ﻣﻪﻥ ﻛﯩﻢ ؟ ﺋﺎﺋﯩﻠﻪﻣﭽﯘ؟ ﺑﯩﺰ ﺯﺍﺩﻯ ﻛﯩﻤﻠﻪﺭﺩﯨﻦ ؟ ... .... ﺩﯦﮕﻪﻧﺪﻩﻙ ﺋﯚﺯ ﻛﯩﻤﻠﻜﯩﻤﯩﺰﮔﻪ ﻗﻮﻳﯘﻟﻐﺎﻥ ﺋﯩﺰﺗﯩﺮﺍﭘﻠﯩﻖ ﺳﯘﺋﺎﻟﻼﺭ ﺑﻪﻟﻜﯩﻢ ﺧﯧﻠﻰ ﻛﯚﭘﻠﯩﺮﯨﻤﯩﺰﻧﯩﯔ ﺧﯩﻴﺎﻟﻠﯩﺮﯨﺪﺍ ﻛﯚﭖ ﻗﯧﺘﯩﻢ ﺗﻪﻟﻘﯩﻦ ﻗﯩﻠﯩﻨﻐﺎﻥ ﺑﻮﻟﯘﺷﻰ ﺋﯧﮭﺘﯩﻤﺎﻝ .
ﺷﻪﺧﺲ ، ﺋﺎﺋﯩﻠﻪ ، ﺟﻪﻣﻪﺕ ﻳﺎﻛﻰ ﺋﯘﺭﯗﻗﻨﯩﯔ ﺗﺎﺭﯨﺨﻨﻰ ، ﻳﯩﻠﺘﯩﺰﻧﻰ ﺋﯧﻨﯩﻘﻼﺷﺘﺎ ﺑﯩﺰﮔﻪ ﺑﯩﺮﺩﯨﻨﺒﯩﺮ ﺩﻩﻟﯩﻞ ﺑﻮﻻﻻﻳﺪﯨﻐﯩﻨﻰ ﻳﻪﻧﯩﻼ ﺷﯘ ﺟﻪﻣﻪﺗﻜﻪ ﺋﻮﺭﺗﺎﻕ ﺑﻮﻟﻐﺎﻥ، ﺋﻪﯞﻻﺩﻣﯘ ﺋﻪﯞﻻﺩ ﻗﻮﻟﻠﯩﻨﯩﭗ ﻛﯧﻠﯩﻨﯩﯟﺍﺗﻘﺎﻥ ﺗﻪﮔﺌﺎﺗﺘﯘﺭ . ﺗﻪﮔﺌﺎﺕ ﻛﯩﻤﻠﯩﻜﯩﻤﯩﺰﮔﻪ ﻗﻮﻳﯘﻟﻐﺎﻥ ﺋﯚﭼﻤﻪﺱ ﻣﯚﮬﯜﺭﺩﯗﺭ! ﺩﻩﻝ ﻣﯘﺷﯘ ﺑﯩﺒﺎﮬﺎ ﺋﻪﻧﮕﯜﺷﺘﻪﺭ ﺑﯘﻧﺪﯨﻦ ﻣﯩﯔ ﻳﯩﻠﻼﺭ ﺑﯘﺭﯗﻥ ﺗﺎﺷﻠﯩﯟﯦﺘﯩﻠﮕﻪﻧﻠﯩﻜﻰ ﺋﯜﭼﯜﻥ ﻣﻪﮬﻤﯘﺩ ﻛﺎﺷﯩﻐﻪﺭﻯ، ﻳﯜﺳﯜﭖ ﺧﺎﺱ ﮬﺎﺟﯩﺐ ﻛﻪﺑﯩﻲ ﺑﻮﯞﯨﻠﯩﺮﯨﻤﯩﺰﻧﯩﯔ ﻣﯩﻠﻠﯩﻲ ﻛﯩﻤﻠﯩﻜﻰ ﺗﺎﻻﺵ - ﺗﺎﺭﺗﯩﺸﻘﺎ ﻗﺎﻟﻤﺎﻗﺘﺎ! ﺋﻪﮔﻪﺭ ﺑﯩﺰﺩﻩ ﺗﻪﮔﺌﺎﺗﺘﯩﻦ ﺋﯩﺒﺎﺭﻩﺕ ﺑﯘ ﺑﯩﺒﺎﮬﺎ ﻛﯩﻤﻠﯩﻚ ﻣﯚﮬﯜﺭﻯ ﺗﺎﺷﻠﯩﯟﯦﺘﯩﻠﻤﻪﻱ ، ﺋﻪﯞﻻﺩﻣﯘ ﺋﻪﯞﻻﺩ ﻗﻮﻟﻠﯩﻨﯩﭗ ﻛﯧﻠﯩﻨﮕﻪﻥ ﺑﻮﻟﺴﺎ، ﺑﯜﮔﯜﻧﻜﻰ ﻛﯜﻧﯩﻤﯩﺰﺩﯨﻤﯘ ﺷﯘ ﺑﯜﻳﯜﻛﻠﯩﺮﯨﻤﯩﺰﻧﯩﯔ ﺗﻪﮔﺌﺎﺗﯩﻨﻰ ﺋﯜﺯﯛﭖ ﻗﻮﻳﻤﺎﻱ ﻗﻮﻟﻠﯩﻨﯩﭗ ﻛﻪﻟﮕﻪﻥ ﺋﯘﺭﯗﻗﻰ ﺑﻮﻟﻐﺎﻥ ﺑﻮﻟﺴﺎ، ﺋﻪﺟﯩﺒﺎ ﺋﻪﺷﯘ ﺑﯜﻳﯜﻛﻠﯩﺮﯨﻤﯩﺰﻧﯩﯔ ﻣﯩﻠﻠﯩﻲ ﻛﯩﻤﻠﯩﻜﻰ ﺗﺎﻻﺷﻘﺎ ﻗﺎﻻﺭﻣﯩﺪﻯ ؟!....

ﻛﯜﻧﯩﻤﯩﺰﺩﯨﻜﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﮕﻪ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﺷﯘﻧﻰ ﭼﻮﯕﻘﯘﺭ ﮬﯧﺲ ﻗﯩﻠﯩﻤﯩﺰﻛﻰ، ﻛﯩﺸﯩﻠﻪﺭ ﺋﯚﺯ ﺋﻪﺟﺪﺍﺩﯨﻨﯩﯔ ﻛﯩﻤﻠﯩﻜﯩﻨﻰ ﺋﯘﻧﺘﯘﺷﻘﺎﻥ، ﺑﯩﻠﺪﻯ ﺩﯦﮕﻪﻧﺪﯨﻤﯘ ﺋﯜﭺ ﺋﻪﯞﻻﺩﺗﯩﻦ ﻧﯧﺮﯨﺴﯩﻨﻰ ﺑﯩﻠﯩﺸﻤﯩﮕﻪﻥ، ﻳﻪﺗﺘﻪ ﺋﻪﯞﻻﺩ ﺋﻪﺟﺪﺍﺩﯨﻨﻰ ﺳﺎﻧﺎﭖ ﺑﯧﺮﻩﻟﻪﻳﺪﯨﻐﺎﻧﻼﺭ ﻧﺎﮬﺎﻳﯩﺘﻰ ﺋﺎﺯ ﺳﺎﻧﺪﺍ ﺑﻮﻟﯘﭖ، ﺑﯘ ﻛﯩﺸﯩﻠﻪﺭ ﺋﯚﺯﻟﯩﺮﯨﻨﯩﯔ ﻛﯩﻤﻠﻪﺭﺩﯨﻦ ﺋﯩﻜﻪﻧﻠﯩﻜﻠﯩﺮﯨﻨﻰ، ﻗﻪﻳﻪﺭﻟﻪﺭﺩﻩ ﻳﺎﺷﺎﭖ ﺋﯚﺗﯜﺷﻜﻪﻧﻠﯩﺮﯨﻨﻰ ، ﻗﻪﻳﻪﺭﺩﯨﻦ ﻧﻪﺭﮔﻪ ﻧﯧﻤﻪ ﯞﻩﺟﯩﺪﯨﻦ ﻛﯚﭼﯜﭖ ﻛﯧﻠﯩﭗ ﺋﻮﻟﺘﯘﺭﺍﻗﻼﺷﻘﺎﻧﻠﯩﻘﻠﯩﺮﯨﻨﻰ ﺑﯩﻠﯩﺸﻤﻪﻳﺪﯗ. ﺋﯘﻻﺭ ﺷﯘﻧﺪﺍﻕ ﺭﻩﯞﯨﺸﺘﻪ ﻳﺎﺷﺎﻳﺪﯗﻛﻰ، ﮬﻪﺗﺘﺎ ﺋﯚﺯﯨﻨﯩﯔ ﺋﯜﭺ ﺋﻪﯞﻻﺩ ﺩﺍﯞﺍﻣﻼﺷﻤﺎﺳﺘﺎ ﺋﻪﺳﺘﯩﻦ ﻛﯚﺗﯜﺭﯛﻟﯜﭖ ﻛﯧﺘﯩﺪﯨﻐﺎﻧﻠﯩﻘﻠﯩﺮﯨﻤﯘ ﭘﺴﻪﻧﺖ ﻗﯩﻠﯩﺸﻤﺎﻳﺪﯗ. ﺋﯘﻻﺭ ﻛﯧﻴﯩﻨﻜﻰ ﺋﻪﯞﻻﺩﻻﺭ ﺋﯜﭼﯜﻥ ﺑﯩﺮ ﻧﯩﺸﺎﻥ ﻗﺎﻟﺪﯗﺭﺍﻱ، ﺋﯘﻻﺭ ﺋﯚﺯﻟﯩﺮﯨﻨﯩﯔ ﻣﻪﻧﺪﯨﻦ ﺋﯩﻜﻪﻧﻠﯩﻜﻠﯩﺮﯨﻨﻰ ﻣﻪﯕﮕﯜ ﺋﻪﺳﻠﯩﺮﯨﺪﯨﻦ ﭼﯩﻘﯩﺮﯨﺸﻤﯩﺴﯘﻥ، ﺩﯦﮕﻪﻧﻠﻪﺭﻧﻰ ﺧﯩﻴﺎﻟﯩﻐﯩﻤﯘ ﻛﻪﻟﺘﯜﺭﯛﭖ ﻗﻮﻳﯘﺷﻤﺎﻳﺪﯗ.

ﺳﻮﻏﯘﻗﻘﺎﻧﻠﯩﻖ ﺑﯩﻠﻪﻥ ﺋﻮﻳﻼﻳﺪﯨﻐﺎﻥ ﺑﻮﻟﺴﺎﻕ، ﺑﯩﺰ ﺋﯘﻳﻐﯘﺭﻻﺭﻧﯩﯔ ﻳﻮﻗﺎﺗﻘﺎﻧﻠﯩﺮﯨﻤﯩﺰﻧﯩﯔ ، ﺋﯚﺯﯨﻤﯩﺰ ﺑﯩﻠﯩﭗ - ﺑﯩﻠﻤﻪﻱ ﺗﺎﺷﻠﯩﯟﻩﺗﻜﻪﻥ ﺋﯧﺴﯩﻞ ﮔﯜﮬﻪﺭﻟﯩﺮﯨﻤﯩﺰﻧﯩﯔ ﻧﺎﮬﺎﻳﯩﺘﻰ ﻛﯚﭘﻠﯩﻜﯩﻨﻰ ﺋﺎﺯﺍﺏ ﺋﯩﻠﻜﯩﺪﻩ ﮬﯧﺲ ﻗﯩﻠﻤﺎﻱ ﻗﺎﻟﻤﺎﻳﻤﯩﺰ. ﺗﻪﮔﺌﺎﺕ ﻗﻮﻟﻠﯩﻨﯩﺶ ﺋﺎﺩﯨﺘﻰ، ﺋﺎﺋﯩﻠﻪ ﻧﻪﺳﻪﺑﻨﺎﻣﯩﺴﻰ ﺟﯘﺭﯗﯕﻘﺎﻱ ﻳﯧﺰﯨﭗ ﻗﺎﻟﺪﯗﺭﺵ ﺋﯘﺩﯗﻣﻰ ﻳﻪﻧﻪ ﻧﯘﺭﻏﯘﻧﻠﯩﻐﺎﻥ ﮔﯜﺯﻩﻝ ﺋﻪﻧﺌﻪﻧﯩﻠﻪﺭﻧﻰ ﺋﻪﻟﻪﻣﻠﯩﻚ ﺳﯧﻐﯩﻨﭻ ﺑﯩﻠﻪﻥ ﺗﯩﻠﻐﺎ ﺋﺎﻟﻐﺎﻧﻠﯩﺮﻣﯩﺰﺩﺍ ، ﻛﯚﯕﻠﯩﻤﯩﺰ ﺷﯘ ﻗﻪﺩﻩﺭﺩﻩ ﺑﯩﺌﺎﺭﺍﻡ ﺑﻮﻟﯩﺪﯗﻛﻰ، ﺑﯘ ﺑﯩﺰﺩﯨﻜﻰ ﻳﯜﻛﺴﻠﯩﺸﻤﯘ ﻳﺎﻛﻰ ﭼﯧﻜﯩﻨﯩﺶ ﺩﯦﮕﻪﻥ ﺳﯘﺋﺎﻟﻼﺭ ﻣﯧﯖﯩﻤﯩﺰﻧﻰ ﻗﻮﭼﯩﻴﺪﯗ ... ﻛﯚﯕﯜﻟﻠﻪﺭ ﺷﯘﻧﯩﯖﻐﺎ ﺑﻪﺭﻗﺎﺭﺍﺭ ﺑﻮﻟﯩﺪﯗﻛﻰ، ﺑﯘ ﮬﻪﺭﮔﯩﺰﻣﯘ ﺑﯩﺰﺩﯨﻜﻰ ﻣﻪﺩﻩﻧﯩﻲ ﺟﻪﮬﻪﺗﺘﯩﻜﻰ ﻳﯜﻛﺴﯩﻠﯩﺶ ﺋﻪﻣﻪﺱ . ﻧﻪﺩﯨﻤﯘ ﻣﯘﻧﺪﺍﻕ ﻳﯜﻛﺴﻠﯩﺶ ﺑﻮﻟﺴﯘﻥ؟ ﻗﺎﻳﺪﺍ ﺑﯘﻧﺪﺍﻕ ﺋﯚﺯ ﻛﯩﻤﻠﯩﻚ ﻣﯚﮬﯜﺭﯨﻨﻰ ﺗﺎﺷﻠﯩﯟﯦﺘﯩﺪﯨﻐﺎﻥ ﻳﯜﻛﺴﯩﻠﯩﺶ ﺑﻮﻟﺴﯘﻥ؟ ! .... ﻧﻪﺩﻩ ﻣﯘﻧﺪﺍﻕ ﺋﯚﺯ ﻳﯩﻠﺘﯩﺰﯨﺪﯨﻦ ﻳﯩﺮﺍﻗﻼﺷﺘﯘﺭﯗﺩﯨﻐﺎﻥ، ﺋﻪﺟﺪﺍﺩﻻﺭ ﺷﻪﺟﻪﺭﯨﺴﯩﻨﻰ ﺧﺎﺭﺍﺑﻼﺷﺘﯘﺭﯨﺪﯨﻐﺎﻥ ﻳﯜﻛﺴﯩﻠﯩﺶ ﺑﻮﻟﺴﯘﻥ ؟!! ....
ﺷﯘﻧﻰ ﭼﻮﻗﯘﻡ ﺋﯧﺘﺮﺍﭖ ﻗﯩﻠﯩﺶ ﻛﯧﺮﻩﻛﻜﻰ، ﺑﯘ ﺑﯩﺰﺩﯨﻜﻰ ﻣﻪﺩﻩﻧﯩﻲ ﺟﻪﮬﻪﺗﺘﯩﻜﻰ ﭼﯧﻜﯩﻨﯩﺶ !

