سىزنى ياخشى كۆرۈپ قالغاچقا يىنىڭىزدىن كەتتىم 

                             
                                                                            نازاكەت   
                       
                    مەن تۈۋەندە تاسادىپى قۇلۇمغا چۈشۈپ قالغان بىر پارچە خىتىنى تورداشلارغا يوللىماقچىمەن .
                                                                  *                  *                  *           
                                                                          سالام سىزگە
                  قەدىرلىك ئېھسان!
                سىزنىڭ رۇخسىتىڭىزنى ئالمايلا  شۇنداق ئاتىدىم ،بۇ تۇنجى ھەم ئاخىرقى قىتىم شۇنداق ئاتىشىم.(گەرچەقەلبىمدە كۈندە مىڭ رەت تەكرارلاپ تۇرساممۇ ).مەن ئەتە كۈچۈپ كېتىمەن  ،ئەمدى ئۆزۈمنى دېرىزە تەكچىسىگە چىقىۋېلىپ،سىزنى مىڭلىغان ئونمىڭلىغان كىشىلەر ئارىسىدىن ئىزدەش پۇرسىتىدىن مەھرۇم قىلىپ،بۇ كەڭ شەھەرنىڭ نامەلۇم كۇچىسىدامەڭگۈ سىزنىڭ نەزىرىڭىزدىن ساقىت ھالدا ياشايمەن .بۇ ئاخىرقى ۋىدالىشىش سالىمىمنى ئاڭلاڭ،يۈرىكىڭىز بىلەن ئاڭلاڭ!
                ئىكىمىز تۇنجى ئۇچراشقان ھىلىقى كۈن ئىسىڭىزدىمۇ؟ .ئۇ ئاپىرىلنىڭ دەسلەپكى كۈنلىرى ئىدى ....
              دەم ئىلىش، كۈنى مەن بالىكونغا چىقىپ يولدىن ئۆتكەن- كەچكەنلەرگە قارىغاچ ،ئوقۇغۇچۇلۇق ھاياتىمنى ئەسلەشكە باشلىدىم .بۇ ئادەت يالغۇزلىقىمغا تەسەللى ئىدى ،تۇيۇقسىزكۆزلىرىم تۇنۇش بىر گەۋدىگە چۈشتى-دە،ئورنىمدىن سەكرەپ تۇرۇپ كەتتىم .«ئۇ ئەمەستۇ؟..ئۇ قانداقمۇ بۇ يەردە..؟ ياق دەل ئۆزى ..» مەن ئىختىيارسىز ساپما كەش بىلەنلا پەسكە چۈشۈپ، يولغا قاراپ يۈگرىدىم. چاچلىرىمنى يىڭى يۇغان بۇلۇپ تېخى بوغىۋىلىشقا ئۈلگۈرەلمىگەن ئىدىم .ئۇ گەۋدە خېلى يىراقلاپ كەتكەن بۇلۇپ ،مەن ھىچنىمىگە قارىماي  كۈچۈمنىڭ بارىچە يۈگرۈپ بېرىپ ئۇنىڭ مۈرىلىرىدىن تارتىپ ئۈزەمگە قاراتتىم .ئۇ سىز ئىدىڭىز ،سىز ھەيرانلىق ۋە چۈچۈش ئىچىدە ماڭا باقتىڭىز،چاچلىرى پاخپايغان ،ناتۇنۇش بىر قىزنىڭ يۈگرىپ كىلىپ ئۆزىگە تارتىشى ھەر قانداق ئادەمنى چۈچۈتمەي قالمايدۇ-دە.
              -  نىمە بولدى خان؟
              _ ھى..ھىچ...ھىچنىمە ،_ نۇمۇستىن يەرگە كىرىپ كەتكۈدەك بولدىم ،_ سىزنى بىرىگە ئوخشىتىپ قاپتىمەن ،كەچۈرۈڭ!
