ئۇسلۇب يۆتكەش
wind5
wind

XabnamBBS » مۇنبەر مەخسۇس سەھىپىسى » شەبنەم مۇنبەر ئوقۇشلۇقى

سىز بۇ تېمىنىڭ 218ـ ئوقۇرمىنى

بۇ بەتتىكى تېما: شەبنەم مۇنبەر ئوقۇشلۇقى	IE دا ساقلىۋېلىش \| تېما ساقلىغۇچتا ساقلاش \| ئالدىنقى تېما \| كېيىنكى تېما

karwanoti

دەرىجىسى :دائىملىق ئەزا

دوستلۇققا قوشۇش
UID نۇمۇرى : 14404
نادىر تېما : 0
يازما سانى : 449
ئۇنۋان:6 دەرىجە ھازىرغىچە449دانە
شۆھرەت: 470 نۇمۇر
شەبنەم پۇلى: 4500 سوم
تۆھپە: 20 نۇمۇر
ياخشى باھا: 81 نۇمۇر
توردىكى ۋاقتى :284(سائەت)
تىزىملاتقان :2007-04-13
ئاخىرقى :2008-05-11

چوڭ كىچىكلىكى :كىچىك نورمال چوڭ

شەبنەم مۇنبەر ئوقۇشلۇقى

ئەسسالام ھۆرمەتلىك شەبنەم ئەھلى ، مۆھتىرەم باشقۇرغۇچىلار :
(مەن نەچچە رەت ئويلىنىپ بۇ تېمىنى يېزىشنى قارار قىلدىم ، ئەگەر مىنى بۇ نىمىگە ئاتكاچىلىق قىلىدىغاندۇ دەپ ھىس قىلغان بولساڭلار ، ئۇنداقتا سىلەردىن كەچۈرۈم سورىغان بولاي !)

شەبنەم مۇنبىرىمىز ئەزالىرىنىڭ كۆپىيىشىگە ئەگىشىپ ، تېمىلار ۋە تېمىغا مۇناسىپ ئىنكاس كۆپىيىپ بارماقتا . مۇنبەردە مەزمۇنى مول ، رەڭدار تېمىلار كۆپىيىپ ، سانسىزلىغان تورداشلىرىمىزنىڭ ھەرخىل ئېھتىياجىنى قاندۇرۇپ كەلمەكتە . شۇنىڭغا ئەگىشىپ يەنە بىر قىسىم كەمچىلىك ۋە سەۋەنلىكلەرمۇ مەۋجۇت. بولۇپمۇ يېقىندىن بۇيان مۇنبەردە شەبنەم قائىدە -تۈزۈملىرىنى تولۇق بىلمەسلىك سەۋەبىدىن قالايمىقان ئىنكاسلار كۆپىيىش ، ئەزالار ۋە باشقۇرغۇچىلار ئارىسدا ئۇقۇشماسلىق سەۋەبىدىن ئازارلىشىپ قېلىش قاتارلىق بىر قاتار ئىشلار يۈز بىرىۋاتىدۇ (شەخسەن مەنمۇ شۇنىڭ ئىچىدە ) . شۇڭلاشقا ، كەڭ تورداشلارنىڭ (بولۇپمۇ يېڭى ئەزالارنىڭ )مۇنبەر قائىدە-نىزاملىرنى تولۇق ئۈگۈنۈپ ، شەبنەم قانونغا خىلاپىق قىلماسلىقى ، شەبنەم تورىنى تېخىمۇ ياخشى چۈشنىشى ئۈچۈن ، شەبنەم تور بېكىتىنىڭ باشلىقى نىجات ئەپەندى باشلىق بىر نەچچە ئاساسلىق مۇنبەر باشقۇرغۇچىلارنىڭ بۇرۇن بىكىتكەن شەبنەم قائىدە - تۈزۈملىرى ۋەمۇنبەردە بىلىۋېلىشقا تىگىشلىك مەزمۇنلار ئاساسىدا ، شەبنەم مۇنبىرىگە ئەزا بولغۇچىلار ئۈچۈن چوقۇم بىر قېتىم كۆرۈشكە تىگىشلىك بۇ ئوقۇشلۇقنى رەتلەپ چىقتىم . ساغلام ،ئىناق شەبنەم مۇھىتى يارىتىشقا ئازراق پايدىسى بولۇپ قالسا ئەجەپ ئەمەس !
(باشقۇرغۇچىلارغا تەكلىپ : 1. مۇشۇ خىلدىكى ياكى تېخىمۇ مۇكەممەل بولغان بىر زۈرۈر ئوقۇشلۇق ماتىريالى تۈزۈپ چىقىپ ، ئەڭ ئۈنۈملۈك ئۇسۇل ئارقىلىق مۇنبەردىكى باشقۇرغۇچىلاردىن باشقا بارلىق ئەزالارنىڭ كۆرىشىگە تەۋسىيە قىلىنسا ؛ 2.يېڭىدىن تىزىملاتقان ئەزالار تىزىملاتقاندىن كىيىنلا ئۇنىڭغا مۇنبەرنىڭ مۇناسىۋەتلىك قائىدە - تۇزۈملىرى ۋە ئەپچىل ، ئىشلىتىشكە قولايلىق بولغان مۇنبەر دەرىسلىكى قىسقا ئۇچۇر قىلىپ يوللانسا بولامدۇ - بولمامدۇ ؟ )

