| |||||||
shakira | نان ساتقۇچى قىز ئۇ ھەر كۈنلۈك ئادىتى بويىچە تاغىسى يېقىپ تەييارلاپ قويغان نانلارنى دەستە-دەستىسى بىلەن ئۈچ چاقلىق ۋېلىسپىتگە باستى.ھەممە ناننى بېسىپ بولغىچە يۈزلىرى قىزىرىپ ،پىشانىسىدىن تەر قۇيۇلۇشقا باشلىدى.نانلارنى بېسىپ بولۇپ ئۈستىگە سۇلىياۋ يۇپۇقنى ياپتى.كۈچىنىڭ بېرىچە ھارۋىنى سۆرەپ ئىشىك ئالدىغا چىقتى.باشقا كۈندىكىگە ئوخشاش توپ-توپ بولۇشۇپ،خوشال-خورام مەكتەپكە ماڭغان بالىلارغا قاراپ ئۇلۇغ-كىچىك تىنىپ قويۇپ يولىنى داۋام ئەتتى.سودا-سېتىق قىلىدىغان ئورنىغا ئەكىلىپ بولغىچە ئۇنىڭ گىرىپ كۆينىكى دۈمبىسىگە چاپلىشىپ كەتتى.ئۇ ئادىتى بويىچە يېنىدىكى قېتىقچى،لەڭپۇڭچى ئاياللاردىن ئەھۋال سورىدى.ئۇلارمۇ ئادىتى بويىچە لايىقىدا جاۋاپ قايتۇرۇشتى.ئۇنىڭ خىرىدارى ئانچە كۆپ ئەمەس ئىدى.نان ئوخشىمىغانلىقتىن ئەمەس بەلكى نان سېتىۋالغۇچىلار قىزنىڭ ھەپتىدىن بېرى سۇ كۆرمىگەندەك چىرايىغا قاراپلا ناننىڭ پاكىزلىقىدىن گۇمان قىلىپ ،باشقا نان ساتقۇچىلارنىڭ يېنىغا كىتىپ قالاتتى.
ئۇنىڭ كونا خېرىدارى كەلدى.ئۇ 50 ياشلار ئەتراپىدىكى كىشى بولۇپ ،يېقىندىلا كېسەللىك سەۋەبى بىلەن پىنسىيىگە چىقىپ كەتكەن ئىدى.ئۇ كىشى تاللىغان نانلارنى سۇلىياۋ خالتىغا سېلىۋىتىپ قىزدىن سورىدى. -بۈگۈنمۇ يۈزىڭىزنى يۇيماپسىزغۇ؟ -ئاچام يۇيغىلى قويمىدى.(ئۇ تاغىسىنىڭ ئايالىنى شۇنداق ئاتايتى). -پاكىز تۇرسام نان ئالىدىغان خىرىدار كۆپ بولىدۇ دىسىڭىز بولمامدۇ؟ -ئۇلار پاكىز يۈرسەم مۇئەللىمنىڭ مىنى يەنە ئىزدەپ كىلىشىدىن ئەنسىرەيدۇ. -بۇ نىمە دىگەن گەپ ئەمدى؟ -مىنى كاللىسىنىڭ دەردى بار دەپ مەكتەپتىن چىقىرۋالغان.شۇڭا مىنى دائىم ساراڭدەك ياساپ قويىدۇ. -ئۆيىڭىزدىكىلەرگە دەڭ،سىزنى ماڭا بەرسۇن،مەن بېقىۋالاي،سىزنى ئوقۇتىمەن بولامدۇ؟ -ھەرگىز بەرمەيدۇ،-دىدى ياندىكى لەڭپۇڭچى ئايال سۆزگە ئارلىشىپ ،ئۇلارچۇ،بۇنىڭ كۈچىدىن ئوبدانلا پايدىلاندى.بۇنداق تەييار ئىشلەمچىنى سىلىگە بېرىپ يۈرمىسۇن يەنە. قىز دەرھال يەرگە قارىۋالدى،ئۇ كۆز چاناقلىرىدا لىغىلداپ قالغان ياشنى باشقىلارنىڭ كۆرۈپ قىلىشىنى خالىمايتى.ئۇ كىشى ئۇھ تارتىپ قويۇپ ،پۇلنى تۆلەپ كىتىپ قالدى. بىر ئىسىل پىكاپ كىلىپ قىزنىڭ ئالدىغا كىلىپ توختىدى.پۇزۇر كىيىنگەن بىر كىشى كىلىپ ئۆزىنىڭ قىزنىڭ دادىسى ئىكەنلىكىنى ئېيتىپ قىزغا قۇچاق ئاچتى.قىزنى چوڭ شەھەرگە ئېلىپ كەتتى.يۇيۇپ-تاراپ يىڭى كىيىملەرنى كىيدۈردى.ئىسىل مەكتەپكە ئەكىلىپ بەردى.ئۇ يۇرۇق-ئازادە سىنىپتا دەرىس ئاڭلاپ ئولتۇرۇپ،يېنىدا ئولتۇرۇپ مايلامچىلىق قىلىدىغان بالىنى ئەسلەپ قالدى.