| |||||||
Ark-zat ئەمەتجان مۇھەممەت | ئوغۇلنى ئۆيلەمدۇق ياكى ياتلىق قىلامدۇق؟ئوغۇلنى ئۆيلەمدۇق ياكى ياتلىق قىلامدۇق؟ ئەمەتجان مۇھەممەت ئەركزات مەن يېقىندا بىر تويغا قاتناشتىم .ئاڭلىشىمچە تويدىن بۇرۇن قىز يىگىتكە مۇنداق دەپتۇ: --تويدا ئاق توي كۆينىكىنى ئىجارە ئالغاندىن كۆرە ئەتلەستىن كۆينەك ئېلىپ بىرىڭە، تويدا دوپپا بىلەن قوشۇپ سىز ئېلىپ بەرگەن ئەتلەس كۆينەكنى كېيەي،ئاندىن بۇ ئەتلەس كۆينەك ئۆمۈرلۈك مېنىڭ بولسۇن يىگىت نىمە دەپتۇ دەڭ: --نىمە، قېرى خۇتۇنغا ئوخشاش كىيىنمەڭە ئادەمنىڭ نۇمۇسىنى كەلتۈرۈپ... شۇنىڭ بىلەن ئەتلەس كۆينەك ئېلىنماپتۇ،توي بولىدىغان كۈنى قىز كۆينەك ئىجارە ئالغاندا ئەتلەستىن تىكىلگەن توي كۆينىكىنى ئىجارە ئېلىپ كېيىپتۇ. جەمىيەتتە مانا مۇشۇنداق نامەرت ئەركەكلەر كۆپەيگەنسىرى توي-تۆكۈندىكى شۆھرەتپەرەسلىك تۈگىمەيۋاتىدۇ.ئوغۇلغا تويلۇق ئالمىسا ئۇنىمايدىغان،موتېسكىلىت،كىيىم كېچەك،ھەتتا قولدىشىغىمۇ دوپپا،كۆينەك ئالمىسا ئۇنىمايدىغان،توي كۈنى ئوغۇل تەرەپ تويلۇقنى ئېچىپ بولغاندا،قىز تەرەپمۇ «مانا بۇ ئوغۇلغا ئالغانلىرىمىز» دەپ،ئوغۇل تەرەپ تەلەپ قىلىپ ئالدۇرغان نەرسىلەرنى قىز تەرەپ ئوتتۇرغا ئاچىدىغان بۇ ئەھۋاللار ئومۇملىشىپ كېتىپتۇ.«قىز مېلى»نى ئاچقاندا قارىسام ئوتتۇردا ئىككى تال دوپپا، بىرجۈپ(ئىككى تال)كۆينەك،ئىككى تال گالئاستۇك تۇرىدۇ.توۋا دەپ قالدىم، بۇ قىز بىرلا ۋاقىتتا ئىككى ئەرگە تەگمەيدىغاندۇر؟راست گەپ قىلسام يىگىتنىڭ قولدىشىغىمۇ دوپپا قاتارلىق كىيىم-كېچەك ئالغىنى ماڭا پەقەتلا ياقمىدى(قولدىشىڭىزغا ئالماي دىسە ئوغۇل ئۇنىماپتىمىش،خامىرى كۆپۈپ). ئۇيغۇرلاردا دوپپا تەغدىم قىلىشتا قىز يىگىتكە مۇھەببەت ئىزھار قىلماقچى بولسا چىرايلىق دوپپا سوغا قىلىپ ئىپادە قىلىدۇ.لېكىن بۇ تويدا دوپپا بىر تال ئەمەس ئىككى تال تۇراتتى،ھازىرقى ئوغۇللارمۇ بەكلا قېلىن،نامەرت بولۇپ كەتتىمۇ بىلمىدىم.ئوغۇل بالا تۇرۇپ:«مەن ئالتۇن ئېلىپ بەردىم،ئەمدى ماڭا نىمە ئالىدىكەن؟»