                مەن ئاخىرقى گەپلەرنى شۇنداق تېز دىدىمدە ،كەينىمگە يىنىپ ئۇچقاندەك يۈگرۈپ كەتتىم .مەن ئۇنى مەتۇنجى يىگىتىمگە ئوخشىتىپ سالغان ئىدىم .«نىمە دىگەن سەتچىلىك ! نۇمۇستىن ئۆلدىمغۇ!» مەن ئۆز-ئۆزۈمگە كايىغاچ ئۆيگە كىردىم ،ئەمما كەچ كىرگۈچە سىزنى ئۆزۈمگە قاراتقان شۇ ھالەتنى كۆز ئالدىمدىن تەرىك ئېتەلمىدىم .يىمىرىلگەن قاپ-قارا قاشلار ،ئوتلۇق بىر جۈپ كۆز ....بارغانسېرى كۆز ئالدىمدا روشەنلىشىپ كەتكەن ئىدى .
              ئەتىسى ئىكىمىز كۆكتات دۇكىنى ئالدىدا ئۇچرىشىپ قالدۇق ،سىز ماڭا لاپپىدە بىر قارىۋىتىپ توختىدىڭىز ،نىمىشقىدۇر مەنمۇ ئۈزەممۇ بىلمەي ئورنىمدا تۇرۇپ كاپتىمەن ،(ماڭا گەپ قىلىدۇ دەپ ئويلىغان چېغىم).ئەمما سىز يانچۇقىڭىزدىن تاماكا چىقىرىپ تۇتاشتۇردىڭىز -دە مىڭىپ كەتتىڭىز ،<ھە، ئەسلىدە تاماكا چەكمەكچى بوپتىكەندە>  نىمە دىگەن سەتچىلىك !! مەن ئۇدا ئىككى كۈن ئالدىڭىزدا شۇنداق سەتلەشتىم .
                بۇ ئىككى كۈن خامۇشلا يۈردۈم ،قوللىرىم ئىشقىمۇ بارمىدى .مەن نۇمۇستىن باشقا ،يەنە قانداقتۇر نەرسىنىڭ قەلبىمگە بۈسۈپ كىرگەنلىكىنى غۇۋا ھىس قىلغاندەك بولدۇم ...
              سىزنى ئىلگىرى ئەزەلدىن كۆرۈپ باقمىغان بۇلۇپ ،ئۇدۇلىمىزدىكى بىناغا يىڭىدىن كۈچۈپ كىرگەن ئىكەنسىز ، بۇ ئىككى بىنانى ئارىدىكى چوڭ يول ئارىپ تۇراتتى .
                بىز دائىم كۆكتات  دۇكانلىرىدا ،ئۆيگە قايتقاندا ئايرىلدىغان دۇقمۇشتا ئۇچرۇشۇپ قالاتتۇق ،ئەمما كۆزلىرىمنى شۇ قەدەر تېز قاچۇراتتىمكى......
              ئارىدىن بىرەر ئاي ئۆتكەن بىر كۈنى ،بىز يەنە شۇنداق كۈلكىلىك ھالەت ئىچىدە ،ھەقىقى تۇنۇشۇشقا مۇيەسسەر بولدۇق ....ئۇ كۈنى مەن ساۋاقداشلار يىغىلىشىغا ئالدىراپ كىتىۋاتاتتىم، ئەتراپنى سۇز قاراڭغۇلۇق قاپلاشقا باشلىغان ،مەن تىلېفۇندا سۆزلىشىپ كىتىۋاتقاچقا ،دىققەتسىزلىكتىن يەرگە تاشلانغان بانان شۈپۈكىگە تېيلىپ ئوڭدامغا چۈشتۈم«.يا،ئاللا ،نىمە كارامەت!؟ »كۆز ئالدىم قاراڭغۇلۇشۇپ كەتتى ،شۇ دەرىجىدە قاتتىق چۈشۈپتىمەنكى ،نۇمۇس ئىچىدە يۈگرۈپ تۇرۇپ كىتىشنىمۇ ئويلىماي يىتىپتىمەن ،بىرى تېزدىن يۈگرۈپ كىلىپ يۈلىدى :
              _ ھىچنىمە بولمىغانسىز؟
              بۇ سىز ئىدىڭىز ،...ماڭا كەلگەن نىمە ئەلەم بۇ؟يىقىلغانغىغۇ مەيلى دەي ،يەنە مۇشۇ سەتچىلىك ئىچىدە سىزگە ئۇچراپ قالغىنىمغا نىمە دەيمەن ؟.....چوپ-چوڭ  بىر قىز كۈچىدا يىقىلىپ ياتسا......
