| ||||||
saadat قار~لەيلىسى | ئوۋچىنىڭ ھالاكىتىبىر قانائەتسىز ئوۋچى ئورمانزارلىق يېنىدىن ئۈتۈپ كېتىۋېتىپ،بىر تۈلكىنى كۆرۈپ قاپتۇ.ئۇ تۈلكىنى تۇتۇپ تېرىسىنى قىممەت باھادا سېتىۋېتىشنى ئويلاپتۇ.ئاخىر ئۇ جايدىن بىر چوڭقۇر ئورا كولاپ،ئۈستىنى بىلىنمەس قىلىپ شاخ-شۇمبىلار بىلەن يېپىپ،ئۇنىڭ ئۈستىگە ئازراق گۆش تاشلاپ قۇيۇپتۇ.
تۈلكە ئۇۋىسىدىن چىقىپ،گۆشنى كۆرۈپ،ئورىنىڭ يېنىغا كەپتۇدە،ئويلىنىپ قاپتۇ:<<بۇگۆش نەپسىمنى ئۆزىگە شۇنچە تارتسىمۇ،لېكىن ئۇنىڭدىن بىر بالا-قازانىڭ پۇرىقى كىلىۋاتىدۇ.دانىشمەنلەر خىيىم-خەتەرگە تەۋەككۈل قىلمايدۇ.ئاقىللار پىتنە-پاساتقا سەۋەپ بولىدىغان ئىشقا يېقىن كەلمەيدۇ.بۇ يەرگە بىكاردىنلا گۆش قۇيۇلۇپ قالمىغاندۇ،ھەر ھالدا بۇ گۆشتىن ۋاش كېچەي>>،دەپ ئويلاپتۇ.شۇنداق قىلىپ،تۈلكە گۆشنى ئالماي ئورمان ئىچىگە كىرىپ كىتىپتۇ. بىر ئاچ يولۋاس پۇرىقىنى ئېلىپ،ئىزدىگىنىچە بۇ يەرگە كىلىپ قاپتۇ.ئۇ گۆشنى كۆرۈپ ئۇنىڭغا چاڭ سېلىشى بىلەن تەڭلا گۆش بىلەن بىرگە ئورىغا يۇمۇلاپ چۈشۈپتۇ.ئوۋچى ئورىغا بىر نەرسىنىڭ چۈشكەنلىكىنى سىزىپ،يۈگۈرگىنىچە يېتىپ كەپتۇ.ئۇ ئورىغا تۈلكە چۈشتى،دەپ ئويلاپ،ئورىغا سەكرەپ چۈشىشىگە،يولۋاس ئۇنىڭ قارنىنى يېرىپ تاشلاپتۇ.ئوۋچى ئۆزىنىڭ بىپەرۋالىقى كاساپىتىدىن جېنىدىن ئايرىلىپتۇ.تۈلكە قانائەتچانلىقى بىلەن بالادىن قۇتۇلۇپ قاپتۇ. *********************************************************************************** كىشىلەرنىڭ ئارىسىدا <<نەفسى شەيتان>><<نەفسى ئارغامچىسى بالا گىرۋىگىگە باغلانغان>>دېگەن ئىبرەتلىك ھېكمەتلەر بار.بۇ ئىبرەتنىڭ ھەقىقىتىنى چۈشەنمىگەن ئادەم ھەرقاچان خارلىقتىن،ھالاكەتتىن قۇتۇلالمايدۇ.يۇقىرىقى ھىكايەتتىكى يولۋاس بىلەن ئوۋچىنىڭ ھەر ئىككىسىنىڭ ھالاكىتى مانا شۇ نەفسى بالاسىدىن،نەفسىگە قۇل بولغان ئادەم ئۆز ئەركىنى يوقاتقان ئادەمدۇر. كىشىلىك تۇرمۇش جەريانىدا بىز تۈرلۈك تۈمەن مۇئامىلە-مۇناسىۋەتلەردە بولۇپ تۇرىمىز.بەزىلەر سەمىمىلىك بىلەن توغرا،دۇرۇس مۇئامىلە قىلىدۇ.بۇنداق مۇناسىۋەتنى دوستانە مۇئامىلە دەيمىز.چۈنكى ئۇلاردا ھېچقانداق يامان غەرەز بولمايدۇ.بىراق بەزىلەرنىڭ ساختا ھىجىيىشلىرىنىڭ ئاستىغا بىر زەھەرخەندىلىك،ياۋۇزلۇق يوشۇرۇنغان بولىدۇ. ئۇلارنىڭ ساڭا خوشامەتچىلىك قىلىپ تاشلىغان بىر لوقما گۆشىنىڭ زەھەر بىلەن يۇغۇرۇلغانلىقىنى ۋە ياكى ئۇنىڭ ئارىسىغا يىڭنە سانجىپ قۇيۇلغانلىقىنى نەدىن بىلىسەن؟ئۇنى نەفسى بالاسى تۈپەيلىدىن يەپ بولغاندىن كېيىن ئاندىن بىلىسەن.ئۇ چاغدا سېنىڭ ئىختىيار تېزگىنىكىڭ باشقىلارنىڭ قولىغا ئۆتۈپ كىتىدۇ-دە،ئۇ نىمە دىسە ھە دەيسەن.نەگە باشلىسا شۇ يەرگە بېرىشقا مەجبۇر بولىسەن.شۇ پاراسىتىڭ بولسا،غەرەز يوشۇرۇنغان لوقمىدىن ھەرقاچان ھوشيار بولمىقىڭ لازىم. سائادەت (ئىبرەت،ئىبرەت،ئىبرەت)تىن ئېلىندى. | |||||
---|---|---|---|---|---|---|
ئاتا تۈرك ئىملاغا دىققەت قىلىڭ!!! | «كەلىلە ۋە دېمىنە»ناملىق كىتابتىمۇ مۇشۇ توغرۇلۇق بەك ياخشى مەزمۇندىكى چۆچەكلەر بار!