ﻳﻪﻧﻪ ﺑﯩﺮ ﺋﻪﯓ ﭼﻮﯓ ﻳﻮﻗﯩﺘﯩﺶ ﺷﯘﻛﻰ، ﺑﯩﺰﺩﯨﻜﻰ ﺋﯘﻳﯘﺷﻘﺎﻗﻠﯩﻖ ﺭﻭﮬﯩﺪﯗﺭ !
ﺑﯜﮔﯜﻧﻜﻰ ﻛﯜﻧﯩﻤﯩﺰﺩﻩ ﺋﯘﻳﻐﯘﺭﯗﻣﻨﯩﯔ ﺗﻪﺧﯩﺮﺳﯩﺰ ﮬﻪﻝ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺸﻠﯩﺮﻯ ﺗﯜﺭﻟﯜﻙ ﺳﺎﮬﻪﻟﻪﺭﺩﻩ ﺗﺎﻻﻳﻼﭖ ﺗﯘﺭﯗﭘﺘﯘ. ﺑﯘﻻﺭ ﺋﯚﺯ ﯞﺍﻗﺘﯩﺪﻩ ﮬﻪﻝ ﻗﯩﻠﯩﻨﻤﺎﻳﺪﯨﻜﻪﻥ، ﺑﺎﺭﺍ - ﺑﺎﺭﺍ ﻳﯩﻐﯩﻠﯩﭗ، ﻛﯧﻴﯩﻨﻜﻰ ﺋﻪﯞﻻﺩﻻﺭ ﺋﯜﭼﯜﻥ ﻛﯚﺗﯜﺭﯛﭖ ﻗﻮﭘﻘﯘﺳﯩﺰ ﻳﯜﻙ ﺑﻮﻟﯘﭖ ﻗﺎﻟﯩﺪﯨﻐﯩﻨﻰ ﺋﯧﻨﯩﻖ. ﺋﻪﮔﻪﺭ ﻣﯘﻧﺪﺍﻕ ﻛﯧﺘﯩﯟﻩﺭﺳﻪﻙ ﻣﯩﻠﻠﯩﻲ ﻳﯜﻛﺴﯩﻠﯩﺶ ﻗﻪﺩﯨﻤﯩﻤﯩﺰ ﺗﻮﻟﯩﻤﯘ ﺋﺎﺳﺘﯩﻼﭖ ﻛﯧﺘﯩﺪﯗ.
ﺷﯘﻧﻰ ﺋﺎﭼﭽﯩﻖ ﺋﻪﻟﻪﻡ ﺑﯩﻠﻪﻥ ﺋﯧﻴﺘﯩﺸﻘﺎ ﻣﻪﺟﺒﯘﺭﻣﻪﻧﻜﻰ، ﻛﯜﻧﻤﯩﺰﺩﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ ﻣﯩﻠﻠﻪﺗﻨﯩﯔ ﺗﻪﺭﻩﻗﻘﯩﻴﺎﺗﻰ، ﻳﯚﻧﯩﻠﯩﺸﻰ ﻗﺎﺗﺎﺭﻟﯩﻖ ﮬﻪﻝ ﻗﯩﻠﻐﯘﭺ ﻣﻪﺳﯩﻠﯩﻠﻪﺭﺩﻩ ﺑﺎﺵ ﻗﻮﺷﯘﭖ ، ﺋﯜﺯﯛﻝ ﻛﯧﺴﯩﻞ ﺋﻮﺭﺗﺎﻕ ﭘﯩﻜﯩﺮ ﮬﺎﺳﯩﻞ ﻗﯩﻠﯩﺸﻰ ﻣﯘﻣﻜﯩﻦ ﺋﻪﻣﻪﺱ. ﻣﺎﻧﺎ ﺑﯘ ﺑﯩﺰﺩﯨﻜﻰ ﺋﻪﯓ ﺋﻪﺟﻪﻟﻠﯩﻚ ﺋﺎﺟﯩﺰﻟﯩﻖ ﻳﻪﻧﻰ ﺋﯘﻳﯘﺷﻘﺎﻗﻠﯩﻖ ﺭﻭﮬﯩﻨﯩﯔ ﺧﺎﺯﺍﻥ ﺑﻮﻟﯩﺸﯩﺪﯗﺭ!
ﺧﯘﺳﯘﺳﻪﻥ، ﺋﯘﻳﻐﯘﺭﻻﺭﻧﯩﯔ ﺗﻪﮔﺌﺎﺕ ﻗﻮﻟﻠﯩﻨﯩﺶ ﻣﻪﺳﯩﻠﯩﺴﯩﻨﻰ ﺗﯩﻠﻐﺎ ﺋﺎﻟﺴﺎﻕ ، ﺑﯩﺮ ﻗﯩﺴﯩﻢ ﺋﺎﻟﺪﯨﻦ ﻛﯚﺭﻩﺭ، ﭘﯩﻜﺮﻯ ﺋﻮﻳﻐﺎﻕ ﺯﯨﻴﺎﻟﯩﻴﻠﯩﺮﯨﻤﯩﺰ ﺋﯘﻳﻐﯘﺭ ﺋﯜﭼﯜﻥ ﺗﻪﮔﺌﺎﺗﻨﯩﯔ ﻧﻪﻗﻪﺩﻩﺭﺩﻩ ﺯﯙﺭﯛﺭ ﺋﯩﻜﻪﻧﻠﯩﻜﯩﻨﻰ ﺋﯩﻠﻐﺎ ﻗﯩﻠﯩﭗ، ﺑﯘ ﮬﻪﻗﺘﻪ ﺳﯩﺴﺘﯧﻤﯩﻠﯩﻖ ﺗﻪﺗﻘﯩﻘﺎﺕ ﺋﯩﺸﻠﻪﭖ، ﺋﯩﻠﻤﯩﻲ ﻣﺎﻗﺎﻟﻪ، ﻛﯧﺘﺎﺑﻼﺭﻧﻰ ﻳﯧﺰﯨﭗ، ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﮬﯚﻛﯜﻣﯩﺘﯩﮕﻪ ﺗﻪﮔﺌﺎﺕ ﻗﻮﻟﻠﯩﻨﯩﺸﻨﻰ ﻗﺎﻧﯘﻥ ﺋﺎﺭﻗﯩﻠﯩﻖ ﺋﻮﻣﯘﻣﻼﺷﺘﯘﺭﯗﺵ ﮬﻪﻗﻘﯩﺪﻩ ﺗﻪﻛﻠﯩﭗ ﺳﯘﻧﯘﭖ، ﺗﯧﮕﯩﺸﻠﯩﻚ ﺗﯩﺮﯨﺸﭽﺎﻧﻠﯩﻘﻼﺭﻧﻰ ﻛﯚﺭﺳﯩﺘﯩﭗ ﻛﻪﻟﮕﻪﻥ ﺑﻮﻟﺴﯩﻤﯘ، ﺗﻪﮔﺌﺎﺕ ﻗﻮﻟﻠﯩﻨﯩﺶ ﭼﻮﯓ ﺋﯩﺸﯩﻤﯩﺰ ﺗﯧﺨﯩﭽﻪ ﺭﯦﺌﺎﻟﻠﯩﻘﻘﺎ ﺋﺎﻳﻼﻧﻐﯩﻨﻰ ﻳﻮﻕ. ﭘﻪﻗﻪﺕ ﺋﺎﺯ ﺳﺎﻧﺪﯨﻜﻰ ﻛﯩﺸﯩﻠﻪﺭﻻ ﺋﺎﻧﭽﻪ - ﻣﯘﻧﭽﻪ ﻳﺎﺯﻣﺎ ﻣﻪﺗﺒﯘﺋﺎﺕ، ﺗﯧﻠﯧﯟﯗﺯﯗﺭ ، ﺭﺍﺩﯨﺌﻮ ﻗﺎﺗﺎﺭﻟﯩﻖ ﺗﺎﺭﺍﺗﻘﯘﻻﺭﺩﺍ ﺋﯚﺯ ﺋﺎﻟﺪﯨﻤﯩﺰﻏﺎ ﺗﻪﮔﺌﺎﺕ ﺋﯩﺸﻠﯩﺘﯩﭗ، ﺩﯨﻠﯩﻤﯩﺰﻧﻰ ﺗﺎﺗﻠﯩﻖ ﻗﯩﻠﯩﭗ ﻛﯧﻠﯩﯟﺍﺗﯩﻤﯩﺰ.
ﻣﯧﻨﯩﯖﭽﻪ، ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﻗﻮﻟﻠﯩﻨﯩﺶ ﭼﻮﯓ ﺋﯩﺸﯩﻨﻰ ﭼﻮﻗﯘﻡ ﺭﻭﻳﺎﭘﻘﺎ ﭼﯩﻘﯩﺮﯨﺶ ﻛﯧﺮﻩﻙ. ﺑﯘ ﺳﺎﮬﻪﺩﻩ ﺋﯩﺰﺩﯨﻨﯩﯟﺍﺗﻘﺎﻧﻼﺭ ﻗﻪﺗﯩﺌﯩﻲ ﺑﻮﺷﺎﺷﻤﺎﺳﻠﯩﻘﻰ، ﺗﯧﺨﯩﻤﯘ ﭼﻮﯕﻘﯘﺭﻻﭖ ﺋﯩﺰﺩﯨﻨﯩﺶ، ﺑﯘ ﮬﻪﻗﺘﯩﻜﻰ ﺗﻪﺷﯟﯨﻘﺎﺗﻨﻰ ﺗﯧﺨﯩﻤﯘ ﻛﯧﯖﻪﻳﺘﯩﺶ ، ﺋﺎﻣﻤﯩﯟﯨﻲ ﺋﺎﺳﺎﺳﻨﻰ ﺯﻭﺭﺍﻳﺘﯩﺶ ﻻﺯﯨﻢ.
ﺑﯩﺰﮔﻪ ﺗﻪﮔﺌﺎﺕ ﻻﺯﯨﻢ، ﺩﯦﮕﻪﻥ ﭼﻮﻗﺎﻧﻨﻰ ﺗﯧﺨﯩﻤﯘ ﺟﺎﺭﺍﯕﻠﯩﻖ ﺗﻮﯞﻻﭖ، ﻗﻮﻳﯘﻕ ﺋﺎﻣﻤﯩﯟﯨﻲ ﻛﻪﻳﭙﯩﻴﺎﺕ ﮬﺎﺳﯩﻞ ﻗﯩﻠﯩﺶ ﻛﯧﺮﻩﻙ. ﺑﺎﺵ ﺑﻮﻟﯘﺷﻘﺎ ﻳﺎﺭﺍﻳﺪﯨﻐﺎﻥ ﻛﯩﺸﯩﻠﻪﺭ ﻳﻪﻧﻪ ﺑﯩﺮ ﻗﯧﺘﯩﻢ ﺑﺎﺵ ﺑﻮﻟﯘﭖ، ﺧﻪﻟﻖ ﻗﯘﺭﯗﻟﺘﯩﻴﻰ ، ﺧﻪﻟﻖ ﮬﯚﻛﯜﻣﯩﺘﻰ ﺩﯦﮕﻪﻧﺪﻩﻙ ﺋﻮﺭﯗﻧﻼﺭﻏﺎ ﺭﻩﺳﻤﯩﻲ ﺗﻪﻛﻠﯩﭗ ﺗﻪﺭﯨﻘﯩﺴﯩﺪﻩ ﺳﯘﻧﯘﺵ ﻛﯧﺮﻩﻙ.

ئۇيغۇر تەگئاتشۇناسلىقىغا ئائىت تېخىمۇ كۆپ يازمىلارنى << يۈكسەل بلوگى >> دىن ئوقۇغايسىز !

بۇ جەھەتتە داۋاملىق تىرىشچانلىق كۆرسۈتۈشۈڭلارغا مۇھتاجمېز.

مۇمكىن بولسا تەگئات قوللانغاندىن كىيىن كملىككە قايتا ئىلتىماس قىلىپ تەگئاتنى تۇلۇقلاپ كىرگۈزۇشنىڭ قانۇنى ئاساسلىرى بولسا(پايدىلىنىش ئۈچۈن) ئىزدىنىپ يوللاپ قويساڭلار.

تەگئات دېگەن خەلقارادا قوللىنىۋاتقان، فامىلىيە دېگەن سۆزمۇ؟ مەن بىرىنچى قېتىم ئاڭلاۋاتىمەن،،،،،

تەگئاتنىڭ مەنسىنى چۇشەندۇرىگەن بۇلسىڭىز.
مەن مۇشو ئاڭلىغىنىم .بىر مەنلا ئەمەس بەلكىم بىزدەك بىلمەيدىغان ياشلار خىلى باردۇ دەپ ئويلايمەن.
تىمڭىزغا رەخمەت.

<< تەگئات >> سۆزىنىڭ كېلىشى مۇنداق.
بۇ سۆز ئەسلى بىز خېلىدىن بېرى قوللىنىپ كېلىۋاتقان << فامىلە  >> سۆزىنىڭ ئۆزىدۇر. فامىلە ئاتالغۇسى ئەسلى ئېنگىلىزچىدىكى Family Name دېگەن يەنى ئائىلە - جەمەت نامى دېگەن سۆزنىڭ روسچىغا ئۆزلىشىشى ۋە روسچىدىن بىزگە فامىلە بولۇپ قىسقىراپ قوبۇل قىلىنىشىدۇر. شۇ ۋەجىدىن فامىلە سۆزى بىرى چەتئەلچە سۆز ، ئىككىنچىسى ئەسلى ئۆزگىرىپ - بۇزۇلۇپ قوبۇل قىلىنغان سۆز بولۇش سۈپىتى بىلەن داۋاملىق سۆز ئىستېمالىدا تۇرىۋېرىشىگە بولمايدۇ.
ئائىلە - جەمەت نامى دېگەندە شۇ كىشىنىڭ ئۇرۇق - نەسەبىنى ، تېگى- تەكتى، يىلتىزىنى بىلدۈرۈدىغان ئومۇمىي نام بولۇپ ئۇيغۇر تىلىدىكى << تەگ >> سۆزىگە << ئات >> سۆزىنى قوشۇش ئارقىلىق ياسالغان. تەگئات دېگەن سۆزىنى ئوقوغان ياكى ئىشتكەن كىشى دەرھاللا بۇ ئاتالغۇنىڭ بىراۋنىڭ تېگى  - تەكتىنى بىلدۈرىدىغان ئات - نام ئىكەنلىكىنى ئىلغا قىلالايدۇ.
شۇڭا، مەن تورداشلارغا فامىلە سۆزى ئورنىغا ئەمدى << تەگئات >> دىن ئىبارەت ساپ ئۇيغۇرچە بولغان ئاتالغۇنى ئىشلىتىشىنى تەۋسىيە قىلىمەن.

رةهمةت سصزگة ظاإار قصلصپ قؤيدؤم. چؤشصنإالدصم.

تۈزۈت قىلماڭ! بارچە قېرىنداشلىرىمىزنىڭ تەگئات ھەققىدىكى چۈشەنچىلىرى چوڭقۇرلىشىپ، يارقىنلاشسا، كۆپچىلىك تەگئات قوللىنىشنىڭ زۆرۈرلىكى ۋە تەخىرسىزلىكىنى ھېس قىلىپ يەتسە، ئۆز جەمەتىگە تەگئات قوللىنىش ھەققىدە ئوي سۈرۈشسە، كىچىكىنە بولسىمۇ ھاردۇقىمىز چىققان بولارئىدى.

