مېھرىبان نىياز چوغلۇق
يۈرىكىم
تامچە- تامچە شەبنەم بۇلۇپ،
ئېقىپ كەتتى
ئازاپ تامغان يوللىرىمغا .
يوللىرىمدا
ئىچىدىن پارتىلاۋاتقان ،
بىر روھ
سۆيۈپ قالدى تاغنىڭ باغرىغا .
ئاھ!
چاچلىرىمنى قۇيىۋىتىپ،
قوللىرىمنى كەڭ يېيىپ ،
ۋارقىرىدىم
بار ئاۋازىمدا.
ئەكىس سادادىن
ئەڭ ئازاپلىق
كەلدى بىر نىدا.
يۈرىكىمگە
سانجىلغان خەنجەرنى،
باتۇرلۇق بىلەن ئېلىۋىتىپ،
ئۇچماقچى بولدۇم ،
ئاق كەپتەر بۇلۇپ،
يېشىل نۇرلار
يېشىل ئۈمۈد
كۆيگەن ئارالغا .
ئىلتىجارىمدىن
يۈرەك قەپىزىمدىن ئۇچتى پۇررىدە،
بىر توپ ئاق كەپتەر ،
ئاھ! يۈرىكىم
ئارمانلىرىم
تاغلاردىن
قايتا ھالقىماقتا .
2008-يىلى 25-سىنتەبىر
[ يوللىغانqogluk3.8تەرىپىدىن2008-09-25 23:49قايتا تە ]
ئازاپتىن ھالقىش (چوغلۇق)
