| ||||||
Arkim+ | ئۈچ ياشلىق ئۇيغۇر بالىنىڭ غايىسىبۇ تىمىنى bilgar ئىلگىرلەتتى(2008-09-26)
[color=#669900]ئىيۇن ئايلىرىنىڭ مەلۇم بىر كۈنلىرى قومۇلدىكى ئاز بىرقىسىم قەلەمكەشلەر پۇل يىغىش قىلىپ، ئاقتاشتىكى مەلۇم بىر ساياھەت ئارامگاھىغا بارغانتۇق. ھەممىمىزدە پىكىر ئورتاقلىقى بولغاچقا يولدىمۇ سورۇندىمۇ بەك كۆڭۈللۈك ھەم ئەھمىيەتلىك پاراڭلار بولۇپ ئۆتتى...
بىر كۈنلۈك ساياھەتنى ئاياقلاشتۇرۇپ قايتىش سەپىرىمىزدە بىر شائىر ئاكام مىيغىدا كۈلۈپ ئولتۇرۇپ ماڭا: ئۇكام بىر ئىشنى دەپ بېرەي بەك كۈلكىلىك دەپ قالدى...مەن قېنى دىسلە دەپ ئاڭا قارىدىم...ئۇ بىردەم پىخىلداپ كۈلۈپ قويغاندىن كېيىن ئاستا ئاۋازدا، بۇ ئارامگاھتىكى خوجايىننىڭ نەۋرىسى بۇيىل ئۈچ ياشقا تولۇپتۇ. ئارامگاھقا ئادەم كەلمىگەن كۈنلەردە ئارامگاھ خوجايىنى دائىم ئامراق نەۋرىسىنى ئېلىپ چوڭ يول ياقىسىغا چىقىپ نەۋرىسىنى ئەركىلتىپ ئولتۇرۇپ چوڭ يولدىن ئۆتكەن ھەرخىل ماشىنىلارنى ، ساياھەتچىلەرنى تاماشا قىلىپ ئولتۇراتتىكەن ، شۇنداق بىركۈنى بوۋاي نەۋرىسىدىن تۇيۇقسىزلا <<نەۋرەم چوڭ بولغاندا نىمە بولغۇلىرى بار؟>> دەپ سوراپتىكەن ئۇ نەۋرىسى << خەنزو بولايمىكىن >> دەپ جاۋاپ بېرىپتۇدەك...ئۇ كىشى قاقاھلاپ كۈلۈپ كېتىپ...<< نىمىشقا>> دەپ سورىسا، خەنزو بولسام پۇلۇم جىق بولىدۇ ، چىرايلىق ماشىنام بولىدۇ، ماشىنامنى تاغلارغا ھەيدەپ چىقالايمەن، ئارامگاھىڭلارغىمۇ دائىم چىقىپ تۇرالايمەن، ئاپامنى، دادامنى كۆرگۈم كەلسە ماشىنامنى ھەيدەك ئۆيگە كېتەلەيمەن...شۇڭا چوڭ بولسام چوقۇم خەنزۇ بولىمەن دەپ جاۋاپ بېرىپتۇ...ئەلۋەتتە بۇ ساددا سەبى نارسىدىنىڭ گەپلىرىنى ئاڭلىغان ھەرقانداق ئادەم قاقاھلاپ كۈلمەي تۇرالمايدۇ دە...ھازىرقى دەۋىرنىڭ بالىلىرى ئەقىللىق بولۇپ كەتتى، بىزنىڭ زامانلاردىكىدەك گاگار ، ئوشۇق، تۇتۇشماق ئوينىمايدۇ...ئويۇنىنىڭ تۈرى كۆپ، يىمەك-ئىچمىكى خىل، كۆرىدىغىنىمۇ بىزدىن كۆپ بولغاچقا ئەقلىمۇ تېز يېتىلىدىغان ئوخشايدۇ...مېنىڭ قىزىممۇ ئۈچ ياش ۋاقتىدا بالام چوڭ بولغاندا ئايغا چىققۇدەك ئەقىللىق بالا بولسىلا دېسەم ياق بولمايمەن دەيدۇ نىمىشقا دېسەم ئايغا چىقسام يۈتۈپ كەتمەمدىم دەپ جاۋاپ بەرگەنتى...