تۆۋەندىكىسى « رەتلەنگەن شەبنەم مۇنبەر ئوقۇشلۇقى»

كىرش سۆز شەبنەم تورى توغرىسىدا

شەبنەم ئۇيغۇر تورى 2003-يىلى 12-ئايدا قۇرۇلغان بولۇپ ، ئۇچۇر ، ئەدەبىيات ، مۇنازىرە ، تەنتەربىيە ، توردىن ئىزدەشنى ئاساس ، ناخشا-مۇزىكا كۆڭۈل ئېچىش ، پاراڭ-سۆھبەتنى قوشۇمچە قىلغان ئونىۋېرىسال ئۇيغۇر تور بېكىتى .
شەبنەم ئۇيغۇر تورى قۇرۇلۇپ قىسقىغىنە ۋاقىت ئىچىدە ، كەڭ ئۇيغۇر قېرىنداشلارنىڭ ياقتۇرۇپ كۆرۈشىگە ۋە قىزىقىپ زىيارەت قىلىشىغا ئېرىشكەن بايراقدار تورلارنىڭ بىرى . شەبنەم تورى ئاساسىي زىيارەت قىلغۇچىلىرى شىنجاڭ ئۇيغۇر ئاپتونۇم رايونىدىكى ھەر قايسى شەھەر-ناھىيەلەردە تۇرۇشلۇق تورغا چىققۇچىلار بولۇپ، چەتئەل ۋە ئىچكىرى ئۆلكىلەردىن زىيارەت قىلغۇچىلارنىڭ سانى ، ئومۇمىي زىيارەت سانىنىڭ %7 ىنى ئىگەللەيدۇ . شەبنەم تورى ئاساسلىق باش بەت ، مۇنبەر ، تور ئويۇنى ، تور تېلفۇنى ، ناخشا-مۇزىكا ، توردىن ئىزدەش ، چايخانا ، .ئېلان-ئۇچۇر ... قاتارلىق قاناللارنى چۆرىدىگەن ھالدا ئۇيغۇر قېرىنداشلار ئۈچۈن ئەتراپلىق مۇلازىمەت قىلىدۇ .
2005-يىلى ، شەبنەم تورى مۇنازىرە مۇنبىرى يولغا قويۇلغاندىن كېيىن ، شەبنەم تور تەرەققىياتىدا تېخىمۇ قولايلىق بولغان تور سورۇنى ھازىرلاندى . شەبنەم مۇنبىرىگە - دەۋر رېتىملىرى، ئۇيغۇر ئۆرپ-ئادەتلىرى ، تەنتەربىيە ، شەبنەم ئەدەبىياتى ، شەبنەم مەرىپەت گۈلزارى ، ئىقتىسادىي ئۇچۇرلار ، تۇرمۇش يېتەكچىسى ... قاتارلىق كۆپ تەرەپلىملىك سەھىپىلەر قوشۇلۇش ئارقىلىق ، شەبنەم تور تەرەققىياتىدا زور بۆسۈشلەر ۋە نەتىجىلەر بارلىققا كەلدى . شەبنەم ئۇيغۇر تورى بېيجىڭ خىزمەت تەتقىقات گۇرۇپپىسى ، ئەڭ ئىلغار تېخنىكا ، ئەڭ سۈپەتلىك لاھىيە ئىشلەش پىرىنسىپىدا چىڭ تۇرۇپ ، تورغا چىققۇچىلارنىڭ قىزىقىشى ۋە ئېھتىياجىنى ، ئۇيغۇر تورىدا كېرەكلىك ماتىرىياللارنىڭ ئىشلىتىلىشىنى بىرىنجى ئورۇنغا قويۇپ كەلدى . توختىماي ئىزدىنىش نەتىجىسىدە ، شەبنەم تورى - چوڭلار ، ئوتتۇرا ياشلىقلار شۇنداقلا ياش-ئۆسمۈرلەرمۇ قىزىقىپ كۆرىدىغان ، زىيارەت سانى ۋە ئەزالىرى بىر قەدەر كۆپ بولغان ئۇيغۇر تور بېكىتىگە ئايلاندى .
شەبنەم تورى - ئۇيغۇر تورىدىكى چوڭ مەيدان ، تەشۋىقات ۋە ئۇچۇر ئالاقىدىكى كۆۋرۈك ! سىز ۋە بىزنىڭ ئارزۇ-ئارمىنىمىز دەل شەبنەم تورىدا ئەمەلگە ئاشقۇسى ! ئىشىنىمىزكى ، شەبنەم ئۇيغۇر تورى خىزمەت تەتقىقات گۇرۇپپىسى بۇنىڭدىن كېيىنكى تەرەققىيات مۇساپىسىدە ئۇيغۇر قېرىنداشلارغا تېخىمۇ يېڭى ھەم نادىر بولغان ئەسەرلىرىنى سوۋغا قىلغۇسى !

