ھەقىقىي  سۆيگۈمگە «خاتىمە» بىرىپ،
رومانتىك سۆيگۈمنى قىلدىڭ «ئەسلىمە».
ئاھ ! ماڭا باشلاندى ئازابى ھىجران،
ۋە لېكىن سەن مېنى ئۇنتىدى دىمە.

ئاھ ماڭا سۆيۈلۈش نېسىپ بولسىمۇ،
ۋە لېكىن بولمىدى ۋىسالنى تېپىش.
نە سەۋەپ بولدىكىن بىلمىدىم ئەسلا،
ئېيتقىنا نە سەۋەپ قىلدى ئايرىلىش؟

قاقاھلاپ كۈلمىگىن مىسكىن تۇرقۇمغا،
ۋە ياكى سەن مېنى قىلمىغىن مازاق.
چۈشەنمەي سۆيمىدىم چۈشەندىم سېنى
مەن تېخى ھاياتمەن، ۋاقىتمۇ ئۇزاق.

قويساڭمۇ  سەن مېنى ھىجران دەردىگە،
ۋە لېكىن كۆيگەنگە قىلمايمەن پۇشمان.
تىنىقىم بولسىلا، بولساملا ھايات،
ئىشەنگىن مەن سېنى تاپىمەن ھامان.

كۈنلەرنىڭ بىرىدە ئالدىڭدا ئۈنسەم،
مىسالى غايىپتىن چۈشكەندەك گويا.
تىڭىرقاپ قالمىغىن ۋەياكى يەنە،
ھاياجان ئىلكىدە يىغلاپ تاشلىما.


ئاپتورنىڭ ئۆز ئىجادىيىتى

ياخشى چىققان  شىئېر ئىكەن!~~  ئاشىقلىق  ئادەمنى شائىر قىلىدۇ  دەپ،  ھىجران  سىزنى شائىر  قىلىپتۇدە؟!~~

شېئىرنىڭ رىتىما ئەھمىيەت بىرشىڭىزنى  سورايمەن ، ئىجادىيەتلىرىڭىزگە ئۇتۇق يار بولسۇن ،

بەك  ياخشى  چىقپـتۇ  !!!    

قۇلىڭىزغا دەرت كەلمىسۇن، قەلەم تۇلپارىڭىز ھارمىغاي!

پاساھەت !
ئىلھاملىرىڭىز ئۈزۈلۈپ قالمىسۇن..........

بۇ شېرىڭىز بەك مەزمۇنلۇق چىقىپتۇ، مەنىسى بەك چوڭقۇركەن

ئۇنۇتقان ئىشلارنى ئەسكە سىلىپ  نىمانداق قىلىدىغانسىز دەيمەن... 

ئەسلەش شىرىن، ئۇنتۇش قىيىن

بەخىت سىزگە يار بولسۇن،شىئىرنى بەك ياخشى يېزىپسىز.

بەك ياخشى يېزىپسىز.
ئىرادىڭىز كىشىنى تولىمۇ قايىل قىلىدىكەن!    

نۇر ئەپەندى تېخى ئىلھامىم تۇتۇپ قالسا شىئېرمۇ يېزىپ قۇيمەن دەڭ ،بىزەىمۇ ئازراق بەرمەيدىكەنسىز ،ئاشۇ ئىلھامدىن.
ھەقىقەتەن مەزمۇنلۇق شىئېركەن .

ياخشى  يىزىپسز  ، بۇنداق  ئىلىھامىلىرىڭىز ئۈزۈلۈپ قالىمغاي