              _ھىچنىمە...ھىچنىمە...._ ئاۋازىممۇ يىغلىغاندەك چىقتى ،ھەقىقەتەنمۇ يىغلىغان ئىدىم .مىنى يىغلاتقان بايىقى ئاغرىقمۇ ياكى نۇمۇسمۇ بىلمەيمەن .سىزنىڭ مىنى مۇشۇ سەتچىلىك ئىچىگە يالغۇز قۇيۇپ كىتىشىڭىزنى تۇلىمۇ ئۈمۈت قىلاتتىم ،ئەمما سىز ئۇنداق قىلماي ئۈستى -بېشىمدىكى تۇپىلارنى قېقىشتۇرۇشقا باشلىدىڭىز ....ئەتراپتىكىلەرنىڭ نەزىرىدە  بۇ ھالىتىمىز بىلەن سىز  كۈيۈمچان ئاكا،مەن بولسام كەپسىز سىڭىل ئىدىم .
              _ بۇ كىمنىڭ قىلغىنىدۇ؟ شۆپەكنى ئەخلەت ساندۇقىغا تاشلىماي...._ سىز  سۆزلىگەچ بىلەكلىرىمنى <سۇندىمىكىن >دىگەن نىيەت بىلەن ،تۇتۇپ باقتىڭىز ،جەينىكىمنى تۇتقىنىڭىزدا ۋارقىراپ ،قۇلىڭىزنى ئىتتەردىم .
            بىز شۇنداق قىلىپ تۇنۇشۇپ قالدۇق ،شۇ كۈنى سىز مىنى يىقىن ئەتراپتىكى دوختۇرخانىغا ئاپرىپ،جەينىكىمنى تاڭدۇرۇپ قويدىڭىز ....ئەنە شۇ دەقىقىلەردىن باشلاپ ئاجايىپ بىر ئىللىق ئېقىن پۈتۈن ۋۇجۇدۇمغا يامراپ كىرگەن ئىدى .
          ئارىدىن 2 كۈن ئۆتۈپ بىز يەنە شۇ دۇقمۇشتا  ئۇچراشتۇق :
          _ يارىڭىز ياخشى بۇلۇپ قالدىمۇ؟
          _ خېلى ياخشى بوپ قالدى .
          - ئەكىلىڭە ،كۆرۈپ باقاي
        _  ياق! _ چۈچۈپ بىلىكىمنى سىزدىن قاچۇرۇپ ،يانچە تۇرۋالدىم .ئارقىدىنلا بۇ بالىلارچە قىلىقتىن ئىكىمىزلا كۈلۈشۈپ  كېتىشتۇق .
            ھەر ئىكىمىز يۇلىمىزغا ماڭدۇق ،لىكىن 10 قەدەم ماڭمايلا ،كەينىمگە قاراپتىمەن . دەل شۇ ۋاقىتتا سىزمۇ كەينىڭىزگە قارىغان ئىكەنسىز . < ۋاي خۇدا!> ...كۆزلىرىمنى بەكمۇ تېز قاچۇرۇپ ،يۈگرىگەندەك مىڭىپ كەتتىم .
                ئىيون ئايلىرى كىرىپ ،يىنىمىزدىكى باغچا ئاجايىپ جانلىنىپ كەتكەن بۇلۇپ ، ئىكىمىزنىڭ كۆڭۈل سىرلىرىمىز شۇ يەردىن باشلانغان ئىدى . ئېھسان، ئىكىمىز شۇ ئورۇندۇقتا يانمۇ-يان ئولتۇرغۇنىمىزدا ،ئۆزەمنى قانچىلىك بەخىتلىك ھىس قىلىدىغىنىمنى بىلەمسىز؟!چۈنكى سىز ،تۇنجى سۆيگىنىمدىن ئايرىلغاندىن كىيىن مۇزلاپ كەتكەن يۈرۈكىمنى ئىللىتقان بىردىن -بىر ئادەم ئىدىڭىز ،بىلمىدىن قانداق بىر كۈچ مىنى سىزگە شۇ قەدەر مەھلىيا قىلدىكىن ؟ سىزنىڭ كۆزلىرىڭىز ،گەپ قىلغاندىكى ئاۋازىڭىزلا ئەمەس، ھەر بىر ئاددى ھەركەتلىرىڭىزمۇ شۇ قەدەر يىقىملىق ئىدىكى ....مەن ئاللىقاچان مەجنۇنغا ئايلانغان ئىدىم .