دېسە،ئاتا-ئانىسى ياكى تۇققانلىرى:«بىز قىزغا مانچە گىرام ئالتۇن،مانچە كالا تويلىق ئالدۇق،قېنى قىز تەرەپ يىگىتكە نىمە ئېلىپ بېرىدىكەن؟ئۆينى ئوغۇل تەرەپ تەييارلىغانكىن تېلۋۇزۇر،توڭلاتقۇلارنى قىز تەرەپ ئالسۇن،موتىسكىلىت ئالمىسىغۇ ھەرگىز بولمايدۇ...» مۇشۇنداق ئېيتىلغان گەپلەر ھازىر ھېچ ئىككىلەنمەيلا ئوغۇل تەرەپتىن چىقىدىغان بولۇپتۇ.ئوغۇلنى ئۆيلەشكە قۇربى يەتمىسە ياكى چىدىمىسا«بۇ ئوغۇل ئەمەستى» دەپ ئەرگىلا بېرىۋەتسۇن بولدى(ئۇنداق قىلغىلى بولمايدۇ ئەمەلىيەتتە)،نىمە قىلىدۇ ئوغۇل ئۆيلەيمەن دەپ؟خۇتۇن ئېلىپ بەرگەنكىن قىزغا ئارتۇق تەلەپ قويغىنى بۇ ئوغۇلنىڭ غۇرۇرىنىڭ دەپسەندە قىلىنغانلىقى بىلەن باراۋەر ئەمەسمۇ!ئوغۇل ئۆيلىگۈچى چىداش كېرەك.قىز تەرەپكە تەلەپ قويۇپ تۇرىۋالسا:«سىز ئوغۇل ئۆيلەمسىز ياكى ياتلىق قىلامسىز؟»دەپ سورىغۇم كېلىدۇ.قىز تەرەپنىڭ تويلۇقنى كۆپ سالغانلىقىنى باھانە قىلىپ ،ئوغۇلنىڭ ئەركەكلىك غۇرۇرىنى يەرگە ئۇرۇشقا بولمايدۇ-دە. مەن شۇنداق بىر جۈپلەرنى كۆرگەن،تويدىن كېين ئۇزۇن ئۆتمەي ئاجرىشىپ كىتىدىغان بولۇشۇپ،قىز تەرەپ ئەكەلگەن تويلۇق ماللىرىنى بىر يىغقىلى تۇرۇپتىكەن بۇ بىچارە ئوغۇلنىڭ ئۆيىدە پەقەتلا تۆت تام ئېشىپ قاپتۇ دىسەم ئارتۇقلۇق قىلماس.«مانا،قىز تەرەپكە تويلۇق ئالۋىڭى سالغانغا تويە...»دېدىم ئىچىمدە.« ئەگەر بۇ قىز تويدىن بۇرۇن شۇ نەرسىلەرنى ئەكەلگەندە رەت قىلالىغان بولساڭ ئىدىڭ،بۇ قېتىم قىز كىيىم –كېچەكلىرىنىلا ئېلىپ كېتەتتى،ئۆيۈڭ چىرايلىق پېتى قالاتتى،نومۇس قىلمىدىڭمۇ؟ سەنمۇ ئەركەكمۇ؟ئەمدى يەنە توي قىلساڭ قىزغا بىر نەرسە ئالدۇرامسەن؟...»ئۇنىڭدىن بۇ سۇئاللارنى سوراپ باققىم كەلدى. 2008-يىلى 6-ئاينىڭ 15-كۈنى | ||||
---|---|---|---|---|---|
Erdal دەرىجىسى :شەبنەم ئەزاسى | توغرا دەيسىز، بىز قاچانمۇ ئەسلىمىزگە قايتارمىزكىن؟
| ||||
---|---|---|---|---|---|
