‹‹ھەممىمىز بىر نىيەتتە››ناملىق ئاپەت رايونىغا مەدەت بېرىش،

مېھىر–شەپقەت يەتكۈزۈش كېچىلىكى ئۆتكۈزۈلدى

كېچىلىكتە ئىئانە قىلىنغان پۇل 16مىليون يۈەندىن ئاشتى



23 –  ماي بېيجىڭ ۋاقتى سائەت 21 دىن 30 مىنۇت ئۆتكەندە، ‹‹ھەممىمىز بىر نىيەتتە›› ناملىق شىنجاڭنىڭ ۋېنچۇەندىكى يەر تەۋرەش ئاپىتىگە ئۇچرىغان ئاممىغا مەدەت بېرىش، مېھىر –  شەپقەت يەتكۈزۈش كېچىلىكى ‹‹تىلەك›› دېگەن ناخشا ساداسى ئىچىدە باشلاندى. شىنجاڭ تېلېۋىزىيە ئىستانسىسىنىڭ سۈرەتكە ئېلىش زالى مېھىر –  مۇھەببەتنىڭ قاينىمىغا ئايلاندى.


شىنجاڭ ئۇيغۇر ئاپتونوم رايونلۇق پارتكوم دائىمىي كومىتېتىنىڭ ئەزاسى ، تەشۋىقات بۆلۈمىنىڭ باشلىقى لى يى كېچىلىكقا قاتناشتى ھەمدە پۇل ئىئانە قىلدى


  ئاپتونوم رايونىمىزنىڭ پارتىيە، ھۆكۈمەت رەھبەرلىرى ۋە شىنجاڭ ھەربىي رايونىنىڭ رەھبەرلىرىدىن لى يى، جاڭ گولياڭ، جاپپار ھەبىبۇللا، تىلىۋالدى ئابدۇرېشىت، خۇاڭ چاڭيۈەن، دېڭ نىڭفىڭلار كېچىلىككە قاتناشتى ۋە نەق مەيداندا پۇل ئىئانە قىلدى. 

    بۇ كېچىلىكنى ئاپتونوم رايونلۇق پارتكوم تەشۋىقات بۆلۈمى، شىنجاڭ ھەربىي رايونى سىياسىي بۆلۈمى، ئاپتونوم رايونلۇق رادىئو –  كىنو –  تېلېۋىزىيە ئىدارىسى، ئاپتونوم رايونلۇق مەدەنىيەت نازارىتى، ئاپتونوم رايونلۇق ئەدەبىيات –  سەنئەتچىلەر بىرلەشمىسى، ئاپتونوم رايونلۇق خەلق ئىشلىرى نازارىتى، شىنجاڭ خەلق رادىئو ئىستانسىسى، شىنجاڭ تېلېۋىزىيە ئىستانسىسى، شىنجاڭ خەير –  ساخاۋەت باش جەمئىيىتى، جۇڭگو قىزىل كرېست جەمئىيىتىنىڭ شىنجاڭ شۆبىسى بىرلىكتە تەشكىللىگەن.