مەن چېغىمدا مۇشۇ چاغقىچە كۈنلەرنىڭ بىرىدە (خام خىيال)ئايغا چىقسام يۈتۈپ كېتىشنى ئويلاپ باقماپتىكەنمەن...ھازىرقى بالىلار نەقەدەر ئەقىللىق ھە؟! بايلىق بىلەن كەمبەغەللىك ئوتتۇرىسىدىكى پەرىقنى توغرا ئايرىيالايدۇ...بىر توپا ئۆيلەردە ئولتۇرىدىغان تونۇشلار بالىسىنى ئېلىپ بىنا ئۆيدىكى ئاغىنىسنىڭ ئۆيىگە مېھماندارچىلىققا بېرىپتۇ...قايتاشىدا بالىسى كەتمەيمەن! ئۇنداق لېپىر(كونا)ئۆيگە ئەمدى بارمەيمەن! ماڭىمۇ بىنا ئېلىپ بېرىسىلەر دەپ تۇرمۇشى غورىگۈل ئاتىسىنىڭ شۇنداقمۇ بىر ئىزاغا قويۇپتىكەن...لېكىن بالىلار كىچىك تۇرمۇشنىڭ نەقەدەر قاتتىق بۇ جەمئىيەتنىڭ نەقەدەر رەھىمسىزلىكىنى ھازىرچە پەرەز قىلىپ بولالمايدۇ...ئەمما ئىككى،ئۈچ ياشلىق بالىلار پۇلنى بىلدى، پۇلنى باشلىقلارنىڭ تارقىتىدىغانلىقىنى ئاتا-ئانىسى خىزمەتكە بارمىسا باشلىقى پۇل بەرمەيدىغانلىقىنى ئاتا-ئانىسىنىڭ راسىت-يالغان گەپلىرىدىن يۈزەكى بولسىمۇ چۈشۈنۈپ يەتتى...پۇل بولمىسا سودا سارايلىرىغا كىرەلمەيدىغانلىقىنى، بالىلار باغچىلىرىغا، خەلق مەيدانلىرىغا خالىغان چاغدا بارالمايدىغانلىقىنى تونۇپ يەتتى...ھەي ئوماق سەبىيلەر مانا ئالمىچىلىك كىچىككىنە كاللىسىدا پۇلغا بولغان سەبى، سەلبىي چۈشەنچىلەرنى جىق يىغىۋېلىپ ئۆز يشىغا ماس كەلمەيدىغان بەزى بىر گەپلەرنى قىلىدىغان بولۇپ قالدى...مەسلەن: چوڭ بولسام خەنزو بولىمەن، دېگەن بۇ قىزىقارلىق غايىدىنلا نۇرغۇن ھەقىقەتلەرنى چۈشىنىۋالغىلى بولىدۇ. دېمىسىمۇ جۇڭگودىكى ئەڭ كۆپ سانلىق سانالغان خەنزۇ مىللىتىنىڭ پەن-تېخنىكا، بىلىم-سەۋىيە،دۇنيا قاراش، تۇرمۇش-ساپا...جەھەتلەردىكى ھالىتى پۈتكۈل جۇڭگودىكى ھەرقانداق ئاز سانلىق مىللەتنىڭكىدىن ياخشى! ئۇلاردىن دۇنياۋىي بايلار،ئالىملار تۈركۈملەپ يېتىشىپ چىقتى...قىسقىسى قومۇلدىلا نەچچە يۈزلىگەن شەخسىي كان-كارخانا،زاۋۇتلارنىڭ خوجايىنلىرى ئاشۇ تىرىشچان مىللەتتىن چىقىدۇ. تۈرلۈك ماللار سودا سارايلىرىنىڭ ئىشقىلىپ شەھىرىمىزدە بار بولغان بارلىق دۇكان، كۆڭۈل ئېچىش ئورۇنلىرى، يۇلتۇز دەرىجىلىك مېھمانسارايلار، چېنىقىش سارايلىرى، ئىشقىلىپ بارلىق تەرەققىي قىلغان شەخسىي سودا ساھەسىدە خەنزۇلار كۆپ ساننى ئىگىلەيدۇ...