| |||||
---|---|---|---|---|---|---|
M爱N دەرىجىسى :يېڭى ئۆگەنگۈچى | «كەلىلە ۋە دېمىنە»ناملىق كىتابتىمۇ مۇشۇ توغرۇلۇق بەك ياخشى
يىكايە بار !!!!!!!!! | |||||
---|---|---|---|---|---|---|
سەخىي دەرىجىسى :شەبنەم ئەزاسى | مەنىسى چوڭقۇر ھىكايە ئىكەن ،،،بىر ئىشنى بىر نەچچە تەرەپتىن ئويلىشىمىز كىرەككەن،ياخشى ھەم يامان تەرەپتىنمۇ.
| ||||
---|---|---|---|---|---|
sapra121 دەرىجىسى :دائىملىق ئەزا | ئادەم نەپسى ئۈچۈن ھەممە ئىشنى قىلىدۇ دە !!! ھەي ھەي ھەي !!!
| ||||
---|---|---|---|---|---|
opik118 دەرىجىسى :دائىملىق ئەزا | ياخشى تىما ئىكەن.
| |||||
---|---|---|---|---|---|---|
tograk002 دەرىجىسى :يېڭى ئۆگەنگۈچى | باشقىلارنى ساختىلاش ياخشى ئاقىۋەتكە ئاپارمايدۇ .
| |||||
---|---|---|---|---|---|---|
MAHMUTJAN110 دەرىجىسى :تېما چولپىنى | مەنىسى چوڭقۇر ھىكايە ئىكەن ،،،بىر ئىشنى بىر نەچچە تەرەپتىن ئويلىشىمىز كىرەككەن،ياخشى ھەم يامان تەرەپتىنمۇ.
توغىرا دەيسىز بىچارە ئوۋىچى ئۆزى كۇلىغان ئۇرىغا ئۆزى چۈشۈپتۇ | ||||
---|---|---|---|---|---|
Alpamish | مىنىڭ مۇشۇ قاملاشمىغان مىجەزىمنى قانداق قىلسام بولار؟! نىمىشكە ھەممە نەرسىنى ئوڭ-تەتۈر تاناسىپقا سىلىپ باقىدىغاندىمەن... يۇقۇرقى ئوۋچى بىلەن تۈلكىنىڭ تەمسىلى قاچانلاردىن يېزىلغان بولغىيدى،بۇ تەمسىلگە چىرايلىق قىلىپ ''نەپسى نالاسى''توغرىسىدا ھىكمەت بىرىلىپتۇ،ئەمما مىنىڭ ئۇنى يەنە چۈگۈپ كوچىلاپ باققۇم كەلدى..ئۇنىڭدىكى قانائەتچان،پاراسەتلىك ''تۈلكە''،ئۆز مۇشتۇم زورلىقىغا ئىشىنىپ ئۆزىگە بالا ئىلىپ كېلىدىغان ''يولۋاس''،ئالدىراڭغۇ،پەمسىز ''ئادىمىزات''دىن ھازىر مۇشۇ جەمىيەتتە قانچىلىك باردۇ؟..دىگۈم كىلىدۇ. مۇشۇ تەمسىلدىمۇ چاتاق باردەكلا،تۈلكىنىڭ پاراسىتى ئەمدىكى جەمئىيەتتە قانچىلىك مەنپەئەت قىلار؟..ھەرقانداق ئۆزىنى ئەقىللىق دەپ چاغلىغان جانلىقتا ئازتولا تەۋەككۈل روھى بولمىسا ئۆز زامانىدا ئاچ قېلىۋاتىدۇ،مەن دەيمەن،تۈلكە شۇنچىلىك پاراسەتلىك بىلەن ئولجىغا ئالدانماپتۇيۇ،نىمىشكە ئۆزىنىڭ شۇ پاراسىتى بىلەن ئالدىدىكى گۆشنى قولغا چۈشۈرمەيدۇ؟..مانا ئاخىرى ئاتالمىش ''دانا''لىقىدىن ئىككى جاننى بالاغا تىقىپتۇ،نىمىلا دىگەن بىلەن يولۋاس ئۆزىگە ئوخشاش ھايۋان ئىدىغۇ؟!..مۇشتۇمزور يولۋاس گەرچە ئورىغا چۈشكەن بولسىمۇ،ئالدىدىكى گۆش ھەم كەينىدىن چۈشكەن ئوۋچىنى مەززە قىلىپتۇ،بۇ يەردە يەنىلا يولۋاسنىڭ ''تەۋەككۈلچىلىكى''ئاققاندەك قىلىدۇيا؟ نىمىلا دىگەن بىلەن بىر گۆشخور يېرىتقۇچقا نىسبەتەن جاندىن كەچسىمۇ جانانغا يىتىپتىغۇ ئەنە..ئاۋۇ پەمسىز ئادەمگە كۈلگۈم كىلىدۇ..تۈلكىنى چۈشۈرۈش مەقسىتىدە شۇنچىلىك ئورا كولىغانىكەن يەنە نىمىشكە ئۆزى كولىغان ئورەككە يەنە ئۆزى سەكرەپ چۈشىدىغاندۇ؟! ۋاي بىشىم،گۆش كاللام ھەجەم سىقىرىدا... | |||||
---|---|---|---|---|---|---|
بۇ يازمىنىڭ يېقىنقى باھالىنىش ئەھۋالى : |