باھارگۈل ئىمىن كېچىلىكتە ناخشا ئېيتماقتا


  كېچىلىكتە شامىل شاكىر، باھارگۈل، گاۋ جيەنشىڭ، ليۇ جېيىڭ، شەۋكەت، گاۋ ئاڭ قاتارلىق ئاپتونوم رايونىمىزنىڭ ھەرقايسى جايلىرىدىن كەلگەن 200 گە يېقىن سەنئەتكار خالىس ئويۇن قويدى. شىنجاڭدىكى ھەر مىللەت ئەدەبىيات – سەنئەت خادىملىرى ئۆزلىرى ئىجاد قىلغان ‹‹ھەممە بىر نىيەتتە››، ‹‹باھاردەك ئىللىق مېھىر››،‹‹بىزنىڭ يۈرىكىمىز››، ‹‹بالام، قولۇمنى مەھكەم تۇت››قاتارلىق ئېسىل نومۇرلارنى ئورۇنلاپ، مەيداندىكى تاماشىبىنلار ۋە تېلېۋىزور كۆرگۈچىلەرنىڭ يۈرەك تارىنى چەكتى، نەق مەيداندا پۇل ئىئانە قىلىش قايتا –  قايتا يۇقىرى پەللىگە كۆتۈرۈلدى. ئاپتونوم رايونىمىزنىڭ مەدەنىيەت – تەشۋىقات سىستېمىسىكى 16 ئىدارە، ئورۇن يەنە بىر قېتىم نەق مەيداندا 3 مىليون 920  مىڭ يۈەن ئىئانە قىلدى. ئاپتونوم رايونلۇق ئەدەبىيات – سەنئەتچىلەر بىرلەشمىسىدىكى ھەرقايسى جەمئىيەتلەر ۋە شىنجاڭ يازغۇچىلار جەمئىيىتىدىكى 100 دىن كۆپ پېشقەدەم، ياش، ئوتتۇرا ياش سەنئەتكار، يازغۇچى پۇل ئىئانە قىلىپ، ئاپەت رايونىدىكى ئاممىغا مېھىر – شەپقەت يەتكۈزدى.


ئىئانە قىلىش پائالىيىتىدىن كۆرۈنۈش


  كېچىلىك نەق مەيدانىدا شىنجاڭ رەڭلىك مېتال گۇرۇھى، شىنجاڭ ئالاھىدە ترانسفورماتور شىركىتى، شىنجاڭ ‹‹خۇايۈەن›› گۇرۇھى، شىنجاڭ ‹‹تيەنرۈن›› سۈتچىلىك چەكلىك شىركىتى،شىنجاڭ تەڭرىتاغ تورى ،  شىنجاڭ ‹‹ئارمان›› شىركىتى، ‹‹ئىخلاس›› شىركىتى قاتارلىق كارخانىلار بەس –  بەستە پۇل ئىئانە قىلدى. شىنجاڭ ئالاھىدە ترانسفورماتور شىركىتى 1 مىليون يۈەن ئىئانە قىلدى. شىركەت پارتكومىنىڭ شۇجىسى ۋېي يۈگۈي: بىز ئاپەت رايونىدىكى ئامما بىلەن قان – قېرىنداش. كارخانا بولۇش سۈپىتىمىز بىلەن ئاپەتكە ئۇچرىغان خەلققە ياردەم بېرىش مەسئۇلىيىتىمىز بار، دېدى.
‹‹جۇڭگونى تەسىرلەندۈرگەن ئون شەخس››نىڭ بىرى  مارالبېشى ناھىيىسىنىڭ چوڭقۇرچاق يېزا تۈگمەنبېشى كەنت پارتىيە ياچېيكىسىنىڭ شۇجىسى داۋۇت ھاشىم كېچىلىككە قاتناشقىلى ئالايىتەن قەشقەردىن كەلدى. ئۇ ۋېنچۇەندىكى يەر تەۋرەشتىن خەۋەر تېپىپلا، ئاپەت رايونىغا 600 يۈەننى ئەۋەتىپ بەرگەن ۋە بىر يىللىق مائاشى 17 مىڭ يۈەننى ئاپەت رايونىغا ئىئانە قىلىشنى قارار قىلغانىكەن. ئۇ مۇخبىرنىڭ زىيارىتىنى قوبۇل قىلغاندا مۇنداق دېدى: 56مىللەت بىر ئائىلە كىشىلىرى، ئەينى ۋاقىتتا چوڭقۇرچاقتا يەر تەۋرىگەندە پۈتۈن مەملىكەت خەلقى بىزگە ياردەم قولىنى سۇنغان. بۈگۈنكى كۈندە ئاپەت رايونىدىكى خەلق قىيىنچىلىققا ئۇچرىدى، بىزمۇ پۈتۈن كۈچىمىز بىلەن ياردەم قىلىشىمىز كېرەك.