بىرىنچى مەزمۇن شەبنەم مۇنبىرى يېڭى قائىدە-نىزاملىرى

ئەسسالام شەبنەم مۇنبىرىنىڭ دائىملىق كۆرۈرمەنلىرى :
مۇنبىرىمىز ئەزالىرىنىڭ كۆپىيىشىگە ئەگىشىپ ، تېمىلار ۋە تېمىغا مۇناسىپ ئىنكاس كۆپىيىپ بارماقتا . مۇنبەر باشقۇرغۇچى قۇبۇل قىلىش ئۇقتۇرۇشىدىكى قىزغىنلىق بىزنى ھەقىقەتەن تەسىرلەندۈردى . قۇبۇل قىلىنىدىغان باشقۇرغۇچى سانى چەكلىك بولغاچقا ، بىز ئەڭ نادىرلاردىن تالللاپ باشقۇرغۇچىلىققا سايلىدۇق . باشقا ئەزالارنىڭ داۋاملىق تىرىشىشىنى ئۈمىد قىلىمىز ! تورداشلارنىڭ شەبنەمگە بولغان قىزىقىشى ئېشىۋاتقان مۇشۇنداق تەرەققىيات باسقۇچىدا ،بەزى ئەزالار يوللىغان سىياسىي خاراكتىرنى ئالغان تېما سۈرەتلەر تۈپەيلى مۇنبىرىمىز نورمال مۇلازىمەت قىلىشتىن توختاپ قېلىش ، تورداشلار مۇنبەرنى ھەتتا شەبنەم تورىنى زىيارەت قىلالماسلىقتەك ئېغىر ئەھۋاللار كۆپەيمەكتە . شەبنەم مۇنبەر گۇرۇپپىمىز مەسلىھەتلىشىش ئارقىلىق بىر قانچە يېڭى قائىدە تۈزۈملەرنى تۈزۈپ چىقىپ تورداشلار بىلەن ئورتاقلىشىشنى لايىق تاپتى .