dunyakara | ئەركىزات ئەپەندىم تۇرمۇشتىكى ئەمىلى تېمىدىن يەنە بىرنى يوللاپسىز.جەمئىيەت مۇشۇنداق بولۇپ كېتىپ بارىدۇ.خۇددى چاۋاك ئىككى قولدىن چىققاندەك بۇنداق ئىشلارنى بىرلا تەرەپتىن كۆرگىلى بولمايدۇ.ھازىر ئوغلى بار دېھقان ئاتىلارنىڭ ياكى ئوغلى بار مۇئاشقىلا قاراشلىق دادىلارنىڭ ئوغلىغا ئۆي ئېلىپ بېرىشى ھەم توي قىلىشى ئەڭ چوڭ غېمى(ھەم ئەڭ چوڭ ئىقتىسادى يۈكى دىيىشكىمۇ بولىدۇ)يىگىتنىڭ مۇقىم ئىقتىسادى كىرىمى بولمىسا،ئۆز ئالدىغا ئۆيى بولمىسا قىز تەرەپ تۆۋەن كۆرىدۇ، ئوخشاشلا قىزنىڭمۇ مۇقىم كىرىمى ياكى ئەڭ بولمىغاندا تېرىلغۇ ئېتىزى بولمىسا يىگىت تەرەپمۇ بالىلار كېيىن قانداق كۈن ئۆتكۈزەر دەپ غەم-ئەندىشىدە قالىدۇ............بۇلارنى پەقەت مەيلى ئوغۇل تەرەپ مەيلى قىز تەرەپ بولسۇن ئاتا-ئانا بولغۇچى ئۆزلىرىلا ھېس قىلالايدۇ.
ھازىرقى جەمئىيىتىمىزدە قانچىلىغان ياشلىرىمىز ئۆزىنىڭ ئوقۇش پۇلىنى ئۆزى تېپىپ ئوقۇيالىغان؟قانچىلىغان ياشلىرىمىز ئۆزىنىڭ تويىغا كېرەكلىك ئىقتىسادىنى تەييارلاپ ئاتا-ئانىسىنىڭ ئالدىغا قويالىغان؟...بەلكىم بارماق بىلەن سانىۋالغۇدەكلا باردۇر. | ||||
---|---|---|---|---|---|
bilgar | ھەي مۇشۇ سېلىق .پۇرچاقنىڭ قاسرىقىدەك تۇققاندارچىلىقى بارلارنىڭ ئارلىشىشى بىلەن ئەتە بولىدۇ دىگەن تويلارمۇ بۇزۇلۇپ كېتىۋاتىدۇ.توي قىلماقچى بولغان ياشلارنىڭ ئاھىنى چوڭلار ئاڭلىماي ،خۇددى چوڭلار توي قىلدىغاندەكلا.
ياشلاردىن مېنىڭ راست دىگۈچىلەرنىڭ ئەھۋالى يۇقۇرىدا سىز دىگەندەك. بىزنىڭ يۇرتتا تېخى تۇغۇتتىن كېيىنكى سېلىق تويدىنمۇ ئېغىر .نۇرغۇن ياشلار بالىلىق بولۇپ ،سېلىقنى بېرىپ بولالماي ،ئاجرىشىپ كېتىۋاتىدۇ.ھەي بىزدىكى زامانىۋىلىشىۋاتقان ئۆرپ-ئادەتلەر. | |||||
---|---|---|---|---|---|---|
zakiya دەرىجىسى :يېڭى ئۆگەنگۈچى | ئەركزان ئەپەندى ، بۇ ناھايىتى ياخشى تىما بوپتۇ . ئۆزىڭىز ئەركەك بولسىڭىزمۇ ئەرلەرنىڭ ئاشۇنداق قىلىقلىرىغا نەپرەتلىنىپ ، بۇ تىمىنى يوللاپسىز .