بۇ ئۇلارنىڭ تىرىشچانلىقىدىن قولغا كەلتۈرگەن نەتىجىلىرى بولماي نىمە؟!دۆلىتىمىز ئازسانلىق مىللەتلەرگە بەرگەن كەڭرى سىياسەتلەرمۇ باركەنغۇ؟! مەسلەن: ئازسانلىق مىللەت كارخانىچىلىرىغا مەركەزدىن ھەر يىللى نەچچە يۈز تۈمەن پۇل ئاجىرىتىدىكەن، بۇنى ئارىمىزدىن زادى نەچچىمىز بىلىمىز ۋە بۇ سىياسەتكە ئاكتىپ ئاۋاز قوشقۇچى بولالايمىز؟...بىزنىڭ3 قەۋەتلىك داچىمىزنى غىت قىلماستىن پۇل ساناپ ئالغان بىر لېپىر يىغدى خەنزۇ ئۆزىنىڭ شىنجاڭغا 87-يىلى كەلگەنلىكىنى دەپ كېلىپ بانىكىدا يەنە 58 تۈمەن(بەش يۈز سەكسەن مىڭ يۈەن) پۇلى بارلىقىنى دەپ بەرگەندە ھەيران قالغان ئىدىم...سىزنىڭچە بىزنىڭ ئارىمىزدىن ئۇنى يارتمايدىغانلار كۆپ چقىسا چىقىدۇكى...ئۇنىڭدەك تىرىشىپ پۇل تېپىپ بېيىيدىغانلار ئاز چىقىدۇ، ھەتتا چىقماسلىقىمۇ مۇمكىن، بىلىشىمچە ئەسكى - تۈسكى يىغىپ بېيىغان بىرەر ئۇيغۇر باي يوققۇ شەھىرىمىزدە، (ئاڭلىسام غۇلجىدا بىر ئەسكى -تۈسكى يىغىپ بېيىغان ئۇيغۇر باي بار ئىكەن...شۇ ئەقىللىق كىشىمىزگە بەخت-سائادەت مەڭگۈ يار بولسۇن!)...ئۆيىمىزنى سېتىۋالغان خوجايىننىڭ ئۇنىڭ ھازىر ئىككى جايىدا ئەسكى-تۈسكى يىغىش مەيدانى، بەش-ئالتە شەخسىي ماشىنىسى باركەن...ئەمدى بىز دىن ئالغان ئۆي ئارقىلى مۇقىم ئولتۇراق ئۆيى بار بولدى.(ھازىر شۇ داچىنى سېتىۋەتكىمىزگە پۇشايمەن قىلىمەن)... دەرھەقىقەت ئىش شۇنداق دەۋىر شۇنداق، بىز خەنزۇلاردەك تىرىشمايمىز، بىزدە يۆلىنىۋېلىش ئېڭى بەك يۇقىرى، دائىم كىملەردىندۇر ۋايساپ يۈرىشكە ئۆمرىمىزنى خورىتىپ تۈگىتىشكە رازىمىزكى شۇ تىرىشچان مىللەتتەك قۇرۇق قول چىقىپ ئىگىلىك يارىتىش ئۈستىدە كاللا قاتۇرمايمىز، ھەركەت قىلمايمىز. كاللا قاتۇرغانلارمۇ، ھەر كەت قىلغانلارنىڭ تولىسى يېرىم يولدا توختاپ قالىدۇ. تىرىشسا نىمە ئىش ۋۇجۇت چىقمايدۇ؟! تىرىشايلى!ئەمدى تىرىشىپ ئىشلىمىسەك،ئۆگەنمىسەك، ئىقتىسادى ئاساسقا ئېرىشمىسەك دەۋىرگە،زامانغا يۈزلەنمىسەك دۇنيانىڭ، مىللەتلەرنىڭ ئارقىدا قالىمىز...