   
كېچىلىك نەق مەيدان كۆرۈنۈشى


    شىنجاڭ SOS  بالىلار كەنتىدىكى كىچىك دوستلار ۋە ئۇلارنىڭ مېھرىبان ئانىلىرى كېچىلىككە قاتناشتى. ئۇلار ئۆزلىرى سىزغان بىر پارچە رەسىمنى ئېلىپ كەلگەنىدى. بەش ياشلىق روڭ شىڭشىڭ رەسىمدىكى چىرايلىق ئۆيلەرنى كۆرسىتىپ تۇرۇپ مۇنداق دېدى: مەن ئاپەتكە ئۇچرىغان رايوندىكىلەرنىڭ قايتىدىن يېڭى ئۆيلەرگە ئىگە بولۇشىنى، ئۇ يەردىكى بالىلارنىڭ ئىللىق ئائىلىسى بولۇشىنى ئۈمىد قىلىمەن. ئۇلار بالدۇرراق قىيىن ئۆتكەلدىن ئۆتۈپ كەتسە، كۈنلىرى خۇشاللىق ئىچىدە ئۆتسە دەيمەن.
    كېچىلىكتە نۇرغۇن كىشى مەخسۇس ئېچىلغان ئىئانە قىلىش قىزىق لىنىيىسى ۋە قىسقا ئۇچۇر سۇپىسى ئارقىلىق ئاپەت رايونىدىكى خەلققە بولغان سەمىمىي ھېسداشلىقى ۋە ياردىمىنى يەتكۈزدى. كېچىلىكتە نەق مەيداندا ئىئانە قىلىنغان پۇل 16 مىليون يۈەنگە، مەيدان سىرتىدىكىلەر تېلېفون ياكى قىسقا ئۇچۇر ئارقىلىق ئىئانە قىلغان پۇل  200 مىڭ يۈەنگە يەتتى.

  مارالبېشى ناھىيىسىنىڭ ‹‹ قۇياش نۇرى›› ئولتۇراق رايونىدىكى يەر تەۋرەشكە چىداملىق ئولتۇراق ئۆيلەر پۈتۈپ ئىشلىتىشكە تاپشۇرۇپ بېرىلدى


