ﭘﯘﻟﻨﻰ ﺳﯩﻨﯩﺘﻼﭘﻤﯘ ﺗﺎﭘﻘﯩﻠﻰ ﺑﻮﻟﯩﺪﯗﺑﻪﺯﻯ ﺗﯩﺠﺎﺭﻩﺗﭽﯩﻠﻪﺭ ﭼﻮﯓ- ﭼﻮﯓ ﺋﯩﺸﻼﺭﻧﻰ ﺗﻪﯞﺭﯨﺘﯩﭗ ﺑﯩﺮﺍﻗﻼ ﻛﯚﭘﺮﻩﻙ ﭘﺎﻳﺪﺍ ﺋﯧﻠﯩﺶ ﻳﻮﻟﯩﺪﺍ ﺗﻮﺧﺘﯩﻤﺎﻱ ﺑﺎﺵ ﻗﺎﺗﯘﺭﯨﺪﯗ-ﻳﯜ، ﺳﻮﺩﺍ- ﺗﯩﺠﺎﺭﻩﺕ ﺳﺎﮬﻪﺳﯩﺪﯨﻜﻰ ﻛﯩﭽﯩﻚ ﺳﺎﮬﻪﻟﻪﺭﮔﻪ ﻧﻪﺯﻩﺭ ﻛﯚﺯﯨﻨﻰ ﺳﺎﻟﻤﺎﻳﺪﯗ ﻳﺎﻛﻰ ﺳﻪﻝ ﻗﺎﺭﺍﻳﺪﯗ.
ﻳﺎﭘﯘﻧﯩﻴﯩﺪﯨﻜﻰ ﻧﯧﺸﻰ ﺷﯩﺮﻛﯩﺘﻰ ﺋﻪﺳﻠﯩﺪﻩ 30 ﻧﻪﭼﭽﻪ ﺋﺎﺩﯨﻤﻰ ﺑﺎﺭ، ﭘﺎﻳﺪﯨﺴﯩﻨﯩﯔ ﺗﺎﻳﯩﻨﻰ ﻳﻮﻕ ﻳﺎﻣﻐﯘﺭﻟﯘﻕ ﺋﯩﺸﻠﻪﭘﭽﯩﻘﯩﺮﯨﺪﯨﻐﺎﻥ ﻛﯩﭽﯩﻚ ﺷﯩﺮﻛﻪﺕ ﺋﯩﺪﻯ، ﺋﯘﻻﺭﻧﯩﯔ ﻣﺎﻟﻠﯩﺮﯨﻨﯩﯔ ﺑﺎﺯﯨﺮﻯ ﺑﻮﻟﻤﯩﻐﺎﭼﻘﺎ، ﺷﯩﺮﻛﻪﺕ ﻣﻪﮬﺴﯘﻻﺗﯩﻨﻰ ﺋﺎﻟﻤﺎﺷﺘﯘﺭﯗﺷﻨﻰ ﺋﻮﻳﻠﯩﺸﯩﯟﺍﺗﺎﺗﺘﻰ. ﺑﯩﺮ ﻗﯧﺘﯩﻢ ﺷﯩﺮﻛﻪﺗﻨﯩﯔ ﺧﯘﺟﺎﻳﯩﻨﻰ ﺩﻭﭼﯜﻩﻥ ﻧﻮﭘﯘﺱ ﺗﻪﻛﺸﯜﺭﯛﺵ ﺩﻭﻛﻼﺗﯩﻨﻰ ﻛﯚﺭﯛﯞﯦﺘﯩﭗ، ﻳﺎﭘﯘﻧﯩﻴﯩﺪﻩ ﮬﻪﺭ ﻳﯩﻠﻰ 2 ﻣﯩﻠﻴﻮﻥ 500 ﻣﯩﯔ ﺑﯘﯞﺍﻕ ﺗﻮﻏﯘﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﻯ. ﺑﯘﻧﯩﯔ ﺑﯩﻠﻪﻥ ﺋﯘ "ﮬﻪﺭ ﺑﯩﺮ ﺑﯘﯞﺍﻕ ﻳﯩﻠﺪﺍ ﺋﯩﻜﻜﻰ ﻳﯜﺭﯛﺵ ﺗﻪﺭﻩﺕ ﻻﺗﯩﺴﻰ ﺋﯩﺸﻠﻪﺗﺴﻪ، ﺑﯩﺮ ﻳﯩﻠﺪﺍ 5 ﻣﯩﻠﻴﻮﻥ ﻳﯜﺭﯛﺵ ﺋﯩﺸﻠﯩﺘﯩﺪﯗ، ﺋﻪﮔﻪﺭ ﺳﻮﺩﯨﻨﯩﯔ ﺩﺍﺋﯩﺮﯨﺴﯩﻨﻰ ﭼﻪﺕ ﺋﻪﻟﮕﻪ ﻛﯧﯖﻪﻳﺘﯩﻜﯩﻠﻰ ﺑﻮﻟﺴﺎ، ﺑﺎﺯﺍﺭﻧﻰ ﺗﯧﺨﯩﻤﯘ ﻛﯧﯖﻪﻳﺘﯩﻜﯩﻠﻰ ﺑﻮﻟﯩﺪﯗ ﺋﻪﻣﻪﺳﻤﯘ؟" ﺩﯦﮕﻪﻥ ﺋﻮﻳﻐﺎ ﻛﻪﻟﺪﻯ.