دە تېخىمۇ زور چۈشكۈلۈك پۈتكۈل مىللىتىمىزنىڭ ئىچىدە يامراشقا باشلايدۇ...بۇنىڭ ئاقىۋىتى ھەرقانداق دەھشەتلىك يۇقۇملۇق كېسەلدىنمۇ ياماندۇر... بالىلىرىمىز ئۆز مىللىتىدىن تانمىسۇن، دېسەك ئۇلارنى ياخشى تۇرمۇشقا ئېرىشتۈرۈش ئۈچۈن تىرىشايلى! بىزنىڭمۇ كان-كارخانىلىرىمىز، خەلئار شېركەتلىرىمىز، سودا سارايلىرىمىز، يۇلتۇز دەرىجىلىك مېھمانخانلىرىمىز، دۇنياۋىي بايلىرىمىز كۆپەيسۇن دېسەك تىرىشايلى، نوبىل مۇكاپاتى ئالغان ئالىملىرىمىز بولسۇن! ئاستىمىزدا ئىسىل پىكابىمىز، ھەشەمەتلىك داچىلىرىمىز بولسۇن! بەخت-سائادەت بىزگە مەڭگۈ يار بولسۇن! بالىرىمىزنىڭ بېشى ئۆزگىلەرنىڭ ئالدىدا ئىگىك بولمىسۇن! روھى چۈشۈپ سولغۇن بولمىسۇن!... 2008-يىلى9-ئاينىڭ24-كۈنى قومۇل (ئەركىم) | |||||
---|---|---|---|---|---|---|
بۇ يازمىنىڭ يېقىنقى باھالىنىش ئەھۋالى : |
MNMNMN دەرىجىسى :يېڭى ئۆگەنگۈچى | بەك ياخشى تېمائىكەن~
ھەممىسى رېئاللىق,, بىزدە تىرىشقان تاغ ئاشار دىگەن گەپ بار,تىرىشايلى!!! | |||||
---|---|---|---|---|---|---|
1212adiba دەرىجىسى :شەبنەم ئەزاسى | راستىنلا ياخشى تېما يوللاپسىز قېرىندىشىم،بۇ تېمىڭىز مىنى ئويلاندۇرۇپ قويدى.
| |||||
---|---|---|---|---|---|---|
818sabda | ئەجەپ ئويغا سالدى بۇ تېمىڭىز ئادەمنى،
| ||||
---|---|---|---|---|---|
holy5 دەرىجىسى :يېڭى ئۆگەنگۈچى | باللارنى سەبى كىچىك دىگەن بىلەن ئۇلار توغرا پىكىر قىلدۇ ،
مانا مۇشۇگەپ بىر كىچىك بالنىڭ خىيالى بولماي ،ھازىرقى جەمئيەتنى ئەينى كورستىپ بېرىپتۇ بىز چوقۇم ترىشمساق بولمايدۇ ،بىرلىكمۇ مۇيۇم بىر بىرنى يۈلۈشمۇ مۇيۇم ،بىز خەنزۇلارنىڭ يامان قىلىقلىرنى ئۈگەنمەي ئۇلارنى چۇشنۇپ ياخشى قىلىق ئارتۇقچىلقنى ئۈگنەيلى . | ||||
---|---|---|---|---|---|
$dilkax$ دەرىجىسى :يېڭى ئۆگەنگۈچى | ھەممىمز ئۇيۇلتاشتەك پارلاق كەلگۈسىمىز ئۈچۈن تىرىشايلى ....!!!!!!!
| |||||
---|---|---|---|---|---|---|
ADILwutka دەرىجىسى :يېڭى ئۆگەنگۈچى | دەر ھەقىقەت ئادەمنى ئويغا سالىدىغان تىما بوپتۇ.
