ئوغرىغا مىننەتدارلىق بىلدۈرگەن ئىشنى مۇشۇ روزا ھېيىتىدا تۇنجى ئاڭلاپ كۈلۈپ كەتتىم.چۈنكى بۇ ھەقىقەتەن ئوغرىغا رەھمەت ئېيتمىسا بولمايدىغان يۇمىرىستىك ۋەقە ئىكەن. شۇڭا بۇ ئشنى تورداشلارمۇ ئاڭلاپ باقسۇن دەپ ،ھېيىتلىق سوغا سۈپىتىدە مۇنبەرگە يوللاپ قويدۇم.بۇ ئىشنى ئاقسۇدېكى بىر ئالىي مەكتەپتە ئوقۇتقۇچىلىق قىلىدىغان دوستۇم دەپ بەردى.
بىر كۈنى دوستۇمنىڭ بىر خىزمەتدېشى شەخسىي ماشىنىسىنى ھەيدەپ بازارغا كىرىپتۇ . قايتىشىدا نان ئېلىۋالاي دەپ يولنىڭ قىرىدىكى بىر ناۋايدىن نان ئېلىش ئۈچۈن ماشىنىسىنى توختۇتۇپ ناننى ئېلىپ ماشىنىغا چىقسا ، ماشىنا ئىچىگە قويۇپ قويغان قول سومكىسى يوق تۇرغىدەك.ئەسلىدە ماشىنا دەرىزىسىنىڭ ئەينىكى ئوچۇق قالغان بولۇپ،مۇشۇ يەردىن سومكىنى باشقىلار ئوغىرلىۋالغان ئىكەن. سومكىدا 200يۈز يۈەنگە يېقىن نەق پۇل، مەكتەپكە تاپشۇردىغان 20نەچچە مىڭ يۈەنلىك تالۇن-ھۆجەتلەر بار ئىكەن. ئەگەر سومكا تېپىلمىسا ئۇ كىشىگە زور زىيان بولۇپلا قالماي ، <<خىيانەتچى>>بولۇپ قېلىش ئېھتىمالى بار ئىكەن .ئۇ كىشى ئامالسىز ئۆيىگە قايتىپ ،قانداق قىلىشىنى بىلەلمەي غەمگە پېتىپ ئولتۇرسا يان تېلىفۇنىغا تېلىفۇن كەپتۇ. تېلىفۇننى ئالسا بىر كىشى:<<سومكىللىرىنى بىز ئالغان ،پالانى يەرگە كېلىپ تاپشۇرۋالسىلا>>دەپتۇ.سومكا ئېگىسى دەرھال تېلىفۇندا دېيىلگەن يەرگە كەلسە بىر نەچچە ياش بالىلار سومكا ئېگىسىگە:<<سومكىدىكى نەق پۇلنى بىز ئىشلىتىپ كەتتۇق، تالۇنلارغا قارىساق بىزگە لازىم ئەمەسكەن، ئۇنىڭ ئۈستىگە بەك جىق تالۇنلار ئىكەن ،تاشلىۋەتيسەك سىلىگە زور زىيا بولۇپ كەتكىدەك،سومكىدا سىلى تېلىفۇن ھەققى تۆلىگەن تالۇن بار ئىكەن ،مۇشۇ بۇيىچە سىلىگە تېلىفۇن قىلدۇق >>دەپتۇ. سومكا ئېگىسى ئىنتايىن خۇشال بولۇپ،ئۇلارغا:<<پۇلنى ئىشلىتىپ كەتسەڭلار ھېچ گەپ يوق، سىلەرگە كۆپتىن-كۆپ رەھمەت، سىلەرنى رېستۇرانغا باشلاپ تۈزۈك رەھمەت ئېيتىۋالاي>>دەپ شۇنچە چېڭ تۇتسىمۇ ئۇلار <<رەھمەت سىلىگە، سومكىللىرىنى ئېلىپ ئىشلىرىنى قىلىۋەرسىلە،باشقا چاغدا كۆرىشەرمىز>>دەپ مېھمان بولۇشقا ئۇنىماپتۇ. دوستۇمنىڭ خىزمەتدېشى ئۇ مەدەنىي، <<ئىنساپلىق>>ئوغرىلارغا چۇڭقۇر تەشەككۈر بىلدۈرۈپ،ئۇلارنى مېھمان قىلالمىغانلىقىغا ئۆكۈنگەن ھالدا خۇشال قايتىپ كەپتۇ.
[ يوللىغانmazargojamتەرىپىدىن2008-10-04 17:16قايتا ت ]
ئوغرىغا تەشەككۈر(مازارغوجام)
