| |||||||
ئەسلىمە | سۆيگۈ پىغانى نەسىر
قەدىرلىكىم مەن كۈتكەن كۈن ئاخىر يېتىپ كەلدى،بۇ كۈن مەن ئۈچۈن بىر غەنىمەت ئىدى.چۈنكى سىز ئون كۈنگە يەتمىگەن كۈندە يەنە قايتىپ كېتەتتىڭىز. بۇ قېتىم سىزنى پەقەت بىرلا قېتىم كۆرۈۋېلىشقا مۇيەسسەر بولغان بولساممۇ، مەن مۇشۇنىڭغىمۇ شۈكرى قىلمەن. چۈنكى , سىزنى كۆرمىگىنىمگە ئىككى ئايچە بولۇپ قالغان ئىدى. بۇ قېتىممۇ ئاۋۋالقىدەكلا كېتىشىڭىز كېلىشىڭىزدىن بەكلا تېز بولغان ئىدى. يۈرەكلىرىم سىز ئۈچۈن سوقاتتى، كۆزلىرىم سىزنى ئىزدەيتتى، ئەمما سىزنى ھىچ يەردىن تاپالمايتتى. يۈرەگىمنى قاچانلاردا ئوغۇرلاپ، سۆيگۈ ئوتلىرىڭىزنىڭ گۈلخانىنى تۇتاشتۇرۇۋالغانلىقىڭىز ماڭا ئەسلى نامەلۇم ئەلۋەتتە. يۈرەگىمگە تۇتاشقان ئۇچقۇن كۈننىڭ ئۆتىشىگە ئەگىشىپ ئۇلغۇيىۋاتاتتى. ھىجران ياشلىرىم تىنىمسىز ئاقاتتى. قەدىرلىكىم ،مەن گەرچە سىزدىن ھاياسىزلارچە ۋىسال تېپىشىمنى كۈتمىسەممۇ، ۋىسال شەربەتلىرىڭىزدىن ئىشقى ئوتىڭىز ۋەسلىدە چاڭقىغان يۈرەگىمنى ئۇسسۇزلۇقىڭىزدىن قاندۇرۇشنى تەلەپ قىلمىغان بولساممۇ،ھىجران ئوتلىرىڭىز تېنىمسىز سوقۇۋاتقان يۈرەگىمنى مۇجۇيتتى، پىغانلىق ئىلكىدە سۆيگۈڭىز تەشناسى بولغان غۇبارسىز پاك قەلبىم ئازابلىناتتى . قەدىرلىكىم ،بىلەمسىزكىن ؟ بىراۋغا ئېيتىش شۇنچە تەس بولغان بۇ دەرت بارلىق دەرتتىن يامان ئىكەن، ئەزەلدىن كىشى ئۈچۈن ئىڭرىمىغان يۈرەك تۇيۇقسىز سىزنىڭ ئىشقىڭىزدا ھىچكىمگە بىلىندۇرمەي ئازابلىق ئىڭرايتتى. بۇئازابلىرىمنى بىر قىزلىق لىباسىم بىلەن يا سىزگە، يا باشقا بىراۋغا ئېيتالمايتتىم. قەدىرلىكىم، ياق-ياق، سىز ئەسلىدىنلا مېنىڭ قەدىرلىكىم ئەمەس ،بەلكى سىز ۋە پەرزەنتلىرىڭىز ئۈچۈن جان كۆيدۇرۇۋاتقان ئەشۇ مېھرىبان جاپاكەش ئايالىڭىزنىڭ قەدىرلىكىدۇرسىز. ئەمما مېنىڭمۇ سىزنى(سىز ۋە باشقىلارغا ئاڭلاتماي تۇرۇپ)قەدىرلىكىم دەپ ئاتىشىمغا يول قويىشىڭىزنى ئۈمۈد قىلىمەن. كىچىگىمدە لىرىك ،لەرزان سۆيگۈ ناخشىلىرىنى ئاڭلاپ چوڭ بولغان ، ئەمما ھەقىقى مۇھەببەتنىڭ قانداق بولىدىغانلىقىنى بىراۋغا كۆيۈشنىڭ قانچىلىك ئازابلىغىنى بىلمەيدىغان مەن، مانا بۈگۈنكى كۈنگە كەلگەندە شۇ ناخشىلاردا كۈيلەنگەن سۆيگۈ پىغانلىرىنى، رىۋايەتلەردە تەسۋىرلەنگەن ۋىسال ئاشىقلىرىنىڭ ئازابلىرىنى ئۈن-تۈنسىز تارتماقتىمەن. ئاھ،قەدىرلىكىم!!! ئەتىگەن ۋە كەچتە،ئولتۇرغان ۋە تۇرغان چاغلىرىمدا خىيال كەپتەرلىرىم قاياقلاردىندۇر سىزنى خىيالخانەمگە يالغۇز ئۇچۇرۇپ كېلىپ ،گاھ مېنىڭ لىرىك خىيال كۈيلىرىمگە جۆر بولۇپ مۇڭلانسا، گاھ خىيال دىڭىزىمدا لەرزان ئۈزەتتى.