1. مۇنبىرىمىزگە سىياسىي خارەكتىرنى ئالغان ، دۆلەت مەنپەتىگە زىيان يەتكۈزىدىغان ، مىللىي بۆلگۈنچىلىك خارەكتىرىدىكى تېمىلارنى يوللاش قاتتىق چەكلىنىدۇ ! شۇنداق تېما يوللىغان ئاپتورلارنىڭ ip ئادرېسى تەكشۈرۈپ ئېنىقلىنىپ ، جامائەت خەۋىپسىزلىك ئورۇنلىرىغا تاپشۇرۇپ بېرىلىدۇ .
2. مۇنبىرىمىزدە دىنى مۇنازىرىلەر چەكلىنىدۇ ! ساغلام دىنى تېمىلاردىن باشقا مۇنازىرە تۈسنى ئالغان دىنى تېمىلار تەستىقلانمايدۇ ! باشقۇرغۇچىنىڭ ھەر ۋاقىت دىنى تېمىلارنى تاقاش ھوقۇقى بار .(دىنغا شەك كەلتۈرۈشنىڭ ئۆزى بىر چوڭ خاتالىق ، قالايمىقان ئىنكاسلاردىن ساقلىنىش ئۈچۈن بۇ خىل ئۇسۇل قوللىنىلدى )
3. قالايمىقان تېمىلارنى تەستىقلىغان ، ئىمزا قويماي تەستىق سالغان باشقۇرغۇچىلارنىڭ باشقۇرۇش خاتىرىسى تەكشۈرۈلۈپ چارە قوللىنىلىدۇ . (؟؟؟؟؟؟،،،،،،،!!!!) شەكىلدىكى ماۋزۇلار بىلەن كارى بولمىغان ، ئىملا خاتالىقىنى تەھىرىرلىمەيلا تەستىقلانغان تېمىلارنىڭ باشقۇرغۇچىلىرى خاتالىق سانىغا قاراپ ۋەزىپىسىدىن ئېلىپ تاشلىنىدۇ . سىياسىي تېمىلارنى كۆرۈپ تۇرۇپ ئۆچۈرمىگەن باشقۇرغۇچىلار ، سىياسىي تېما رەسمىلەرنى يوللىغان ئەزالار شەبنەم مۇنبىرىدىن چەكلىنىدۇ !
4. شەبنەم مۇنبىرى ھەممىمىزنىڭ ئەركىن مۇنازىرە قىلىدىغان چوڭ مەيدانىمىز . ئۆز مىللىتىنى سۆيگەن كىشى ئۆز نەرسىسىنى قەدىرلەيدۇ . شۇڭا شەبنەم مۇنبىرىنىڭ ھاياتىغا خەۋپ يەتكۈزگەن ، ئۆزىنىڭ بىر تېمىسى كاساپىتىدىن مۇنبەرنىڭ نورمال زىيارەت قىلىنىشىغا تەسىر يەتكۈزگەن ئەزالار مۇنبەردىن مەڭگۈلۈك چەكلىنىدۇ ۋە تېما مەزمۇنىنىڭ قىلمىشىغا ئاساسەن جامائەت خەۋىپسىزلىك ئورنىغا مەلۇم قىلىنىدۇ .

ئۆزىنى ھۆرمەتلىگەن كىشىنى باشقىلارمۇ ھۆرمەتلەيدۇ ! شەبنەم مۇنبىرىنىڭ ھاياتى مەيلى سىز بىلەن مۇناسىۋەتلىك ياكى مۇناسىۋەتسىز بولسۇن ، ئاۋام ئۈچۈن ھەقسىز مۇلازىمەت قىلىۋاتقان چوڭ سورۇننى ئاسرىشىڭىزنى ، ھېچبولمىسا يامان غەرەزدە بولماسلىقىڭىزنى ئۈمىد قىلىمىز !

ئىككىنچى مەزمۇن شەبنەم يېڭى مۇنبىرى قوللانمىسى

كونا مۇنبەر ئەزالىرى يېڭى مۇنبەرگە تۇنجى كىرگەندە قايتا تىزىملىتىش ھاجەتسىز ، كونا مۇنبەردىكى ئىسىم ۋە شېفىر نورمال ئىشلەيدۇ ، بىراق ئەزالار يېڭى مۇنبەرگە كىرگەندە چوقۇم تۇنجى بولۇپ ئەزالىق ئارخىۋىنى قايتا تەھرىرلىشى كېرەك . ئەزالىق ئارخىۋىدا ؟؟؟؟؟؟؟؟؟؟؟؟؟مۇشۇنداق سۇئال بەلگىسى بولغان بارلىق جايلارنى چوقۇم قايتا تولدۇرۇپ يوللىشى لازىم ، بۇنداق بولمىغاندا كېيىنكى تېما يوللاش ۋە ئەسەر ئەۋەتىشتە خاتالىق كۆرۈلىدۇ . خەنزۇچە ۋە ئۇيغۇرچە كونا يېزىقتا تىزىملاتقان كونا مۇنبەر ئەزالىرى چوقۇم قايتا تىزىملىتىشى ياكى مۇنبەر باشقۇرغۇچىلىرى بىلەن ئالاقىلىشىپ ئىسىمنى ئالماشتۇرۇشى كېرەك . يېڭى مۇنبەردە پۈتۈنلەي لاتىن ھەرپىتە تىزىملىتىش قوللىنىدۇ . تورداشلارنىڭ يېقىندىن ماسلىشىشىنى ئۈمىد قىلىمىز !

