 |
| ||||||
 |
| بانكىر
دەرىجىسى :شەبنەم ئەزاسى |
| |||||
|---|---|---|---|---|---|---|
| بۇ يازمىنىڭ يېقىنقى باھالىنىش ئەھۋالى :   |
ئۇيغۇرنى دۇنياغا تونۇتىش ھەقىقەتەن مۇھىممۇ؟
| 1212adiba
دەرىجىسى :شەبنەم ئەزاسى | راستىنلا نادىرلاپ قويۇشقا تېگىشلىك 。ئسىل تېمىكەن مەن ساقلىۋالدىم。يازمىلىرىڭىز ئۈزۈلۈپ قالمىسۇن。
| ||||
|---|---|---|---|---|---|
| |
| kenji
دەرىجىسى :يېڭى ئۆگەنگۈچى | سىز <<ئۆزلۈك ۋە كىملىك >>ۋە<<ئۆزىنى ئىزدەش بوسۇغىسىدا>>دىكى قۇرلارنى خاتا يېزىلغان دېمەكچىمۇ ؟
مەسلەن:نوپۇسى ئاران نەچچە مىڭ كىشى كېلىدىغان ئىسكىموسلارنى ھەممە ئادەم بىلىدۇ ،لېكىن نوپۇسى ئون مىليون كىشىلىك ئۇيغۇر مىللىتىنى ئانچە بىلىپ كەتمەيدۇ . سىز بۇنىڭغا نىمە دەيسىز ؟ | ||||
|---|---|---|---|---|---|
 |
| zulmat0999
دەرىجىسى :شەبنەم ئەزاسى | مەن kenji قىرىندىشىمنىڭ پىكىرىگە قوشۇلىمەن . < بانكىر> ئەپەندى سىز چە بولغاندا بىز يىچقانداق ئىش قىلماي باشقىلارنىڭ ئىتىراپ قىلىشىغا ئىرىشىشى ئۈچۈن ھەركەت قىلماي ئۇخلاپلا يۈرسەك بولىدىكەندە .
| |||||
|---|---|---|---|---|---|---|
 |
| xopur_awara
دەرىجىسى :يېڭى ئۆگەنگۈچى | «بانكىر» ئەپەندى: مەن ئويلايمەنكى، مىللىتىمىزنى دونياغا تونۇتۇش ھەرگىزمۇ بىر خاتا ئىش ئەمەس.بىرەر ئارتوقچىلىققا ئەگىشىش، مەسلەن:پۇتبول، ناخشا، دوكتۇر، بوكسىيۇرلۇق.....قاتارلىق ساھەلەردە مىللىتىمىزدىن كۆپلەپ كىشىلەر يىتىشىپ چىقسا، باشقىلار ئۇلارغا ئەگىشىپ تېخىمۇ ئېشىپ كىتىش ئۈچىن تىرىشسە، دۇنيادىكىلار مۇشۇنداق بىر مىللەتنىڭ بارلىغىنى بىلىپ قالسا نىمە زىيىنى بار. مىللىتىمىز ھازىرقىدەك مىڭىۋەرسە ، ئۆز تارىخىمىزنى، ئۆزىمىزنىڭ ئۆرۈپ ئادەتلىرىمىزنى كىيىنكىلەر بىلمەي(ھازىر بىزمۇ تايىنلىق) بىر نەچچە يۈز يىلغا بارمايلا مىللىتىمىزنى دۇنياغا ئەمەس ،كىيىنكى ئەۋلاتلىرىمىزغا تونۇتۇشمۇ تەسكە توختايدۇ. سىز ئەجىبا مۇشۇنداق بولىشىنى خالامسىز؟؟؟؟؟؟؟؟؟؟؟ مەن شەبنەمگە كىرگەندە ئوز_ئوزەمگە ھىچ كىم بىلەن ئارازلاشمايمەن دەپ ۋەدە قىلغان. چۈنكى مىنىڭ بىلىم سەۋىيەم تايىنلىق. مەن بىر ئاددى ئىشچى، شۇڭا گىپىم خاتا بولسا كەچۈرۈڭلا!
| ||||
|---|---|---|---|---|---|
| |
| homa
| ئۇيغۇرنىڭ ئۆزىگە خاس روھىتى ھەربىر ئۇيغۇردا مۇجەسسەملەشكەندىلا ئۇيغۇر ھازىرقى ھالىتىنى ئۆزگەرتەلەيدۇ، ھەمدە ئۇيغۇرنىڭ ئومومىي گەۋدىسىدە ئۆزۈل كىسىل يۈكسىلىش بارلىققا كىلىدۇ. بۇ ۋاقىتتا بىز ئۇيغۇرنى دۇنياغا تونىتىمىز دەپ داۋراڭ سىلىشىمىزنىڭ ، ئۆزىمىزنى ئاۋارە قىلىشىمىزنىڭ ھاجىتى قالمايدۇ، چۈنكى بۇ ۋاقىتتا دۇنيا ئۆزلىكىدىنلا ئۇيغۇرنى تونىغان، ھەمدە ئۇنىڭغا قايىل بولغان بولىدۇ.