دىمىسىمۇ ھازىر بۇنداق ئەھۋاللار بىزنىڭ يۇرتتىمۇ كۆپ . ھازىر ئەرلىرىمىزنىڭ ئەركەكلىكى قالمايۋاتىدۇ . مەسىلەن : ئۆي ئالىدىغان چاغدا ئايال تەرەپتىن تەپتارتماستىن پۇل سورايدىغان ( ئىقتىسادىنىڭ قانداقلىقى بىلەن كارى يوق ) ، ئايال تەرەپنى ئاپاڭدىن پۇل ئەكەل دەپ بويرۇق قىلىدىغان ، ئايال تەرەپنىڭ ئاتا - ئانىلىرى ئۈيىگە كەلسە ئۇلارغا ئالىيىپ قارايدىغان ، ئۆزىنىڭ خىزمەت ئورنى بار ، ئايالىنىڭ يوق بولسا ، ھەرخىل باھانىلار بىلەن ئاجرىشىۋاتقان ، ئايال تەرەپنىڭ چىقارغان پۇللىرى بىلەن ئۆي ئېلىۋاتقان ، ئۆينىڭ ئېغىر يىنىك ئىشلىرىنىڭ ھەممىسىنى ئايالغا يۈكلەپ قۇيۇپ ، ئۆزى ئەيش ئىشرەتكە بېرىلىۋاتقان ، بالىلارنى تەربىيىلەشنى ئايالىغا تاشلاپ قۇيۇپ ، بالىلار (ئوغۇل بالىلار ) ئاياللىق تۈسىنى ئېلىپ كىتىۋاتقان ( دىمەكچى بولغىنىم ، يىغلاڭغۇ ، ئاسان تەسىرلىنىدىغان ، ئوغۇللاردا بۇلۇشقا تىگىشلىك قەيسەرلىك يوقاپ كىتىۋاتقان ) ...... دىگەندەك ئىزلار كۆپىيىپ كەتتى . مۇشۇنداق بۇلىۋەرسە مىللىتىمىز خاراپلاشمامدۇ ؟ ؟؟؟؟؟؟؟؟؟؟؟؟؟؟؟؟؟؟؟
| |||||
---|---|---|---|---|---|---|
nurlfn | خۇددىي ئەرك زاد ئەپەندىم ئېيىتقاندەك بۇنداق ئۆرپ-ئادىتىمىزگە، ئەنئەنىمىزگە يات توي ھادىسلىرى قەدەمدە بىر يامراپ كەتتى. مەنمۇ مۇشۇ ئاينىڭ 17-كۈنى دەل مۇشۇنداق تويغا ھەغدا بولۇپ قېلىپ، كۆڭلۈم بىر قىسما بولۇپ قالدى، توينى ئاددىي-ساددا ، تېجەشلىك قىلىپ، ئۆزلىرى بەخىتلىك ئۆتسە، ئېشىنغان پۇللارنى ئەھمىيەتلىك، مۇۋاپىق ئىشلارغا ئىشلەتسە بولىۋىرىدىغۇ؟ بۇ جەھەتتە، توي قىلىش ئالدىدا تۇرغان يىگىتلىرىمىز ئويلانمىسا بولمايدۇ.قىزلىرىمىزمۇ ھېلىقى ئاق توي كۆينىكى دىگەن مەرەزنى يوقۇتۇپ، چىرايلىق ئەتلەس كۆينەك كەيسە ، نەقەدەر ياخشى بولاتتى-ھە؟!
ئەرك زاد ئەپەندىمنىڭ يوللانمىسىغا رەھمەت. | |||||
---|---|---|---|---|---|---|
gul-sanam توغراق قىزى | مەن ئەرلەرنىڭ << سېلنىڭ ئۆيدىكىلەر ياردەم قىلىپ تۇرسا >>دىگەن سۆزىنى مەڭگۈ توغرا چۈشنەلمەيمەن . غۇرۇر دىگەن نەرسە مانا مۇشۇنداق چاغدا ئىسيان كۈتۈرشى كېرەك.