ﮬﻪﻣﻤﯩﻤﯩﺰﮔﻪ ﻣﻪﻟﯘﻣﻜﻰ، ﺗﻪﮔﺌﺎﺕ ﻛﯩﺸﻰ ﺋﺎﺗﻠﯩﺮﯨﻐﺎ ﻗﻮﺷﯘﻟﯘﭖ ﻛﯧﻠﯩﭗ، ﺋﯘﻻﺭﻧﯩﯔ ﻗﺎﻧﺪﺍﺷﻠﯩﻖ ﻣﯘﻧﺎﺳﯩﯟﯦﺘﻰ، ﻧﻪﺳﯩﻞ - ﻧﻪﺳﻪﺑﻰ ﯞﻩ ﺋﯘﺭﯗﻕ - ﺟﻪﻣﻪﺗﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯨﻐﺎﻥ ؛ ﻛﯩﺸﯩﻠﻪﺭﻧﯩﯔ ﻛﯩﻤﻠﯩﻜﯩﻨﻰ ﭘﻪﺭﻗﻠﻪﻧﺪﯛﺭﯛﺩﯨﻐﺎﻥ ﺟﻪﻣﻪﺗﯩﻲ ﺧﺎﺱ ﻧﺎﻡ.
ﺗﻪﮔﺌﺎﺕ ﺋﺎﻏﯘﻧﻼﺭ ﺑﯩﻠﻪﻥ ﺑﻮﻏﯘﻧﻼﺭﻧﻰ ( ﺋﻪﺟﺪﺍﺩ ﺑﯩﻠﻪﻥ ﺋﻪﯞﻻﺩﻧﻰ ) ﺑﯩﺮ - ﺑﯩﺮﯨﮕﻪ ﭼﻪﻣﺒﻪﺭﭼﺎﺱ ﺑﺎﻏﻼﻳﺪﯨﻐﺎﻥ، ﺗﺎﺭﯨﺨﻨﯩﯔ ﺋﯜﺯﯛﻟﻤﻪﺱ ﺋﯧﻘﻨﻠﯩﺮﯨﺪﺍ ﻣﻪﯕﮕﯜﻟﯜﻙ ﺑﯩﺮ - ﺑﯩﺮﯨﮕﻪ ﺋﯘﻻﻳﺪﯨﻐﺎﻥ، ﭘﯜﺗﻜﯜﻝ ﺋﯘﺭﯗﻕ - ﺟﻪﻣﻪﺗﻨﻰ ﺋﯘﻳﯘﺷﺘﯘﺭﯗﺷﻘﺎ ﺳﻪﯞﻩﺏ ﺑﻮﻟﯩﺪﯨﻐﺎﻥ ﻣﯩﺴﻠﯩﺴﯩﺰ ﻗﯘﺩﺭﻩﺗﻠﯩﻚ ﻣﻪﻧﯩﯟﯨﻲ ﻳﺎﺩﺭﻭ.
ﺗﻮﻟﯩﻤﯘ ﺋﻪﭘﺴﯘﺳﻜﻰ، ﺑﯩﺰ ﺋﯘﻳﻐﯘﺭﻻﺭﺩﺍ ﮬﺎﺯﯨﺮﻗﻰ ﺯﺍﻣﺎﻥ ﻣﻪﻧﯩﺴﯩﺪﯨﻜﻰ ﺗﻪﮔﺌﺎﺕ ﺳﯩﺴﺘﯧﻤﯩﺴﯩﻨﯩﯔ ﺑﻮﻟﻤﺎﺳﻠﯩﻘﻰ، ﺑﯩﺰﻧﻰ ﻳﯘﻗﯩﺮﯨﻘﯩﺪﻩﻙ ﻣﻪﻧﯩﯟﯨﻲ ﺋﻪﯞﺯﻩﻟﻠﯩﻚ ﯞﻩ ﺋﯜﺳﺘﯜﻧﻠﯩﻜﻠﻪﺭﺩﯨﻦ ﻣﻪﮬﺮﯗﻡ ﻗﯩﻠﯩﭙﻼ ﻗﺎﻟﻤﺎﺳﯩﺘﻦ، ﺑﻪﻟﻜﻰ ﻳﻪﻧﻪ ﺑﯩﺰﻧﯩﯔ ﺟﺎﮬﺎﻥ ﺳﻪﮬﻨﯩﺴﯩﺪﻩ ﺋﯚﺯ ﺳﺎﻻﮬﯩﻴﯩﺘﯩﻤﯩﺰ ﯞﻩ ﻛﯩﻤﻠﯩﻜﯩﻤﯩﻨﻰ ﺋﯩﭙﺎﺩﯨﻠﯩﺸﯩﻤﯩﺰﺩﻩ ﺯﻭﺭ ﺗﻮﺳﺎﻟﻐﯘﻻﺭﻧﻰ ﭘﻪﻳﺪﺍ ﻗﯩﻠﺪﻯ. ﺧﻪﻟﯩﻘﺌﺎﺭﺍ ﺳﻪﮬﻨﻪ ﺑﯩﻠﻪﻥ ﺋﯘﭼﺮﯨﺸﯩﯟﺍﺗﻘﺎﻥ ﺑﯩﺮ ﻗﺴﯩﻢ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﺗﻪﮔﺌﺎﺗﺴﯩﺰﻟﯩﻘﻨﯩﯔ ﺩﻩﺭﺩﯨﻨﻰ ﻳﻪﺗﻜﯜﭼﻪ ﺗﺎﺭﺗﺘﻰ. ﺷﯘ ﺗﻪﺭﯨﭙﻰ ﺋﯧﻨﯩﻘﻜﻰ، ﺟﺎﮬﺎﻥ ﻗﻪﺩﻩﻣﻠﯩﺮﯨﮕﻪ ﻣﺎﺱ ﺋﯩﻠﮕﯩﺮﯨﻠﻪﭖ ﻛﯧﺘﯩﯟﺍﺗﻘﺎﻥ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺩﯗﻧﻴﺎ ﻗﻪﯞﯨﻤﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﯩﺴﻰ ﺑﺎﺭﻏﺎﻧﺴﯧﺮﻯ ﻗﻮﻳﯘﻗﻠﯩﺸﯩﯟﺍﺗﯩﺪﯗ. ﺧﻪﻗﺌﺎﺭﺍ ﺳﻪﮬﻨﯩﻠﻪﺭﺩﻩ ﺋﯘﻳﻐﯘﺭﻻﺭ ﻛﯚﭘﻠﻪﭖ ﻧﺎﻣﺎﻳﻪﻥ ﺑﻮﻟﯩﯟﺍﺗﯩﺪﯗ. ﺷﯜﺑﮭﯩﺴﯩﺰﻛﻰ، ﺗﻪﮔﺌﺎﺕ ﻗﻮﻟﻠﯩﻨﯩﺶ ﻣﻪﺳﯩﻠﯩﺴﻰ ﯞﺍﻗﺘﯩﺪﺍ ﺑﯩﺮ ﺗﻪﺭﻩﭖ ﻗﯩﻠﯩﻨﻤﺎﻳﺪﯨﻜﻪﻥ، ﺗﯜﺭﻟﯜﻙ ﺩﯨﺸﯩﯟﺍﺭﭼﯩﻠﯩﻘﻼﺭ ﺑﯩﺰﺩﯨﻦ ﻧﯧﺮﻯ ﻛﻪﺗﻤﻪﻳﺪﯗ.
ﺑﯜﮔﯜﻧﻜﻰ ﻛﯜﻧﺪﻩ، ﺋﺎﺭﯨﻤﯩﺰﺩﺍ ﻧﺎﮬﺎﻳﯩﺘﻰ ﺋﺎﺯ ﺳﺎﻧﺪﯨﻜﻰ ﻛﯩﺸﻠﻪﺭﻻ ﻳﻪﺗﺘﻪ ﺋﻪﺟﺪﺍﺩﯨﻐﯩﭽﻪ ﺑﯩﻠﯩﺸﯩﺪﯗ. ﯞﺍﮬﺎﻟﻪﻧﻜﻰ، ﻣﯘﺗﻠﻪﻕ ﻛﯚﭖ ﻗﯩﺴﯩﻢ ﻗﺎﺭﺍ ﺑﯘﺩﯗﻥ ( ﺋﺎﯞﺍﻡ ﺧﻪﻟﻖ ) ﺋﯚﺯﯨﻨﯩﯔ ﺋﯜﭺ ﺋﻪﺟﺪﺍﺩﯨﺪﯨﻦ ﺋﯩﻠﮕﯩﺮﯨﻜﯩﻠﻪﺭﻧﻰ ﺑﯩﻠﻤﻪﻳﺪﯗ. ﺋﯘﺭﯗﻕ - ﺟﻪﻣﻪﺕ ﻛﯚﺯ ﻗﺎﺭﯨﺸﻰ ﺑﺎﻟﺪﯗﺭﻻ ﺳﯘﺳﻠﯩﺸﯩﭗ ﻛﻪﺗﻜﻪﻥ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﮕﻪ ﻧﯩﺴﺒﻪﺗﻪﻥ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﺋﻪﺟﺪﺍﺩ، ﻗﺎﻧﺪﺍﺷﻠﯩﻖ ﭼﯜﺷﻪﻧﭽﯩﻠﯩﺮﻯ ﻛﯧﻴﯩﻨﻜﻰ ﻣﻪﺯﮔﯩﻠﻠﻪﺭﮔﻪ ﻛﻪﻟﮕﻪﻧﺪﻩ، ﺋﯜﭺ ﻳﺎﻛﻰ ﺋﯩﻜﻜﻰ ﺋﻪﯞﻻﺩﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﭼﻮﯓ ﺋﺎﺋﯩﻠﻪ ﯞﻩ ﺗﺎﺭ ﮬﺎﻟﻪﺗﺘﯩﻜﻰ ﻳﯘﺭﺕ ﻗﺎﺭﯨﺸﯩﻐﺎ ﺋﺎﻟﻤﺎﺷﻘﺎﻥ ﺋﯩﺪﻯ.
ﺗﺎﺭﯨﺨﯩﻲ ﭘﯜﺗﯜﻛﻠﻪﺭﺩﯨﻦ ﻛﯚﺭﻩ، ﻗﻪﺩﯨﻤﯩﻲ ﻣﻪﺩﻩﻧﻴﻪﺗﻠﯩﻚ ﻗﻪﯞﯨﻤﻠﻪﺭﻧﯩﯔ ﺑﯩﺮﻯ ﺳﯜﭘﯩﺘﯩﺪﻩ ﺟﺎﮬﺎﻥ ﺳﻪﮬﻨﯩﺴﯩﺪﻩ ﺋﯘﻳﻐﺎﺭﻟﯩﻘﻨﯩﯔ ( ﻣﻪﺩﻩﻧﯩﻴﻪﺕ ) ﻳﯜﻛﺴﻪﻙ ﭘﻪﻟﻠﯩﺴﯩﻨﻰ ﻳﺎﺭﺍﺗﻘﺎﻥ ﺋﯘﻳﻐﯘﺭ ﺧﻪﻟﻘﻰ ﺗﺎﻛﻰ 14 - ﺋﻪﺳﯩﺮﮔﻪ ﻗﻪﺩﻩﺭ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺋﻪﻧﺌﻪﻧﯩﺴﯩﻨﻰ ﺳﺎﻗﻼﭖ ﻛﻪﻟﮕﻪﻧﻠﯩﻜﻰ ﻣﻪﻟﯘﻡ. ﺋﯘﻳﻐﯘﺭﻻﺭ ﺗﺎﻛﻰ ﺷﯘ ﺩﻩﯞﺭﻟﻪﺭﮔﯩﭽﻪ ﺋﯘﺭﯗﻕ ، ﻗﻪﺑﯩﻠﻪ ﻳﺎﻛﻰ ﺗﻮﺗﯧﻢ ﻧﺎﻣﻠﯩﺮﯨﻨﻰ ﺋﯚﺯ ﺋﯩﺴﯩﻤﻠﯩﺮﯨﻨﯩﯔ ﺋﺎﻟﺪﻯ ﻳﺎﻛﻰ ﻛﻪﻳﻨﯩﮕﻪ ﻗﻮﺷﯘﭖ ﺗﻪﮔﺌﺎﺕ ﺳﯜﭘﯩﺘﯩﺪﻩ ﻗﻮﻟﻠﯩﻨﯩﺸﻘﺎﻥ ﺋﯩﺪﻯ. ( ﻣﻪﺳﯩﻠﻪﻥ، ﻗﻮﻏﯘﺭﺳﯘ ﺋﺎﻟﺘﯘﻥ، ﻗﺎﺭﻟﯘﻕ ﻗﯘﺗﺎﺩﯨﻤﯩﺶ، ﻗﯩﭙﭽﺎﻕ ﻳﯜﺭﯛﻙ، ﺷﺎﮬﻘﯘﻟﻰ ﺋﯘﻳﻐﯘﺭ، ﻣﻪﯕﻠﯩﻚ ﺷﯩﯖﻘﯘﺭ، ﺋﺎﻟﯩﭗ ﺷﯩﯖﻘﯘﺭ، ﺗﺎﺑﻐﺎﭺ ﺑﯘﻏﺮﺍﺧﺎﻥ، ﮬﻪﺳﻪﻥ ﺑﯘﻏﺮﺍﺧﺎﻥ، ﻣﯘﮬﻪﻣﻤﻪﺩ ﺑﯘﻏﺮﺍﺧﺎﻥ، ﮬﺎﺭﯗﻥ ﺑﯘﻏﺮﺍﺧﺎﻥ... ) ﺋﻪﻟﯟﻩﺗﺘﻪ، ﺷﯘﻧﻰ ﺋﻪﺳﻜﻪﺭﺗﯩﭗ ﻗﻮﻳﯘﺵ ﻻﺯﯨﻤﻜﻰ، ﺋﻪﻳﻨﻰ ﭼﺎﻏﻼﺭﺩﯨﻜﻰ ﺗﻪﮔﺌﺎﺕ ﻗﻮﻟﻠﯩﻨﯩﺶ ﻗﺎﻏﺎﻥ - ﭘﺎﺩﯨﺸﺎﮬﻼﺭ، ﻳﯘﻗﯩﺮﻯ ﺗﻪﺑﯩﻘﻪ ، ﺋﻪﮬﻠﻰ ﻣﯚﺗﯩﯟﻩﺭﻟﻪﺭ، ﺋﺎﻟﯩﻢ - ﺋﯚﻟﯩﻤﺎ، ﺋﯩﻠﯩﻤﺪﺍﺭﻻﺭ ﺋﺎﺭﯨﺴﯩﺪﺍ ﻧﯩﺴﭙﯩﻲ ﭼﻪﻛﻠﯩﻚ ﺩﺍﺋﯩﺮﯨﺪﻩ ﻗﻮﻟﻠﯩﻨﯩﻠﻐﺎﻥ ﺋﯩﺪﻯ. ﮬﻪﻡ ﺑﯘ ﺧﯩﻞ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺋﯧﺴﯩﻞ ﺋﺎﺩﯨﺘﻰ ﮬﺎﺯﯨﺮﯨﻘﻰ ﺯﺍﻣﺎﻥ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺋﺎﺩﻩﺕ ﯞﻩ ﻗﺎﺋﯩﺪﯨﻠﯩﺮﯨﺪﯨﻦ ﭘﻪﺭﻗﻠﯩﻨﻪﺗﺘﻰ. ﻣﻪﻳﻠﻰ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ، ﺗﻪﮔﺌﺎﺕ ﺋﯘﻳﻐﯘﺭ ﺋﯜﭼﯜﻥ ﺗﺎﻣﺎﻣﻪﻥ ﻳﯧﯖﻰ ﺑﻮﻟﻐﺎﻥ، ﻳﺎﺕ ﺋﯘﻗﯘﻡ ﺋﻪﻣﻪﺱ ﺋﯩﺪﻯ. ﺑﻪﻟﻜﻰ ﺋﯘﻻﺭ ﺗﻪﮔﺌﺎﺗﻨﻰ ﺋﻪﯓ ﺩﻩﺳﻠﻪﭖ ﻗﻮﻟﻼﻧﻐﺎﻥ ﺧﻪﻟﻘﻠﻪﺭﻧﯩﯔ ﺑﯩﺮﻯ ﺋﯩﺪﻯ. ﻟﯧﻜﯩﻦ، ﺑﯘ ﺧﯩﻞ ﺋﯧﺴﯩﻞ ﺋﺎﺩﻩﺕ ﺩﻩﯞﺭﻟﻪﺭﻧﯩﯔ ﺋﯚﺗﯜﺷﻰ ﺑﯩﻠﻪﻥ ﺋﯩﺰﭼﯩﻠﻘﻘﺎ ﺋﯩﮕﻪ ﺑﻮﻻﻟﻤﯩﺪﻯ. ﺷﯘﻧﺪﺍﻗﻼ ﭘﯜﺗﻜﯜﻝ ﻣﯩﻠﻠﻪﺕ ﻣﯩﻘﻴﺎﺳﯩﺪﺍ ﺋﻮﻣﯘﻣﻠﯩﺸﯩﭗ، ﻗﺎﻧﯘﻧﯩﻲ ﻳﻮﺳﯘﻧﺪﯨﻜﻰ ﺗﻪﮔﺌﺎﺕ ﺳﺴﯩﯧﺘﻤﯩﺴﯩﻨﻰ ﺷﻪﻛﯩﻠﻠﻪﻧﺪﯛﺭﻩﻟﻤﯩﺪﻯ. 14 - ﺋﻪﺳﯩﺮﺩﯨﻦ ﻛﯧﻴﯩﻦ، ﺑﻮﻟﯘﭘﻤﯘ ﻳﯧﻘﯩﻨﻘﻰ ﺯﺍﻣﺎﻧﻼﺭﻏﺎ ﻛﻪﻟﮕﻪﻧﺪﻩ ﺋﯘﻳﻐﯘﺭﻻﺭﺩﺍ ﺋﯘﺭﯗﻕ ﻗﻪﺑﯩﻠﻪ ﺗﯜﺯﯛﻣﯩﻨﯩﯔ ﺗﻮﻟﯘﻕ ﻳﯧﻤﯩﺮﯨﻠﯩﺸﻰ، ﻗﺎﻧﺪﺍﺷﻠﯩﻖ، ﺟﻪﻣﻪﺕ ﻛﯚﺯ ﻗﺎﺭﯨﺸﯩﻨﯩﯔ ﺳﯘﺳﻠﯩﺸﯩﺸﻰ ﻧﻪﺗﺠﯩﺴﯩﺪﻩ، ﺗﻪﮔﺌﺎﺕ ﺋﻪﻧﺌﻪﻧﯩﺴﯩﻤﯘ ﺋﯘﻳﻐﯘﺭﻻﺭﺩﯨﻦ ﺑﺎﺭﺍ - ﺑﺎﺭﺍ ﻳﯩﺮﺍﻗﻼﺷﺘﻰ.
ﺑﺎﺷﻘﺎ ﻣﯩﻠﻠﻪﺗﻠﻪﺭ ﺗﻪﮔﺌﺎﺗﯩﻨﯩﯔ ﻗﯧﻠﯩﭙﻠﯩﺸﯩﺶ ﺟﻪﺭﻳﺎﻧﯩﻐﺎ ﻧﻪﺯﻩﺭ ﺗﺎﺷﻼﻳﺪﯨﻐﺎﻥ ﺑﻮﻟﺴﺎﻕ، ﺧﻪﻧﺰﯗ ﺧﻪﻟﻘﻰ ﺑﯘﻧﺪﯨﻦ 3000 ﻳﯩﻠﻼﺭ ﺑﯘﺭﯗﻥ ﺗﯘﺭﺍﻗﻠﯩﻖ ﺗﻪﮔﺌﺎﺕ ﻗﻮﻟﻠﯩﻨﯩﺸﻨﻰ ﻳﻮﻟﻐﺎ ﻗﻮﻳﻐﺎﻥ ﺑﻮﻟﯘﭖ، ﺋﯘﻻﺭ ﮬﺎﺯﯨﺮﻏﯩﭽﻪ ﻣﯘﻛﻪﻣﻤﻪﻝ ﺑﻮﻟﻐﺎﻥ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺗﯜﺯﯛﻣﯩﻨﻰ ﻗﻮﻟﻠﯩﻨﯩﭗ ﻛﻪﻟﻤﻪﻛﺘﻪ. ﻳﺎﯞﯗﺭﯗﭘﺎﺩﯨﻜﻰ ﻣﯩﻠﻠﻪﺗﻠﻪﺭﻧﯩﯔ ﺗﻪﮔﺌﺎﺗﻠﯩﺮﻧﯩﯔ ﻗﯧﻠﯩﭙﻠﯩﺸﯩﺸﻰ ﯞﻩ ﺋﯩﻠﻤﯩﻲ ﺳﯩﺴﺘﯧﻤﯩﻐﺎ ﺗﯘﺭﻏﯘﺯﯗﻟﯘﺷﻰ ﻳﯧﻘﯩﻨﻘﻰ 300 ﻳﯩﻠﺪﯨﻦ ﺑﯧﺮﯨﻘﻰ ﺋﯩﺸﻼﺭ. ﻳﺎﭘﻮﻧﯩﻴﯩﺪﻩ ﺋﻪﺳﻠﯩﺪﻩ ﭘﻪﻗﻪﺕ ﺧﺎﻥ ﺟﻪﻣﻪﺗﻰ ﯞﻩ ﺋﺎﻗﺴﯚﯕﻪﻛﻠﻪﺭ، ﮬﻪﺭﺑﯩﻲ ﺳﺎﮬﻪﺩﯨﻜﻰ ﻛﯩﺸﯩﻠﻪﺭﻻ ﺗﻪﮔﺌﺎﺕ ﻗﻮﻟﻠﯩﻨﯩﺸﻘﺎﻥ ﺑﻮﻟﯘﭖ، 1890 - ﻳﯩﻠﯩﻐﺎ ﻛﻪﻟﮕﻪﻧﺪﻩ، ﺳﺎﻣﺎﯞﯨﻲ ﺷﺎﮬ ﻣﻪﺧﺴﯘﺱ ﺧﺎﻥ ﻳﺎﺭﻟﯩﻘﻰ ﺋﯧﻼﻥ ﻗﯩﻠﯩﺶ ﺋﺎﺭﻗﯩﻠﯩﻖ ﻗﺎﻧﯘﻥ ﺗﯘﺭﻏﯘﺯﯗﭖ ، ﺑﺎﺭﭼﻪ ﻳﺎﭘﻮﻥ ﭘﯘﻗﺮﺍﻟﯩﺮﯨﺪﯨﻦ ﺗﻪﮔﺌﺎﺕ ﻗﻮﻟﻠﯩﻨﯩﺸﻨﻰ ﺗﻪﻟﻪﭖ ﻗﯩﻠﺪﻯ. ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ 1934 - ﻳﯩﻠﻰ ﺗﻪﮔﺌﺎﺕ ﻗﺎﻧﯘﻧﯩﻨﻰ ﺗﯜﺯﯛﭖ ﺋﯧﻼﻥ ﻗﯩﻠﺪﻯ. ﻗﺎﻧﯘﻧﺪﺍ، ﮬﻪﺭﺑﯩﺮ ﺗﯜﺭﻙ ﭘﯘﻗﺮﺍﺳﯩﻨﯩﯔ ﺋﯚﺯ ﺋﯩﺴﻤﻰ ﺑﯩﻠﻪﻥ ﺑﯩﺮﮔﻪ ﺗﻪﮔﺌﺎﺕ ﻗﻮﻟﻠﯩﻨﯩﺸﯩﻨﻰ، ﻗﻮﻟﻠﯩﻨﯩﻠﻐﺎﻥ ﺗﻪﮔﺌﺎﺗﻠﯩﺮﯨﻨﯩﯔ ﭼﻮﻗﯘﻡ ﺳﺎﭖ ﺗﯜﺭﯛﻛﭽﻪ ﺑﻮﻟﯘﺷﻠﯩﺮﯨﻨﻰ ﺗﻪﻟﻪﭖ ﻗﯩﻠﺪﻯ. ﺷﯘﻧﯩﯔ ﺑﯩﻠﻪﻥ ﺗﯜﺭﻛﯩﻴﻪ ﺗﯜﺭﯛﻛﯩﻠﯩﺮﻯ ﺗﻪﮔﺌﺎﺗﻠﯩﻖ ﻗﻪﯞﯨﻤﻠﻪﺭ ﺳﯧﭙﯩﮕﻪ ﻛﯩﺮﺩﻯ.
ﺷﯘ ﺗﻪﺭﯨﭙﻰ ﺋﯧﻨﻘﻜﻰ، ﺗﻪﮔﺌﺎﺕ ﺑﯜﮔﯜﻧﻜﻰ ﻛﯜﻧﺪﻩ ﺋﯘﻳﻐﺎﺭﻟﯩﻘﻘﺎ ( ﻣﻪﺩﻩﻧﻴﯩﻠﯩﻚ ) ﺋﯩﮕﻪ ﺑﻮﻟﻐﺎﻥ ﻣﯩﻠﻠﻪﺗﻠﻪﺭﺩﻩ ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﺋﻪﯓ ﺋﻪﻗﻪﻟﻠﯩﻲ ﺑﻪﻟﮕﯩﻠﻪﺭﻧﯩﯔ ﺑﯩﺮﻯ ﺑﻮﻟﯘﭖ ﮬﯧﺴﺎﺑﻠﯩﻨﯩﺪﯗ. ( ﺑﯘﻧﺪﺍﻕ ﺩﯦﮕﻪﻧﻠﯩﻚ ﺑﺎﺭﻯ ﻣﻪﺩﻩﻧﻴﻪﺗﻠﯩﻚ، ﻳﻮﻗﻰ ﻣﻪﺩﻩﻧﻴﻪﺗﺴﯩﺰ ﺩﯦﮕﻪﻧﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ ) ﺋﯩﻨﺴﺎﻧﻴﻪﺗﺘﻪ ﺗﻪﮔﺌﺎﺗﻨﯩﯔ ﺑﺎﺭﻟﯩﻘﻘﺎ ﻛﯧﻠﯩﺸﻰ ﯞﻩ ﺋﯩﺸﻠﯩﺘﯩﻠﯩﺸﻰ ﺯﻭﺭ ﺋﯩﻨﻘﯩﻼﭖ ﺧﺎﺭﺍﻛﺘﯧﺮﻟﯩﻚ ﺑﯘﺭﯗﻟﯘﺵ ﺑﻮﻟﯘﭖ، ﺗﻪﮔﺌﺎﺗﻨﯩﯔ ﻣﻪﻳﺪﺍﻧﻐﺎ ﻛﯧﻠﯩﺸﻰ ﺋﯩﻨﺴﺎﻧﻴﻪﺗﻨﯩﯔ ﻧﯧﻜﺎﮬ ﺗﯜﺯﯛﻣﯩﻨﻰ ﻣﯘﻛﻪﻣﻤﻪﻟﻠﻪﺷﺘﯜﺭﺩﻯ ﯞﻩ ﺋﯘﻧﻰ ﺳﺎﻏﻼﻣﻼﺷﺘﯘﺭﺩﻯ. ﺋﯘﺭﯗﻕ - ﺗﻮﻏﻘﺎﻧﻼﺭ ﺋﺎﺭﺍ ﺗﻮﻳﻠﯩﺸﯩﺸﻨﻰ ، ﻗﺎﻻﻳﻤﯩﻘﺎﻥ ﺟﯩﻨﺴﯩﻲ ﻣﯘﻧﺎﺳﯩﯟﻩﺗﻨﻰ ﭼﻪﻛﻠﻪﭖ، ﺋﯘﺭﯗﻕ ﺳﯩﺮﺗﯩﺪﯨﻦ ﻧﯧﻜﺎﮬﻠﯩﻨﯩﺶ ﺗﯜﺯﯛﻣﯩﻨﻰ ﯞﯗﺟﯘﺗﻘﺎ ﻛﻪﻟﺘﯜﺭﺩﻯ. ﺋﺎﺩﻩﻣﻠﻪﺭﻧﯩﯔ ﺋﻪﺟﺪﺍﺩ، ﻧﻪﺳﻪﺏ، ﺟﻪﻣﻪﺕ،ﺗﯘﻏﻘﺎﻧﭽﯩﻠﯩﻖ ﭼﯜﺷﻪﻧﭽﯩﻠﯩﺮﯨﻨﻰ ﻳﺎﺭﻗﯩﻨﻼﺷﺘﯘﺭﯗﭖ، ﺋﯘﻳﯘﺷﻘﺎﻗﻠﯩﻖ ﺋﯧﯖﯩﻨﻰ ﻛﯜﭼﻪﻳﺘﺘﻰ.
ﺗﻪﮔﺌﺎﺕ ﺋﻪﺟﺪﺍﺩ ﭼﯜﺷﻪﻧﭽﯩﺴﯩﻨﯩﯔ ﺋﻪﯓ ﻳﺎﺭﻗﯩﻦ ﺋﯩﭙﺎﺩﯨﺴﻰ! ﺋﯘ ﻛﯩﺸﯩﻠﻪﺭﻧﯩﯔ ﻧﻪﺳﻪﺏ ﺑﻪﻟﮕﯩﺴﻰ ﺳﯜﭘﺘﯩﺪﻩ ﮬﻪﺭﯞﺍﻗﯩﺖ ﺋﯘﻻﺭﻏﺎ ﺋﯚﺯﻟﯩﺮﯨﻨﯩﯔ ﻛﯩﻤﻠﯩﻜﯩﻨﻰ، ﺗﯧﮕﻰ - ﺗﻪﻛﺘﯩﻨﻰ ﯸﺴﯩﮕﻪ ﺳﯧﻠﯩﭗ، ﺋﯚﺯ ﻳﯧﻠﺘﯩﺰﯨﺪﯨﻦ ﺩﺍﻻﻟﻪﺕ ﺑﯧﺮﯨﭗ ﺗﯘﺭﯨﺪﯗ. ﻛﯩﺸﯩﻠﻪﺭﮔﻪ ﺗﺎﺭﯨﺦ ﺗﯘﻳﻐﯘﺳﻰ ﺋﺎﺗﺎ ﻗﯩﻠﯩﭗ، ﺗﺎﺭﯨﺨﻼﺭﻧﻰ ﺗﺎﺭﯨﺨﻼﺭﻏﺎ ﺋﯘﻻﭖ، ﺋﯘﻻﺭﻧﻰ ﺋﻪﺑﻪﺩﯨﻲ ﺋﯘﻧﺘﯘﻟﻤﺎﺱ ﻗﯩﻠﭗ ﮬﻪﺭﺑﯩﺮ ﺋﯘﺭﯗﻕ ﺋﻪﺯﺍﺳﯩﻨﯩﯔ ﻗﻪﻟﺐ ﺩﻩﭘﺘﯩﺮﯨﮕﻪ ﻳﺎﺯﯨﺪﯗ. ﻛﯜﻧﺴﯧﺮﻯ ﺋﯩﺠﺘﯩﻤﺎﺋﯩﻴﻠﯩﺸﯩﯟﺍﺗﻘﺎﻥ ﺩﻭﻧﻴﺎﺩﺍ، ﺋﺎﺋﯩﻠﻪ - ﺟﻪﻣﻪﺕ ﯞﻩ ﺋﯘﺭﯗﻕ - ﺗﯘﻏﻘﺎﻧﻼﺭﻧﯩﯔ ﺑﯩﺮﻟﯩﻜﯩﻨﻰ ، ﺋﯘﻳﯘﺷﻘﺎﻗﻠﯩﻘﻰ ﯞﻩ ﺋﯩﺘﺘﯩﭙﺎﻗﻠﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﭘﯜﺗﯜﻥ ﺑﯩﺮ ﻣﯩﻠﻠﻪﺗﻨﯩﯔ ﺗﻪﺭﻩﻗﻘﯩﻴﺎﺕ ﻗﻪﺩﻩﻣﻠﯩﺮﯨﮕﻪ ﻏﺎﻳﻪﺕ ﺯﻭﺭ ﻛﯜﭺ - ﻣﺎﻏﺪﯗﺭ ﺑﯧﻐﯩﺸﻼﻳﺪﯗ!
ﻣﯘﺷﯘ ﻣﻪﻧﯩﺪﯨﻦ ﺋﯧﻴﺘﻘﺎﻧﺪﺍ، ﺋﯘﻳﻐﯘﺭﻻﺭﺩﺍ ﺗﯘﺭﺍﻗﻠﯩﻖ ﺗﻪﮔﺌﺎﺕ ﺳﯩﺴﺘﯧﻤﯩﺴﻨﯩﯔ ﺗﯘﺭﻏﯘﺯﯗﻟﯘﺷﻰ ﻣﯘﮬﯩﻢ ﺑﻮﻟﯘﭘﻼ ﻗﺎﻟﻤﺎﺳﯩﺘﻦ، ﺑﻪﻟﻜﻰ ﺋﯘ ﺗﻮﻟﯩﻤﯘ ﺯﯙﺭﯛﺭﺩﯗﺭ!