_________________ مۇشۇ قۇرلار ھەقىقەتەن بىزنىڭ چۇڭقۇر ئويلىنىپ، تەپەككۇر قىلىشىمىزغا ئەرزىيدۇ. دىمىسىمۇ، ئۇيغۇرنى بىر ياكى بىر قانچە ئادەم دۇنياغا تونىتالمايدۇ. بىز ئارىمىزدىن چىقىۋاتقان دوكتۇر، سەنئەتچى، تەتقىقاتچىلىرىمىزدىن پەخىرلىنىمىز، ئۇلارنى ھۆرمەتلەيمىز، قەدىرلەيمىز. لىكىن پەقەت شۇلارنىڭلا بىزنى دۇنياغا تۇنۇتىشىنى تاما قىلىش بىزنى تىخىمۇ چۈشكۈنلۈككە باشلىشى مۇمكىن. «ناخشا-ئۇسۇل مىللىتى» دەپ قارالغان ئۇيغۇر مىللىتى دۇنياغا قانچىلىك تونۇلدى؟ مەن ھازىر ئارىمىزدىن چىققان سەنئەتچىلەرنىڭ بىرەرسىنى دۇنياغا تونۇلغان چولپان دەپ ئىيتالمايمەن. («سىزگە قانداق قىپ بەرسە بولاتتى؟» دەپ قوپماڭلار) دىمىسىمۇ نۇرغۇن سەنئەتچىلىرىمىز چەتئەللەرگە چىقىپ ئويۇن قويدى، ماھارىتىنى نامايەن قىلدى. لىكىن بۇنىڭلىق بىلەن «ئۇيغۇر» مىللىتىنى دۇنيا تىخى تونۇغىنى يوق. ئىشقىلىپ بىز قايسى بىر يەككە شەخس ئارقىلىق ئەمەس، بىر پۈتۈن مىللەت، پۈتۈن بىر گەۋدە سۈپىتىدە دۇنياغا تونۇلىشىمىز، تونۇلمىغاندىمۇ ھەممىمىز ئۆزىمىز قىلىشقا تىگىشلىك ئىشلارنى قىلىشىمىز، ئالدى بىلەن ئۆزىمىزنى تەربىيلىشىمىز كىرەك. رەھمەت تىما ئىگىسى، بۇ بىر ئويلىنىشقا ئەرزىگۈدەك تىما بوپتۇ.  | ||||
|---|---|---|---|---|---|
| |
| qangkak
دەرىجىسى :يېڭى ئۆگەنگۈچى | تېمىڭىز ھەقىقىتەن نادىرلشقا تىگىشلىك تېمىكەن ، مەزمۇنى چۇڭقۇر ،ھەم چۇشۇنۇشلۇك ،
بىراق ئۇيغۇرنى دۇنياغا تونۇتىش ھەقىقەتەن مۇھىممۇ؟ دەپ تېمىنى قويۇپ سىز دىگەندەك بىراقلا ئۇنداق يەكۇن چىقىرىۋەتسەكمۇ تازا لايىقىدا بولماي قالامدۇ قانداق جەمىيىتىمىزدە نۇرغۇن ئىشلار ۋەزىيەتنىڭ تەقەززاسى بىلەن بولىۋاتىدۇ .مۇشۇ تەقەززالىق مۇشۇ قىستاڭچىلىق ئىچىدە مىللەت ئىچىدە ئىختىيارسىز بىلىپ بىلمەي تېيىپ كىتىۋاتقانلارمۇ يوق ئەمەس بۇمۇ بىر مەزگىللىك، مىللەتنىڭ بىر پۇتۇن گەۋدىسى ئۇچۇن ئېلىپ ئېيتقاندا ئويغۇنىۋاتقان ھەقنى تۇنىۋاتقان مەيلى سىز ئېيتقاندەك مىللەتنى تۇنۇتماقچى بولىۋاتقان ، ۋە ياكى باشقا ساىەلەردە تۇنۇلۇپ تۇنۇتماقچى بولىۋاتقانلار ھازىر خېلى كوپ سالماقنى ئىگەللەيدۇ. بۇ ياخشى يۇزلۇنۇش ئەمەسمۇ .شۇڭا ھەر قايسى ئىدىيىدىكىلەر ئوز ئارا قوللاپ قۇۋۋەتلىشىپ بىر بىرىمىزنى ئېتراپ قىلىشىپ بىر نىيەت بىر مەقسەتتە بولساقلا مىللىتىمىز روناق تاپقۇسى ھەم تۇنۇلخۇسى دەپ ئويلايمەن | |||||
|---|---|---|---|---|---|---|
| |
| MILODIYA
دەرىجىسى :تىرىشچان ئەزا | جوڭگۇلۇقلار ماختىنىپ كېلىۋاتقان ئاتالمىش 4 چوڭ كەشپىياتىنى باشقىلار ئىتراپ قىلمىغاندەك ئىش قىلساق بولغىدەكتە............ئىشىكنى مەھكەم تاقاپ مورىنى ئېتىپ تاشلاپ تۈتۈننى خەققە كۆرسەتمەي مەڭگۈ بىكىنمە ھالەتتە ياشىساق نەسلىمىز قۇرىغاندا دۇنياغا تونۇلساق دىمەكچىمۇ يا......
| |||||
|---|---|---|---|---|---|---|
| |
| Ormanlik
| تېما ئىگىسى مەقسىدىنى ئوچۇق يېزىپتۇ، ئويغۇرلارنى دۇنياغا تونۇتۇشتا نورمال، توغرا، ئۈنۈملۈك يول تۇتايلى دىمەكچىكەن. يەنى << مايسىنى تارتىپ ئۆستۈرۈش >> كە ئوخشاش ئىش قىلمايلى، دېمەكچىدەك قىلىدۇ.