1. مۇنبەردە تېما يوللاشتا دېققەت قىلىشقا تېگىشلىك ئىشلار

يېڭى مۇنبەرنىڭ ساپلىقىنى قوغداش ، يېڭى مۇنبەردە كونا مۇنبەردىكىدەك چاپلانما تېمىلارنىڭ ئاز بولۇشى ، مۇنبەر تېمىلىرىنىڭ ئىجادىيلىقى ۋە ئەمەلىيەتچانلىقىنى ئاشۇرۇش ئۈچۈن تورداشلارنىڭ ئىجادىي تېمىلارنى كۆپلەپ يوللىشىنى تەۋسىيە قىلىمىز ! چاپلانما ، كۆچۈرۈلمە تېمىلار مەزمۇنى ۋە قىممىتىگە قاراپ ، ئوخشاش بولمىغان تۈردە جازالىنىدۇ ياكى ئۆچۈرۈپ تاشلىنىدۇ . ھەر قانداق بىر تېمىنىڭ باشلىنىشىدا چوقۇم ئاپتور ۋە تېما ماۋزۇسى يېزىلغان بولۇشى ، ئەسەرنىڭ ئىجادىي ياكى كۆچۈرۈلمە ئىكەنلىكى ئەسكەرتىلگەن بولۇشى شەرت ! ئاپتورى ئېنىق بولمىغان شېئىرلار ، كېلىش مەنبەسى يېزىلمىغان ئەسەرلەر ئوخشاشلا باشقۇرغۇچىلار تەرىپىدىن بىر تەرەپ قىلىنىدۇ .
شەبنەم ئىجادىي ئەسەرلىرىنىڭ كۆپلەپ بارلىققا كېلىشى ئۈچۈن ، ھەممىمىزنىڭ ئورتاق تىرىشىشىغا توغرا كېلىدۇ . تېمىلاردا مىللى بۆلگۈنچىلىك ، ئۆز-ئارا قۇتراتقۇلۇق ، كەمسىتىش خاراكتىرى بولۇشقا بولمايدۇ . قۇتراتقۇلۇق ۋە ئەھمىيەتسىز ، بىر قانچە جۈملىدىن تۈزۈلگەن تېمىلارنى تەستىقلىغان ۋە يوللىغان باشقۇرغۇچى ۋە ئەزالار قاتتىق جازالىنىدۇ ۋە مۇنبەر تۇرمىسىگە سولىنىدۇ ! شەخىسلەرنىڭ كىشىلىك ھوقۇقىغا دەخلى تەرۈز يەتكۈزىدىغان تېمىلارنى يوللىغان ئاپتورلار ۋە شەھۋانىي رەسىملەرنى ۋە تېمىلارنى يوللىغانلار ip ئادرېسىغا ئاساسەن تەكشۈرۈپ چىقىرىلىپ ، شۇ جايدىكى ج خ ئورۇنلىرى ياكى مۇناسىۋەتلىك ئورۇنلارغا تاپشۇرۇلىدۇ . كەڭ مۇنبەر ئەزالىرىنىڭ تور بېكىتىمىز ۋە شەخىشلەرنىڭ كىشىلىك ھوقۇقىغا دەخلى يەتكۈزۈدىغان تېمىلارنى يوللىماسلقىنى ئۈمىد قىلىمىز !
كۆرگەن چۈشلىرىمىزنى ، ئاڭلىغان ناخشىمىزنى تېما قىلىپ يېزىشقا تېخىمۇ بولمايدۇ . مۇنبەرنىڭ ساپاسىنى ئۆستۈرۈش ، قىممىتىنى قوغداشتا ھەممىمىزنىڭ مەسئۇلىيىتى بار . قەشقەردە بوران چىقتى ، ئۈرۈمچىدە توپا ياغدى .... دېگەندەك تېمىلار باشقۇرغۇچىلارنىڭ ئۆچۈرۈپ تاشلىشىغا ئۇچۇرۇشى مۇقىم ، شۇڭا تېما يوللىغاندا ئەڭ ئاۋۋال تېمىنىڭ قىممىتىنى ئويلىشايلى ، ئۆزىمىزگىمۇ ، ئۆزگىگىمۇ پايدىسى بار ، ئەھمىيەتلىك تېمىلارنى يوللىساق ھەممە ھوزۇرلىنىدۇ .
تېمىلارغا ھەدىىدىن زىيادە كۆپ رەسىم ۋە ناخشى قىستۇرۇشقا بولمايدۇ . تور دۇنياسىدا ئىت - مۇشۇك ، ماشىنا ، تاغ-دەريا ... دېگەندەك رەسىم ئىنتايىن كۆپ ، ئۇنى يەنە ئەكىلىپ مۇنبەرگە يوللاشنىڭ ھېچقانداق ئەھمىيىتى يوق . چىقمايدىغان ناخشا، ئېچىلمايدىغان فىلىملەرنى يوللاپ ئۆزىمىزنىڭ ھەم باشقىلارنىڭ ۋاقتىنى ئىسراپ قىلىشقا بولمايدۇ . فىلىم ۋە رەسىم مەنزىلىنى مۇقىم قىلغاندىن كېيىن ئاندىن مۇنبەرگە يوللاش شەرت . ئېچىلمايدىغان ھۆججەتلەر باشقۇرغۇچىلار تەرىپىدىن تازلىۋېتىلىدۇ .

