| ||||||
يوللذق دەرىجىسى :يېڭى ئۆگەنگۈچى | بەزىلەرنىڭ ئالتىنچى غەيرىي رەسمىي تېز سىزمىسى(ھەجۋىي) يوللۇق
(بېشى ئالدىنقى سانلىرىدا) 6 «دەتتىكام» دەپ پۇلىنى ئوتقا ئاتقان قىماۋاز، دوغا تىكىپ ئۆيىنى سايدا ياتقان قىماۋاز، يۇپۇرماقسىز دەرەختەك قاقشال قالغان قىمارۋاز، ئەلنىڭ نەپرەت تېشىدىن ئىنئام ئالغان قىمارۋاز، چۈشۈپ قانۇن تورىغا رەسۋا بولغان قىماۋاز. ھۈددە ئالغان يېرىگە قان تەر تۈكۈپ ئىشلىمەي، ئەل بىلەن بىر يولدا بوپ ھالاللاپ نان چىشلىمەي، داغدام يولدا يول تېپىپ، باي بۇلۇپ تېز ئۆرلىمەي، ئىستىقبالۇ-كېلەچەك ،ئۆي،بالىنى كۆزلىمەي، پايدا كۆزلەپ ھارامدىن زىيان تارتقان قىمارۋاز. كۆزگە ئىلماي قانۇننى شەيتان بىلەن قېتىلىپ، چىراق بىلىپ تاۋكانى پەرۋانىدەك ئېتىلىپ، توغرا يولنى تاللىماي ،ئەگرى يولدا يېتىلىپ، ئاتا-ئانا ،بالىنى زار قاقشىتىپ -يىغلىتىپ، مال-مۆلۈككە ئوت قۇيۇپ ،ئوتتا قالغان قىمارۋاز. پۇلۇڭ تۈگەپ قىماردا ئۆي - ۋاقاڭنى ئاتتىڭسەن، ھەتتا خوتۇن - بالاڭنى پۇل ئورنىدا ساتتىڭسەن، شەرەپ بىلىپ ئازغاننى «گۈلۈم»دېدىڭ ،تاقتىڭسەن، چېمەن باغدىن گۈل ئۈزمەي، تىكەنزارغا باقتىڭسەن، ئەل -يۇرتىدىن ئايرىلىپ چۆلدە قالغان قىمارۋاز. ئەخلاق،بىلىم ئۆگەنمەي قالدىڭ نادان ياش تۇرۇپ، ئەمگەك قىلماي ،نەپسىڭنى ئوت قىماردىن ئاقتۇرۇپ، پۇل،ھەۋەسنىڭ كەينىدىن قوغلاپ ئاتنى چاپتۇرۇپ، نەسىھەت قىلغان كىشىگە مولۇن كەبى ھومۇيۇپ، سەرسان بولۇپ ئاقىۋەت، زەرداپ يۇرتقان قىماۋاز. ھالال كەسىپ ھۆنەردىن يول تاپقانلار پۇل تاپتى، ئىلىم سۆيگەن كىشىلەر گۈل ئۈستىگە گۈل ياپتى، ئەقلى كوتا نادانلار ئۇشۇق ئاتتى،پوق چاپتى، تارت قولۇڭنى قىماردىن ! ئەزەل قىمار ئوت چاچتى، ئويناشقانلار ئوت بىلەن كۆيۈپ قالغان ،قىمارۋاز. ئاتاڭ قىلما دېگەننى بولدى ،ئەمدى ئوينىما، قانۇن بىلەن ئوينىشىپ ،ئۆزەڭنى شىردەك ئويلىما، كىرىپ شەيتان كەينىگە پىنھاندا ھۆپۈپ يۇڭلىما، مالۇ -مۈلكۈڭ كۆپەسە، ئۇنى ئوتقا تويلىما، ياخشىلىققا يول ئالماي ، داغدا قالغان،قىمارۋاز. ( داۋامى بار ) 2008-يىلى 10-ئاينىڭ 3-كۈنى كەچ ، تور غا بىۋاستە يازدىم. ___ باشقۇرغۇچى : uyghurjan تەرىپىدىن تەستىقلاندى . تەستىقلانغان ۋاقتى : 2008-10-03
| |||||
---|---|---|---|---|---|---|
aqqikxaptul دەرىجىسى :يېڭى ئۆگەنگۈچى | ۋاھ!!!!ئالامەت ياخشى يىزېپسىز!
قاپىيەنى بەلەن ئويناپ قويۇپسىز قۇمۇ!! | |||||
---|---|---|---|---|---|---|
niha دەرىجىسى :يېڭى ئۆگەنگۈچى | مەن ئىزچىل تېز سىزمىلىرىڭىزنى ئوقۇپ كېلىۋاتىمەن ،ھەقىيقەتەن سىز تەشەببۇس قىلىۋاتقان مەرىپەت ئەدەبىياتىغا چۇشلۇق ئىش قىلىۋاتىسىز .ئەجرىڭىزگە رەھمەت، داۋامى بار ،دەپسىز ،يەتتىنچىسىنى قاچانمۇ كۆرەرمىز ،تەشنا بولدۇق...
| |||||
---|---|---|---|---|---|---|
gulqiman999 دەرىجىسى :يېڭى ئۆگەنگۈچى | سىزگە رھمەت بەك ياخشى يىزپسز !!
| ||||
---|---|---|---|---|---|
0991sumruh | نۆۋەت قىمارۋازغا كەپتۇ-دە؟!
ئۇنىمۇ پەچەت سىزىپ قويۇپسىز | |||||
---|---|---|---|---|---|---|
tughrul ئانا تىلنى قوغداش شەرەپ | سىزنىڭ مۇشۇنداق تىز سىزمىلىرىڭىز بىزنى نۇرغۇن بىلىمگە ئىگە قىلىۋاتىدۇ ،رەھمەت.
| ||||
---|---|---|---|---|---|
HAKIKATOGLI دەرىجىسى :شەبنەم ئەزاسى | ھالال كەسىپ ھۆنەردىن يول تاپقانلار پۇل تاپتى،
ئىلىم سۆيگەن كىشىلەر گۈل ئۈستىگە گۈل ياپتى، ئەقلى كوتا نادانلار ئۇشۇق ئاتتى،پوق چاپتى، تارت قولۇڭنى قىماردىن ! ئەزەل قىمار ئوت چاچتى، ئويناشقانلار ئوت بىلەن كۆيۈپ قالغان ،قىمارۋاز تېما ئىگىسىەرەھمەت | |||||
---|---|---|---|---|---|---|