ئۆزىمىزنى پايدىلىق تەرەپلەرگە ئۆزگەرتسەك دۇنيا تەبىيلا بىزنى تونۇيدۇ ... سۈپەتسىز مالنى ھارغۇچە ئېلان بىرىپ ماختىغانغا قارىغاندا، سۈپەتلىك مالنى ئېلانسىز سېتىش ئاخىرقى ھېسابتا ئەڭ توغرا ... | |||||
|---|---|---|---|---|---|---|
| |
| alip123
دەرىجىسى :يېڭى ئۆگەنگۈچى |
| ||||
|---|---|---|---|---|---|
| |
| uygurum007
دەرىجىسى :يېڭى ئۆگەنگۈچى | بانكىر ئەپەندىم سىز تىمىڭىزدا ئۇيغۇرلارنى دۇنياغا تونۇتۇشنىڭ گىپىنى قىپسىز .
سىز ئۇيغۇرلارنى قايسى جەھەتتە ، ئىلىم پەندىمۇ مەدەنىيەتتىمۇ سەنئەتتىمۇ ياكى ...باشقا ئىشلاردىمۇ زادى قايسى جەھەتتە تونۇتۇشنىڭ گىپىنى قىلدىڭىز . ئىنىق جاۋاپ قايتۇرۇڭ . سىز رازى بولغىدەك جاۋاپ بىرىشكە تەييارمەن . | |||||
|---|---|---|---|---|---|---|
| |
| tim-tas
دەرىجىسى :يېڭى ئۆگەنگۈچى | ھەقىقەتەن نادىر تېمىكەن
يۇللىغۇچىنىڭ قولىغا دەرت بەرمىسۇن | |||||
|---|---|---|---|---|---|---|
| |
| kenji
دەرىجىسى :يېڭى ئۆگەنگۈچى | چۈنكى ئۇيغۇردا ئويغۇرنىڭ روھىتى مۇجەسسەملەنمەي تۇرۇپ دۇنيا ئۇيغۇرنى تونىغان، ھەتتاكى 10 مىلىيۇن ئويغۇرنىڭ ھەممىسى ھەرقايسى پەنلەردە دوكتۇر بولغان، دۇنيا ئۇيغۇرلارنى دوكتۇرلار مىللىتى دەپ ئىتراپ قىلغان تەقدىردىمۇ ئويغۇرنىڭ ئومومىي گەۋدىسىدە ھىچقانداق ئۆزگۈرۈش بولمايدۇ.
_________________ گېپىڭىزدە زىتلىق بار ،ئەگەر ئون مىليون ئۇيغۇر ھەممىسى دوكتۇر بولۇپ كەتسە ،ئەجبا يەنىلا ئۇيغۇرنىڭ ئومومىي گەۋدىسىدە ھېچقانداق ئۆزگىرىش بولماسما ؟سىز ئىچكىرىدە ئوقۇيدىكەنسىز،ئەجبا سىز ئوقۇشنى پۈتۈرسىڭىز ،ئىختىساسلىق ئادەم بولسىڭىز ،سىزدە يەنىلا ھېچقانداق ئۆزگىرىش بولمامدۇ ؟ | ||||
|---|---|---|---|---|---|
| |
| kenji
دەرىجىسى :يېڭى ئۆگەنگۈچى | | ||||
|---|---|---|---|---|---|
| |
| Otan-Saman
دەرىجىسى :يېڭى ئۆگەنگۈچى | مۇنازىرە قىلىش ياخشى ئادەت. ئۇ ئادەمنىڭ بىرەر مەسىلىگە بولغان چۈشەنچىسىنى چوڭقۇرلىتىدۇ. چوڭقۇر ۋە ئۇنتۇلغۇسىز بىلىمگە ئىگە قىلىدۇ. خاتا خىياللار تۈزىتىلىدۇ. ئىلىمدىن چىقىرىلغان ئەقلىي خۇلاسىلەر سۆزلىندۇ. بۇ ھەقتە مەن مۇنازىرىگە قاتناشقۇچىلارنىڭ شەخسكە ھۇجۇم قىلماسلىقىنى تەۋىسىيە قىلىمەن.