ﺋﺎﻟﺪﯨﻨﻘﻰ ﻳﺎﺯﻣﯩﻤﯩﺰﺩﺍ ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﻗﻮﻟﻠﯩﻨﯩﺸﻨﯩﯔ ﺗﻪﺧﯩﺮﺳﯩﺰﻟﯩﻜﻰ ﯞﻩ ﺯﯙﺭﯛﺭﻟﯩﻜﻰ ﮬﻪﻗﻘﯩﺪﻩ ﻗﯩﺴﻘﯩﭽﻪ ﺗﻮﺧﺘﯩﻠﯩﭗ، ﺋﯚﺯ ﻛﯚﺯ ﻗﺎﺭﺍﺷﻠﯩﺮﯨﻤﯩﺰﻧﻰ ﮬﻪﺭ ﻗﺎﻳﺴﯩﻠﻠﯩﺮﻯ ﺑﯩﻠﻪﻥ ﺋﻮﺭﺗﺎﻗﻼﺷﻘﺎﻥ ﺋﯩﺪﯗﻕ. ﺋﻪﻣﺪﻯ ﺑﯘ ﻳﺎﺯﻣﺎ ﺋﺎﺭﻗﯩﻠﯩﻖ ﺧﯘﺩﺍ ﺧﺎﻟﯩﺴﺎ ﺗﻪﮔﺌﺎﺕ ﺗﻮﻏﺮﯨﺴﯩﺪﺍ ﺗﯧﺨﯩﻤﯘ ﺗﻪﭘﺴﯩﻠﯩﻴﺮﻩﻙ ﺗﻮﺧﺘﯩﻠﯩﭗ ﺋﯚﺗﯜﺷﻨﻰ ﻣﯘﯞﺍﭘﯩﻖ ﻛﯚﺭﺩﯗﻕ.
ﺷﯘﻧﯩﺴﻰ ﺋﯧﻨﻘﯩﻜﻰ، ﺗﻪﮔﺌﺎﺕ - ﺑﯩﺮ ﺟﻪﻣﻪﺗﻨﯩﯔ ﺧﺎﺱ ﺗﺎﻣﻐﯩﺴﻰ. ﺋﯘ ﺋﺎﻏﯘﻥ - ﺋﻪﺟﺪﺍﺩ ﭼﯜﺷﻪﻧﭽﯩﺴﯩﻨﯩﯔ ﺋﻪﯓ ﻳﺎﺭﻗﯩﻦ ﺋﯩﭙﺎﺩﯨﺴﻰ. ﺋﯘ ﻛﯩﺸﯩﻠﻪﺭﻧﯩﯔ ﻧﻪﺳﻪﺏ ﺑﻪﻟﮕﯩﺴﻰ ﺳﯜﭘﯩﺘﯩﺪﻩ ﮬﻪﺭ ﯞﺍﻗﯩﺖ ﺋﯘﻻﺭﻏﺎ ﺋﯚﺯ ﻳﯩﻠﺘﯩﺰﯨﺪﯨﻦ ﺩﺍﻻﻟﻪﺕ ﺑﯧﺮﯨﭗ، ﺑﯘﻏﯘﻥ - ﺋﻪﯞﻻﺩﻻﺭﻏﺎ ﺋﯚﺯﯨﻨﯩﯔ ﻛﯩﻤﻠﯩﻜﻰ، ﺗﯧﮕﻰ - ﺗﻪﻛﺘﯩﻨﻰ ﮬﻪﺭ ﯞﺍﻗﯩﺖ ﺳﻪﻣﯩﮕﻪ ﺳﯧﻠﯩﭗ، ﻛﯩﺸﯩﮕﻪ ﭼﻪﻛﺴﯩﺰ ﺗﺎﺭﯨﺨﻲ ﺑﯘﺭﭺ ﺗﯘﻳﻐﯘﺳﻰ ﺋﺎﺗﺎ ﻗﯩﻠﯩﺪﯗ.
ﺋﯩﺴﻤﻰ - ﺗﻪﮔﺌﺎﺗﻰ ﺑﯩﺮ ﻣﯩﻠﻠﻪﺕ ﺋﻪﺯﺍﻟﯩﺮﯨﻨﯩﯔ ﺑﯩﺮﯨﻨﭽﻰ ﺋﯩﺠﺘﯩﻤﺎﺋﯩﻲ ﺑﻪﻟﮕﯩﺴﻰ. ﺋﯩﺴﻤﯩﻼ ﺑﻮﻟﯘﭖ، ﺗﯘﺭﺍﻗﻠﯩﻖ ﺗﻪﮔﺌﺎﺗﻰ ﺑﻮﻟﻤﺎﺳﻠﯩﻖ ﻛﯩﻤﻠﯩﻚ ﺳﺎﻻﮬﯩﻴﯩﺘﯩﻤﯩﺰﻧﯩﯔ ﺋﯧﻨﯩﻘﺴﯩﺰﻟﯩﻘﻰ ﯞﻩ ﻛﻪﻣﺘﯜﻛﻠﯜﻛﯩﻨﻰ ﺋﺎﺷﻜﺎﺭﯨﻼﭖ ﺗﯘﺭﯗﭘﺘﯘ. ﺷﯘ ﯞﻩﺟﯩﺪﯨﻦ ﺋﯚﺗﻤﯜﺵ ﯞﻩ ﺑﯚﮔﯜﻧﻤﯩﺰﺩﻩ ﻗﻪﺩﻩﻣﺪﻩ ﺑﯩﺮ ﺩﯨﺸﯩﯟﺍﺭﭼﯩﻠﯩﻘﻘﺎ ﻳﻮﻟﯘﻗﯘﭖ ﻳﯜﺭﯛﭘﺘﯩﻤﯩﺰ. ﺑﯩﺮ ﻣﯩﻠﻠﻪﺗﻨﯩﯔ ﺋﯚﺯﻟﯜﻙ ﻗﺎﺭﯨﺸﻰ ﻛﯜﭼﻪﻳﮕﻪﻧﺴﯧﺮﻯ ﻣﯩﻠﻠﯩﻲ ﻗﻪﺩﯨﺮﯨﻴﻪﺕ ﺗﯘﻳﻐﯘﺳﯩﻤﯘ ﻛﯜﻧﺴﺎﻳﯩﻦ ﺋﺎﺭﺗﯩﭗ ﺑﺎﺭﯨﺪﯗ. ﺋﯚﺯﻟﯜﻛﻨﯩﯔ ﭼﺎﻗﯩﺮﯨﺸﻰ ﺑﯩﺰﮔﻪ ﻣﯘﻧﺪﺍﻕ ﺑﯩﺮ ﺯﯙﺭﯛﺭﯛﯨﻴﻪﺗﻨﻰ ﺗﻮﻧﯘﺗﻤﺎﻗﺘﺎ، ﺑﯩﺰ ﺋﯘﻳﻐﯘﺭﻻﺭﺩﺍ ﺗﻮﻟﯘﻕ ﯞﻩ ﺗﯘﺭﺍﻗﻠﯩﻖ ﺑﻮﻟﻐﺎﻥ ﺋﯩﺴﯩﻢ - ﺗﻪﮔﺌﺎﺕ ﺑﻮﻟﯘﺷﻰ ﻛﯧﺮﻩﻙ. ﺗﻪﮔﺌﺎﺕ ﺑﯩﺰ ﺋﯜﭼﯜﻥ ﺗﺎﻣﺎﻣﻪﻥ ﻳﺎﺕ ﺑﻮﻟﻐﺎﻥ ﻳﯧﯖﻰ ﺋﯘﻗﯘﻡ، ﻏﻪﺭﯨﭙﺘﯩﻦ ﻗﻮﺑﯘﻝ ﻗﯩﻠﯩﺸﻤﯩﺰ ﻛﯧﺮﻩﻙ ﺑﻮﻟﻐﺎﻥ ﻳﯧﯖﻰ ﺋﯘﻳﻐﺎﺭﻟﯩﻖ ﺋﻪﻣﻪﺱ ، ﺑﻪﻟﻜﻰ ﺋﯘ ﻣﯩﯔ ﻳﯩﻠﻼﺭ ﻣﯘﻗﻪﺩﺩﻩﻡ ﺋﺎﻏﯘﻥ - ﺋﺎﺑﺎﻟﯩﺮﯨﻤﯩﺰ ﺋﺎﺕ ﭼﯧﭙﯩﭗ ﺟﺎﮬﺎﻥ ﻛﻪﺯﮔﻪﻥ ﺷﺎﮬﺎﻧﻪ ﺩﻩﯞﺭﻟﻪﺭﺩﻩ ﺋﯧﮭﺘﯩﻴﺎﺗﺴﯩﺰﻟﯩﻘﺘﯩﻦ ﭼﯜﺷﯜﺭﯛﭖ ﻗﻮﻳﻐﺎﻥ ﻣﻪﻧﯟﯨﻲ ﺋﻪﻧﮕﯜﺷﺘﻪﺭ ﺑﻮﻟﯘﭖ، ﺑﯩﺰ ﭘﻪﻗﻪﺕ ﺋﻪﻧﻪ ﺷﯘ ﺋﺎﺗﯩﻠﯩﺮﻣﯩﺰ ﺑﯩﺨﻪﺳﺘﯩﻠﯩﻚ ﻗﯩﻠﯩﭗ ﭼﯜﺷﯜﺭﯛﭖ ﻗﻮﻳﻐﺎﻥ ﮔﯚﮬﻪﺭﻧﻰ ﺋﯩﺴﯩﻢ ﺗﺎﺟﯩﻤﯩﺰﻏﺎ ﻗﺎﻳﺘﯩﺪﯨﻦ ﺗﺎﻗﯩﺴﺎﻗﻼ ﺑﻮﻟﻐﯩﻨﻰ !
ﺧﻮﺵ، ﺋﯘﻧﺪﺍﻗﺘﺎ ﺗﻪﮔﺌﺎﺕ ﻗﻮﻟﻠﯩﻨﯩﺸﻨﯩﯔ ﺋﻪﮬﻤﯩﻴﯩﺘﻰ ﯞﻩ ﺗﻪﮔﺌﺎﺗﻨﯩﯔ ﺋﯩﺠﺘﯩﻤﺎﺋﯩﻲ ﺭﻭﻟﻰ ﺗﻮﻏﺮﯨﺴﯩﺪﺍ ﺗﻮﺧﺘﯩﻠﯩﭗ ﺋﯚﺗﻪﻳﻠﻰ. ﺗﻪﮔﺌﺎﺗﻨﯩﯔ ﺑﯩﺮ ﻣﯩﻠﻠﻪﺕ - ﻗﻪﯞﻣﻨﯩﯔ ﺋﯩﺠﯩﺘﯩﻤﺎﺋﯩﻴﯩﺘﯩﺪﻩ ﺋﻮﻳﻨﺎﻳﺪﯨﻐﺎﻥ ﺭﻭﻟﯩﻨﻰ ﻣﯘﻧﺪﺍﻕ ﺑﯩﺮ ﻗﺎﻧﭽﻪ ﻧﯘﻗﺘﯩﻐﺎ ﻣﯘﺟﻪﺳﺴﻪﻣﻠﻪﺵ ﻣﯘﻣﻜﯩﻦ.
1. ﻣﻪﻧﯩﯟﯨﻲ ﺟﻪﮬﻪﺗﺘﻪ، ﺋﻮﺧﺸﺎﺵ ﺑﯩﺮ ﺗﻪﮔﺌﺎﺕ ﺋﺎﺳﺘﯩﻐﺎ ﺋﯘﻳﯘﺷﻘﺎﻥ ﺟﻪﻣﻪﺕ ﺋﻪﺯﺍﻟﯩﺮﯨﻨﯩﯔ ﺋﻮﻱ - ﭘﯩﻜﺮﻯ ﯞﻩ ﮬﯧﺴﺴﯩﻲ ﺟﻪﮬﻪﺗﺘﯩﻜﻰ ﺋﻮﺭﺗﺎﻗﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﺷﯘ ﺟﻪﻣﻪﺕ ﺋﻪﺯﺍﻟﯩﺮﯨﻨﯩﯔ ﺋﯩﺘﺘﯩﭙﺎﻗﻠﯩﻘﻰ، ﺋﯘﻳﯘﺷﯘﺷﭽﺎﻧﻠﯩﻘﯩﻨﻰ ﺋﺎﺷﯘﺭﯨﺪﯗ.

