---|---|---|---|---|
musliman دەرىجىسى :يېڭى ئۆگەنگۈچى | پەقەت جاپاغا چىداش روھىدىن ئۆگۈنۈشكە ئەرزىدۇ. باشقا ۋاي دەپ كەتكۈدەك يېرى يوق!
| |||||
---|---|---|---|---|---|---|
man213 دەرىجىسى :يېڭى ئۆگەنگۈچى | مۇشۇچەتەلنڭ كەلگۇسىگەتازا خوشام يوق زۇما
| ||||
---|---|---|---|---|---|
otkaxlar دەرىجىسى :دائىملىق ئەزا | چولپانلارنڭ ۋاي دگدەك نەرېبار دوسلار
توغرادېدېمما | |||||
---|---|---|---|---|---|---|
otkaxlar دەرىجىسى :دائىملىق ئەزا | چولپانلارنڭ ۋاي دگدەك نەرېبار دوسلار
توغرادېدېمما | |||||
---|---|---|---|---|---|---|
otkaxlar دەرىجىسى :دائىملىق ئەزا | چولپانلارنڭ ۋاي دگدەك نەرېبار دوسلار
توغرادېدېمما | |||||
---|---|---|---|---|---|---|