ھۆرمەتلىك بانكىر: تېمىڭىزنى ئەستايىدىل ئوقۇپ چىقتىم. ئالدى بىلەن سىزنىڭ ئۆزىمىز ھەققىدە مۇلاھىزە يۈرگۈزگىنىڭىزگە كۆپتىن-كۆپ رەھمەت ئېيتىمەن. سىزنىڭ يەنىمۇ ئىزدىنىپ يەنىمۇ نادىر تېمىلارنى مۇزاكىرىگە تاشلىشىڭىزنى ئۈمۈد قىلىمەن. دېمەكچى بولغىنىڭىزنى چۈشەندىم. ھەم روھىڭىزدىكى ئويغاقلىققا قايىل بولدۇم. بۇ جەھەتتە پىكىر ئورتاقلىقىمىز باركەن. بۇ ھەقتە ئۆزۈمنىڭ كۆز قاراشلىرىنى ئاز تولا سۆزلەپ ئۆتمەكچىمەن. (تورداشلارنىڭ مۇنازىرە قىلغاندا مۇنازىرىگە مۇناسىۋەتلىك بەزى ئۇقۇملارنى ئېنىق ئايدىڭلاشتۇرىۋېلىشىنى ئۈمۈد قىلىمەن. ئېنىقكى ئۇقۇم چۈشەنچىسى ئېنىق بولمىسا پىكىردە ئېزىپ كېتىش كېلىپ چىقىدۇ.) بىز ئايدىڭلاشتۇرۇشقا تىگىشلىك ئۇقۇملار: (تۆۋەندە ئېنىقلىما بەرگەن ئۇقۇملار ئۆزۈمنىڭ كۆز قارىشى بولۇپ خاتالىق بولسا ئورتاق تۈرەتسەك...) 1.تۇنۇلۇش: بۇنى بىز قىسقا قىلىپ <كىملىك> دېسەك مېنىڭچە خاتالاشمايمىز. بۇدېگىنىمىز باشقىلار مىللەت ئىسمىمىزنى ئاتىغاندا بىرىنچى بولۇپ كاللىسىغا كېلىدىغان ئومۇمىي ئۇقۇمدۇر. 2. مىللىي روھ : بۇنى بىز قىسقارتىپ <ئۆزلۈك> دېسەك خاتالاشماسمىز. بۇ دېگىنىمىز بىز ئۆزىمىزگە مەن كىم؟ مەن قانداق ئادەم؟ دەپ سورئال قويغاندا راسچىللىق بىلەن بېرىلگەن ھەقىقىي جاۋاپدۇر. يۇقۇرىدىكى ماقالە ھېس قىلىشىمچە مۇشۇ ئىككى نوقتا ئارىسىدىكى پەرق ھەققىدە يېزىلىپتۇ. ئەگەر بىزنىڭ ئۆزىمىزگە بەرگەن باھايىمىز ياكى ئۆزىمىزنى تونۇشىمىز ئىجابىي بولسا (بۇ يەردىكى باھا راستچىللىق بىلەن ئييتىلغان ھەقىقىي باھانى كۆرسىتىدۇ.) ھەمدە باشقىلارنىڭ بىزگە بەرگەن باھاسى بىلەن قانچىكى ئوخشاش بولسا بىز ھەقىقىي تونۇلۇش مەقسىدىگە يەتكەن بولىمىز. مىللىي روھنىڭ قانداق بولىشى تونۇلۇشنىڭ قانداق بولىشىنى بەلگىلەيدۇ. <مىللىي روھ> بىلەن <تونۇلۇش> ئوتتۇرىسىدا ئىنتايىن زىچ مۇناسىۋەت بولۇپ بۇنى ھەرگىز ئايرىۋېتىشكە بولمايدۇ. بۇلار ئارىسىدىكى مۇناسىۋەتنى مۇنداق بىرقانچە بۆلەككە بۆلۈش مۇمكىن. 1. مىللىي روھتىن ئايرىلغان تونۇلۇش. بۇ بىر ئېچىنىشلىق مەغلۇبىيەت. مىللىي روھى پۈچەكلەرنىڭ تونۇلۇشى باشقىلارغا نىسبەتەن ئىجابىي تەسىر بەرمەيدۇ، بۇ ئەلۋەتتە بىز ئۈمۈد قىلىدىغان ھال ئەمەس. ئۇنداقلارنى خەلقمۇ قوبۇل قىلمايدۇ. مىسالەن: بىز ئولىمپىك مەشئىلىنى يەتكۈزۈش جەريانىدا تونۇلدۇق. بىر قىز مەشئەلنى قولىغا ئېلىپلا ئۇسۇل ئويناپ كېتىپتۇ. بەرھەق، ئۇ تونۇلدى. ئەمما قانداق تونۇلدى، خەلق ئۇنىڭغا قاندا باھا بەردى. ( ھەممە ئىشنى قىزغا ئارتىشقا بولمايدۇ، بەلكىم ئۇمۇ بەزى بېسىم تۈپەيلىدىن بولغاندۇ. بىز پەقەت چۈشىنىش ئۈچۈن بىر مىسال ئالدۇق.) 2. مىللىي روھقا تويۇنغان تونۇلۇش بۇ بىر خۇشاللىنارلىق غەلبە چوڭقۇر مىللىي روھقا تويۇنغانلارنىڭ تونۇلىشى باشقىلارغا ئۆزىمىزنى ئىجابىي تونۇتۇشتۇر. بۇ ئەلۋەتتە خەلقىنىڭ قىزغىن قوللىشىغا ئېرىشىدۇ. تونۇلغۇچى مىللىي روھقا تويۇنغان بولسا يەنى مىللەتنىڭ تەقدىرى ۋە كەلگۈسى ئۈستىدە ئويلىنىدىغان. مىللەتنى تەرەققىي قىلدۇرۇشنى جەمىئەتتىكى ئالدىنقى قاتاردىكى زىيالىيلار سۈپىتى بىلەن ئۆز ئۈستىگە ئالىدىغان. ۋە تىگىشلىك مەجبۇرىيەتنى ئادا قىلىشنى چىن دىلىدىن خالايدىغان كىشىلەر بولىدۇ. بۇنداق كىشىلەر ھەقىقەتە مىللىيەتنى بېيىتىشتىكى ھەممە قەدىرلەشكە تىگىشلىك گۆھەردۇر. ئۇلار كېچە-كۈندۈز مىللەتنىڭ كەلگۈسى ھەققىدە ئويلىنىدۇ. ئۇلارنى ئويغىتىشنى مەقسەت نىشانى قىلىدۇ. مىسالەن: ئەركىن سىدىق ئاكىمىز. داڭلىق ئالىم بولۇپلا قالماي مىللەت ۋە مىللىيەت ھەققىدە ئويلىنىدىغان كىشى، يەنە شۆھرەت مۇتەللىپوفمۇ ئەنەشۇنداق زەپەر قۇچقاندا يىلتىزىنى، ئانا يۇرتىنى، سۆيىدىغان مىللىي روھى ئۇرغۇپ تۇرغان ئالىملاردۇر. (تىلغا ئېلىنمىغان چەت ئەلدىكى نۇرغۇن ئالىملىرىمىز ئېقتىدارلىق ئوقۇغۇچىلىمىزمۇ بار...)