| ||||
---|---|---|---|---|---|
akida0999 دەرىجىسى :يېڭى ئۆگەنگۈچى | بۇنداق ئەھۋاللارنى قانچە كۆپ سۆككەنسىرى شۇنچە كۆپ ئەۋىج ئېلىپ كېتىپ بارامدۇ قانداق؟
مەن ئاساسىي قاتلامدا خىزمەت قىلىمەن ، داۋاملىق مۇشۇنداق نىكاھ دەۋاسى ، مال-دۇنيا دەۋاسى ئاۋارە قىلىدۇ. باشقىلارنىڭ نوپۇسى شۇنچە كۆپ تۇرۇپمۇ يىلدا ئېزىپ -تېزىپ بىرەر قېتممۇ كەلمەيدۇ، ئەمما بىزنىڭ قېرىنداشلىرىمىز پۇلنى بەك ئاسان تاپامدىكىن يىلدا ئاز دىگەندە 20 پارچىدىن ئارتۇق نىكاھ دەۋاسى بىر تەرەپ قىلىنىدۇ. | ||||
---|---|---|---|---|---|
nafisa0999 دەرىجىسى :يېڭى ئۆگەنگۈچى | بولدى قاينىماڭلار،بۇدىگەن ھازىرقى مودا ،جەمىيەت تەرەققىي قىلغانسىرى مۇشۇنداق ئىشلار كۆپىيىپ كەتتى،ئامال يوق ئۆزىمىز شۇنداق باشقىلارنىڭ چاكىنا تەرەپلىرىنى قوبۇل قىلىش قا ئۇستا ئەمەسمۇ
| |||||
---|---|---|---|---|---|---|
دىلئۇز دەرىجىسى :شەبنەم ئەزاسى | بۇ تىمىڭىز ھازىرقى ئەمىليەتنى ئەينەن يۇرۇتۇپ بىرىپتۇ. تىمىدا ۋە يۇقارقى ئىكاسلاردا ئوتتۇرغا قۇيۇلغان مەسللەر ئەرلىرىمىزنىڭ بىر قېتىم ئويلىنىپ بېقىشىغا ئەرزىيدۇ.
| |||||
---|---|---|---|---|---|---|
kaxkariya ھارامدىن يىراق تۇر. | Quote:بۇ يازما8قەۋەتتىكىnafisa0999نىڭ2008-06-20 11:34يوللىغان : | |||||
---|---|---|---|---|---|---|
imhan دەرىجىسى :يېڭى ئۆگەنگۈچى | بۇنداق ئىشلارنىڭ كەلتۇرۇپ چىقارغۇچى يەنىلا سىز بىلەن بىز! شەبنەمدىكى توي قىلمىغان قىزلار سىزگە لايىقىڭىز ئاددى -ساددا توي قىلىپ ئاتا -ئانىمىزنىڭ يۈكىنى يەڭگىللىتىپ ئۆزىمىزنىڭ دەردىنى ئۆزىمىز تارتايلى دىسە قۇشۇلامسىز؟ بىز شۇنداق بىر ئىشلارغا ئاسان ھاياجانلىنىمىز ،تەسىرلىنىمىز.بىراق ئىش چىڭىغا چىقىپ ئۆزىمىزنىڭ بېشىغا كەلگەندە ئويلىنىپ قالىمىز.قاتاردىن قالغىمىز كەلمەيدۇ.ھەم شۇنداقلا خاتادىنمۇ قالغىمىز كەلمەيدۇ.بۇ ھىسيات سىزدىمۇ بولدى ھەقىچان! ياشلىرىمىز ئارىمىزدا تويدىن تاكى بالىلىق بۇلۇپ ئۆي ئېلىشقىچە بولغان ئىشلارنى ئەر -ئايال ئورتاق كۈچ چىقىرىپ قىلغانلارمۇ كۆپ.بىراق بەزى ئاتا -ئانىلارمۇ شۇلارنىڭ شۇ ئىرادىسىدىن پەخىرلەنسە ،شادلانسا نىمە دىگەن ياخشى بۇلاتتى دەيمەن! ياشلىرىمىز تىرىشىڭلار !كەلگۈسى تېخىمۇ گۈزەل!