2. ﺗﻪﮔﺌﺎﺕ ﻗﻮﻟﻼﻧﻐﺎﻧﺪﺍ، ﺟﻪﻣﻪﺗﻨﯩﯔ ﺋﻪﻧﺌﻪﻧﯩﯟﻱ ﺋﻪﺧﻼﻕ ﻣﯩﺰﺍﻧﻠﯩﺮﯨﻐﺎ ﯞﺍﺭﯨﺴﻠﯩﻖ ﻗﯩﻠﯩﺶ ﺋﯧﯖﯩﻨﻰ ﺗﯘﺭﻏﯘﺯﯗﭖ، ﺟﻪﻣﻪﺗﻨﯩﯔ ﺷﻪﻧﯩﮕﻪ ﺩﺍﻍ ﭼﯜﺷﯜﺭﯨﺪﯨﻐﺎﻥ ﻳﺎﻣﺎﻥ ﺋﯩﺶ - ﮬﻪﺭﯨﻜﻪﺗﻠﻪﺭﺩﯨﻦ ﺋﯚﺯ - ﺋﯚﺯﯨﻨﻰ ﭼﻪﻛﻠﻪﭖ ﺗﯘﺭﯨﺪﯨﻐﺎﻥ ﻣﻪﻧﯩﯟﯨﻲ ﻛﯜﭺ ﮬﺎﺳﯩﻞ ﻗﯩﻠﻐﯩﻠﻰ، ﺟﻪﻣﻪﺕ ﺑﻮﻳﯩﭽﻪ ﺋﻮﺭﺗﺎﻕ ﺋﯩﺪﯨﻴﻪ، ﺋﻮﺭﺗﺎﻕ ﺋﯧﺘﯩﻘﺎﺩﯨﻨﻰ ﺋﯘﺯﺍﻕ ﻣﻪﺯﮔﯩﻠﮕﯩﭽﻪ ﺳﺎﻗﻼﭖ ﻗﺎﻟﻐﯩﻠﻰ ﺑﻮﻟﯩﺪﯗ.

3. ﺗﻪﮔﺌﺎﺕ ﺟﻪﻣﻪﺕ ﯞﻩ ﺟﻪﻣﺌﯩﻴﻪﺗﻨﯩﯔ ﻳﯜﻛﺴﯩﻠﯩﺶ ﻗﻪﺩﯨﻤﯩﻨﻰ ﺗﯧﺰﻟﯩﺘﯩﺪﯗ. ﻣﻪﻟﯘﻡ ﺑﯩﺮ ﺟﻪﻣﻪﺗﺘﯩﻦ ﻳﯧﺘﯩﺸﯩﭗ ﭼﯩﻘﻘﺎﻥ ﺋﯘﻟﯘﻍ ﺋﺎﻟﯩﻢ ﻳﺎﻛﻰ ﺟﺎﻣﺎﺋﻪﺕ ﺋﻪﺭﺑﺎﺑﻰ ﻛﯧﻴﯩﻨﻜﻰ ﻧﻪﭼﭽﻪ ﺋﻪﯞﻻﺩ ﻛﯩﺸﯩﻨﯩﯔ ﺋﯚﺳﯜﭖ ﻳﯧﺘﯩﻠﯩﺶ ﺟﻪﺭﻳﺎﻧﯩﻐﺎ ﺋﯜﻟﮕﻪ ﯞﻩ ﺗﯜﺭﺗﻜﻪ ﺑﻮﻟﯩﺪﯗ. ﺋﻪﯞﻻﺩﻻﺭﻧﯩﯔ ﺋﻪﺟﺪﺍﺩﻻﺭﻏﺎ ﯞﺍﺭﯨﺴﻠﯩﻖ ﻗﯩﻠﯩﺶ ﺋﯧﯖﯩﻨﻰ ﻛﯜﭼﻪﻳﺘﯩﭗ، ﺋﯘﻻﺭﻧﻰ ﺗﻮﺧﺘﯩﻤﺎﻱ ﺗﯩﺮﯨﺸﯩﺸﻘﺎ ﺋﯜﻧﺪﻩﻳﺪﯗ. ﺑﯘ ﺟﻪﺭﻳﺎﻧﺪﺍ ﺗﻪﮔﺌﺎﺕ ﺋﯘﻻﺭﻏﺎ ﻣﻪﻧﯩﯟﯨﻲ ﻣﻪﺩﻩﺕ ﺑﻮﻟﯩﺪﯗ.

4. ﺋﯘﺭﯗﻕ - ﺟﻪﻣﻪﺕ ﻛﯚﺯ ﻗﺎﺭﯨﺸﯩﻨﯩﯔ ﺳﯘﺳﻠﯩﺸﯩﺸﻰ ﻛﯩﺸﯩﻠﻪﺭﺩﻩ ﺋﻪﺟﺪﺍﺩ ﭼﯜﺷﻪﻧﭽﯩﺴﯩﻨﯩﯔ ﺧﯘﻧﯘﻛﻠﯩﺸﯩﺸﯩﻨﻰ، ﺗﯧﺮﯨﻘﺘﻪﻙ ﭼﯧﯩﭽﯩﻠﯩﭗ ﻳﯜﺭﯛﺷﯩﻨﻰ، ﺋﯩﺘﺘﯩﭙﺎﻗﺴﯩﺰﻟﯩﻖ ﯞﻩ ﺋﯩﻨﺎﻗﺴﯩﺰﻟﯩﻘﻨﯩﯔ ﻳﯩﻠﺘﯩﺰﻯ ﺑﻮﻟﯘﭖ، ﺑﯩﺮ ﻣﯩﻠﻠﻪﺕ ﺋﯜﭼﯜﻥ ﮬﯧﺴﺎﺑﺴﯩﺰ ﺋﺎﭘﻪﺕ. ﺗﻪﮔﺌﺎﺕ ﻗﻮﻟﻼﻧﻐﺎﻧﺪﺍ، ﻛﯩﺸﯩﻠﻪﺭﻧﯩﯔ ﺋﯘﺭﯗﻕ - ﺟﻪﻣﻪﺕ ﻛﯚﺯ ﻗﺎﺭﺍﺷﻠﯩﺮﯨﻨﻰ ﻗﺎﻳﺘﯩﺪﯨﻦ ﻛﯜﭼﻪﻳﺘﻜﯩﻠﻰ، ﺋﻪﺟﺪﺍﺩ ﯞﻩ ﺗﺎﺭﯨﺨﯩﻲ ﻣﻪﺳﺌﯘﻟﯩﻴﻪﺕ ﭼﯜﺷﻪﻧﭽﯩﻠﯩﺮﯨﻨﻰ ﺗﯧﺨﯩﻤﯘ ﺭﻭﺷﻪﻥ ﻗﯩﻠﻐﯩﻠﻰ، ﺟﻪﻣﻪﺕ ﯞﻩ ﺟﻪﻣﺌﯩﻴﻪﺗﻨﻰ ﺋﯩﻨﺎﻗﻠﯩﻖ ، ﺋﯘﻳﯘﺷﻘﺎﻗﻠﯩﻘﻘﺎ ﻳﯧﺘﻪﻛﻠﻪﻳﺪﯨﻐﺎﻥ ﻣﻪﻧﯩﯟﯨﻲ ﻣﻪﺷﺌﻪﻟﮕﻪ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ.

5. ﺗﻪﮔﺌﺎﺕ ﻗﻮﻟﻼﻧﻐﺎﻧﺪﺍ، ﺋﻮﺧﺸﺎﺵ ﺑﯩﺮ ﺗﻪﮔﺌﺎﺕ ﺋﺎﺳﺘﯩﻐﺎ ﺋﯘﻳﯘﺷﻘﺎﻥ ﺟﻪﻣﻪﺕ ﺋﻪﺯﺍﻟﯩﺮﯨﻨﯩﯔ ﺋﯚﺯ - ﺋﺎﺭﺍ ﻣﯧﮭﯩﺮ - ﺷﻪﭘﻘﯩﺘﯩﻨﻰ ﻛﯜﭼﻪﻳﺘﻜﯩﻠﻰ، ﺋﯚﺯ - ﺋﺎﺭﺍ ﮬﻪﻣﻜﺎﺭﻟﯩﻘﻨﻰ ﺋﯩﻠﮕﯩﺮﻯ ﺳﯜﺭﮔﯩﻠﻰ ﺑﻮﻟﯩﺪﯗ.

6. ﺗﻪﮔﺌﺎﺕ ﻳﻪﻧﻪ ﺋﯚﺯ ﻧﯚﯞﯨﺘﯩﺪﻩ ﺗﺎﺭﯨﺨﻲ ﮬﯚﺟﺠﻪﺗﻠﯩﻚ ﺭﻭﻟﯩﻨﻰ ﺋﻮﻳﻨﺎﻳﺪﯗ. ﺗﻪﮔﺌﺎﺕ ﺑﯩﺮ ﺟﻪﻣﻪﺗﻨﯩﯔ ﺷﻪﺟﻪﺭﯨﻠﯩﻚ ﺗﺎﻣﻐﯩﺴﻰ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﻣﯩﻠﻠﻪﺕ ﺋﯧﺘﻨﯩﻚ ﺗﻪﺭﻛﯩﺒﯩﻨﯩﯔ ﻳﯩﻠﺘﯩﺰ - ﻏﻮﻟﻠﯩﺮﯨﻨﻰ، ﺋﻮﺧﺸﯩﻤﯩﻐﺎﻥ ﺗﺎﺭﯨﺨﯩﻲ ﺩﻩﯞﺭﻟﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﯞﻩ ﺳﯩﻴﺎﺳﯩﻲ ﺋﯘﭼﯘﺭﻟﯩﺮﯨﻨﻰ ﺋﯚﺯﯨﮕﻪ ﻣﯘﺟﻪﺳﺴﻪﻣﻠﯩﮕﻪﻥ ﻣﻪﻧﯟﯨﻲ ﺑﻪﻟﮕﻪ. ﻣﻪﻟﯘﻡ ﺑﯩﺮ ﻛﯩﺸﯩﻨﯩﯔ ﺋﯚﻣﺮﻯ ﮔﻪﺭﭼﻪ ﭼﻪﻛﻠﯩﻚ ﮬﺎﻟﺪﺍ ﺑﯩﺮ ﻗﺎﻧﭽﻪ ﺋﻮﻥ ﻳﯩﻞ ﺑﻮﻟﺴﯩﻤﯘ، ﺷﯘ ﻛﯩﺸﯩﻨﯩﯔ ﺗﻪﮔﺌﺎﺗﯩﻨﯩﯔ ﺋﯚﻣﺮﻯ ﺗﺎﻛﻰ ﺷﯘ ﻛﯩﺸﻰ ﺗﻪﯞﻩ ﺑﻮﻟﻐﺎﻥ ﺟﻪﻣﻪﺗﻨﯩﯔ ﻧﻪﺳﻪﺏ ﺋﯘﺭﯗﻗﻰ ﺋﯜﺯﯛﻟﯜﭖ ﻗﺎﻟﻐﯩﭽﻪ ﺩﺍﯞﺍﻡ ﺋﯧﺘﯩﺪﯗ. ﺷﯘﻧﺪﺍﻗﻜﻪﻥ ﺋﯘﻧﯩﯔ ﺗﺎﺭﯨﺨﻲ ﮬﯚﺟﺠﻪﺗﻠﯩﻚ ﺭﻭﻟﯩﻐﺎ ﺳﻪﻝ ﻗﺎﺭﺍﺷﻘﺎ ﻗﻪﺗﺌﯩﻲ ﺑﻮﻟﻤﺎﻳﺪﯗ. ﺋﺎﻻﻳﻠﯘﻕ، ﻣﻪﮬﻤﯘﺩ ﻗﻪﺷﻘﻪﺭﻯ، ﻳﯜﺳﯜﭖ ﺧﺎﺱ ﮬﺎﺟﯩﺐ، ﺋﻪﻟﺸﯧﺮ ﻧﺎﯞﺍﻳﻰ ﻛﻪﺑﻰ ﺑﻮﯞﻟﯩﺮﯨﻤﯩﺰ ﻳﺎﺷﯩﻐﺎﻥ ﺩﻩﯞﺭﻟﻪﺭﺩﻩ ﺋﺎﻏﯘﻧﻠﯩﺮﯨﻤﯩﺰ ﺳﯩﺴﺘﯧﻤﯩﻠﯩﻖ ﺗﻪﮔﺌﺎﺕ ﻗﻮﻟﻠﯩﻨﯩﺸﻘﺎﻥ ﺑﻮﻟﺴﺎ، ﺋﯘﻻﺭﻧﯩﯔ ﻣﯩﻠﻠﯩﻲ ﻛﯩﻤﻠﯩﻜﻰ ﺑﯜﮔﯜﻧﻜﻰ ﻛﯜﻧﺪﯨﻜﯩﺪﻩﻙ ﺗﺎﻻﺵ - ﺗﺎﺭﺗﯩﺸﻘﺎ ﻗﺎﻻﺭ ﺑﻮﻟﻐﯩﻴﻤﯩﺪﻯ؟! ﮬﻪﺗﺘﺎ ﺑﺎﺷﻘﯩﻼﺭ ﺟﯜﺳﯜﭖ ﺑﺎﻻﺳﺎﻏﯘﻧﻰ ﺩﻩﭖ ﺋﺎﺕ ﻗﻮﻳﯘﺷﯘﭖ، ﺋﯘﻧﯩﯟﯦﺮﺳﯩﺘﯧﺘﻠﯩﺮﯨﺪﺍ ﮬﻪﻳﻜﻪﻟﻠﻪﺭ ﺗﯩﻜﻠﻪﭖ ، ﭘﯘﻟﻠﯩﺮﯨﻐﺎ ﻗﻪﺩﻩﺭ ﺳﯜﺭﻩﺗﻠﯩﺮﯨﻨﻰ ﭼﯜﺷﯜﺭﯛﺷﻜﻪ ﺟﯜﺭﺋﻪﺕ ﻗﯩﻼﻻﺭﻣﯩﺪﻯ؟! ... ... ﻣﺎﻧﺎ ﺷﯘﻧﺪﺍﻕ ﻧﺎﺋﯩﻠﻤﯩﻲ ﺋﯩﺸﻼﺭ ﺗﯜﭘﻪﻳﻠﻰ ﻗﻮﺷﻨﺎ ﻗﻪﯞﯨﻤﻼﺭ ﺋﯚﺯ - ﺋﺎﺭﺍ ﺋﺎﺭﺯﻟﯩﺸﯩﭗ ﻳﯜﺭﻩﺭﻣﯩﺪﯗﻕ؟ ! ...
ﻳﯘﻗﯩﺮﯨﻘﻼﺭ ﭘﻪﻗﻪﺕ ﺑﯩﺰ ﻧﯚﯞﻩﺗﺘﻪ ﻧﯩﺴﺒﻪﺗﻪﻥ ﻣﯘﮬﯩﻤﺮﺍﻕ ﺩﻩﭖ ﻗﺎﺭﯨﻐﺎﻥ ﯞﻩ ﺋﯩﺪﺭﺍﻙ ﻗﯩﻠﻐﺎﻥ ﻧﯘﻗﺘﯩﻼﺭ ﺑﻮﻟﯘﭖ، ﺑﻪﻟﻜﯩﻢ ﺑﯩﺰ ﻗﻪﻟﻪﻣﮕﻪ ﺋﯧﻠﯩﺸﻘﺎ ﺋﯜﻟﮕﯜﺭﻣﮕﻪﻥ ﻳﻮﺷﯘﺭﯗﻥ ﺭﻭﻟﻠﯩﺮﻯ ﺗﯧﺨﯩﻤﯘ ﻛﯚﭖ ﺑﻮﻟﯘﺷﻰ ﻣﯘﻣﻜﯩﻦ. ﺑﯩﺰ ﭘﻪﻗﻪﺕ ﺩﯦﻤﻪﻛﭽﻰ ، ﺗﻪﮔﺌﺎﺕ ﻗﻮﻟﻠﯩﻨﯩﺸﻨﯩﯔ ﺋﻪﮬﻤﯩﻴﺘﯩﮕﻪ ﺳﻪﻝ ﻗﺎﺭﺍﺷﻘﺎ ﺑﻮﻟﻤﺎﻳﺪﯗ. ﻗﺎﻧﭽﻪ ﺑﺎﻟﺪﯗﺭ ﻗﻮﻟﻼﻧﺴﺎﻕ ﺷﯘﻧﭽﻪ ﻳﺎﺧﺸﻰ. ﺑﻮﻟﯘﭘﻤﯘ ﺑﯜﮔﯜﻧﻜﯩﺪﻩﻙ ﺋﯘﭼﯘﺭ ﺩﻩﯞﺭﻯ ﺋﯩﻨﺴﺎﻧﻼﺭﻧﯩﯔ ﺗﻪﭘﻪﻛﻜﯘﺭ ﺑﻮﺷﻠﯘﻗﯩﻨﻰ ﺗﯧﺨﯩﻤﯘ ﭼﻪﻛﺴﯩﺰ ﻛﻪﯕﻠﯩﻜﻠﻪﺭﮔﻪ ﺋﯩﮕﻪ ﻗﯩﻠﻐﺎﻥ ﺑﻮﻟﺴﯩﻤﯘ، ﻧﯧﻤﯩﺸﻘﯩﺪﯗﺭ ﺩﯗﻧﻴﺎ ﺗﯧﺨﯩﻤﯘ ﺗﺎﺭﻟﯩﺸﯩﭗ ﻛﯧﺘﯩﯟﺍﺗﻘﺎﻧﺪﻩﻙ ، ﺋﯚﺯ - ﺋﺎﺭﺍ ﺋﺎﺭﻟﯩﺸﯩﺶ، ﺳﯩﯖﯩﺸﯩﺶ، ﺋﯚﺗﯜﺷﯜﺷﻨﯩﯔ ﻧﺎﮬﺎﻳﯩﺘﻰ ﺗﯧﺰ ﺑﻮﻟﯩﯟﺍﺗﻘﺎﻧﻠﯩﻘﻰ ﺗﯜﭘﻪﻳﻠﻰ ، ﺋﯚﺯﻟﯩﻜﻨﻰ ﺳﺎﻗﻼﺵ ﺑﺎﺭﻏﺎﻧﺴﯧﺮﻯ ﻗﯩﻴﻨﻠﯩﺸﯩﯟﺍﺗﻘﺎﻧﺪﻩﻙ ﺗﯘﻳﯘﻟﯩﯟﺍﺗﯩﺪﯗ. ﻣﺎﻧﺎ ﻣﯘﺷﯘﻧﺪﺍﻕ ﻛﻪﺳﻜﯩﻦ ﯞﻩﺯﯨﻴﻪﺗﺘﻪ ﺗﻪﮔﺌﺎﺗﺘﯩﻦ ﺋﯩﺒﺎﺭﻩﺕ ﺑﯘ ﻣﻪﻧﯩﯟﯨﻲ ﮔﯚﮬﻪﺭﻧﻰ ﺗﯧﺰﺩﯨﻦ ﺋﯚﺯ ﺑﺎﺷﻠﯩﺮﯨﻤﯩﺰﻏﺎ ﺗﺎﻗﯩﺸﯩﻤﯩﺰ، ﺷﯘ ﺋﺎﺭﻗﯩﻠﯩﻖ ﺋﯚﺯ ﻛﯩﻤﻠﯩﻜﯩﻤﯩﺰ، ﺧﺎﺳﻠﯩﻘﯩﻤﯩﺰﻧﻰ ﺟﻪﯞﻻﻥ ﻗﯩﻠﺪﯗﺭﯗﺷﯩﻤﯩﺰ ﺗﻮﻟﯩﻤﯘ ﺯﯙﺭﯛﺭ ﺑﻮﻟﯘﭖ ﺗﯘﺭﻣﺎﻗﺘﺎ.

ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ( 3 )

ﺋﺎﻟﺪﯨﻨﻘﻰ ﺋﯩﻜﻜﻰ ﭘﺎﺭﭼﻪ ﻳﺎﺯﻣﯩﻤﯩﺰﺩﺍ ﺋﯘﻳﻐﯘﺭﻻﺭﺩﺍ ﺗﻪﮔﺌﺎﺕ ﻗﻮﻟﻠﯩﻨﯩﺸﻨﯩﯔ ﺯﯙﺭﯛﺭﻟﯩﻜﻰ ﯞﻩ ﺗﻪﮔﺌﺎﺕ ﻗﻮﻟﻠﯩﻨﯩﺸﻨﯩﯔ ﺋﻪﮬﻤﯩﻴﯩﺘﻰ ﮬﻪﻗﻘﯩﺪﻩ ﻗﯩﺴﯩﻘﯩﭽﻪ ﺗﻮﺧﺘﯩﻠﯩﭗ ﺋﯚﺗﻜﻪﻥ ﺋﯩﺪﯗﻕ. ﺷﯘﻧﺪﯨﻦ ﻛﯧﻴﯩﻦ ﻛﯚﭘﻠﯩﮕﻪ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﺑﯘ ﻣﻪﺳﯩﻠﯩﮕﻪ ﻳﯧﻘﯩﻨﺪﯨﻦ ﺩﯨﻘﻘﻪﺕ ﻗﯩﻠﺪﻯ ﯞﻩ ﺑﯩﺮ ﻗﯩﺴﯩﻢ ﺋﯚﺯﻟﯩﺮﯨﮕﻪ ﺋﺎﻳﺪﯨﯔ ﺑﻮﻟﻤﯩﻐﺎﻥ ﻣﻪﺳﯩﻠﯩﻠﻪﺭﻧﻰ ﺳﻮﺭﺍﺷﺘﻰ. ﻧﯚﯞﻩﺗﺘﯩﻜﻰ ﻳﺎﺯﻣﯩﻤﯩﺰ ﺋﺎﺭﻗﯩﻠﯩﻖ ﻗﯧﺮﻧﺪﺍﺷﻼﺭﻧﯩﯔ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﭖ ﺑﯧﺮﯨﺶ ﺑﯩﻠﻪﻥ ﺑﯩﺮﮔﻪ ﺗﻪﮔﺌﺎﺕ ﻗﻮﻳﯘﺷﺘﺎ ﺩﯨﻘﻘﻪﺕ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺑﻮﻟﻐﺎﻥ ﺑﯩﺮ ﻗﺎﻧﭽﻪ ﻣﯘﮬﯩﻢ ﻣﻪﺳﯩﻠﻪ ﺋﯜﺳﺘﯩﺪﻩ ﮬﻪﺭﻗﺎﺭﻳﺴﯩﻠﻠﯩﺮﻯ ﺑﯩﻠﻪﻥ ﭘﯩﻜﺮﯨﻲ ﺋﻮﺭﺗﺎﻗﻠﯩﻖ ﮬﺎﺳﯩﻞ ﻗﯩﻠﯩﺸﻨﻰ ﺋﯩﺴﺘﻪﻳﻤﯩﺰ.

1. ﺗﻪﮔﺌﺎﺗﻨﯩﯔ ﺷﻪﻛﻠﯩﻲ ﻗﯘﺭﯗﻟﻤﯩﺴﻰ ﻗﺎﻧﺪﺍﻕ ﺑﻮﻟﯘﺷﻰ ﻛﯧﺮﻩﻙ؟

ﺗﻪﮔﺌﺎﺗﻨﯩﯔ ﺋﻮﺭﻧﻰ ﻳﻪﻧﻰ ﺷﻪﻛﻠﻰ ﻣﻪﺳﯩﻠﯩﺴﻰ ﻣﯘﮬﯩﻢ ﻣﻪﺳﯩﻠﻪ ﺑﻮﻟﯘﭖ، ﺧﻪﻟﻘﺌﺎﺭﺍﺩﺍ ﮬﻪﺭﻗﺎﻳﺴﻰ ﻣﯩﻠﻠﻪﺕ ﻛﯩﺸﯩﻠﯩﺮﯨﻨﯩﯔ ﺗﻪﮔﺌﺎﺗﻠﯩﺮﯨﻨﯩﯔ ﻛﺸﯩﻰ ﺋﯩﺴﯩﻢ - ﺗﻪﮔﺌﺎﺗﻠﯩﺮﯨﺪﯨﻜﻰ ﺋﻮﺭﻧﻰ ﺋﻮﺧﺸﯩﻤﺎﻳﺪﯗ. ﺟﯜﻣﻠﯩﺪﯨﻦ ﺋﯘﻳﻐﯘﺭﻻﺭﻣﯘ ﺗﺎﺭﯨﺨﺘﺎ ﺋﻮﺧﺸﯩﻤﯩﻐﺎﻥ ﺋﯩﻜﻜﻰ ﺧﯩﻞ ﺷﻪﻛﯩﻠﻨﻰ ﻗﻮﻟﻼﻧﻐﺎﻥ. ﻳﻪﻧﻰ ﺑﯩﺮ ﺧﯩﻠﯩﺪﺍ ﺗﻪﮔﺌﺎﺕ ﻛﺸﻰ ﺋﯩﺴﯩﻤﻠﯩﺮﯨﻨﯩﯔ ﺋﺎﻟﺪﯨﻐﺎ ﻗﻮﻳﯘﻟﻐﺎﻥ ﺑﻮﻟﺴﺎ، ﻳﻪﻧﻪ ﺑﯩﺮ ﺧﯩﻠﯩﺪﺍ ﻛﯩﺸﻰ ﺋﯩﺴﯩﻤﻠﯩﺮﯨﻨﯩﯔ ﻛﻪﻳﻨﯩﮕﻪ ﻗﻮﻳﯘﻟﻐﺎﻥ. ﺳﯚﺯﻧﻰ ﻗﯩﺴﻘﺎ ﻣﻪﺯﻣﯘﻧﻠﯘﻕ ﻗﯩﻠﯩﺶ ﺋﯜﭼﯜﻥ ﺑﯘ ﮬﻪﻗﺘﻪ ﻛﯚﭖ ﺗﻮﺧﺘﺎﻟﻤﺎﻱ ﮔﻪﭘﻨﯩﯔ ﻧﻪﻕ ﺋﯚﺯﯨﻨﯩﻼ ﻗﯩﻠﺴﺎﻕ، ﮬﺎﺯﯨﺮ ﺋﯩﺴﯩﻤﺸﯘﻧﺎﺳﻠﯩﺮﯨﻤﯩﺰ ﯞﻩ ﺗﻪﺗﻘﯩﻘﺎﺗﭽﯩﻠﯩﺮﯨﻤﯩﺰ ﺗﻪﺭﯨﭙﯩﺪﯨﻦ ﺋﯧﺘﺮﺍﭖ ﻗﯩﻠﯩﺸﻘﺎ ﺋﯧﺮﯨﺸﻜﻪﻥ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﺘﻪ ﻛﻪﯕﺮﺍﻕ ﺋﻮﻣﯘﻣﻼﺷﻘﺎﻥ ﺷﻪﻛﯩﻞ ﺗﯚﯞﻩﻧﺪﯨﻜﻰ ﺷﻪﻛﯩﻞ ﺑﻮﻟﯘﭖ ، ﺑﯩﺰﻣﯘ ﻗﯧﺮﯨﻨﺪﺍﺷﻼﺭﻧﻰ ﺗﻪﮔﺌﺎﺕ ﻗﻮﻟﻼﻧﻐﺎﻧﺪﺍ ﻣﯘﺷﯘ ﺧﯩﻞ ﺷﻪﻛﯩﻠﻨﻰ ﻗﻮﻟﻠﯩﻨﯩﺸﻨﻰ ﺗﻪﯞﺳﯩﻴﻪ ﻗﯩﻠﯩﻤﯩﺰ.


ﺋﯚﺯ ﺋﯩﺴﻤﻰ + ﺋﺎﺗﺎ ﺋﯩﺴﻤﻰ + ﺗﻪﮔﺌﺎﺗﻰ
ﻣﻪﺳﯩﻠﻪﻥ:
ﺋﻪﻟﻘﻪﻡ + ﺋﯩﻠﮭﺎﻡ + ﻳﯜﻛﺴﻪﻝ

ﺗﻪﮔﺌﺎﺕ ﻗﻮﻟﻼﻧﻐﺎﻧﺪﺍ، ﻳﯘﻗﯩﺮﯨﻘﻰ ﺷﻪﻛﯩﻞ ﺑﻮﻳﯩﭽﻪ ﻗﻮﻟﻼﻧﺴﺎﻕ ﺑﻮﻟﯩﺪﯗ. ﺋﺎﺩﻩﺗﺘﻪ، ﺋﯩﺴﯩﻢ - ﺗﻪﮔﺌﺎﺗﻨﯩﯔ ﻗﯩﺴﻘﺎ، ﺋﯩﺨﭽﺎﻡ ﺑﻮﻟﯘﺷﻰ ﺋﯜﭼﯜﻥ ﺋﯚﺯ ﺋﯩﺴﻤﯩﺪﯨﻦ ﻛﯧﻴﯩﻦ ﺗﻪﮔﺌﺎﺗﻨﯩﻼ ﻳﯧﺰﯨﺸﻘﺎ ﯞﻩ ﺷﯘﻧﺪﺍﻕ ﺋﯩﺸﻠﯩﺘﯩﺸﻜﻪ ﺑﻮﻟﯩﺪﯗ.

ﻣﻪﺳﯩﻠﻪﻥ:
ﺋﻪﻟﻘﻪﻡ ﻳﯜﻛﺴﻪﻝ.
ﺋﺎﺩﻩﺗﺘﻪ ﭼﺎﻗﯩﺮﯨﺸﺘﺎ ﺑﯩﯟﺍﺳﯩﺘﻪ ﻛﯩﺸﻰ ﺋﯩﺴﻤﯩﻨﻰ ﻳﺎﻛﻰ ﻳﺎﻟﻐﯘﺯ ﺗﻪﮔﺌﺎﺗﯩﻨﻰ ﭼﺎﻗﯩﺮﯨﺸﻘﯩﻤﯘ ﺑﻮﻟﯩﺪﯗ.

ﻣﻪﺳﯩﻠﻪﻥ:
ﺋﻪﻟﻘﻪﻡ .....
ﻳﯜﻛﺴﻪﻝ ﺋﻪﭘﻪﻧﺪﻯ ....

ﺭﻩﺳﻤﯩﻲ ﮬﯚﺟﺠﻪﺕ، ﮬﯚﻛﯜﻣﻪﺕ ﺋﯩﺸﻠﯩﺮﯨﻨﻰ ﺑﯧﺠﯩﺮﮔﻪﻧﺪﻩ ﭼﻮﻗﯘﻡ ﺗﻮﻟﯘﻕ ﺑﻮﻟﻐﺎﻥ ﺋﯩﺴﯩﻢ - ﺗﻪﮔﺌﺎﺗﻨﻰ ﻳﯧﺰﯨﺶ ﭼﻪ ﺋﯩﺸﻠﯩﺘﯩﺶ ﻛﯧﺮﻩﻙ. ﻳﻪﻧﻰ ﺋﯚﺯ ﻛﯩﻤﻠﯩﻜﯩﺘﯩﻜﻰ ﺋﯩﺴﯩﻢ ﺗﻪﮔﺌﺎﺗﻰ ﺑﯩﻠﻪﻥ ﺋﻮﺧﺸﺎﺵ ﺑﻮﻟﯘﺷﻰ ﻛﯧﺮﻩﻙ. ﺗﻪﮔﺌﺎﺕ ﻛﯩﻤﻠﯩﻜﻜﻪ ﻛﯩﺮﮔﯜﺯﯛﻟﻤﯩﮕﻪﻥ ﺑﻮﻟﺴﺎ، ﺑﯩﺮ ﺋﺎﻣﺎﻟﻼﺭﻧﻰ ﻗﯩﻠﯩﭗ ﺋﯚﺯ ﺗﻪﮔﺌﺎﺗﻨﻰ ﻛﯩﻤﻠﯩﻜﻜﻪ ﻛﯩﺮﮔﯜﺯﯛﭖ ﺋﯘﻧﻰ ﻗﺎﻧﯘﻧﯩﻲ ﻛﯜﭼﻜﻪ ﺋﯩﮕﻪ ﻗﯩﻠﯩﺶ ﻛﯧﺮﻩﻙ. ﺋﺎﻣﺎﻝ ﺑﻮﻟﻤﯩﻐﺎﻧﺪﺍ، ﺗﻪﮔﺌﺎﺗﻨﻰ ﺋﺎﺋﯩﻠﯩﯟﯨﻲ ﺳﻮﺭﯗﻧﻼﺭﺩﺍ ﯞﻩ ﺑﯩﺮﻩﺳﻤﯩﻲ ﺋﯩﺸﻼﺭﺩﺍ ﻗﻮﻟﻠﯩﻨﯩﭗ ، ﺗﻪﮔﺌﺎﺗﻨﯩﯔ ﮬﯚﻛﯜﻣﻪﺕ ﺗﻪﺭﻩﭘﺘﯩﻦ ﻗﺎﻧﯘﻧﻼﺷﺘﯘﺭﯗﻟﯘﺷﯩﻨﻰ ﻛﯜﺗﯜﺵ ﻛﯧﺮﻩﻙ.