ئۇلار يۈكسەك مۇھەببەت بىلەن مىللىتىگە مېھىر بېرەلەيدۇ. بىر جەمىئەتتە ئەنە ئەشۇنداقلارنىڭ كۆپ بولۇشى شۇ مىلللەتكە تەۋە جەمىئەتنىڭ قانداق بولىشىنى بەلگىلەيدۇ. ئەلۋەتتە ھەر قانداق جەمىئەتتە، كۆچلۈك مىللىي روھقا ئىگە كىشىلەر، مۆتىدىللەر، خائىنلار ۋە ماڭقۇرۇت داشقاللار بولىدۇ. بۇلارنىڭ ئىچىدىكى قايسى تۈرگە تەۋە ئىكەنلىكىڭىزنى سىز ‹مەن ئۆز مىللىتىم ئۈچۈن قانچىلىك ئىش قىلىپ بېرەلىدىم› دېگەن سوئالنى سورىغاندا ئايرىيالايسىز. ھەم قايسى تۈرگە تەۋە بولۇشنى ئۆز ئىختىيارلىقىڭىز بىلەن تاللىيالايسىز. مىللەت ئۈچۈن ئىش قىلىش يوغان-يوغان ئىش قىلىشنىلا كۆرسەتمەيدۇ. مەسىلەن: ئۆز ئانا تىلىڭىزغا مۇھەببەت بېرىش ئامال بار خەنزۇچە سۆزلەرنى ئىشلەتمەسلىكمۇ بىر مىللەت سۆيەرلىككە كىرىدۇ. دۇكانلاردىكى ئۇيغۇر كارخانىلىرىنىڭ ماللىرىنى سېتىۋېلىپ ئۇلارنى قوللاشمۇ مىللىي روھقا كىرىدۇ. قىزلارنى بۇزىۋاتقان، ئىپپىتىنى ئېلىشنى شەرەپ دەپ ھېس قىلىپ سۆزلەيدىغان كىىشلەرگە ئىككى ئېغىز ھەق نەسىھەت قىلىشمۇ مىللىي روھقا كىرىدۇ. ئۆگىنىشنى ئەستايىدىل قىلىپ ئۆزىڭىزنى بىلىملىك، تاكامۇل قىلىشقا تىرىشىشمۇ مىللىي روھقا كىرىدۇ. ئىشقىلىپ نۇرغۇن نۇرغۇن سىز قىلالايدىغان ئىشلار ئىنتايىن كۆپ بۇلارنى قىلىش قىلماسلىق، قانداق قىلىش ھەممىمىزنىڭ مىللىي روھىنىڭ قانچىلىك تاۋلانغانلىقى بىلەنلا مۇناسىۋەتلىك خالاس. ئەگەر ھەممىمىز مىللىي روھىمىزنى تاۋلىماي تۇرۇپ تونۇلۇشقا ئالدىرىساق ھەقىقەتەن مايسىنى تارتىپ ئۆستۈرگەن بولىمىز. چۈنكى بىزنىڭ مىللىي روھىمىز يىتەرلىك بولمىغاندىن كېيىن بەزى ئەخمىقانە ئىش-ھادىسىلەرنى سادىر قىلىپ قويىمىز. مىسالەن: تېما ئىگىسىنىڭ ئېيتقىنىدەك ئالىم بولۇپ چەتكە چىقىپ كەتكەن ئادەم ئۆز تۇپرىقى، مىللىتى بىلەن چاتىقى بولمىسا، شۇ يەردە ئىشلەپ قېلىپ خاتىرجەم تۇرمۇش كەچۈرۈشنىلا ئويلىسا ئۇنىڭ مەۋجۈتلىقىنىڭ مىللەتكە ھېچ قانچە پايدىسى يوق. شۇڭا دېھقان، ئىشچى بولسىمۇ مىللەتنى ئويلايدىغان بولسا بىزنىڭ ئەڭ چوڭ ئىپتىخارىمىز بولىسىلەر. | |||||
|---|---|---|---|---|---|---|
| |
| suba
دەرىجىسى :يېڭى ئۆگەنگۈچى | سىلەر ئىيتڭىپ بىقىڭلار ئۇيغۇرنىڭ ھەممىسى دوكتۇر ھەممىسى ناخشىچى ،پۇتبولچى ۋە يەنە قانداق چى بولۇپ كەتسۇن پۇتۇن دۇنيا تونۇپ كەتسۇن ئۇ ئۆزىنىڭ ھازىرقى بار ناچار ئىللەتلىرىنى تۈزەتمەيدىكەن ئۇنىڭ ھازىرقى ھالىتىدە ئۇنىڭغا بەلگىلىك `پايدىسى بار ئۆزگىرىش بولىشى ناتايىن شۇڭا ئۇ مۇشۇ ھالەتتە ئۆزىنى دۇنياغا قانداق تونىتىش ئۈستىدە ئەمەس ئۆزىدىكى ياخشىلىقلارنى ئىلگىرى سۈرۈپ يامان ناچار ئىللەتلىرىنى تۈزىتىش ھەققىدە ئىزدىنىشى كىرەك
| |||||
|---|---|---|---|---|---|---|
| |
| dilpara0903
دەرىجىسى :شەبنەم ئەزاسى | ئۇزۇندىن ئۇزۇن بايان بولىشىدۇ لېكىن تىرىشچانلىق ۋە ھەركەت قېنى ؟دىدارىنى كۆرشكە ئىنتىزارمىز .....
