| |||||||
ayjahan | ئاياللار كىشلىك مۇناسىۋەتتە دىققەت قىلىشقا تېىگىشلىك ئىشلار ئاياللار كىشلىك مۇناسىۋەتتە دىققەت قىلىشقا تېىگىشلىك ئىشلار
كىشلىك مۇناسۋەت ئىنسانلارنىڭ بېرىش كېلىشى ،ئوچۇر ئالماشتۇرۇش جەريانىدا شەكىللەنگەن،ئورنىتىلغان ۋە تەرەققى قىلغان مۇناسىۋەتتىن ئىبارەت.ئۇ ئىنسانلارنىڭ ئىژتىمائىي تۇرمىشىدكىئەڭ ئاساسلىق مۇناسىۋەت بولۇپ،ئىنسانلار جەمىيىتىنىڭ بارلىق پائالىيىتى بىلەن گىرەلىشىپ كەتكەن بولىدۇ. شۇڭا كىشىلىك جەھەتتە يولۇققان مەسىلىلەرنى ياخشى بىر تەرپ قىلىشنى ئۆگۈنىۋېلىش ئىنتايىن مۇھىم.بۇنىڭدا: 1. ئەر -خوتۇن ئوتتۇرىسىدىكى مۇناسىۋەتنى ياخشى بىر تەرەپ قىلىش كېرەك. ئەر بىلەن ئايال بىر ئائىلىنى شەكىللەندۈرىدىغان مۇھىم ئامىل،ئەر -خوتۇن ئوتتۇرىسىدىكى مۇناسىۋەتنى ياخشى بىر تەرەپ قىلىش ئائىلىنىڭ ئىناقلىقى ۋە موقىملىقىغا بىۋاستە تەسىر كۆرسىتىپلا قالماي،جەمىيەتنىڭ مۇقىملىغىغىمۇ تەسىر كۆرسىتىدۇ.شۇڭا بۇنداق مۇناسىۋەتنى ياخشى بىر تەرەپ قىلىش ئىنتايىن زۆزۈر.بۇنىڭدا تۆۋەندىكى ئىشلارغا دىققەت قىلىش كېرەك: (1 )ئۆز-ئارا ئىشىنىش .ئىشىنىش ئەر -ئاياللىق مۇناسىۋەتنى ياخشىلايدۇ،گۇمانلىنىش ئەر -ئاياللىق مۇناسىۋەتنى بۇزىدۇ،شۇڭا بىر-بىرىگە ئىشەنچ تۇرغۇزىش كېرەك. (2 )ئۆز-ئارا ھۆرمەتلەش.بۇ ئەر -ئايال ئوتتۇرىسىدىكى ھېسىياتنى ياخشىلاشنىڭ ئەڭ نازۇك ھالقىسى.ئەر-ئاياللار بىر-بىرىنى ھۆرمەتلەشتە جۆرىسىنىڭ زوق -ھەۋىسى،ئىنتىلىشى،ھېسىياتى قاتارلىقلارنىڭ ھەممىسىنى نەزەردە تۇتىشى كېرەك. (3 )ئۆز-ئارا ياردەملىشىش.ئۆز-ئارا ياردەملىشىش ئەر -خوتۇن ئوتتۇرىسىدىكى مۇناسىۋەتنى مۇستەھكەملەيدىغان كۆرۈك.شۇڭا قىيىنچىلىققا،ئوڭۇشسىزلىققا يولۇققاندا ئۆز-ئارا ياردەملىشىپلا قالماي،كۈندىلىك تۇرمۇشتىمۇ ئۆز-ئارا ياردەملىشىش كېرەك.شۇندىلا ئەر -خوتۇنلار يېقىن ھەمرالاردىن بولالايدۇ. (4 )ئۆز-ئارا كۆيۈنىش. ئۆز-ئارا كۆيۈنىش ئەر -خوتۇن ئوتتۇرىسىدىكى ھېسىياتنى ئولغايتىدىغان يالقۇن بولۇپ،ئەر-ئاياللار ھەر بىر ئىشتا بىر -بىرىگەمېھىر -مۇھاببەت ئاتا قىلىشى كېرەك. 2. خىزمەتداشلار بىلەن بولغان مۇناسىۋەتنى ياخشى بىر تەرەپ قىلىش كېرەك. (1) سەمىمىي بولۇش كېرەك.