ئۇنىڭمۇ بىر كۈنى ئۆزىدەك دادىسى پەيدا بولۇپ،ئۇنى مەكتەپكە ئەكىلىپ بېرىشنى ئۈمىد قىلدى.تۇيۇقسىز گەجگىسىگە تەگكەن شاپىلاق زەربىسى،ئۇنى شىرىن چۈشتىن تىزلا ئويغاتتى. _ھەي،كۈپكۈندۈزدە نىمە ئۇيقا؟ناننى خەق كۆتىرىپ كەتسە قانداق قىلىسەن؟ -ھۇي خالىقئاخۇن،بىز قاراپ تۇرساق نانلىرىنى كۆتۈرۈپ كىتىدىغان كىمنىڭ ھەددى؟قىز بالىنى تولا ئۇرمايدىغان،بەخىتسىز بولۇپ قالىدۇ.ئاشۇ يوغان قوللىرى بىلەن كىچىككىنە قىز بالىنى ئۇرسىلا ،مەرھۇم سىڭىللىرى يەرلىك ئىچىدىلا تولغىنىپ كىتە.بىرەر قېتىم سىڭىللىرىنىڭ كۆزىدە قاراپ قويسىلا يامان بولماس. -ياقەي،ئەمدى شۇ... ئۇ كەينىگە ئۆرۈلۈپ،كۆزلىرىدىن ياشلىرى تاراملاپ ئېقىۋاتقان قىزنىڭ يانچۇقىدىكى پۇللارنى قوپاللىق بىلەن خۇددى بۇلاڭچىدەك ئېلىپ قىزغا «خەپ ساقلاندى،كەچتە ئۆيگـىمۇ بارارسەن»دەپ قويۇپ،لوڭ-لوڭ دەسسەپ كىتىپ قالدى. قىزنىڭ كۆز ياشلىرى تېخىچە توختىمىدى.ئەتراپتىكىلەر نىمە دەپ تەسەللى بېرىشنىمۇ بىلەلمەي قالدى.ئۇنىڭ بۇنداق تاياق يىيىشى تۇنجى قېتىم ئەمەس ئىدى،ئەمما بۇنداق ئۆزىنى تۇتىۋالماي يېغلاپ كىتىشى تۇنجى قېتىم ئىدى.ئۇ بەلكىم شاپىلاق يىگىنىگە ئەمەس بەلكى بايا كۆرگەنلىرىنىڭ نىمىشقا چۈشتىنلا ئىبارەت بولۇپ قالغانلىقىغا يېغلىغاندۇ.بەلكىم بىر كۈنى ئۇنىڭ چۈشلىرى رىئاللىققا ئايلىنىپمۇ قالار.بىلمىدىم، مۇشۇنداق چۈشنى كۆرىۋاتقان نان ساتقۇچى قىز،مايلامچى بالا،يانچۇقچى بالىلاردىن قانچىسى باردۇ؟ [ يوللىغانshakiraتەرىپىدىن2008-05-10 19:48قايتا تەھر ] ___ باشقۇرغۇچى : ~uyghurjan~ تەرىپىدىن تەستىقلاندى . تەستىقلانغان ۋاقتى : 2008-05-10
| |||||
---|---|---|---|---|---|---|
naprat517 ئۇيغۇر ئوغلى | باركەنسىز ھە...........
4-5 كۈن يوقاپ كىتىپ ئىسىل تىمىدىن بىرنى كۆتۈرۈپ كەپسىز ....... سىزمۇ مەندەك سورۇنغا قۇرۇق كەلمەيدىكەنسىز ......................! | ||||
---|---|---|---|---|---|
خيال520 دەرىجىسى :يېڭى ئۆگەنگۈچى | ھەقىقەتەن ياخشى تىما ئىكەن شاكىرە ............مەن يىڭى ئەزا ............سىزنىڭ يەنىمۇ ياخشى تىمىلىرىڭىزنى كۆپرەك كۈرۈشنى ئۈمۈت قىلىمەن!
| |||||
---|---|---|---|---|---|---|
taranqi715 دەرىجىسى :تىرىشچان ئەزا | ھەقىقەتەن ياخشى تېمىكەن...........
| |||||
---|---|---|---|---|---|---|
Mu-allime نۇرلۇق شام | مەن ھەر ۋاقىت مۇشۇنداق ئوقۇشتىن قېلىپ ناۋايلىق،مايلامچىق قىلىۋاتقان بالىلارنى كۆرسەم يۈركىم پىچاق بىلەن تىلغاندەك ئېچىشىپ كىتىدۇ.