2. ﺧﺎﻧﯩﻢ - ﻗﯩﺰﻻﺭﻧﯩﯔ ﺗﻪﮔﺌﺎﺕ ﻗﻮﻟﻠﯩﻨﯩﺶ ﻣﻪﺳﯩﻠﯩﺴﻰ
ﺋﯘﻳﻐﯘﺭ ﺧﺎﻧﯩﻢ - ﻗﯩﺰﻟﯩﺮﯨﻨﯩﯔ ﺗﻪﮔﺌﺎﺕ ﻗﻮﻟﻠﯩﻨﯩﺶ ﻣﻪﺳﯩﻠﯩﺴﻰ ﻧﯚﯞﻩﺗﺘﻪ ﻳﻪﻧﯩﻼ ﺗﺎﻻﺵ ﺗﺎﺭﺗﯩﺶ ﺋﯜﺳﺘﯩﺪﯨﻜﻰ ﻣﻪﺳﯩﻠﻪ ﺑﻮﻟﯘﭖ، ﺑﯩﺰﻧﯩﯔ ﺑﯘ ﮬﻪﻗﺘﻪ ﺗﯧﺨﯩﻤﯘ ﭼﻮﯕﻘﯘﺭﻻﭖ ﺋﯩﺰﺩﯨﻨﯩﺸﻤﯩﺰﻧﻰ ﻛﯜﺗﯜﭖ ﺗﯘﺭﯗﭘﺘﯘ. ﺷﯘﯕﺎ، ﺗﻮﺭﺩﺍﺷﻼﺭﻧﯩﯔ ﺧﺎﻧﯩﻢ - ﻗﯩﺰﻻﺭﻧﯩﯔ ﺗﻪﮔﺌﺎﺕ ﻗﻮﻟﻠﯩﻨﯩﺶ ﺷﻪﻛﻠﯩﻨﻰ ﭘﻪﻗﻪﺕ ﺑﯩﻠﯩﭗ ﻗﯧﻠﯩﺶ ﺑﯩﻠﻪﻥ ﻛﯘﭘﺎﻳﯩﻠﯩﻨﯩﺸﯩﻨﻰ ، ﺋﻮﻣﯘﻣﻼﺷﺘﯘﺭﯗﺷﻘﺎ ﻛﯜﭼﯩﻤﻪﺳﻠﯩﻜﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ !
ﺑﯘﻧﯩﯖﺪﺍ ، ﺋﻮﻣﯘﻣﻪﻥ ﻣﯘﻧﺪﺍﻕ ﺋﯩﻜﻜﻰ ﺧﯩﻞ ﻛﯚﺯ ﻗﺎﺭﺍﺵ ﻣﻪﯞﺟﯘﺩ ﺑﻮﻟﯘﭖ، ﺑﯩﺮﻯ ﻏﻪﺭﺏ ﯞﻩ ﺧﻪﻧﺰﯗ ﺧﻪﻟﻘﻠﯩﺮﯨﺪﯨﻦ ﺋﯚﺭﻧﻪﻙ ﺋﯧﻠﯩﻨﻐﺎﻥ ﺑﻮﻳﯩﭽﻪ ﺗﻮﻱ ﻗﯩﻠﯩﺸﺘﯩﻦ ﺋﯩﻠﮕﯩﺮﻯ ﺋﺎﺗﯩﺴﯩﻨﯩﯔ ﺗﻪﮔﺌﺎﺗﯩﻨﻰ ، ﺋﻪﺭﻟﯩﻚ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯧﺮﯨﻨﯩﯔ ﺗﻪﮔﺌﺎﺗﯩﻨﻰ ﺋﯩﺸﻠﯩﺘﯩﺶ . ﻳﻪﻧﻪ ﺑﯩﺮﻯ ﻣﯘﺳﯘﻟﻤﺎﻥ ﺋﻪﻟﻠﻪﺭﺩﯨﻦ ﺋﯚﺭﻧﻪﻙ ﺋﯧﻠﯩﻨﻐﺎﻥ ﺑﻮﻳﯩﭽﻪ ﺗﺎ ﺗﯘﻏﯘﻟﻐﺎﻧﺪﯨﻦ ﺗﺎﺭﺗﯩﭗ ﺗﺎﻛﻰ ﺋﯚﻟﮕﯩﯩﭽﻪ ﺋﺎﺗﯩﺴﯩﻨﯩﯔ ﺗﻪﮔﺌﺎﺗﯩﻨﻰ ﺋﯩﺸﻠﯩﺘﯩﺸﺘﯩﻦ ﺋﯩﺒﺎﺭﻩﺕ . ﺑﯘ ﮬﻪﻗﺘﯩﻜﻰ ﺗﻪﺗﻘﯩﻘﺎﺗﻼﺭ ﺗﯧﺨﻰ ﭼﻮﯕﻘﯘﺭﻻﺷﻤﯩﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺑﯘ ﻳﻪﺭﺩﻩ ﺋﺎﻟﺪﯨﻨﻘﻰ ﺷﻪﻛﻠﯩﻨﻰ ﺗﻮﻧﯘﺷﺘﯘﺭﻣﯩﺰ !
ﺧﺎﻧﯩﻢ - ﻗﯩﺰﻻﺭﻣﯘ ﺗﻪﮔﺌﺎﺕ ﻗﻮﻟﻠﯩﻨﯩﺸﻰ ﻛﯧﺮﻩﻙ. ﻟﯧﻜﯩﻦ ﺋﯘﻻﺭﻧﯩﯔ ﻗﻮﻟﻠﯩﻨﯩﺶ ﺷﻪﻛﻠﻰ ﺋﻪﺭﻟﻪﺭﻧﯩﯖﻜﯩﮕﻪ ﻗﺎﺭﯨﻐﺎﻧﺪﺍ ﺳﻪﻝ ﭘﻪﺭﻗﻠﯩﻖ ﺑﻮﻟﯘﭖ، ﺗﯚﯞﻩﻧﺪﯨﻜﯩﭽﻪ ﮬﻪﻝ ﻗﯩﻠﯩﺸﻘﺎ ﺑﻮﻟﯩﺪﯗ.
ﻗﯩﺰﻻﺭ ﺗﻮﻱ ﻗﯩﻠﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺋﯚﺯ ﺋﺎﺗﯩﺴﯩﻨﯩﯔ ﺗﻪﮔﺌﺎﺗﯩﻨﻰ ﻗﻮﻟﻼﻧﺴﺎ ﺑﻮﻟﯩﺪﯗ. ﻳﻪﻧﻰ


ﺋﯚﺯ ﺋﯩﺴﻤﻰ + ﺋﺎﺗﺎ ﺋﯩﺴﻤﻰ + ﺋﺎﺗﯩﺴﯩﻨﯩﯔ ﺗﻪﮔﺌﺎﺗﻰ
ﻣﻪﺳﯩﻠﻪﻥ:
ﺭﻭﺯﯨﮕﯜﻝ + ﺋﺎﺑﺪﯗﻟﮭﯧﻜﯩﻢ + ﺭﯗﺳﻼﻥ


ﻗﯩﺰﻻﺭ ﺗﻮﻱ ﻗﯩﻠﯩﭗ ﺋﻪﺭﻟﯩﻚ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺋﯚﺯ ﺋﯧﺮﯨﻨﯩﯔ ﺗﻪﮔﺌﺎﺗﯩﻨﯩﻤﯘ ﻗﻮﻟﻠﯩﻨﯩﺸﻰ ﻛﯧﺮﻩﻙ. ﻳﺎﻟﻐﯘﺯ ﺋﯚﺭ ﺋﯧﺮﯨﻨﯩﯔ ﺗﻪﮔﺌﺎﺗﯩﻨﯩﻼ ﻗﻮﻟﻠﻼﻧﺴﯩﻤﯘ ﻳﺎﻛﻰ ﺋﯚﺯ ﺋﺎﺗﯩﺴﻰ ﯞﻩ ﺋﯚﺯ ﺋﯧﺮﯨﻨﯩﯔ ﺗﻪﮔﺌﺎﺗﻨﻰ ﻗﻮﺷﯘﭖ ﻗﻮﻟﻼﻧﺴﯩﻤﯘ ﺑﻮﻟﯩﺪﯗ. ﻳﻪﻧﻰ

ﺋﯚﺯ ﺋﯩﺴﯩﻤﻰ + ﺋﺎﺗﺎ ﺋﯩﺴﻤﻰ + ﺋﯧﺮﯨﻨﯩﯔ ﺗﻪﮔﺌﺎﺗﻰ
ﻣﻪﺳﯩﻠﻪﻥ:
ﺭﻭﺯﯨﮕﯜﻝ + ﺋﺎﺑﺪﯗﻟﮭﯧﻜﯩﻢ + ﻳﯜﻛﺴﻪﻝ

ﻳﺎﻛﻰ

ﺋﯚﺯ ﺋﯩﺴﻤﻰ + ﺋﯧﺮﯨﻨﯩﯔ ﺗﻪﮔﺌﺎﺗﻰ + ﺋﺎﺗﯩﺴﯩﻨﯩﯔ ﺗﻪﮔﺌﺎﺗﻰ
ﻣﻪﺳﯩﻠﻪﻥ:
ﺭﻭﺯﯨﮕﯜﻝ + ﻳﯜﻛﺴﻪﻝ + ﺭﯗﺳﻼﻥ


ﺋﺎﺩﻩﺗﺘﻪ، ﺋﯩﺴﯩﻢ - ﺗﻪﮔﺌﺎﺗﻨﯩﯔ ﺋﺎﺩﺩﯨﻲ ﺋﯩﺨﭽﺎﻡ ﺑﻮﻟﯘﺷﻰ ﺋﯜﭼﯜﻥ، ﺧﺎﻧﯩﻢ ﻗﯩﺰﻻﺭﻣﯘ ﻳﯘﻗﯩﺮﯨﺪﺍ ﺋﻪﺭﻟﻪﺭﮔﻪ ﻗﻮﻟﻠﯩﻨﯩﻠﻐﺎﻥ ﺷﻪﻛﯩﻠﺪﯨﻦ ﭘﺎﻳﺪﯨﻠﯩﻨﯩﺸﻘﺎ ﺑﻮﻟﯩﺪﯗ.
ﻳﻪﻧﻰ

ﺋﯚﺯ ﺋﯩﺴﯩﻤﻰ + ﺋﺎﺗﯩﺴﯩﻨﯩﯔ ﺗﻪﮔﺌﺎﺗﻰ

ﻳﺎﻛﻰ

ﺋﯚﺯ ﺋﯩﺴﻤﻰ + ﺋﯧﺮﯨﻨﯩﯔ ﺗﻪﮔﺌﺎﺗﻰ

ﻣﻪﺳﯩﻠﻪﻥ:

ﺭﻭﺯﯨﮕﯜﻝ + ﺭﯗﺳﻼﻥ

ﻳﺎﻛﻰ

ﺭﻭﺯﯨﮕﯜﻝ + ﻳﯜﻛﺴﻪﻝ


ﺋﺎﺩﻩﺗﺘﻪ ، ﺋﺎﺩﻩﺗﺘﻪ ﭼﺎﻗﯩﺮﯨﺸﺘﺎ ﺑﯩﯟﺍﺳﯩﺘﻪ ﻛﯩﺸﻰ ﺋﯩﺴﻤﯩﻨﻰ ﻳﺎﻛﻰ ﻳﺎﻟﻐﯘﺯ ﺗﻪﮔﺌﺎﺗﯩﻨﻰ ﭼﺎﻗﯩﺮﯨﺸﻘﯩﻤﯘ ﺑﻮﻟﯩﺪﯗ. ﺗﻮﻱ ﻗﯩﻠﯩﺸﺘﯩﻦ ﺑﯘﺭﯗﻥ ﺋﺎﺗﯩﺴﻨﯩﯔ ﺗﻪﮔﺌﺎﺗﻰ ﺑﻮﻳﯩﭽﻪ ، ﺗﻮﻱ ﻗﯩﻠﻐﺎﻧﺪﯨﻦ ﻛﯧﻴﯩﻦ ﺋﯧﺮﯨﻨﯩﯔ ﺗﻪﮔﺌﺎﺗﻰ ﺑﻮﻳﯩﭽﻪ ﺑﻮﻟﯩﺪﯗ.
ﻣﻪﺳﯩﻠﻪﻥ:

ﺭﯗﺳﻼﻥ ﺧﯧﻨﯩﻢ، ﺭﯗﺳﻼﻥ ﻗﯩﺰ ....

ﺗﻮﻱ ﻗﯩﻠﻐﺎﻧﺪﯨﻦ ﻛﯧﻴﯩﻦ

ﻳﯜﻛﺴﻪﻝ ﺧﯧﻨﯩﻢ، ﻳﯜﻛﺴﻪﻝ ﺧﺎﻧﯩﻢ ....


ﺋﯘﻳﻐﯘﺭ ﻛﯩﺸﻰ ﺋﯩﺴﻤﻠﯩﺮﯨﻨﯩﯔ ﺟﯩﻨﺲ ﺗﯜﺳﻰ ﻛﯜﭼﻠﯜﻙ، ﺋﯩﺴﻤﯩﻐﺎ ﻗﺎﺭﺍﭘﻼ ﻛﯩﺸﯩﻨﯩﯔ ﺋﻪﺭ ﻳﺎﻛﻰ ﺋﺎﻳﺎﻟﻠﯩﻘﯩﻨﻰ ﺋﯧﻨﯩﻖ ﺋﺎﻳﺮﯨﻐﯩﻠﻰ ﺑﻮﻟﺴﯩﻤﯘ، ﻟﯧﻜﯩﻦ ﺗﻪﮔﺌﺎﺗﻼﺭﻧﯩﯔ ﻛﯚﭘﯜﻧﭽﯩﺴﯩﺪﻩ ﺟﯩﻨﯩﺲ ﺗﯜﺳﻰ ﻛﯜﭼﻠﯜﻙ ﺑﻮﻟﻤﺎﻳﺪﯗ. ﺷﯘﯕﺎ ﭼﺎﻗﯩﺮﻏﺎﻧﺪﺍ، ﺋﻪﭘﻪﻧﺪﯨﻢ ، ﺧﺎﻧﯩﻢ ﺩﯦﮕﻪﻧﺪﻩﻙ ﺟﻨﺴﯩﻲ ﺗﯜﺱ ﻗﻮﺷﯩﺪﯨﻐﺎﻥ ﺳﯚﺯﻟﻪﺭﻧﻰ ﻗﻮﺷﯘﭖ ﭼﺎﻗﯩﺮﯨﺶ ﻛﯧﺮﻩﻙ.

3. ﻗﺎﻧﺪﺍﺷﻠﯩﻘﻰ ﺑﻮﻟﻤﯩﻐﺎﻥ ﻛﯩﺸﯩﻠﻪﺭﻧﯩﯔ ﺋﻮﺧﺸﺎﺵ ﺗﻪﮔﺌﺎﺕ ﻗﻮﻟﻠﯩﻨﭗ ﻗﯧﻠﯩﺶ ﻣﻪﺳﯩﻠﯩﺴﻰ

ﺗﻪﮔﺌﺎﺕ ﻗﻮﻟﻠﯩﻨﯩﺶ ﻛﯜﭼﯜﭖ ﺗﻪﺷﻪﺑﺒﯘﺱ ﻗﯩﻠﯩﻨﯩﯟﺍﺗﻘﺎﻥ ﻣﯘﺷﯘ ﯞﺍﻗﯩﺘﺘﺎ ﻛﺸﯩﻠﻪﺭ ﺋﺎﻣﺎﻟﻨﯩﯔ ﺑﺎﺭﯨﭽﻪ ﺋﻮﺧﺸﯩﻤﻐﺎﻥ ﻧﺎﻣﻼﺭﻧﻰ ﺗﻪﮔﺌﺎﺕ ﻗﯩﻠﯩﭗ ﻗﻮﻟﻼﻧﻐﯩﻨﻰ ﺗﯜﺯﯛﻙ. ﻗﺎﻧﺪﺍﺷﻠﯩﻘﻰ ﻳﻮﻕ ﻛﯩﺸﯩﻠﻪﺭﻧﯩﯔ ﺋﻮﺧﺸﺎﺵ ﺑﯩﺮ ﺗﻪﮔﺌﺎﺗﻨﻰ ﻗﻮﻟﻠﯩﻨﯩﺸﻰ ﻛﯧﯩﻴﻨﻜﻰ ﺩﻩﯞﺭﻟﻪﺭﺩﻩ ﺋﯘﻻﺭﻧﯩﯔ ﺋﻪﯞﻻﺩﻟﯩﺮﯨﻨﯩﯔ ﻛﯚﭘﯩﻴﯩﺸﻰ ﻧﻪﺗﯩﺠﯩﺴﯩﺪﻩ ، ﺗﯧﺨﯩﻤﯘ ﻛﯚﭖ ﻛﯩﺸﯩﻨﯩﯔ ﺋﻮﺧﺸﺎﺵ ﺗﻪﮔﺌﺎﺗﻠﯩﻖ ﺑﻮﻟﯘﭖ ﻗﯧﻠﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ. ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ ﮬﺎﺯﯨﺮﻣﯘ ﺑﻪﺯﻯ ﺋﺎﻳﺮﯨﻢ ﻛﯩﺸﯩﻠﻪﺭﺩﻩ ﺋﻮﺧﺸﺎﺵ ﺑﻮﻟﻐﺎﻥ ﺗﻪﮔﺌﺎﺗﻨﻰ ﻗﻮﻟﻠﯩﻨﯩﺶ ﻣﻪﺳﯩﻠﯩﺴﻰ ﻣﻪﯞﺟﯘﺩ
ﻣﻪﺳﯩﻠﻪﻥ:

