| |||||||
layli0317 مۇناپىقتىن نېرى يۈر | ساماۋى تىلەك(لەيلى)ساماۋى تىلەك قارايمەن تەلمۈرۈپ كۆكتىكى ئايغا، نىگارىم كۆرۈنسە ئاي يۈزىدە دەپ. يۈرىكىم ئاغرىدى قىسىلىپ نەپسىم، تۇرىمەن يۇلتۇزدىن تەسەللى ئىزلەپ. بار ئىكەن ئاينىڭمۇ يۈزىدە نۇقسان، قېپ قاپتۇ يۈزىدە ھەسرەت داغلىرى. ئايدىكى شۇ يىتۈك گۈزەللىكمۇ ھەم، سۆزلەپتۇ دەردىنى، سۆيگۈ زارىنى. كۆز قىسسا يۇلتۇزلار كۆكتە چاراقلاپ، ئاي تۇرار بوينىنى قىسىپ يېگانە. قەلبىمدە كۆكلىگەن ساماۋى تىلەك، كۈتسەمكەن يارىمنى غېرىپ كۈلبەمدە. ئەسسالام، مىھرىبان تاڭ شاماللىرى، ئويغاتقىن يارىمنى سۆيۈپ يۈزىدىن. خەۋەر بەر قەلبىنىڭ جاراھىتىدىن، كۆز يېشى، ھەسرىتى، سۆيگۈ سۆزىدىن. بىر كۈنلەر كېلىدۇ بىزگىمۇ بەلكىم، تەرك قىپ قايغۇنى غەمسىز ياشايمىز. چۇقىراپ ئەتراپنى كىيىپ بېشىغا، قىيغىتىپ چېپىشار نەۋرە چەۋرىمىز. | |||||
---|---|---|---|---|---|---|
بۇ يازمىنىڭ يېقىنقى باھالىنىش ئەھۋالى : |
gul-sanam توغراق قىزى | ساماۋى تېلىكىڭ ياشارتار جاننى ،
سەن شۇڭا يۈرۈكۈم ،سەندە ئارمانىم . شۇ غەمسىز مىنۇتقا قول تۇتۇپ ئالغا ، قالغىچە بۇ تەندە ئازراق دەرمانىم . | ||||
---|---|---|---|---|---|
TarimDadxah تارىم دادخاھ ئۈرۈمچىگە ماڭدى ! | تەبىر بېرىلىشىچە ، قىز ئاشىغىنى سېغىنسا ئىككى كۆزى ناھايىتى مەيۈس ھالدا بىر نۇقتىغا مەركەزلىشىپ يەردىن بېشىنى كۆتۈرمەيمىش ، يىگىت مەشۇغىنى سېغىنسا كۆكتىكى ئاي -يۇلتۇزلار ئارىسىغا تىكىلىپ ئاھ ئۇرارمىش ...
| |||||
---|---|---|---|---|---|---|
دىلئۇز دەرىجىسى :شەبنەم ئەزاسى | پاھ! تەبىرىڭىز قالتىسكەن.
| |||||
---|---|---|---|---|---|---|
xirzat310 دەرىجىسى :شەبنەم ئەزاسى | بەك ياخشى يېزىپسىز .
بىر يەردە ئاڭلىغاندەكلا تۇرىمەن .. | ||||
---|---|---|---|---|---|
tangsabasi | شېئىرىڭىزنىڭ تىلى شۇنداق يېنىك چىقىپتۇ،ئەمما تۆۋەندىكى مىسرادىكى
كۆز قىسسا يۇلتۇزلار كۆكتە (چاراقلاپ،) بۇ سۆز قۇلىقىمغا سەل غەلىتە ئاڭلاندى،بىز ئادەتتە يۇلتۇزلارنى(جىمىرلاپ)دەپ ئالىمىز،بولسا (چاراقلاپ)دىگەننى(جىمىرلاپ)دەپ ئۆزگەرتىپ قويسىڭىز بولغۇدەك. | |||||
---|---|---|---|---|---|---|
majnuntal666 | قۇم بارجانلار ئاستىدا كۆمۇلگەن تىلەك ،
كارۋانلىرىڭ ئوت ياقسا بولمامتى يۆلەك . ساماۋى تىلەكلەردىن كۈتمۈدۈم ئۈمۈت ، ئۆزگە يايرىم يوق مىنىڭ سېنىڭدىن بۆلەك . | |||||
---|---|---|---|---|---|---|
kok-sultan تەۋپىق ئىزچىسى | مۇھەببەت ئۇلۇغ،مۇھەببەت بۈيۈك تېما.يازغانسىرى يازغۇسى كېلىدىغان...
| ||||
---|---|---|---|---|---|