سەمىمىيلىك خىزمەتداشلار ئوتتۇرىسىدىكى مۇناسىۋەتنى ياخشىلاشنىڭ بوسۇغىسى بولۇپ،سەمىمىي بولغاندىلا باشقىلار بىلەن ئاسان يېقىنلاشقىلى بولىدۇ. (2 )خىزمەتتە ئۆزىگە قاتتىق تەلەپ قويۇش كېرەك،بۇ خىزمەتنى ياخشى ئىشلەشنىڭ ئاچقۇچى بولۇپ،ئۆزىنىڭ خىزمەت نەتىجىسىنىيوقىرى كۆتۈرۈپلا قالماي،خىزمەتداشلارنىڭ شۇ كىشىگە بولغان ھۆرمىتىنىمۇ ئاشۇرىدۇ.ھۆرمەت كىشلىك مۇناسىۋەتتە ئاكتىپ ھېسىيات شەكىللەندۇرىدىغان سېگنال بولۇپ،خىزمەتداشلار بىلەن بولغان مۇناسىۋەتنى ياخشىلاشتا تۈرتكىلىك رول ئوينايدۇ. (3) مەغرۇرلىنىشتىن ساقلىنىش كېرەك.مەغرۇرلىنىش ئادەمنىڭ خىزمەت نەتىجىسىگە تەسىر كۆرسىتىپلا قالماستىن،خىزمەتداشلار ئىچىدە مەنمەنچى دەيدىغان قاراشنى شەكىللەندۈرۈپ قويىدۇ،نەتىجىدە كىشلىك مۇناسىۋەتتە پاسسىپ تەسىر بېرىپ قويىدۇ. (4) باشقىلارنىڭ ئارتۇقچىلىغىنى ئۆگىنىش كېرەك.باشقىلارنىڭ ئۆگىنىش،خىزمەت،تۇرمۇش،كىشلىك مۇناسىۋەت،ئەخلاقى پەزىلەت قاتارلىق جەھەتلەتلەردىكى ئارتۇقچىلىقىنى ئۆگىنىش،شۇ ئارقىلىقئۆزىنى ئۆزلىكسىز مۇكەممەللەشتۈرۈش كېرەك. 3. قوشنىلار بىلەن بولغان مۇناسىۋەتنى ياخشى بىر تەرەپ قىلىش كېرەك. قوشنىلار بىلەن بولغان مۇناسىۋەت كىشلىك مۇناسىۋەتنىڭ مۇھىم بىر تەركىۋى قىسمى،شۇڭا بۇ جەھەتكە ئالاھىدە دىققەت قىلىش كېرەك. (1 )ئۆتنە ئالغان نەرسىنى ۋاقتىدا قايتۇرۇش كېرەك. قوشنىلار ئارا ئېلىم -بېرىم كىشلىك تۇرمۇشتىكى نورمال ھادىسە،ئەمما ئۆتنە ئالغان نەرسىنى قايتۇرماسلىقتىن ساقلىنىش كېرەك.ئۇندىن باشقا ئۇششانق ئىشلارنى يىپىدىن -يىڭنىسىغىچە سۇرۇشتۈرۈپ ئولتۇرماسلىقمۇ ئىنتايىن مۇھىم. (2) قوشنىلار بىلەن ئۆز-ئارا يار -يۆلەك بولۇپ ئۆتۈش كېرەك.ئادەم ھاياتىدا ئاۋارىچىلىق،پېشكەللىك،ئوڭۇشسىزلىقلاردىن ئىالىي بولالمايدۇ،شۇڭا قوشنىلار بىلەن ئۆز-ئارا يار -يۆلەك بولۇپ،قېېيىنچىلىقلارنى ھەمكارلىشىپ يېڭىش كېرەك. (3 ) كۆڭلى -كۆكسىنى كەڭ تۇتۇش كېرەك. كۆڭلى كۆكسى كەڭ بولۇش مىللىتىمىزدىكى گۈزەل ئەنئەنىۋى ئەخلاق.