كىتاب تاشلىرى شىراق
شىراق رىۋاايىتى قەدىمقى زامانلاردا ساك دەپ ئاتىلىدىغان قەبىلىلەر بولغانىكەن.ئىران پادىشاھى دارا ئۇلارنىڭ زېمىنىنى ئۆزىنىڭ قىلىۋېلىش ئۈچۈن سان -ساناقسىز قوشۇن بىلەن ھۇجۇم قوزغاپتۇ.ساكلارنىڭ بېشىغا ئېغىر كۈلپەت چۈشۈپتۇ.ساكلارنىڭ قەبىلە ئاقساقاللىرى بىرجايغا جەم بولۇپ .قانداق قىلىش تۇغۇرىسىدا كېڭەش قىپتۇ.شۇ ۋاقىتتا بىر ئادەم كېلىپ ئۆزىنىڭ ئىران قوشۇنىنى يوقىتالايدىغانلىقىنى ئېيتىپتۇ.بۇ كىشى ساكلارنىڭ ئات باقارى شىراق ئىكەن.شىراق قېرىنداشلىرىنىڭ رازىلقىنى ئالغاندىن كېيىن، يېنىدىن ئۆتكۈر پىچىقىنى سۇغۇرۇپ ئۆزىنىڭ قۇلاق ۋە بۇرنىنى شارتلا كېسىپ تاشلاپتۇ.بەدىنىنى تىلىپتۇ.شۇنىڭ بىلەن ئۇ ئۆز ئېلىگە خىيانەت قىلغان كىشى سىياقىدا دۇشمەن تەرەپكە قاراپ مېڭىپتۇ.
شىراق ئىران پادىشاھى دارا قىشىغا بېرىپ ئەي پادىشاھ مەن ساكلارغا تەسلىم بولايلى دىسەم ئۇلار مېنىڭ قۇلاق بۇرنۇمنى كەستى ئۇلاردىن ئۆچۈمنى ئېلىپ بەرسىڭىز دەپتۇ. دارا ئۇنىڭ سۆزىگە ئىشىنىپتۇ.شىراق يەنە مۇنداق دەپتۇ.ساكلار بۇگۈن كەچتىن باشلاپ بالا چاقىلىرىنى ئىلىپ سىلەر قوغلاپ يېتەلمەيدىغان جايغا قېچىپ كەتمەكچى.مەن ئۇلارنىڭ ئالدىنى توسقىلى بولىدىغان بىر يولنى بىلىمەن. دارا ئۇنى قوشۇننىڭ يول باشلۇغچىسى قىلىپ بېكىتىپتۇ.ۋە ساكلارنىڭ ئالدىنى توسقىلى ئەۋەتىپتۇ.دۇشمەن قۇشۇنى قوزغىلىشتىن بۇرۇن شىراقنىڭ تەلىپى بويىچە يەتتە كۈنلۈك سۇ ۋە ئوزۇق-تۈلۈك ئېلىۋاپتۇ.
بىرىنجى كۈنى يول يامان بولماپتۇ.تېز-تېز ئوتلاقلار ئۇچراپ تۇرۇپتۇ.ئىككىنجى كۈنى تەبىئەت ئۆزگىرىپتۇ،قاغجىرىغان ئوتلار ئاندا-ساندا ئۇچرايدىغان بوپتۇ..ئۈچىنجى كۈنى قۇرۇق دەشتى باياۋان باشلىنىپتۇ.لەشكەرلەرنىڭ لەۋلىرى قۇرۇشقا باشلاپتۇ،كۈندىن -كۈنگە ئەھۋال ئېغىرلىشىپتۇ،ئىران لەشكەر بېشىنىڭ تاقىتى -تاق بولۇپ شىراقتىن: «ساكلارنىڭ مەنزىلىگە قانچىلىك قالدى؟» دەپ سوراپتۇ.شىراق سوغۇق قانلىق بىلەن: « يىقىنلىشىپ قالدۇق، خاتىرجەم بولسىلا» دەپتۇ.سەپەرنىڭ يەتتىنجى كۈنۈ ساكلارنىڭ ئۆزى تۈگۈل سايىسىمۇ كۆرۈنمەپتۇ.لەشكەر بېشى ئالدانغانلىقىنى بىلىپ يىتىپتۇ.
_ سەن بىزنى بۇ چۆلگە ئالداپ ئەكىرىپ ھالاكەت گىرداۋىغا باشلىماقچىمۇ؟ دەپتۇ لەشكەر بېشى شىراققا دىۋەيلەپ.شىراق لەشكەر بېشىنىڭ قان تولۇپ تۇرغان كۆزىگە مەغرۇرانە تىكىلىپ تۇرۇپ، چاۋاك چېلىپ قاتتىق كۈلۈپتۇ ۋە :