2. تېما ۋە ئىنكا س توغرىسدا

ئىملا خاتالىقى مەسلىسى - تېما ۋە ئىنكاسلاردىكى ئەڭ چوڭ مەسلە بولۇپ كېلىۋاتىدۇ . ھەر بىر تېما يوللىغۇچى ئاپتور چوقۇم ئۆزىدىن باشلاپ ئىملانىڭ توغرىلىقىغا ئالاھىدە دېققەت قىلىش كېرەك ! ھەرگىزمۇ تورداشلار ئوقۇپ چۈشۈنەلمىگۈدەك دەرىجىدىكى ئەخلەت تېمىلارنى يوللاشقا ھەم تەستىقلاشقا بولمايدۇ .
كونا مۇنبەردە كۆپىنچە شېئىرىيەت ئەدەبىيا ۋە كۆڭۈل ئېچىش توغرىسىسدا توختالدۇق . ئۇيغۇر مۇنبەرلىرى مەخسۇس ئەدەبىياتلا ئەمەس ، ھەر قايسى يۆنىلىشلەرگە قاراپ تەرەققىي قىلىۋاتقان بۈگۈنكى كۈندە ، شەبنەم مۇنبىرىمىز كۆڭۈل ئېچىش بىلەنلا چەكلىنىپ قېلىش ئىنتايىن ئەپسۇسلىنارلىق ئىش ! شۇڭا تورداشلارا تەۋسىيە قىلىدىغىنىمىز ، يېڭى مۇنبەرنى يېڭىچە قىياپەتتە گۈللەندۈرۈپ ، خەلقىمىز پايدىلىنالىغۇدەك ، تورداشلارنىڭ يۈرەك تارىنى تىترەتكۈدەك تېمىلارنى كۆپلەپ يوللايلى ! يېڭى مۇنبىرىمىزدە باشقۇرغۇچىلار ۋە مۇنبەر مەسئۇللىرى تېخىمۇ كۆپەيتىلىپ ، باشقۇرۇش تېخىمۇ چىڭىتىلىدۇ . يوللىغان تېمىلارنىڭ ھەممىسى باش بەتكە چىقىرىلىدىغان ھالەتكە خاتىمە بېرىلىپ ،< شاكىلىنى ئايرىپ مېغىزىنى تاللاش > بويىچە ، ئىجادىي ۋە قېرىنداشلارغا پايدىلىق بولغان تېمىلار تەستىقلىنىدۇ . قارايدىغان بولساق ، مۇنبىرىمىزدە شېئىر مۇتلەق كۆپ سالماقىنى ئىگەللەيدۇ . نۇرغۇن شېئىرلارغا پەقەت ماختاش ، پۈۋلەپ كۆتۈرۈشتەك ئىنكاسلار يېزىلغانلىقىنىلا كۆرىمىز ، يېڭى مۇنبەر شېئىرلارغا پەقەت ماختاش ئىنكاسى ئەمەس ، تەنقىدىي پىكىر بېرىش ، ئاپتورنىڭ كېيىنكى ئىجادىيەت يولىغا يېڭى ئۇقۇم ئېچىپ بېرىشتەك رولى بولغان ئىنكاسلارنى يېزىشنى قىزغىن تەۋسىيە قىلىدۇ . شۇنىڭ بىلەن بىرگە ، بەزى يېزىلغان ئىنكاسلار خۇددى بىز يادقا ئېىلىۋالغاندەك ياكى بولمىسا يازما سانىمىزنى ئاشۇرۇش ئۈچۈن زورلاپ يېزىلىۋاتقاندەك تۇيۇلىدۇ . يېڭى مۇنبەردە دەل مۇشۇنداق ئىشلارغا قارشى تۇرۇپ ، يازغانكەنمىز قىممىتى بار ، <مەن ئىنكاس يازدىم > دىگەنگە چۇشلۇق ئىنكاس ۋە تېمىلارنى يوللىشىمىز لازىم . ئۇدا قەستەن ئەھمىيەتسىز ، ھەرپ سانى بىر قانچىگە بارمىغان ئىنكاس يوللىغان مۇنبەر ئەزالىرى مۇنبەر تۈرمىسىگە تاشلىنىدۇ ياكى ئىنكاس ۋە تېما يوللىشى چەكلىنىدۇ !
<ياخشى بوپتۇ!><ھارمىغايسىز !><ئوبدان><رەھمەت>........ دېگەندەك ئىككى تال سۆز ياكى بىز ياد بولۇپ كەتكەن سۆزلەر ۋە قەستەن يازما سانىنى ئۆستۈرۈش ئۈچۈن زورلاپ يېىلغان ئىنكاسلار بىردەك تازلىنىدۇ . ئاشكارلانغان ھامان ، ئىنكاس ئاپتورلىرىنىڭ يوللاش ھوقۇقى توختىتىلىدۇ !
ئىملا خاتالىق ئەھۋالى مۇنبىرىمىزدە ۋە ئۇيغۇر مۇنبەرلرىدە ئورتاق ساقلىنىۋاتقان ئەھۋال . مۇنبەر - ئەزەلدىن يېزىش قابىلىيىتى بولغان ، يازغاننى چۈشىنىپ ھەزىم قىلالايدىغان تورداشلارنىڭ ئەركىن پىكىرلىشىدىغان كەڭرى سورۇنى . ھەرگىزمۇ تورداشلار ئارا ئۆچ-ئاداۋەت پەيدا قىلىدىغان ، كىشىلەرنى كەمستىىدىغان جاي ئەمەس ، شۇنىڭ ئۈچۈن ھەر بىر تېما ۋە ئىنكاستا باشقىلارنىڭ كىشىلىك ھوقۇقىغا دەخلى يېتىدىغان ، باشقىلارنى كەمسىتىدىغان ، ئۆز ئارا ئاداۋەت ھاسىل قىلىدىغان ، قەستەن قۇتراتقۇلۇق قىلىدىغان سۆز ۋە ئىبارىلەرنىڭ بولۇشى قاتتىق چەكلىنىدۇ ! ھەر قانداق ئاقىۋەتكە تور بېكىتىمىز مەسئۇل بولمايدۇ !