ﺋﺎﺧﯩﺮﯨﺪﺍ ﺋﯘ "ﺗﻪﺭﻩﺕ ﻻﺗﯩﺴﻰ ﺋﯩﺸﻠﻪﭘﭽﯩﻘﯩﺮﯨﺶ" ﻳﻮﻟﯩﻨﻰ ﺗﺎﻟﻠﯩﯟﺍﻟﺪﻯ. ﻧﻪﺗﯩﺠﯩﺪﻩ ﺋﺎﺭﯨﺪﯨﻦ ﺑﯩﺮ ﻧﻪﭼﭽﻪ ﻳﯩﻞ ﺋﯚﺗﻤﻪﻳﻼ، ﺑﯘ ﺷﯩﺮﻛﻪﺕ ﺋﯩﺸﻠﻪﭘﭽﯩﻘﺎﺭﻏﺎﻥ ﺗﻪﺭﻩﺕ ﻻﺗﯩﺴﻰ ﭘﯜﺗﻜﯜﻝ ﻳﺎﭘﯘﻧﯩﻴﻪ ﺑﺎﺯﯨﺮﯨﻨﻰ ﺋﯩﮕﯩﻠﯩﺪﻯ، ﻳﻪﻧﻪ ﺩﻭﻧﻴﺎ ﺑﺎﺯﯨﺮﯨﺪﺍ ﺳﯧﺘﯩﻠﯩﯟﺍﺗﻘﺎﻥ ﺗﻪﺭﻩﺕ ﻻﺗﯩﺴﯩﻨﯩﯔ %30ﯨﻨﻰ ﻣﻮﺷﯘ ﺷﯩﺮﻛﻪﺕ ﺋﯩﺸﻠﻪﭘﭽﯩﻘﯩﺮﯨﺪﯨﻐﺎﻥ ﺑﻮﻟﺪﻯ. ﺑﯘﻧﯩﯔ ﺑﯩﻠﻪﻥ ﺩﯗﭼﯜﻩﻥ ﺩﯗﻧﻴﺎﺩﯨﻜﻰ "ﺗﻪﺭﻩﺕ ﻻﺗﯩﺴﻰ ﭘﺎﺩﯨﺸﺎﮬﻰ"ﻏﺎ ﺋﺎﻳﻼﻧﺪﻯ.
ﺷﯩﯟﯦﺘﯩﺴﯩﻴﯩﺪﻩ "ﻣﯩﺘﻮﺩﻭ" ﺩﻩﭖ ﺋﺎﺗﯩﻠﯩﺪﯨﻐﺎﻥ ﺋﺎﻳﺎﻍ ﻳﺎﻣﺎﺵ ﯞﻩ ﺋﺎﭼﻘﯘﭺ ﻳﺎﺳﺎﺵ ﺯﺍﯞﯗﺗﻰ ﺑﺎﺭ ﺋﯩﺪﻯ. ﺷﯩﺮﻛﻪﺗﻨﯩﯔ ﺧﻮﺟﺎﻳﯩﻨﻰ ﻣﯩﯔ ﻣﯘﺷﻪﻗﻘﻪﺗﻠﻪﺭﻧﻰ ﻳﯧﯖﯩﭗ ﺗﯩﺠﺎﺭﻩﺕ ﻗﯩﻠﯩﭗ، ﻛﯚﺯﮔﻪ ﭼﯧﻠﯩﻘﻤﺎﻳﺪﯨﻐﺎﻥ ﺑﯘ ﺋﯘﺷﺸﺎﻕ ﺳﻮﺩﯨﻨﻰ ﺩﯗﻧﻴﺎ ﺧﺎﺭﺍﻛﺘﯧﺮﻟﯩﻚ ﻛﻪﺳﯩﭙﻜﻪ ﺋﺎﻳﻼﻧﺪﯗﺭﺩﻯ. ﺑﯘ ﺯﺍﯞﯗﺗﻨﯩﯔ ﮬﺎﺯﯨﺮ ﺩﯗﻧﻴﺎﺩﯨﻜﻰ 27 ﺩﯙﻟﻪﺗﺘﻪ 3600 ﺋﺎﻳﺎﻍ ﻳﺎﻣﺎﺵ ﯞﻩ ﺋﺎﭼﻘﯘﭺ ﻳﺎﺳﺎﺵ ﻣﻪﺭﻛﯩﺰﻯ ﺑﺎﺭ، ﺯﺍﯞﯗﺗﻨﯩﯔ ﻳﯩﻠﻠﯩﻖ ﺳﻮﺩﺍ ﺳﻮﻣﻤﯩﺴﯩﻤﯘ ﻧﻪﭼﭽﻪ ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﺪﯨﻦ ﺋﺎﺷﺘﻰ. ﺑﯘﻧﯩﯖﺪﯨﻦ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗﻛﻰ، ﺑﺎﺯﺍﺭﻧﯩﯔ ﺋﯧﮭﺘﯩﻴﺎﺟﯩﻨﻰ ﭼﯜﺷﻪﻧﮕﻪﻥ ﺋﺎﺩﻩﻡ ﭼﻮﻗﯘﻡ ﺋﯘﺷﺸﺎﻕ ﺳﻮﺩﯨﻨﻰ ﺩﯗﻧﻴﺎﯞﻯ ﺳﻮﺩﯨﻐﺎ ﺋﺎﻳﻼﻧﺪﯗﺭﯗﭖ، ﮬﻪﺳﺴﯩﻠﻪﭖ ﭘﺎﻳﺪﺍ ﺋﺎﻟﻐﯩﻠﻰ ﺑﻮﻟﯩﺪﯨﻐﺎﻥ ﺳﺎﮬﻪﮔﻪ ﺋﺎﻳﻼﻧﺪﯗﺭﺍﻻﻳﺪﯗ.
ﻛﯧﻠﯩﺶ ﻣﻪﻧﺒﻪﺳﻰ : ﺷﯩﻨﺠﺎﯓ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﺴﻰ ﺗﻮﺭﻯ
.jpg)