                مەن بولسام ،بىر قىتىملىق ئېغىر مەغلۇبىيەتتىن ئېسىمگە كىلەلمىگەن ،تۆت تامنىڭ ئىچىدە پەقەت ئازاپلىرىم  بىلەنلا مۇڭدۇشۇشقا مەھكۇم بولغان بىچارە قىز ! سىز بولسىڭىز كۆڭلى ئائىلىدىن ، ئايالىدىن سۇ ئىچمىگەن  ،ئەمما پات ئارىدا دادا بۇلۇش شەرىپىگە مۇيەسسەر بۇلىدىغان مىسكىن ئەر .
              سىز بۇلارنى ماڭا ئېيتىپ بەرگىنىڭىزدە ،تۇلىمۇ .ازاپلاندىم ،سىزنىڭ ئەھۋالىڭىزنى بىلمەيلا ئالدىراپ چۈشۈپ قالغان كۆڭلىمگە مىڭلارچە لەننەت ئوقۇدۇم .مىنى يەنە بىر قىتىملىق مەغلۇبىيەت كۈتۈپ تۇرماقتا ئىدى.
              كۈز كۈنلىرىنىڭ بىرىدە ،شۇ ئورۇندۇقتا ،شېرىن ھىسلىرىم ،شاتلىق كۈلكىلىرىم مۇجەسسەملىشىپ كەتكەن شۇ ئورۇندۇقتا ئاخىرقى قىتىم ئولتۇردۇق .
          _ ئۇزۇن بولدى كۆرۈنمەيلا قالدىڭىزغۇ؟_ يۈزلىرىڭىزگە ئورنىشىپ كەتكەن مىسكىنلىك ،ئەمدىلىكتە ئاۋازىڭىزغىمۇ كۆچكەن ئىدى . ئەمىلىيەتتە  بۇنىڭ سەۋەبىنى سىز ئوبدان بىلەتتىڭىز .
              _ ئالدىراش بوپ قالدىم شۇ ، ھە راسىت ،ئايالىڭىزنىڭمۇ يەڭگىشىگە  ئاز قالغاندۇ ؟_ بۇ سۇئالنى سوراپ سالغىنىمغا بەكمۇ ئۈكۈندۈم .
              سىز جاۋاپ بەرمەي ،ماڭا ئۇزاقتىن ئۇزاق  قاراپ كەتتىڭىز ،قاراشلىرىڭىزغا  سىڭگەن ئىمكانسىزلىق يۈرۈكىمنى لەختە- لەختە قىلىۋەتتى .
              _ ھەدىيە ،كىشلىك ھايات ئاجايىپ بۇلىدىكەن ،ئادەم ھەممىشە كېچىكىش نوقتىسىدىلا تۇرىدىكەن ،بىر ئۈمۈر ئىزدىگەن گۈھەرنى تۇيۇقسىز ئۇچراتقان چېغىڭىزدا ،ئۇنى قوينىڭىزغا مەھكەم يۇشۇرۇش ئىمكانىيىتىدىن قالغان بۇلىسىزكەن ..... كۆز ئالدىڭىزدىكى ئەنە شۇ گۈھەرگە قاراپ ،مۇزدەك بىر تەن بىلەن بىللە ياشاشنىڭ قايغۇسىنى سىز بىلمەيسىز ! سىز بىلەن تۇنۇشقاندىن كىيىنكى كۈنلىرىمنى .ئەنە شۇنداق سۈكۈت ئىچىدە ئۆتكۈزدۈم ،سىزنى 2 يىل بۇرۇن ئۇچراتمىغىنىمغا بەكمۇ ئۈكۈندۈم ،ئەمدى بىر قارارغا كەلدىم ھەدىيە ،سىزنى  ئاللانىڭ  مەنىسىز تۇرمىشىمغا قىلغان ھەدىيەسى دەپ چۈشۈنىشىمنى خالامسىز؟
              كۆزلىرىڭىزدىن ئۈتۈنۈش ،ئىلتىجا چىقىپ تۇراتتى .بىلسىڭىز بۇ ئىلتىجا مىنى بىر دەقىقە دۇنيادىكى ئەڭ بەخىتلىك ئادەمگە ئايلاندۇرۇپ ئۆتتى ...بارلىق جۈرئىتىمنى يىغىپ ،دائىم قاچۇرۇپ ئۆگۈنۈپ قالغان كۆزلىرىمنى  ،مىنى تۇنجى رەت ئەسىر قىلىۋالغان كۆزلىرىڭىزگە تىكتىم :