لىكىن بونى قانچىلك ئادەملىرىمىز ھس قىلىپ يىتەر . بچارلككە چۇشۇپ كەتكەن يىتىم رۇھىيىتمىز يەنە قاچانغىچە نامرات قەلبىمىزدە ھۆكۇم سۇرەر!! | |||||
---|---|---|---|---|---|---|
yusuf دەرىجىسى :شەبنەم ئەزاسى | توردىمۇ مۇنداق ئېسىل ئەسەرلەرنى ئوقارمەن دەپ ئويلىمىغان ئېكەنمەن،چوڭقۇر پىكىرلىك يىزىلىپتۇ،ئەركىمنىڭ بۇ ئەسىرىنى مەن باشقىلارغا تەۋسىيە قىلىمەن .
| ||||
---|---|---|---|---|---|
nefit.ixqisi دەرىجىسى :شەبنەم ئەزاسى | ئەركىم.مىللى سىياسەتنىڭ نىمىلىگىنى چۈشىنەمسەن .؟ شۇسىياسەت بىزگە ئۆزپېتى كىلەمدۇ ؟.قانچىلىك ئەمىللىشىۋاتىدۇ ؟..... .سۆزلىسەم گەپ جىق .... بىر گەپنى ساڭا ئېيتىپ قۇياي ئەتراپتىكى دىھقانلارنىڭ دەردىنى ئوبدان ئاڭلا ........
بىزنىڭ ئۇيغۇر ئاپتۇنۇم رايۇنىمىزدا ئالى مەكتەپ پۈتتۈرگەن مىللى باللارنى تاماقدىن قىينىلىپ قالىسىلەر ئىش ئورنىدا مىللى ئاشخانا يوق دىگەن بانا سەۋەپ بىلەن خىزمەتكە ئالماي خىزمەت تاپالمىغان نۇرغۇن مىللى باللىرىمىز بار مۇشۇمۇ مىللى سىياسەتنىڭ ئەمىللەشكىنىمۇ ؟......... بۇنداق ناھەقچىلىق ئىشلار ناھايىتى كۆپ ..........ئويلۇنۇپ بىرنەرسە يازغىن . | |||||
---|---|---|---|---|---|---|
LAQIN0009 دەرىجىسى :يېڭى ئۆگەنگۈچى | ئەجەپ ياخشى تېما ئىكەنيا بۇ؟؟
| |||||
---|---|---|---|---|---|---|
uqkun500 دەرىجىسى :تېما چولپىنى | ياخشى تىما يوللاپسىز رەخمەت سىزگە ،،
| ||||
---|---|---|---|---|---|
ali021 دەرىجىسى :شەبنەم ئەزاسى | بىز ئۇيغۇرلاردا قانۇندىن پايدىلىنىش ، قانۇن ئارقىلىق ئۆزمەنپەتىنى قوغداش ئىڭى بەكلا كەمچىل....
| |||||
---|---|---|---|---|---|---|
ئايخان دەرىجىسى :يېڭى ئۆگەنگۈچى | ھەقىقەتەن ئويلىنىشقا تىگىشلىك ياخشى تېمىكەن ، رەخمەت!
| |||||
---|---|---|---|---|---|---|
warisablat دەرىجىسى :يېڭى ئۆگەنگۈچى | بۇ يوللىغان تېما بەكمۇ ئەھمىيەتلىك ئىكەن، مۇشۇنداق تېمىلاردىن يەنە يوللاپ تۇرۇڭ،سىزگە رەھمەت~!!!!!
| |||||
---|---|---|---|---|---|---|
kvkyakut دەرىجىسى :شەبنەم ئەزاسى | بەك ياخشى تېمىنى يوللاپسىز !ھازىر كىچىك ئىشنى ياراتماي ،چوڭ ئىشنى قىلالماي يۈرگەنلەر كۆپىيىپ كەتتى .
ناھەقچىلىك قەيەرگەبارمايلى ئۇچراپ تۇرىمىز ، لىكىن ئۆزىمىزدە ئىرادە بولسىلا ھەرقانداق جاپانى يېڭەلەيمىز .نۇرغۇن ئىشلارنى قول سېلىپ ئىشلىگەن بىلەن ئولتۇرۇپ خىيال قىلغان ئوخشىمايدىكەن.بەزىدە مۇمكىن بولمايدۇ دەپ ئويلىغان ئىشلارئەمەلىيەتتە مۇمكىن بولۇپ قالىدىكەن. غەلبە تىرىشقانلارغا مەنسۇپ! | ||||
---|---|---|---|---|---|