سىزمۇ خىيالخانەمدىن ئايرىلىشنى ئەسلا خالىمايتتىڭىز. مەن ئازابلىنىۋاتىمەن،يۈرەگىم پىغانلىق ئىلكىدە پۇچۇناتتى ،ئىشقىڭىز دەردىدە تولغۇناتتى. ھىجران ئوتلىرىڭىز پەقەت ئۆچمەيتتى، مەن ئۇنتۇشقا ئۇرۇنغان بولساممۇ ،ھىچ ئۇنۇتالمايتتىم. ئاھ ،قەدىرلكىم! مەن سۆيگۈمنى ئۈن-تۈنسىزئۇ دۇنياغا ئەكەتمەكچى،شەيتاننىڭ مېنى ھەرخىل يوللار ئارقىلىق سىزدىن ھوزۇرلىنىشتەك ئازدۇرۇشلىرىنى يېڭىپ، سىزگە بولغان پاك سۆيگۈمنى بۇلغىماسلىققا تىرىشىپ، ئۆزۈم يالغۇز ھىجران ئازاۋىمنى ئۇدۇنياغا ئۆزۈم بىلەن بىرگە ئېلىپ كەتمەكچى . پىغانلىق ياشلىرىم قۇرۇسىمۇ ئۆزۈمنى شايتان ئۈچۈن نابۇت قىلماي ،بىر ئاللاھتىن پاناھ تىلەپ پاكلىقىم بىلەن ياشايمەن. جانىم مەن سىزنى ھەقىقەتەن چىن دىلىمدىن سۆيىمەن،ئەمما بۇ سىزگە مەڭگۈ سىر بولۇپ قالغۇسى. [ يوللىغانئەسلىمەتەرىپىدىن2008-08-27 03:45قايتا تەھر ] | |||||
---|---|---|---|---|---|---|
tograh0997 | بۇ نەسىرنى ناھايتى ياخشى يېزىپسىز
| |||||
---|---|---|---|---|---|---|
YOLLAN | ھەي سۆيگۈ ، كىملەرگە قۇچاق ئاچتىڭ ، كىملەرگە پىچاق ئاتتىڭ ؟
| |||||
---|---|---|---|---|---|---|
bihuda دەرىجىسى :يېڭى ئۆگەنگۈچى | << قەدىرلىكىم ،مەن گەرچە سەندىن ھاياسىزلارچە ۋىسالتېپىشىمنى كۈتمىسەممۇ،ۋىسال شەربەتلىرىڭدىن ئىشقى ئوتىڭىز ۋەسلىدە چاڭقىغان .. >>
----------------------- بەزى جايلىرىغا دىققەت قىلسىڭىز بولغۇدەك. بەزىدە «سىز» بەزىدە« سەن» دەپ ئېلىنىپ قاپتۇ. تەھرىرلەپ قويسىڭىز بولغۇدەك . | |||||
---|---|---|---|---|---|---|
Qayan0996 دەرىجىسى :يېڭى ئۆگەنگۈچى | DAXXAT ILHAMINGIZ KAPTU HA
| |||||
---|---|---|---|---|---|---|
arzul01 دەرىجىسى :دائىملىق ئەزا | مۇشۇنداق گەپ ، نۇرغۇنلىرىمىزنىڭ يۈرەكنىڭ چوڭقۇر قاتلىرىدا ساقلىنىۋاتقان، ھىچ كىشىگە ئېيتالمايدىغان ، يۈرەكنى لەرزىگە سالغۇدەك پىنھان ئەسلىمىلىرىمىز بارغۇ..........................
| ||||
---|---|---|---|---|---|
deldax كامىلجان ناسىر(دىلداش) | ناھايتى ياخشى يېزىپسىز......ناخشىمۇ ياخش ماسلىشىپتۇ،
- تەكلىۋىم: -بەزىدە «سىز» بەزىدە« سەن» دەپ ئېلىنىپ قاپتۇ، دىققەت قىلىپ باقارسىز؟ | ||||
---|---|---|---|---|---|
ALi-music ئەلى ئاخنىياز دەرىجىسى :شەبنەم ئەزاسى | ھەقىقەتەن ياىشى يېزىپسىز بۇ تۇرمۇشتىكى بۇلۇپ تۇرىدىغان ھەقىقەت لىكىن بۇنى مۇشۇنداق يېزىشقا جۇرئەت قىلىدىغانلار بەك ئاز
| |||||
---|---|---|---|---|---|---|
REYAT51 2008.6.28رىــيــات | قەدىرلىكىم، ياق-ياق، سىز ئەسلىدىنلا مېنىڭ قەدىرلىكىم ئەمەس ،بەلكى سىز ۋە پەرزەنتلىرىڭىز ئۈچۈن جان كۆيدۇرۇۋاتقان ئەشۇ مېھرىبان جاپاكەش ئايالىڭىزنىڭ قەدىرلىكىدۇرسىز. ئەمما مېنىڭمۇ سىزنى(سىز ۋە باشقىلارغا ئاڭلاتماي تۇرۇپ)قەدىرلىكىم دەپ ئاتىشىمغا يول قويىشىڭىزنى ئۈمۈت قىلىمەن.
_______________________________________________________________ پاھ...نېمىدېگەن تەسىرلىك سۆيگۈ ئىزھارلىرى بۇ؟ بۇ نەسىرىڭىز بەكمۇ ياخشى يىزىلىپتۇ. سىزگە كۆپ تەشەككۈر! سىزگە بەخت مەڭگۈ يار بولسۇن! | |||||
---|---|---|---|---|---|---|
ئەسلىمە | .taklip -pikir bargan doslarca rahmat
.meni kollap kalgan doslargimu rahmat | |||||
---|---|---|---|---|---|---|