              _ بۇ ئۈمۈتسىزلىكمۇ يىتىپ ئاشاتتى ، يەنە نىمە ئۈچۈن قىلچە ئىمكانىيىتى بولمىغان ئۈمۈتسىز سۇئال بىلەن مىنى قىينايسىز؟!_ ئاۋازىم ناھايتى ئىچىنىشلىق چىقىپ كەتتى ،تۇرغۇدەك مادارىم يوق ،يۈزلىرىمنى ئەتكىنىمچە ماڭا سوزغان قوللىرىڭىزنى بوشلۇقتا قالدۇرۇپ  ،يۈگرۈپ كەتتىم .
            ئېھسان ،سىزنى ياخشى كۆرۈپ قالغان ئىدىم ،سىز مىنى ياخشى كۆرگەندىنمۇ ئارتۇق ياخشى كۆرۈپ قالغان ئىدىم ......سىزنى ياخشى كۆرگەچكە، يىنىڭىزدىن كەتتىم !!!
            مەن سىزگە قانچە تېز باغلىنىپ  قالغان بولسام ،سىزمۇ ماڭا شۇنچە تېز باغلىنىپ قالغان ئىكەنسىز ،كونا سۆيگىنىمنىڭ سىماسىنى چىھرىڭىزدىن ئىزلەش بىلەن باشلانغان بۇ مۇھەببەتنىڭ قەلبىمگە بۇنچە چوڭقۇر يىلتىز تارتىپ كىتىشىنى ئويلاپمۇ باقمىغان ئىكەنمەن .گەرچە بۇ شېرىن مۇھەببەتتىن مەسىت بۇلۇش شەرىپىگە مۇيەسسەر بۇلالمىغان بولساممۇ ،ئىكىمىزنىڭ بۇ قىسقىغىنە  ئەسلىمىلىرىمىز كىيىنكى كۈنلەردىكى يالغۇزلىقىمغا تەسەللى بۇلالايدۇ .
              كەچۈرۈڭ ! مەن تەلىپىڭىزنى رەت قىلدىم .ئىكىمىزنىڭ بۇ مۇھەببىتىمىز يىنىڭىزدىكى ئۈمۈرلۈك ھەمراھىڭىزغا قىلىنغان ھاقارەت!
            ئۇيغۇر قىز -ئاياللىرى تارىختىن بۇيان ۋاپادار ،ئەخلاقلىق ئاتىلىپ كەلگەن ،مەن ئۆز مۇھەببىتىم ئۈچۈن مىللىتىمنىڭ مۇقەددەس ئەقىدىسىگە داغ چۈشۈرۈشنى خالىمايمەن ! پات ئارىدا دۇنياغا كىلىدىغان يۈرەك پارىڭىزنىڭ  يورۇق دۇنياغا كۆز ئاچا-ئاچماستىنلا ئاتىسىز يىتىم بۇلىشىنى تېخىمۇ خالىمايمەن !!
                كۇچىلاردا تېنەپ-تەمتىرەپ يۈرگەن تىرىك يىتىم -يىسىرلار نىڭ  تەڭدىن تۇلىسى ئاتا -ئانىلارنىڭ پەسكەشلىكىنىڭ ،شەخسىيەتچىلىكىنىڭ  قۇربانى ئەمەسمۇ؟!ئەنە شۇ ئاتا -ئانىلار ئۆز تىنىدىن ئاپىرىدە بولغان كۆز قارچوغلىرىنى ئۈمۈرلۈك ۋەيران قىلىۋېتىپ ،شاللاق ھاياتنىڭ سېسىق تۇمانلىرى ئىچىدە ياشايدۇ. مەن سىزنىڭ شۇلار قاتارىدىن ئورۇن ئېلىپ قىلىشىڭىزنى خالىمايمەن !!
              مەن تەلپۇنگەن ئىللىق باغرىڭىز ماڭا ئەمەس ،بالىڭىزغا تەئەللۇق !سىز ئۇنى بوش پەپىلەڭ،ۋىلىقلاپ كۈلسۇن ! ھەرگىزمۇ قاراڭغۇ بۇلۇڭلاردا ئۈمچەيمىسۇن! شۇندىلا ،مەن سىزنى ياخشى كۆرۈپ ئۆتكىنىمگە ھەرگىز ئۈكۈنمەيمەن !!
            خەيرى ،ئېھسان!سىزنىڭ ۋاپادار ئەر ،مىھرىبان دادا بۇلۇشىڭىزنى ئۈمۈت قىلىمەن ھەم ئاللادىن تىلەيمەن !مىنى بەخىتلىك بولسۇن دىسىڭىز ،ھەرگىز ئىزدىمەڭ!!
             