قۇلاق ياداپ كەتتى ئاڭلاۋېرىپ شۇئارسىمان گەپلەرنى ،،،ئۆزەمگە چۈشلۇق ئادەم بولۇشقا تىرىشسام ھەم ھەركەت قىلسام بولدى !!!!  | |||||
|---|---|---|---|---|---|---|
| |
| zulhomar
دەرىجىسى :يېڭى ئۆگەنگۈچى | ماقۇل ئويغۇرنى تۇنۇتمايلى ،،،
شىسەندىكى تاغنىڭ ئارقىسىغا كۇمۇپ يوق قىلايلى | |||||
|---|---|---|---|---|---|---|
| |
| Otan-Saman
دەرىجىسى :يېڭى ئۆگەنگۈچى | بۇ يەردە بىز كۈچۈپ مىللىي روھ يىتىلدۈرۈشنى تەكىتلەۋاتىمىز. مەن كۆپچىلىكنىڭ مۇنۇ تېمىنىمۇ بىر ئوقۇپ قويىشىنى سورايمەن. مېنىڭ بۇ يوللاپ بولغان تېمىنى ئىنكاس شەكلىدە يوللىشىم ھەرگىزمۇ تېما تەكرارلىقى پەيدا قىلغىنىم ئەمەس، ئوقۇپ بولۇپ مېنى تەنقىد قىلسىڭىزمۇ، تىللىسىڭىزمۇ ئاغرىنمايمەن. پەقەتلا سىلەرگە ئازراق بىرنېمە يۇقۇشىنى ئۈمۈد قىلىمەن. ھەممە ئىشنى ئۆزىمىزدىن باشلايلى ھازىرقى ئەھۋالىمىزنى كۆپ سۆزلەپ ئولتۇرمىساممۇ 20-ئەسىرنىڭ باشلىرىدىلا يېزىلغان ئوت يۈرۈك شائېرىمىز «ئابدۇخالىق ئۇيغۇر» نىڭ : باشقىلار سۇدا ئۈزۈپ كۆكتە ئۇچۇپ كەتتى يىراق، مەن مىسالى يالاڭ ئاياق دەسسەپ تىكەن ماڭارىمەن. دېگەن شېئېر يىتىپ ئاشاتتى. ئۇنىڭغا يەنە 60 يىللىق بۇزغۇنچىلىق قوشۇلدى. قالغىنىنى دىيارىمىز قىسمەتلىرىنىڭ بەدەلچىلىرى بولغان ھەر بىرىمىز ئوبدان بىلىمىز. قايسى بىر توردىشىمىزنىڭ ئوخشاتقىنىدەك ئۇيغۇر ھازىر بەئەينى يۈرىكى ئۆپكىسى جىگىرى بۆرىكى قاتارلىق ھەممە ئەزالىرى ئاغرىپ نىمجان بولۇپ ياتقان بىمارغا ئوخشايدۇ. خوش، كېسەلنىڭ بارلىقىنى ھەممەيلەن بىلدۇق. ئەمما ئۇنى چوڭ جەھەتتىن ئوپىراتسىيە قىلىدىغان يۇقىرىدىكىلىرىمىز ۋە باشلىقلىرىمىز ئۆزىنى بىزگە شۇ دەرىجىدە تونۇتۇپ بولدىكى ئۇلارغا ھەممىمىز باھا بېرەلەيمىز. ئۇنداقتا بىز ھەقىقەتەن ئۆلۈپ كېتەمدۇق؟ بۇنىڭغا جاۋاپ شۇكى: ئۆلدۇق دەپ بەل قويىۋەتتۇقما ئېنىق ئۆلىمىز. بىر كېسەلنىڭ ھاياتقا ئىشەنچى قالىمىسا ئۆزىنى-ئۆزى ئۆلۈم ئېغىزىغا تۇتۇپ بېرىدۇ. بۇ كېسەلدىن ساقىيىشنىڭ دورىسى پەقەت ئۆزىمىزدىلاكى بۇ ھەقىقەتەنمۇ قۇدرەتلىك دورىدۇر. تۆۋەندە مەن ئۆزۈم تىزىپ چىققان دورىلار ئۈستىدە توختىلاي. (ئەلۋەتتە ھەممە مۇكەممەل بولمىغىنىدەك مېنىڭ بايقىشىمدىمۇ خاتالىقلار بولىشى مۇمكىن ئەگەر راست شۇنداق بولسا بىرلىكتە ئىزدەنسەك ۋە تۈزەتسەك…) بىز ھازىر جىددىي مۇئامىلىدە بىر چوڭ ۋاكسىنا ۋە بەش چوڭ دورىنى قوبۇل قىلىشىمىز كېرەك. (بىز ئەلمىساقتىن ئېتقاتلىق بولۇپ كەلگەن. ئېتىقادتىن ئايرىلغان ھەركەت ھەر-زامان ھەر-ماكان غەلبىلىك بولمايدۇ. شۇنىڭ ئۈچۈن ھەممىدىن ئاۋال ئاللاھ تىن ئۆزىمىزگە پاناھلىق ۋە ئاسايىشلىق تىلىشىمىز كېرەك. ئۇنىڭدىن ھىدايەت يولىنى كۆرسىتىپ بېرىشنى، ئىشلىرىمىزغا مەدەت بېرىشىنى ئۆتۈنۈپ ، ئاندىن بىسمىللا دەپ ئورنىمىزدىن تۇرۇپ ھەركەتكە تۇتۇنىشىمىز كېرەك.) ۋاكسىنا : بىخۇتلۇقنى قەتئىي چۆرۈپ تاشلىشىمىز. جىددىي تۈردە روھىمىزنى پالاپ، جەمىئەتتىكى جىددىي مەسىلىلەرگە جىددىي مۇئامىلىدە بولىشىمىز كېرەك. بىر كېسەل ئۆزىدىكى كېسەلگە ‹ساقىيىپ كېتەر› ياكى ‹بىر گەپ بولار› دەپ سەل قارىسا ئۇ ئېنىق ئېغىرلىشىدۇ. قانداق جىددىي پوزىتسىيەدە بولىمىز؟ ئەلۋەتتە قاراملىق قىلمايمىز. ئىشنى يوللۇق قىلىمىز. قىلماقچى بولغان چوڭ-چوڭ ئىشنى ئەتراپىمىزدىكى قىلالايدىغان كىچىك ئىشلاردىن باشلايمىز. مەسىلەن: مېنىڭ مۇشۇ ماقالىنى تورداشلارغا سۇنىشىممۇ چوڭ مەقسەتنى ئىشقا ئاشۇرۇشتىكى كىچىك ئىشىم. بۇ تېمىنى يەنىمۇ كۆپ ئادەمگە تەۋىسىيە قىلىش سىزنىڭ قىلالايدىغان كىچىك ئىشىڭىز. ئەنە شۇنداق <كىچىك>لەر يىغىلىپ غايەت زور كۆچ ھاسىل قىلالايدىغىنىغا مەن چوڭقۇر ئىشىنىمەن. ۋاكسىنىنى تونۇشتۇرۇپ بولدۇم. ئەمدى بەش دورىنى تونۇشتۇرىمەن. بۇ يەردە شۇنى ئەسكەرتىمەنكى دورىنى جايى جايىدا ئىچىشمۇ ئىنتايىن مۇھىم. 5 چوڭ دورىمۇ ئىككى چوڭ تۈرگە بۆلۈنىدۇ. بىرىنچىسى: روھى دورا . ئىككىنچىسى: جىسمانىي دورا بىز بىرىنچى باسقۇچتا روھى دورىنى يىيىشىمىز كېرەك. چۈنكى ئادەم روھىنى ساقايتمىسا جىسمىنى ساقايتىش خام خىيال بولۇپ قالىدۇ. 1. دورا- ئۆزىنى سۆيۈش : (روھى دورا) ئۆزىدىن بىزار بولۇش چۈشكۈنلۈشۈش خىيالىدا ھەرگىز بولماسلىق. چۈنكى: چۈشكۈنلىشىش ئېغىرلاشقانسىرى ئىشەنچ يوقىلىشقا باشلايدۇ ئاخىر ئادەم ھالاكەتكە قاراپ ماڭىدۇ.(شۇنچە ۋاقىت باشقىلار بىلەن تەڭ-يېتىپ تەڭ قوپۇپ ئۇلارنىڭ ئېغىرىنى كۆتىرىپ باشقىلار داغدام يولدا ماڭسا بىز سىم تاناپنىڭ مىخنىڭ ئۈستىدە مېڭىپ تۇرۇپ بۈگۈنگە ئۇلىشالىدۇق. ئاللاھ بۇيرىسا ئېرادە قىلساقلا قىيامەتكىچىمۇ ئۇلىشالايمىز.)بولۇپمۇ چۈشكۈنلۈك تەسىراتلىرىنى باشقىلارغا تەشۋىق قىلماسلىق. بىلسىڭىز بۇ بىر چوڭ جىنايەت. كېسىلىڭىزنى باشقىلارغا يۇقتۇرۇپ ئۇلارنىمۇ كېسەل قىلىسىڭىز ھەرگىز بولمايدۇ. «بىز ئۇنداق بولۇپ كەتتۇق. مۇنداق بولۇپ كەتتۇق.» باش تېمىسىدىكى يازمىلار بۇنىڭ تىپىك مىسالى. 2. ئۆزىنى قەدىرلەش : مەدەنىيەت ۋە تىل يېزىق مىللەت مەۋجۇتلۇقىنىڭ ئاساسى. ئۇنى قانچىلىك دەرىجىدە ساقلاپ قېلىش ئۆزىمىزنى قانچىلىك دەرىجىدە ساقلىيالىغانلىقىمىز بىلەن باراۋەر. ئۆزىنى ساقلاش مەسىلىسىدە بىلىدىغانلىرىمىز بىلمەيدىغانلىرىمىزنى يىتەكلىشىمىز. ئەمەلىي ھەركىتىمىز بىلەن ئۇلارغا تەسىر قىلىشىمىز كېرەك. ئەگەر ھەممىمىز «مودا»غا كەتكەن كاللىمىزنى «مەدەنىيەت»كە ئاتىغان بولساق بۇنچىلىك بولۇپ كەتمەس ئىدۇق. سىزنىڭ مۇدىغا چاپلاشقان ۋە مەدەنىيىتىمىزگە مۇناسىپ بولمىغان ھەر بىر ئېغىز گېپىڭىز ئوخشىمىغان دەرىجىدە مەدەنىيەتنى بۇزۇشنى تەشۋىق قىلىغىنىڭىز بولۇپ بۇنداق قىلسىڭىز ئۆزىڭىز بىلىپ بىلمەي پۈتۈن مىللەتنىڭ ئاسىيسىغا ئايلىنسىز. 