ﺋﺎﺩﯨﻞ ﻣﯘﮬﻪﻣﻤﻪﺩ ﺗﯘﺭﺍﻥ
ﻗﯘﺭﺑﺎﻥ ﻧﯩﻴﺎﺯ ﺗﯘﺭﺍﻥ

ﺋﻪﺭﻛﯩﻦ ﺩﺍﯞﯗﺕ ﺋﻮﻏﯘﺯ
ﺗﯘﺭﺳﯘﻧﻨﯩﻴﺎﺯ ﺗﻮﺧﺘﻰ ﺋﻮﻏﯘﺯ

ﻏﺎﻟﯩﺐ ﻣﯘﮬﻪﻣﻤﻪﺩ ﻗﺎﺭﻟﯘﻕ
ﺋﺎﺑﺪﯗﺭﻩﺷﯩﺖ ﺟﻪﻟﯩﻞ ﻗﺎﺭﻟﯘﻕ


ﻳﯘﻗﯩﺮﯨﻘﯩﺪﻩﻙ ﮬﺎﺩﯨﺴﯩﻠﻪﺭﮔﻪ ﺋﺎﻣﺎﻝ ﺑﺎﺭ ﺧﺎﺗﯩﻤﻪ ﺑﯧﺮﯨﺶ ﯞﻩ ﺳﺎﻗﻠﯩﻨﯩﺶ ﻛﯧﺮﻩﻙ. ﻳﯘﻗﯩﺮﯨﻘﯩﺪﻩﻙ ﻣﻪﺳﯩﻠﯩﻠﻪﺭﮔﻪ ﻳﯘﻟﯘﻗﻘﺎﻧﺪﺍ ﻣﯘﯞﺍﭘﯩﻖ ﮬﻪﻝ ﻗﯩﻠﯩﺶ ﻛﯧﺮﻩﻙ. ﺋﯩﻜﻜﻰ ﺗﻪﺭﻩﭘﻨﯩﯔ ﺑﯩﺮﻯ ﺗﯘﺭﺍﻧﻰ، ﺋﻮﻏﯘﺯﻯ، ﻗﺎﺭﻟﯘﻗﻰ ﺩﯦﮕﻪﻧﺪﻩﻙ ﻣﻪﻟﯘﻡ ﺋﯚﺯﮔﻪﺭﺗﯩﺸﻠﻪﺭﻧﻰ ﻛﯩﺮﮔﯜﺯﯛﺵ ﻛﯧﺮﻩﻙ. ﺑﺎﺷﻘﯩﻼﺭ ﺋﺎﻟﻠﯩﺒﯘﺭﯗﻥ ﻗﻮﻟﻠﯩﻨﯩﭗ ﺑﻮﻟﻐﺎﻥ ﻣﻪﺳﯩﻠﻪﻥ، ﻳﯜﻛﺴﻪﻝ ، ﺋﯚﺯﮬﺎﻝ ، ﺋﻪﺭﻗﯘﺕ، ﻛﯚﻙ، ﺋﻪﻣﯩﻨﻰ ﺩﯦﮕﻪﻧﺪﻩﻙ ﮬﻪﺭﺧﯩﻞ ﺷﻪﻛﯩﻠﺪﯨﻜﻰ ﺳﯚﺯ ﻳﺎﻛﻰ ﻧﺎﻣﻼﺭﻧﻰ ﺋﺎﻣﺎﻝ ﺑﺎﺭ ﻗﻮﻟﻼﻧﻤﺎﺳﻠﯩﻖ ﻛﯧﺮﻩﻙ.

4. ﺗﻪﮔﺌﺎﺕ ﺗﺎﻟﻼﺷﺘﺎ ﺗﻪﮔﺌﺎﺗﻨﯩﯔ ﺳﺎﭖ ﺋﯘﻳﻐﯘﺭﭼﻪ ﺑﻮﻟﯘﺵ ﻣﻪﺳﯩﻠﯩﺴﻰ

ﮬﻪﻣﯩﻤﯩﺰﮔﻪ ﺋﺎﻳﺎﻧﻜﻰ، ﺗﻪﮔﺌﺎﺕ ﺑﯩﺮ ﺟﻪﻣﻪﺗﻨﯩﯔ ﺷﻪﺟﻪﺭﯨﻠﯩﻚ ﺗﺎﻣﻐﯩﺴﻰ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ ﺑﻪﻟﻜﻰ ﻣﯩﻠﻠﻪﺕ ﺋﯧﺘﯩﻨﯩﻚ ﺗﻪﺭﻛﯩﺒﯩﻨﯩﯔ ﻳﯩﻠﺘﯩﺰ - ﻏﻮﻟﻠﯩﺮﯨﻨﻰ، ﺋﻮﺧﺸﯩﻤﯩﻐﺎﻥ ﺗﺎﺭﯨﺨﯩﻲ ﺩﻩﯞﺭﻟﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﯞﻩ ﺳﯩﻴﺎﺳﯩﻲ ﺋﯘﭼﯘﺭﻟﯩﺮﯨﻨﻰ ﺋﯚﺯﯨﮕﻪ ﻣﯘﺟﻪﺳﺴﻪﻣﻠﯩﮕﻪﻥ ﻣﻪﻧﯩﯟﯨﻲ ﺑﻪﻟﮕﻪ. ﺋﯘﻧﯩﯖﺪﺍ ﺋﻪﺟﺪﺍﺩ ﺑﯩﻠﻪﻥ ﺋﻪﯞﻻﺩﯨﻨﻰ، ﺋﯚﺗﻤﯜﺵ ﺑﯩﻠﻪﻥ ﺑﯜﮔﯜﻧﻨﻰ، ﺑﯜﮔﯜﻥ ﺑﯩﻠﻪﻥ ﺋﻪﺗﯩﻨﻰ ﺑﺎﻏﻼﭖ ﺗﯘﺭﯨﺪﯨﻐﺎﻥ ﻣﻪﻧﯩﯟﯨﻲ ﻗﯘﯞﯞﻩﺕ ﺑﺎﺭ.
ﻳﯘﻗﯩﺮﯨﻘﻰ ﻧﯘﻗﺘﯩﻼﺭﺩﯨﻦ ﭼﯩﻘﯩﺶ ﻗﯩﻠﯩﭗ، ﻛﻪﻣﯩﻨﻪ ﻛﻪﯓ ﺋﯘﻳﻐﯘﺭ ﻗﯧﺮﯨﻨﺪﺍﺷﻼﺭﻏﺎ ﺗﻪﮔﺌﺎﺕ ﺗﺎﻟﻠﯩﻐﺎﻧﺪﺍ ﺋﯩﻤﻜﺎﻧﻘﻪﺩﻩﺭ ﺳﺎﭖ ﺋﯘﻳﻐﯘﺭﭼﻪ ﺑﻮﻟﻐﺎﻥ ﺳﯚﺯ ﯞﻩ ﻧﺎﻣﻼﺭﻧﻰ ﺗﺎﻟﻠﯩﺸﯩﻨﻰ، ﺋﻪﺭﻩﺑﯩﻲ ﯞﻩ ﻓﺎﺭﯨﺴﯩﻲ ﻳﺎﻛﻰ ﺑﺎﺷﻘﺎ ﭼﻪﺗﺌﻪﻟﭽﻪ ﺳﯚﺯ - ﺋﺎﺗﺎﻟﻐﯘﻻﺭﺩﯨﻦ ﻧﯧﺮﻯ ﺗﯘﺭﯗﺷﯩﻨﻰ ﺗﻪﻛﻠﯩﭗ ﺋﯧﺘﯩﻤﻪﻥ. ﭼﯜﻧﻜﻰ ﺗﻪﮔﺌﺎﺕ ﺋﯚﺯﯨﺰﯨﻤﯩﺰﻧﯩﯔ ﺩﯨﻨﯩﻲ ﺋﯩﺸﺘﯩﻴﺎﻗﯩﻤﯩﺰ، ﺋﺎﺭﺯﯗﺭ - ﮬﻪﯞﻩﺳﻠﯩﺮﯨﻤﯩﺰﺩﯨﻦ ﺩﯦﺮﻩﻙ ﺑﯧﺮﯨﺪﯨﻐﺎﻥ ﺑﻪﻟﮕﻪ ﺑﻮﻟﻤﺎﺳﺘﯩﻦ ﺑﻪﻟﻜﻰ ﺑﯩﺰﻧﯩﯔ ﻣﯩﻠﻠﯩﻲ ﺗﻪﯞﻩﻟﯩﻜﯩﻤﯩﺰ ، ﻣﯩﻠﻠﯩﻲ ﻛﯩﻤﻠﯩﻜﯩﻤﯩﺰﺩﯨﻦ ﯞﻩ ﺟﻪﻣﻪﺗﯩﻲ ﻣﻪﻧﺴﯘﺑﻠﯘﻗﯩﻤﯩﺰﻧﻰ ﺑﯧﻜﯩﺘﯩﺪﯨﻐﺎﻥ ﻣﻪﻧﯩﯟﯨﻲ ﺗﺎﻣﻐﯩﺪﯗﺭ. ﺋﯘ ﺗﺎﻣﯩﻐﯩﻐﺎ ﻗﺎﻳﺴﻰ ﺧﯩﻞ ﺳﯚﺯﻧﻰ ﺋﯘﻳﯘﺷﻨﻰ ﻳﺎﺧﺸﻰ ﺋﻮﻳﻼﺵ ﻛﯧﺮﻩﻙ.

5. ﺗﻪﮔﺌﺎﺕ ﻗﻮﻳﯘﺷﺘﺎ ﺳﯩﺰ ﭘﺎﻳﺪﯨﻠﯩﻨﯩﺸﻘﺎ ﺑﻮﻟﯩﺪﯨﻐﺎﻥ ﻣﻪﻧﺒﻪﻟﻪﺭ

ﻗﻪﺩﯨﻤﻘﻰ ﺋﯘﻳﻐﯘﺭ ﺳﯚﺯﻟﯜﻛﻠﯩﺮﻯ ﺋﯘﻳﻐﯘﺭ ﺗﻪﮔﺌﺎﺗﻠﯩﺮﻧﯩﯔ ﻳﺎﺩﺭﻭﺳﻰ .

<< ﻗﯘﺗﺎﺩﻏﯘﺑﯩﻠﯩﻚ >> ﯞﻩ << ﺩﯨﯟﺍﻧﯘﻟﻮﻏﻪﺗﯩﺖ ﺗﯜﺭﻙ >> ﺋﯘﻳﻐﯘﺭ ﺗﻪﮔﺌﺎﺗﻠﯩﺮﯨﻨﯩﯔ ﺑﯩﺒﺎﮬﺎ ﺋﯩﺰﺍﮬﻠﯩﻖ ﻗﺎﻣﯘﺳﻰ.

ﺋﯘﻳﻐﯘﺭ ﻛﻼﺳﺴﯩﻚ ﺋﻪﺩﻩﺑﯩﻴﺎﺗﻰ ﺋﯘﻳﻐﯘﺭ ﺗﻪﮔﺌﺎﺗﻠﯩﺮﯨﻨﯩﯔ ﻗﯘﺭﯨﻤﺎﺱ ﺑﯘﻟﯩﻘﻰ.

ﺗﺎﺭﯨﺨﻲ ﺋﯘﭼﯘﺭﻻﺭ ﯞﻩ ﺩﯨﻴﺎﺭﯨﻤﯩﺰﻧﯩﯔ ﺟﯘﻏﺮﺍﭘﯩﻴﯩﺴﻰ ﺗﻪﮔﺌﺎﺗﻼﺭﻧﯩﯔ ﻗﺎﻥ - ﺗﻮﻣﯘﺭﻯ

ﮬﯚﻧﻪﺭ - ﺳﻪﻧﺌﻪﺕ، ﺳﺎﻧﺎﺋﻪﺕ ، ﺗﺎﺭﯨﺨﺘﯩﻜﻰ ﻛﺎﺗﺘﺎ ﺋﯩﺨﺘﺮﺍﻟﯩﺮﯨﻤﯩﺰ ﮬﻪﻗﻘﯩﺪﯨﻜﻰ ﻛﻪﺳﭙﯩﻲ ﺳﯚﺯ - ﺋﺎﺗﺎﻟﻐﯘﻻﺭ ﺗﻪﮔﺌﺎﺗﻠﯩﺮﯨﻤﯩﺰﻧﯩﯔ ﮬﺎﻳﺎﺗﻰ ﻛﯜﭼﻰ.

ﻳﻪﺭﻟﯩﻚ ﻟﻪﻗﻪﻣﻠﻪﺭ ﺋﯘﻳﻐﯘﺭ ﺗﻪﮔﺌﺎﺗﻠﯩﺮﯨﻨﯩﯔ ﺯﯙﺭﯛﺭ ﺗﻮﻟﯘﻗﻠﯘﻏﯘﭼﯩﺴﻰ

ﺷﯘﻧﺪﺍﻕ ﻗﯩﻠﯩﭗ ﺗﻪﮔﺌﺎﺕ ﮬﻪﻗﻘﯩﺪﯨﻜﻰ ﺑﺎﻳﺎﻧﯩﻤﯩﺰﻧﻰ ﻣﯘﺷﯘ ﺟﺎﻳﺪﺍ ﺧﯘﻻﺳﻪ ﻗﯩﻠﯩﺸﻨﻰ ﻣﯘﯞﺍﭘﯩﻖ ﻛﯚﺭﺩﯗﻕ. ﻳﻪﻧﻪ ﺩﺍﯞﺍﻣﻠﯩﻖ ﺑﯘ ﮬﻪﻗﺘﻪ ﺋﯩﺰﺩﯨﻨﯩﺶ، ﻛﯚﭘﭽﯩﻠﯩﻚ ﺑﯩﻠﻪﻥ ﺋﻮﺭﺗﺎﻗﻠﯩﺸﯩﺶ ﺑﯩﺰﻧﯩﯔ ﻧﯩﻴﻪﺕ - ﺋﯩﻘﺒﺎﻟﯩﻤﯩﺰﺩﯗﺭ.
ﺋﻮﻣﯘﻣﻪﻥ، ﺋﯘﻳﻐﯘﺭﻻﺭ ﺳﯩﺴﺘﯧﻤﯩﻼﺷﻘﺎﻥ، ﺗﯘﺭﺍﻗﻠﯩﻖ ﺗﻪﮔﺌﺎﺕ ﻗﻮﻟﻠﯩﻨﯩﺸﻰ ﻛﯧﺮﻩﻙ. ﻗﻮﻟﻼﻧﻐﺎﻧﺪﺍ ﻗﺎﻳﺘﺎ - ﻗﺎﻳﺘﺎ ﺋﻮﻳﻠﯩﻨﯩﭗ، ﺋﯩﻼﺟﻨﯩﯔ ﺑﯧﺮﯨﭽﻪ ﺋﻪﺟﺪﺍﺩ ﯞﻩ ﺋﻪﻧﺌﻪﻧﯩﮕﻪ ﺑﺎﻏﻼﭖ، ﺋﻪﯓ ﺳﯜﭘﻪﺗﻠﯩﻚ، ﺋﻪﯓ ﭼﯩﺮﺍﻳﻠﯩﻖ، ﻣﻪﻧﯩﻠﯩﻚ، ﭼﺎﻗﯩﺮﯨﺸﻘﺎ ﻗﻮﻻﻱ ﺑﻮﻟﻐﺎﻥ ﺳﯚﺯ ﯞﻩ ﻧﺎﻣﻼﺭﻧﻰ ﺗﻪﮔﺌﺎﺕ ﻗﯩﻠﯩﭗ ﻗﻮﻟﻠﯩﻨﯩﺶ ﻛﯧﺮﻩﻙ.
ﺧﯘﻻﺳﻪ ﻛﺎﻻﻡ !

ﮬﯚﺭﻣﻪﺕ ﺑﯩﻠﻪﻥ ﻳﯜﻛﺴﻪﻝ .

---------------------------------------------------
ئالاھىدە ئەسكەرتمە : ئۇيغۇر ئاياللىرىنىڭ تەگئات قوللىنىش شەكلىنىڭ قانداق بولۇشى ھازىرغا قەدەر تېخى تالاش - تارتىش باسقۇچىدا بولۇپ، ئېنىق بىر بېكتىلگەن يەكۈن يوق. جۈملىدىن يۇقىرىدىكى خانىم - قىزلارنىڭ تەگئات مەسىلىسى ھەققىدىكى شەرھىي - بايانلىرىممۇ بۇندىن بىرقانچە يىل ئىلگىرىكى كۆز قارىشىم بولۇپ، يېقىندىن بېرى بۇ ھەقتە زور ئۆزگىرىش بۇرۇلۇش بولدى. بۇ ھەقتىكى يېڭى كۆز قاراشلىرىمنى خۇدا خالىسا پات يېقىندا تورداشلىرىمىنىڭ ھوزۇرىغا سۇنغايمەن!
ئۇيغۇر كىشى ئىسىم - تەگئاتشۇناسلىقىغا قىزىقىدىغان تورداشلارنىڭ << يۈكسەل بلوگى >> غا كىرىپ بۇ ھەقتىكى ئىزدەنمە يازمىلىرىمنى ئوقۇپ كۆرۈشى ۋە تەنقىدىي پىكىر ياكى تەكلىپ بېرىشىنى سەمىمىي ئۈمىد قىلىمەن!

مىنىڭچىمۇ تەگئات قوللىنىش بىر ياخشى ئىش ئىكەن، ئىسمى بىلەن تەگئاتنى قوشۇپ چاقىرغاندا شۇ كىشىنىڭ قايسى جەمەتتىن ئىكەنلىكىنى ئاڭلاپلا بىلگىلى بولىدىكەن.

بۇ قارىماققا ياخشى ئىشتەك بىلىنگىنى بىلەن تەس ئىشتەكلا تۇرىدۇ ، بىز تەگىئات ئىشلەتمىگىلى ئاللىبۇرۇن 7 ئەسىردەك بوپ قاپتۇ ، قايسى ئۇسۇلدا ئۇمۇملاشتۇرساق تېخىمۇ ياخشى بولىدۇ ، بۇ تېخى بىر مەسىلە ؟ ئەجرىڭلارنىڭ تىگى ئالتۇن بولغاي ئىلاھىم .....................