     تەكلىپلىك مۇخبىرىمىز: تۇرغۇنجان ئىمىن خەۋىرى، فوتۇسى : -‹‹ بۇ ئۆي ناھايىتى چىرايلىق سېلىنىپتۇ ، سىز قانچە پۇل خەجلەپ بۇ ئۆينى سېتىۋالدىڭىز؟      - مەن پەقەت 10مىڭ يۈەن خەجلەپلا مۇشۇ تۆت ئېغىز يەر تەۋرەشكە چىداملىق ئۆيگە ئېرىشتىم ، ئۇنىڭ ئۈستىگە ئۆينىڭ ئىچىنىمۇ ئومۇميۈزلۈك سىمۇنىتتا سۇۋاپ ، ئاقارتىپ بەردى ، پارتىيە، ھۆكۈمەتكە كۆپ رەھمەت، بىزگە يەر تەۋرەشكە چىداملىق ، سوتسىيالىستىك يېڭى يېزا بەرپا قىلىش ئۆلچىمى بويىچە ئازادە، يورۇق ئۆي سېلىپ بەرگەن جوڭگو ئاممىباپ پەن- تېخنىكا گورۇھى (شىركىتى)گە كۆپ رەھمەت!
      مانا بۇ جوڭگو ئاممىباپ پەن- تېخنىكا گورۇھى(شىركىتى) نىڭ باش بوغالتىرى جاڭ شىن بىلەن مارالبېشى ناھىيىسىنىڭ ئاۋات بازىرى ئەللىك كەتمەن8-كەنتىدە ئولتۇرۇشلۇق ‹‹ ئۈچ پىشقەدەم›› ئاۋۇت ئابباس ئىككەيلەن كۆرۈشكەندىكى دىئالوگى .
      5-ئاينىڭ21-كۈنى جوڭگو ئاممىباپ پەن-تېخنىكا گورۇھى (شىركىتى) نىڭ باش بوغالتىرى جاڭ شىن قاتارلىقلار قەشقەر ۋىلايەتلىك پارتكومنىڭ دائىمىي ھەيئىتى تۆمۈر مۇھەممەت ، خەلق قۇرۇلتىيى قەشقەر ۋىلايەتلىك خىزمەت كومىتېتىنىڭ مۇئاۋىن مۇدىرى ، مارالبېشى ناھىيىلىك پارتكومنىڭ شۇجىسى لىيۇ كاشىڭ قاتارلىق ۋىلايەت ، ناھىيىدىكى مۇناسىۋەتلىك رەھبەرلەرنىڭ ھەمراھلىقىدا مارالبېشى ناھىيىسىنىڭ ئاۋات بازىرى ئەللىك كەتمەن كەنتىدە سوتسىيالىستىك يېڭى يېزا بەرپا قىلىش ئۆلچىمى بويىچە ، يەر تەۋرەشكە چىداملىق قىلىپ سېلىنغان ئۈلگە كۆرسىتىش قۇرۇلۇشى پۈتكەنلىكى مۇناسىۋىتى بىلەن يوپۇق ئېچىش مۇراسىمىغا قاتناشتى. ئاۋات بازارلىق پارتكوم ، خەلق ھۆكۈمىتى جوڭگو ئاممىباپ پەن- تېخنىكا گورۇھى(شىركىتى)نىڭ بازاردىكى خەلق ئاممىسىغا قىلغان ئەمەلىي يارىدىمىگە رەھمەت ئېيتىش ، خەلق ئاممىسىنىڭ بىر ئۆمۈر ياد ئېتىپ تۇرىشى ئۈچۈن بۇ ئولتۇراق رايونىغا ‹‹ "قۇياش نۇرى" ئولتۇراق رايونى›› دەپ نام بېرىپ ، ئابىدە تىكلىگەن بۇ سوتسىيالىستىك يېڭى يېزا بەرپا قىلىش بويىچە ئۈلگە كۆرسىتىش قۇرۇلۇشى ‹‹ قوياش نۇرى›› ئولتۇراق رايونى قۇرۇلۇشىغا مارالبېشى ناھىيىسىنى ساھەلەر بويىچە يۆلەيدىغان جوڭگو ئاممىباپ پەن- تېخنىكا گورۇھى(شىركىتى) بىر مىليون 500مىڭ يۈەن مەبلەغ يارىدەم قىلغان ، بۇ قۇرۇلۇشتا 91 ئائىلىلىككە ، سەككىز بال يەر تەۋرەشكە بەرداشلىق بېرەلەيدىغان ، قۇرۇلۇش كۆلىمى 63 كۇۋادىرات مېتىر ئولتۇراق ئۆي سېلىنغان . ھەر بىر ئائىلىگە كېتەرلىك مەبلەغنى غەملەشتە ، ھەر بىر ئائىلىگە جوڭگو ئاممىباپ پەن- تېخنىكا گورۇھى(شىركىتى) 10مىڭ يۈەن، دېھقانلار ئۆزى 10مىڭ يۈەن چىقىرىش، ناھىيىلىك يەر تەۋرەشكە چىداملىق ئولتۇراق ئۆي ئىشخانىسى يەر تەۋرەشكە چىداملىق ئولتۇراق ئۆي قۇرۇلۇشى مەبلىغىدىن 2000يۈەن تولۇقلىما يارىدەم بېرىش، بازارلىق پارتكوم ، خەلق ھۆكۈمىتى