3. ئۈمۈدۋار بولۇش : كەلگۈسىگە يۈكسەك ئۈمۈد بىلەن قارىشىمىز كېرەككى ھەرگىز بەل قويۇشقا بولمايدۇ. سىز بىر ئىشنى قىلىشتىن ئۈمۈد ئۈزدىڭىز دېمەك ئۇنى يەنە قىلىشنىڭ ھېچقانداق ئەھمىيىتى يوق ۋە بىھۇدە ئاۋارە بولغانلىق بولۇپ قالىدۇ. «ھاياتلىق گوياكى ئەينەك، سەن ئۇنىڭغا كۈلۈپ قارىساڭ ئۇمۇ ساڭا كۈلۈپ قارايدۇ» دېگەن ماقال تەمسىل بۇنىڭغا ئەڭ ياخشى جاۋاپ بولالايدۇ. ئېسىمىزدە بولسۇنكى دۇنيادىكى نۇرغۇن چوڭ غەلبىلەر ئاخىرقى تىنىقىغىچە بەرداشلىق بەرگەنلەرگە مەنسۈپ بولغان. ئىككىنچى باسقۇچلۇق دورا جىسمانىي دورا. 4. قاتتىق تىرىشىش : پۈتۈن كۈچ بىلەن بىلىم ئىگىلەشكە ئاتلىنىش كېرەككى بۇ جەھەتتە ھەرقانداق بانا سەۋەپنىڭ كۆتىگە تىپىۋېتىشىمىز كېرەك. بىلىمسىزلىك قانچە ئېغىر بولسا بوزەك بولۇش شۇنچە ئېغىرلايدۇ. بىلىملىك كىشىلەر كۆپ بولسا ئومۇمىي گەۋدە كۈچىيىدۇ. بۇ نوقتىنى چوڭقۇر چۈشەنگەن ئالىملىرىمىز بىزگە بۇنى توختىماي تەكىتلەپ كېلىۋاتىدۇ. شۇنى چۈشىنىپ يىتىش كېرەككى بىزنىڭ يەنە ئەزمىمىزنىڭ ئىزىپ ۋاقىتنى ئىسراپ قىلىپ يۈرۈشكە يولىمىز قالمىدى. 5. ئۆز-ئارا يىتەكلەش : مۇۋاپىقىيەت قازانغانلار مۇۋاپىقىيەت قازىنالمايۋاتقانلارنى، تېرىشىۋاتقانلار تېرىشمايۋاتقانلارنى يىتەكلەش ۋە ئۇلارنى ئىلھاملاندۇرۇش. ئۆزىنىڭ غەلبە قازىنىش تەجرىبىلىرىنى ئۆگىتىش. بىزنىڭ جەمىيىتىمىز كاپىتالىستىك جەمىيەتكە ئوخشىمايدۇ. ئۇلار تەرەققىي قىلىپ بولغان، ئۇلار ئۆزىنىڭ يوقىلىشىدىن ئەنسىرمەيدۇ. ئۇلار «ساغلام» كىشى ھېساپلىنىدۇ. بىز ئومۇمىي گەۋدىنى كۈچلەندۈرۈشكە ھەسسە قوشىشىمىز كېرەككى بېخىللىق بىلەن تەجرىبە ساۋاق ئىلىمىمىزنى باشقىلاردىن ئاياشقا بولمايدۇ. ئېقتىسادى قىممەت يارىتشنىڭلا كويىدا بولۇپ كەتسەك ئەپلەشمەس. ئومۇمەن ئالدىدىكىلەر ئارقىدىكىلەرنى، ئارقىدىكىلەر يەنىمۇ ئارقىدىكىلەرنى يىتەكلەپ ماڭسا بىرلىكتە ئىلگىرلىسە چوقۇم بىزدىمۇ زور يۈكسىلىشلەر بارلىققا كېلىدۇ. يۇقىرقى ئىشلار ھەممىسى بىر ئىنسان بولغۇچى قىلالايدىغان ئىشلار. ئۆزىنى قۇتقۇزۇش ھەممە ئادەمنىڭ قولىدىن كېلىدۇ. ھەممىمىز چوڭ ئىشلارنى قىلىشنى بىز قىلالايدىغان كىچىك ئىشلاردىن باشلىساق. يەنى ئارتۇق ئەمەس ئۆزىمىزنىلا قۇتقۇزساق. ئەگەر راستىنلا ھەممىمىز شۇنداق قىلساق ئۇزۇن ئۆتمەيلا بەختكە ئېرىشىشىمىزدە ئۈمۈد زور. بىراق بۇ يەردىكى ئەڭ چوڭ مەسىلە ھەممىمىزنىڭ بۇ نوقتىنى چۈشىنىپ كېتەلىشىمىزدە. ئەلۋەتتە ئۇنداق بولىشى مۇمكىن ئەمەس. ئەمما بىز تىرشچانلىقىمىز بىلەن بۇ ساننى كۆپەيتەلەيمىز. قانۇنلۇق يول بىلەن توغرا يولدا كەڭ تەشۋىق قىلىش. ئۆزلەشتۈرگەنلىرىمىز ئەتراپتىكىلەرگە ھەركىتىمىز ئارقىلىق تەسىر قىلىش ئارقىلىقمۇ كۆزلىگەن ئۈنۈمگە ئېرىشەلەيمىز. شۇڭا ئۈمۈدۈم ھەممىمىز ئىشنى ئۆزىمىزدىن باشلايلى ! | |||||
|---|---|---|---|---|---|---|
| |