1) چەكلىمە قويۇلىدىغان تېمىلار:

(1) سىياسىغا بىۋاستە چېتىشلىق بولغان ،ئىنكاسلىرىنى يىغىشتۇرغىلى بولمايدىغان تېمىلار.
(2) قىزلىق ئىپپەت توغرىسىدا پىكىرلەر يالىڭاچ ھالدا ئوتتۇرغا قويۇلغان ياكى سەت گەپ ئىشلىتىلگەن تېمىلار.
(3) باشقا مۇنبەردىن يۈتكەپ كىلىنگەن تېمىلار(لېكىن ئىئانە توپلاش،ياردەم تەلەپ قىلىش،ئادەم ئىزلەش تېمىلىرىنى تەستىقلىسەك بولىدۇ).
(4) ئىسلام تور بىكەتلىرىنىڭ بارلىقىنى كۆزدە تۇتۇپ،ئەدەپ-ئەخلاق توغرىسىدىكى دېنى تىمىلاردىن باشقا دېنى تېمىلارنى تەستىقلىمەسلىك.
(5) مەنبەسى ئېنىق بولمىغان سىياسىۋىلىكى كۈچلۈك بولغان خەۋەرلەر.
(6) ئەھمىيەتسىز رەسىم تېمىلىرى.
(7)پىشمىغان شېئىر.

2) چەكلىنىدىغان(ئۆچۈرلىدىغان) ئىنكاسلار:

(1) ئەگەر «ياخشى يېزىپسىز»،«ھارمىغايسىز»،«سىزگە ئۇتۇق تىلەيمەن »،«يەنىمۇ تىرشىڭ »،«رەھمەت سىزگە»،«قولىڭىزغا دەرت بەرمىسۇن»...دىگەندەك دېسىمۇ بولدىغان ،دېمىسىمۇ بولدىغان ئىككى ئېغىز سۆز بىلەنلا يېزىلغان ياكى قۇرۇق بەلگە بىلەنلا بېرىلگەن ئىنكاسلار.
(2) ئەسلى تېمىغا مۇناسىۋەتسىز بولغان ئىنكاسلار.
(3) تېما ئاپتۇرىنىڭ شەخسىيىتىگە قارىتا يېزىلغان ئىنكاسلار.
(4) يۇقۇرقىلارنىڭ ئىنكاسىنى كۆچۈرۈپلا چاپلاپ قويغان ئىنكاسلار.