بازار مالىيىسىدىن 1000يۈەن تولۇقلىما يارىدەم بېرىش بەلگىلەنگەن . ئۆيلەرنىڭ لايىھەلىنىشى، ئىشىك دېرىزە، دەرۋازىلىرى قاتارلىقلارنىڭ ھەممىسى بىردەك بولۇپ ، يېڭى زامانغا لايىقلاشتۇرۇلغان. بۇ ‹‹ قوياش نۇرى›› ئولتۇراق رايونى ‹‹ ئىشلەپچىقىرىش تەرەققىي قىلغان ، تۇرمۇش باياشاد ، يېزا قىياپىتى مەدەنىي، كەنت قىياپىتى پاكىزە، رەتلىك، باشقۇرۇش دېموكراتتىك بولۇش›› تەلىۋىگە ئاساسەن مۇۋاپىق پىلانلاش ئارقىلىق قۇرۇلغان بولۇپ ، بۇ ئولتۇراق رايونىنى تىرىشىپ ئاپتونوم رايونىمىز بويىچە سوتسىيالىستىك يېڭى يېزا بەرپا قىلىشتىكى ئۈلگىلىك كەنتكە ئايلاندۇرۇش مەقسەت قىلىنغان . بۇ ‹‹ قوياش نۇرى›› ئولتۇراق رايونىغا ئاساسلىق قىلىپ، بازار تەۋەسىدىكى ئائىلىسىدە قىيىنچىلىقى بار نامرات پارتىيە ئەزالىرى، ‹‹ ئۈچ پىشقەدەم›› لەر، نامرات ئائىلىلەر ئولتۇراقلاشتۇرۇلغان بولۇپ ، ئولتۇراق رايون ئىچىدە ‹‹ قوش تىل›› بالىلار باغچىسى، سۇ، توك، يول، ئالاقە قاتارلىق ئاساسىي مۇئەسسەسەلەر قۇرۇلۇشى ئاساسىي جەھەتتىن تاماملاندى. ھازىر زامانغا لايىقلاشتۇرۇلغان كۆپ ئىقتىدارلىق پائالىيەت مەركىزى، ۋاسكىتبۇل مەيدانى قاتارلىق قۇرۇلۇشلار جىددىي ئېلىپ بېرىلىۋاتىدۇ.  بۇ قۇرۇلۇشلار پۈتسە ھويلا- ئاراملىرى گۈزەل، تۇرمۇش مۇھىتى ياخشى، مۇلازىمەت ئىقتىدارى تولۇق بولغان ئىناق ئولتۇراق كىچىك رايون قۇرۇش ئەمەلگە ئاشىدۇ.
    جوڭگو ئاممىباپ پەن- تېخنىكا گورۇھى(شىركىتى) نىڭ باش بوغالتىرى جاڭ شىن نامرات ئائىلە ئالىم ياسىننىڭ يېڭىدىن سېلىنغان ئۆيىگە كىرىپ، ئۇنىڭ ئۆيىنىڭ باشقا ئۆيلەرگە ئوخشىمايدىغانلىقىنى،凹شەكىللىك سېلىنغان ئۆينىڭ ئىككى بېشىغا تۈۋرۈك قويۇپ، تۈۋرۈكلەرنى تام بىلەن تۇتاشتۇرۇپ، كارىدۇر شەكىللەندۈرۈپ، ئۆينىڭ ئالدىدىكى بوشلۇقتىن پايدىلىنىش ئۈنۈمىنى ئۆستۈرگەنلىكىنى، تېخى ھويلىسىغا ئۈزۈم، چىلان تىكىپ، گۈل- گىياھ  تېرىغانلىقىنى كۆرۈپ ، خوشال بولغان ھالدا، ئالىم ياسىننىڭ قولىنى تۇتۇپ تۇرۇپ:- سىز ھويلىڭىزغا تىككەن بۇ مېۋىلىك كۆچەتلەرنى ئوبدان پەرۋىش قىلىڭ ، پۇرسەت بولسىلا مەن چوقۇم يەنە مارالبېشىغا، بولۇپمۇ ‹‹ قۇياش نۇرى›› ئولتۇراق رايونىغا كېلىپ ، سىزنىڭ مېۋىلىرىڭىزگە ئېغىز تېگىمەن،- دېدى. ئالىم ياسىن خوشال بولغان ھالدا:- مەن چوقۇم مېۋىلىك كۆچەتلىرىمنى ئوبدان پەرۋىش قىلىپ ، يۇقىرى ھوسۇل ئېلىشقا تىرىشىمەن، سىلەرنىڭ مول- ھوسۇلغا تولغان ئالتۇن كۈز پەسلىدە يەنە بىر قېتىم يۇرتىمىزغا كېلىپ كېتىشىڭلارنى قىزغىن قارشى ئالىمىز، 
   ھازىر بۇ ئولتۇراق رايونغا ئائىلىسىدە قىيىنچىلىقى بار نامرات پارتىيە ئەزالىرى، ‹‹ ئۈچ پىشقەدەم›› لەر، نامرات ئائىلىلەر ئارقا- ئارقىدىن كۆچۈپ كىرىپ، ئۆزلىرىنىڭ يېڭى ئائىلىدىكى يېڭى پىلانلىرىنىڭ بالدۇرراق ئەمەلگە ئېشىشى ئۈچۈن تىرىشىپ ئىشلىمەكتە. 