بۇنى قوشنىلار بىلەن بولغان مۇناسىۋەتتە قارى قىلدۇرۇش كېرەك. ئاياللار يوقىرىقى بىر قانچە نوقتىلارغا دىققەت قىلىپ،كىشلىك مۇناسىۋەتتە ئەمەل قىلىشقا تېگىشلىك بولغان باراۋارلىك،ئىتتىپاقلىق،ئۆز-ئارا ياردەم بېرىش پىرىنسىپلىرىنى ياخشى جارى قىلدۇرۇپ،كىشلىك مۇناسىۋەتكە تەسىر يەتكۈزىدىغان پىسخىك توسالغۇلارنى يەڭگەندىلا كىشلىك مۇناسىۋتنى ياخشى بىر تەرەپ قىلغىلى بولىدۇ. مەنبە: شىنجاڭ ئاياللىرى ___ باشقۇرغۇچى : naxtari تەرىپىدىن تەستىقلاندى . تەستىقلانغان ۋاقتى : 2008-08-26
| |||||
---|---|---|---|---|---|---|
YOLLAN | ھازىر كىشىلىك مۇناسىۋەتمۇ مۇرەككەپلىشىپ كەتتى ،كىشىلەرنىڭ كۆڭلى نازۇكلىشىپ............
| |||||
---|---|---|---|---|---|---|
yawakilaqak دەرىجىسى :يېڭى ئۆگەنگۈچى | بۇنى يازغان ئادەمگە كۆپتىن- كۆپ رەھمەت ئاللا سالامەتچىكىك بەرسۇن
| |||||
---|---|---|---|---|---|---|
muhterem خەيىر-خوش ئۆتكەن كۇنلەر . . . | <ئىنسانلارنىڭ دۇنياسىنى تۇزەتمەك زۆرۇر بولسا ،ئەڭ ئاۋال گۇزەل خۇلۇققا ئىگە قىلىش بىلەن ئائىلىنى تۇزىتىڭلار ، ئائىلىلەر تۇزەلگەندىن كىيىن دۇنيا تۈزىلۇر . >
تەپسىيلاتىنى ئوقۇسىڭىز بۇ ئادىرىسقا كىرىڭ ! ./read.php?tid-59681-keyword-.html | |||||
---|---|---|---|---|---|---|
@SIRDAX1188@ دەرىجىسى :يېڭى ئۆگەنگۈچى | ئەڭ ئاۋال گۇزەل خۇلۇققا ئىگە قىلىش بىلەن ئائىلىنى تۇزىتىڭلار ، ئائىلىلەر تۇزەلگەندىن كىيىن دۇنيا تۈزىلۇر .
بۇ گەپ دۇرۇستۇر . | |||||
---|---|---|---|---|---|---|
wafa دەرىجىسى :يېڭى ئۆگەنگۈچى | ئاياللارلا ئەمەس ھەممە ئادەم دىققەت قىلىشقا تىگىشلىك ئىشلار ئىكەنغۇ بۇلار
| |||||
---|---|---|---|---|---|---|
crystalala دەرىجىسى :يېڭى ئۆگەنگۈچى | سىزنىڭ بۇ پىكىرىڭىزگە بەكمۇ قوشۇلىمەن!
| |||||
---|---|---|---|---|---|---|
marip دەرىجىسى :يېڭى ئۆگەنگۈچى | نىمىدىگەن ياخشى يېزىلغان ئەسەر بۇ؟
| |||||
---|---|---|---|---|---|---|
atuxuhli دەرىجىسى :يېڭى ئۆگەنگۈچى | ئاياللار ھەقىقەتەن دىققەت قىلىشقا تېەىشلىك نوقتىلاركەن،رەھمەت..............
| |||||
---|---|---|---|---|---|---|
guzal0994 دەرىجىسى :يېڭى ئۆگەنگۈچى | ئاياللارلا دىققەت قىلماي ، ئەرلەرمۇ دىققەت قىلىدىغان ئىشلاركەن ................. رەخمەت
| |||||
---|---|---|---|---|---|---|