                                                                  ھەدىيە
                                                *                      *                            *   
            دوستۇمنىڭ تېخى ئېۋەتىشكە ئۈلگۈرمىگەن بۇ خېتىنى ئوقۇپ تۈگەتكىنىمدە ،كۆز ياشلىرىم ئاللىقاچان بۇ ھەسرەتلىك قۇرلارنى يۇيۇپ ئۆتكەن ئىدى ...
                                                   
           
               
   
     

بەك ياخشى يېزىلغان خەت ئىكەن.

ئاللا ھەر ئىككسنىڭ بەختىنى بەرسۇن . سۆيۈپ تۇرۇپ ئىرشەلمەسلىك بەك ئازاب ھە! ئەمما بۇ كېينكى ئازابدىن مىڭ ياخشى .

نىمدىگەن ئاق كۆڭۈل قىزبۇ!
بەك تەسرلەندىم.

بەك تەسىرلىككەن......ياخشى يىزىلىپتۇ.....ياخشى تىمىلىرىڭزنى ئايىمىغايسىز!
بۇنى ئوقۇپ قاچانلاردىدۇ يادلىۋالغان بىر شئىر يادىمغا كەلدى.
دۇنيادا ھەممىدىن قىممەتتۇر ھايات،
ھاياتتىن قىممەتتۇر ئوتلۇق مۇھەببەت.
ۋە لىكىن كىچىمەن ھەر  ئىككىلىسىدىن،
ئەركىنلىك ئازاتلىق ئۈچۈنلا پەقەت.

مىللىتىمىزنىڭ كەلگۇسى ئۈچۈن ، شۇ ئۇماق نارسىدە بالىلارنىڭ كىلەچىكى ئۈچۈن ئۆز سۆيگۇنىدىن ۋاز كەچكەن شۇ تاتلىق قىزغا ئاپىرىن ! سىز يىراقنى كۆرەلىپسىز ، شۇ يىگىت بەلكىم شۇ قىزنى نىكاھىغا ئالغان ۋاقتىدىمۇ ھېچكىم ئۇنى زورلىمىغاندۇ ؟! ئەمدى بولغاندا بالىلىق بولغېلى ئاز قالغاندا شۇ چاغدىكى تاتلىق ئايالىدىن ،تۇرمۇشىدىن ئەمدى سۇ ئىچمەپتىما ؟ ئىككى يىل ئىلگىرى سىزنى ئالغان بولسىمۇ بەلكىم يەنە شۇ تۇرمۇشتىن سۇ ئىچمەي نەلەردىمۇ چاچراپ يۇرەتتى ئۇ ئۈژمە كۆڭۈل ؟ تۇنجى ئايالىدىن ۋاز كېچەلىگەن ئادەم سىزدىنمۇ ۋاز كېچەلەيدۇ .