| |||||
---|---|---|---|---|---|---|
mumkin دەرىجىسى :يېڭى ئۆگەنگۈچى | بۇنداق ئىشلار ئومۇملىشىپ كەتتى ھازىر، قىز چوڭ قىلغانغىمۇ تويۇپ كېتىدىغان بولدى ئاتا -ئانىلار!
| |||||
---|---|---|---|---|---|---|
Sahrah دەرىجىسى :يېڭى ئۆگەنگۈچى | مەنغۇ بىرقانچە يىلدىن بىرى ئوقۇيمەن دەپ بۇنداق ئىشلارغا ئانچە كۆڭۈل بۆلمەپتىكەنمەن....
ئەسلى مۇنداق ئىشلارمۇ بار دەڭلار.... ئاللا خالىسا، مەن ئەركزات ئەپەندىم ئۆمىد قىلغاندەك توي قىلمىسام،.. | ||||
---|---|---|---|---|---|
axik029 دەرىجىسى :شەبنەم ئەزاسى | Quote:بۇ يازما8قەۋەتتىكىnafisa0999نىڭ2008-06-20 11:34يوللىغان : قارغاندا سىز مۇ مۇشۇنداق يولۇققان ئوخشىمامسىز ؟؟ بۇنى قانداقمۇ مودا دىگىلى بولسۇن ! سىز ئاجايىپ سۆزلەيدىكەنسىز !! | |||||
---|---|---|---|---|---|---|
fuslat دەرىجىسى :يېڭى ئۆگەنگۈچى | ھىندىستاندا قىزلارنىڭ توي قىلمىقى تەس دەپ ئاڭلايتۇق ئەمدى بىزگە كەلگەندەك ھىس قىلىۋاتىمەن، ھازىر بىزنىڭ ئوغۇللارغا نىمە بولغاندۇ؟ شۇنى ئويلايدىغان بولۇپ قالدىم .
| ||||
---|---|---|---|---|---|
seriknur دەرىجىسى :يېڭى ئۆگەنگۈچى | نېم گەپ بۇلىتى ، ھەممىس پۇلىنڭ ئىشى ، ھە ھەرقايسسى چىرايلىق خېنىملارغا گاڭ چىن مۇھەببەت بولسىلار كۇپايە قىلماس ؟؟!
ۋاقتى كەپ ئوغۇللار قىز ئالىدىغان ۋاقىتتا قىزلارنڭ ئۆيدىىكىلەرمۇ توپاقىنى چىمدىغاندەك چىمىدىغىلى تۇرشىدىغۇ شۇ ، ئەرك زات ئەپەدۈمـــــــــــــــــــــــــــــــــم ، بۇ جاچان ئەزەلدىن بىر خىل ئادەملەر تۈپەيلى بۇۇلۇپ كەتكەن ئەمەس، نوقۇل ئەرلەر ياكى ئاياللار بۇنداق بىر خىل ئۆرىپ ئادەتكە ئايلىنىپ كېتەي دەپ قالغان ناچار ئىللەتنى پەيدا قىلالمايدۇ ، بىزدىمۇ يۇلسام ، قويسام ، يۇڭدىسام دەيدىغان قىز ئىگىلىرى بار ، دەيمىزغۇ : ساڭا بېقىپ مەن ،ئىششىككە بېقىپ دەم دەيدىغان ، خۇدايىم بەرسە پەيغەمبەرنڭ قارنى ئاغىرىپىتۇ دېگەندەك ئىش قىلمايلى ، بۇ بىر سۆزلەپ ئولتاغىدەك گەپ ئەمەسكەن ، قىز چوڭ قىلغان ئوغال چوڭ قىغانلىنىڭمۇ ھەممىسنڭ دۈمبىسىدە جېنى بار ، بېكاغا بوززەك بولىىدىغان