ئوخشاش دەۋىر ۋە جەمئىيەتتە ياشاۋاتقان بالىلار ، لىكىن ياشاۋاتقان مۇھىتى تۈپتىن ئوخشىمايدۇ. ئاللا ھەممىمىزنىڭ ئىشىنى ئاسان قىلغاي! | ||||
---|---|---|---|---|---|
ayexa دەرىجىسى :يېڭى ئۆگەنگۈچى | دىيارىمغا كىلىپ ئۆزەمنىڭ تىلدا ناھايىتى ئاجىزلىقىمنى بىلدىم ،ھەم شۇنداقلا ئىلگىرى يازغان ئىجادىيەتلىرىمنى ساقلاپ قويمىغىنمغا پۇشايمان قىلدىم ،بۇندىن كىيىن تېرىشىپ سىلەرگە يېتىشمەن
| ||||
---|---|---|---|---|---|
idikut108 دەرىجىسى :يېڭى ئۆگەنگۈچى | ئىچىم بەك ئاچچىق بۇلۇپ كەتتى ،ھەي تۇرمۇش ئادەمگەنىمىنى قىلدۇرمايدۇ دەيسىلەر!!!!!!!!!!!
ھەي بىچارە ،ئاجىزلار.......... | |||||
---|---|---|---|---|---|---|
idikut108 دەرىجىسى :يېڭى ئۆگەنگۈچى | ھەي .ئىچىم بەك ئاچچىق بولۇپ كىتىۋاتىدۇ.ھەي بىچارە ،ئاجىزلار
بەك ياخشى تېما يوللاپسىز ،ھەممىمىز ئەتراپىمىزدىكى غېرىپ،مىسكىن،ئاجىزلارغا كۈڭۇل بۆلەيلى!!!!!!!! | |||||
---|---|---|---|---|---|---|
indian دەرىجىسى :يېڭى ئۆگەنگۈچى | ھەي بىچارە ئۇيغۇر مىللىتى سەن تۇلىمۇ يىتىم ، قارانچۇقسىز قالدىڭغۇ ، بۇ ئۇماق بىچارە سىڭلىمىزلا ئەمەس پۈتكۇل ئۇيغۇرلار مۇشۇنداق مۇشكىلاتلارنى كەچۈۋاتىدىغۇ ، كەلگۈلۈك كېلىۋاتىدىغۇ ، ھەي مەن ئادلوف گېتلىرنى سېغىنىۋاتىمەن !
| |||||
---|---|---|---|---|---|---|
pakzat~ دەرىجىسى :دائىملىق ئەزا | بۇنىڭسىزمۇ دەردىم يېتىپ ئاشاتى ،، ئادەمنى تېخىمۇ بىر قىسىم قىپ قويدىڭىزغۇ بۇ ،،،، ھەي شەكىرە ،، بۇنداق بالادىن نەچىسى باركىن دەپ ئىزلەنمەكچى بولسىڭىز ، ئىزلىسە تاپقىنى بولمايدىغان ، قوغلىسا كەتكىنى ئۇنىمايدىغان ئىزلىسە تاپقىنى بولمايدىغان ،خېلى بار ،، ياردەملىشەي دىسىڭىز مەن دەل شۇ ئىشلارنىڭ كۇزەتكۇچىسى ،،
| ||||
---|---|---|---|---|---|
nazakat29 دەرىجىسى :شەبنەم ئەزاسى | بۇ ئەسەرنى ئوقۇپ بىر قىسمىلا بوپ قالدىم ،دىممىسىمۇ كۆز ئالدىمىزدىكى بۇ رىئاللىق بىزنى بەكمۇ بىئارام قىلىدۇ ....بىچارە بالىلار ........ئۇلارنىڭ تۇغۇلۇپ قالغىنى گۇناھمۇ؟!
| |||||
---|---|---|---|---|---|---|
kok-sultan تەۋپىق ئىزچىسى | بىچارە ئۇيغۇر قىزلىرى تۈرلۈك سەۋەپلەر بىلەن ئۇقۇشسىز قېلىۋاتقان...
| ||||
---|---|---|---|---|---|
aizizi دەرىجىسى :يېڭى ئۆگەنگۈچى | دوستۇم شاكىرە تىمىڭىزنى كۆرۈپ تس قالدىم يىغلاپ كەتكىلى ،بەك ياخشىكەن ،كۆپرەك يللاپ تۇرۇڭ ،قۇلىڭىزدىن گۈلئۈنسۇن
| |||||
---|---|---|---|---|---|---|
aizizi دەرىجىسى :يېڭى ئۆگەنگۈچى | بىچارە قىز ،ھايۋان كەبى تۇرنۇشقا قانداق چىدىغانسىز-ھە!
ئادەمدە ۋىجدان ۋە غورۇر بولغۇلۇق، ئۆز ھايات يولىنى توغرا ماڭغۇلۇق. يولۇقسا يامانغا مۇشتلارنى ئېتىپ، يىتىم ۋە ئاجىزنى يۆلەپ قويغۇلۇق. | |||||
---|---|---|---|---|---|---|