بۇ قىز بەكمۇ جىگەرلىك ئىكەن      

بۇ قىزغا ئاپرىن ئوقۇيمەن، مۇشۇنىڭغا ئوخشاش قىسمەتكە يولۇققان قىزلارنى يوق دىگىلى بولمايدۇ،لىكىن بۇنداق توغرا يولنى تاللىيالايدىغانلار زادى قانچە؟؟؟

راستىنلا  بەك  قەيسەر  قىز  ئىكەن.
تېما  ئىگىسىگە  رەخمەت ،ياخشى  يوللاپسىز ،ھارمىغايسىز .

سىز  بەكمۇ جىگەرلىك ئىكەنسىز . شۇ يىگىت بەلكىم شۇ قىزنى نىكاھىغا ئالغان ۋاقتىدىمۇ ھېچكىم ئۇنى زورلىمىغاندۇ ؟! ئەمدى بولغاندا بالىلىق بولغېلى ئاز قالغاندا شۇ چاغدىكى تاتلىق ئايالىدىن ،تۇرمۇشىدىن ئەمدى سۇ ئىچمەپتىما ؟ ئىككى يىل ئىلگىرى سىزنى ئالغان بولسىمۇ بەلكىم يەنە شۇ تۇرمۇشتىن سۇ ئىچمەي نەلەردىمۇ چاچراپ يۇرەتتى ئۇ ئۈژمە كۆڭۈل ؟ تۇنجى ئايالىدىن ۋاز كېچەلىگەن ئادەم سىزدىنمۇ ۋاز كېچەلەيدۇ .
قىزلار دىققەت قىلىڭلار . بۇنداق كۇيۇمچان جورىىدىن يۇز ئۇرىيەلگەن ئۈژمە كۆڭۈل  سىزدىن چىرالىقراق بىرسىنى تاپسا
سىزدىن كۇڭلى سۇ ئىچمەي يەنىلا شۇ قىزغا ئۇسسايدۇ ،

تىمىسى بەكلا تونۇش بىلىندى،بۇرۇن بىر خەنزۇچە ژورنالدا ئوقۇغاندەك قىلىمەن.

مەن بۇ ئەسەرنى ئوقۇغاندىن كىيىن ئىنتايىن تەسىرلەندىم . قىزچاق ، ئىرادىڭىزگە ئاپىرىن ئوقۇيمەن ، سىز گە بەخىت - ئامەت تىلەيمەن .ئاپتور سىزنىڭمۇ تىخىمۇ ياخشى ئەسەرلەرنى كۆپلەپ يىزىشىڭىزنى چىن دىلىمدىن ئۈمۈد قىلىمەن .

SALMAK  :
    راستىنلا  شۇنداق بۇلارمۇ؟    

ھەقىقەتەن تەربىيۋى ئەھمىيىتى يوقىرى ئەسەركەن ،تېخىمۇ نادىر ئەسەرلەرنى ۋۇجۇتقا چىقىرىشىڭىزغا تىلەكداشمەن.

  ئاجايىپ بىر قەيسەر بىر قىزكەنغۇ بۇ ~~  

ھەقىقەتەن ياخشى يېزىلغان ئەسەر بوپتۇ،ئۇلۇغ ئاللاھ ئاشۇ دوستىڭىزنىڭ بەختىنى بەرسۇن...........

              ئاللا  بارلىق قىزلىرىمىزنىڭ  ئىنساۋىنى  بەرسۇن !!!
              ئەجرىڭىزگە رەھمەت!!!!