ئىش قالمىدى ، ھەجەپ ئوغال ئۆيلىگەندىكىيىن دەپ قاپسىز، ھازىر يىگتلەر خوتۇن ئېلىپمۇ نېمە ھوزۇر كۆرىۋاتىدۇ ، ئىش كەلگەندە ئەر ئايال باراۋەر ، تاس قالىدۇ تۇغۈدىغان بالىغمۇ بەس سېلىپ ئىرنى سەن تۇغ دىگىلى ئوينايدىغان ئۇيۇندىن كام قالمايدۇ ، بالا دېسە سەن تاپقان دەپ ئېرىنڭ ياقىسىغا ئېسىلىدۇ ، ئىش كەلگەندە بىر ئىرىگە ئاسايشلق يارىتىپ بېرەي دېمەي ئىكى كۈندە ىبر قېىتم مۇرىىسىدىن تۈتۈن چىقارمايدىغان خوتۇنلار جىق گەپ ، مانا بۇ ھازىرىقى ئەر ئاياللار ، نوقۇل سەن مانداقكەنسەن دەپ گۇناھنى بىر ياققا قويغىلى بولمايدۇ ، ھېلىقىدەك قويىۋەتكەنلەرگە كەلسەك ، تولا قىزلار شۇ : ئالتۇن ئالسام جا چىقىتى ، قاچۇغا ئالسام سا چىقىتى ، ئېلىپ ئۆيىگە ئاپارىپ قارىسا ــ تۇرغان ، پۇل تۆلەپ ئالغان تاۋۇزنڭ سېسىقى چىقققىنىغا ھەممە ئادەمنڭ قوسقى كۆپىدىغۇ دەيمەن ، شۇڭا ، نۇرغۇن قىز چوڭ قىغان ئاتا ئانلارنڭ تىلى قىسقا بۈگۈنكى كۈندە | |||||
---|---|---|---|---|---|---|
ONLY1 دەرىجىسى :يېڭى ئۆگەنگۈچى | بىز ئۇيغۇر ئوغلانلىرىمىزنى مەرد،غورۇر-ۋىجدانلىق دەپ پەخىرلىنەتتۇق،ھازىر نىمە بولىۋاتىدىكىن؟چاكىنا ئوغۇللار كۈپىيىپ كەتتى.ئككى تەرەپ بىر مۇنچە سېلىق سېلىپ شۇنچە ھەشەمەت بىلەن توينى قىلىدۇ، ئەمما ئاخىرىغىچە ئۈي تۇتالىغانلار قانچىلىك؟؟؟
| |||||
---|---|---|---|---|---|---|
KYNAM دەرىجىسى :يېڭى ئۆگەنگۈچى | ھيۇقارقى ئىكاسلاردا ئوتتۇرغا قۇيۇلغان مەسللەر ئەرلىرىمىزنىڭ بىر قېتىم ئويلىنىپ بېقىشىغا ئەرزىيدۇ. دوستلار مەن مۇنبەرگە تـما يوللىماقچى ئىدىم ، قانداق يوللايدۇ؟
| ||||
---|---|---|---|---|---|
kepinek دەرىجىسى :يېڭى ئۆگەنگۈچى | ئەركزاد ئەپەندىم يازمىلىرىڭىزدا يېڭى پىكىرلەر جىق، داۋاملىق تىرىشىڭ!!!
ئەركەك دېگەن مانداق ئۆزىنى ساۋاشنى بىلىدۇ.راستنى راست، يالغاننى يالغان دېيەلىسە ئاندىن ھە، بۇ زىيالىي ئىكەن دېسەك بولىدۇ.دېمىسىمۇ ئەركەك دېگەن ئىسىمغا يۈز كېلەلەيدىغان بولۇش ئۈچۈن تېخىمۇ جاپا چېكىش،ئۆزىنىڭ يولىنى تاللاپ مېڭىشنى بىلىش كېرەك! | ||||
---|---|---|---|---|---|