سۈرەتتە: جوڭگو ئاممىباپ پەن- تېخنىكا گورۇھى(شىركىتى) نىڭ باش بوغالتىرى جاڭ شىن خەلق قۇرۇلتىيى قەشقەر ۋىلايەتلىك خىزمەت كومىتېتىنىڭ مۇئاۋىن مۇدىرى، ناھىيىلىك پارتكومنىڭ شۇجىسى لىيۇ كاشىڭ بىلەن بىللە سوتسىيالىستىك يېڭى يېزا قۇرۇش بويىچە ئۈلگىلىك قۇرۇلۇش‹‹ قوياش نۇرى ›› ئولتۇراق رايونى قۇرۇلۇشى پۈتكەنلىكى مۇناسىۋىتى بىلەن يوپۇق ئاچماقتا    



 سۈرەتتە : جوڭگو ئاممىباپ پەن- تېخنىكا گورۇھى(شىركىتى) نىڭ باش بوغالتىرى جاڭ شىن،ۋىلايەتلىك پارتكومنىڭ دائىمىي ھەيئىتى تۆمۈر مۇھەممەت، خەلق قۇرۇلتىيى قەشقەر ۋىلايەتلىك خىزمەت كومىتېتىنىڭ مۇئاۋىن مۇدىرى، مارالبېشى ناھىيىلىك پارتكومنىڭ شۇجىسى لىيۇ كاشىڭ قاتارلىق ۋىلايەت ، ناھىيە رەھبەرلىرى ئولتۇراق رايونغا ماكانلاشقان دېھقانلارغا ئۆينىڭ ‹‹ ئالتۇن ئاچقۇچ›› ىنى تارقىتىپ بەرمەكتە

تۇيۇقسىز كەلگەن ئاپەت ۋە بالا -قازادىن  ئاللاھتىن  سېغىنىپ پاناھ تىلەيمىز.........امىن!

رەھمەت سىز گە  ناھايتى ياخشى خەۋەركەن

بۇ پۇلارغا بىرەر ئارال سىتىۋالسىمۇ يىتىپ ئىشىپ قالار

بېيىپ كىتىدىغان بولدى-دە ئۇلار....

  بۇيەردىمۇ كۆندىلىك يىڭى ئۇچۇر بار كەن  سىزمۇ كىرىپ كۆرۇپ بىقىڭ سىزمۇ پايدىنىلىۋىرىڭ :  www.uqur.la 

بىزنىڭ ئۇيغۇر ناخشىچىلىرىمىز مۇ خىلى كوپ پۇل ئىئانە قىلدى،لىكىن يىراق يىزىدىكى دىھقانلارغا ھەرگىز ھەقسىز ئويۇن قويۇپ بەرمەيدۇئۇلار .

زامانىۋى تىلەمچىلەر .. .. .. .. .. . .. .

  ئاپەتتىن تېزراق قۇتۇلغاي

ئىشقىلىپ ئۇلار ئۇ پۇللارنى ھەرگىز تولۇق تاپشۇرمايدۇ~!~!~!~!~!~!~!~!!~