3. مۇنبەر ئىقتىدارى ۋە ئىشلىتىلىشى توغرىسىدا

شەبنەم يېڭى مۇنبىرى PHPwind(ئوغۇز ئۇيغۇرچە نەشىرى) گە شەبنەم لايىھەسى قوشۇلۇپ قايتا ئىشلەنگەن كۆپ ئىقتىدارلىق مۇنبەر بولۇپ ، ئالدىنقى كونا مۇنبەر BBSxp5.16دىن ئىقتىدار ۋە بىخەتەرلىك ، سۈرەت قاتارلىقلاردا ئالاھىدە پەرقلىنىدۇ .يېڭى مۇنبەرنىڭ ھەر قايسى سەھىپىلىرى كەڭ كۆرۈرمەنلەرگە ماسلاشتۇرۇپ ئورۇنلاشتۇرۇلغان ھەم كېڭەيتىلگەن . تېما يوللىغاندا ئىشلىنىدىغان رەسىم چاپلاش ، فىلىم قىستۇرۇش ۋە خەتنى تەڭشەش قاتارلىق ئىقتىدارلار كونا مۇنبەردىن كۆپ پەرقلەنمەيدۇ ، كونۇپكىلارغا مائۇسنى ئاپارسىڭىز ئاساسەن چۈشەندۈرۈلۈشى چىقىدۇ . بۇ ئىقتىدارلار بۇرۇنقى كونا مۇنبەر بىلەن كۆپ پەرقلەنمەيدۇ . ھۆججەت قىستۇرغاندا چوقۇم ئادرېس توغرا بولۇش ، رەسىم قىستۇرغاندا چوقۇم ھەر بىر رەسىمنى قىستۇرۇپ بولۇپ ، بىر قۇر تاشلاپ قىستۇرۇۇش كېرەك ، بۇنداق بولغاندا قىستۇرغان رەسىمىڭىز رەتلىك چىقىدۇ . فىلىم ۋە ناخشا ھۆججەتلىرىنىڭ ئادرېسىنى مۇقىملاشتۇرغاندىن كېيىن قىستۇرۇش ، فىلەشلىك فىلىملەرنى چوقۇم قىستۇرۇپ بولۇپ ، كۆرۈپ بېقىپ ئاندىن يوللاش شەرت . بۇنداق بولغاندا باشقۇرغۇچىلارمۇ ، ئۆزىڭىزمۇ ھارمايىسىز ! نۇرغۇن فىلىم ھۆججەتلىرىنى تەھرىرلەش ، باشقۇرغۇچىلارغا ئاۋارچىلىق ئېلىپ كېلىدىغان ئەھۋال ئىنتايىن كۆپ . مەيلى قانداقلا مەشغۇلات ئېلىپ بارمايلى ، مەشغۇلاتىمىزنىڭ توغرا بولۇشىغا كاپالەتلىك قىلىش ئۈچۈن ، ئاۋۋاال تۆۋەندىكى <كۆرۈپ بېقىش > كونۇپكىسىنى بېسىپ ، ئۆزىمىز يوللىغان تېمىنىڭ قانداق چىققانلىقىنى كۆرۈپ باققاندىن كېيىن ئاندىن جەزىملەشتۈرۈپ يوللايلى ! بۇنداق قىلغاندا مۇنبەرنىڭ پاكىزلىقى ۋە ساپلىقىنى قوغدىغىلى بولىدۇ .
ئۇنىڭدىن سرت يەنە «تەۋسىيە» كونۇپكىسى ئارقىلىق تېمىنى دوستلىرىمىزغا ئېلخەت ئارقىلىق تەۋسىيە قىلغىلى ، «تەھرىرلەش»كونۇپكىسى ئارقىلىق تېمىنى تەھرىرلىگىلى ، «دوكلات»كونۇپكىسى ئارقىلىق تېمىنىڭ نادىر ياكى ئەھمىيەتسىز تېما ئىكەنلىكىنى باشقۇرغۇچىغا مەلۇم قىلغىلى بولىدۇ . مۇنبىرىمىزدە ھەر ئاينىڭ ئاخىرى <نادىر تېمىلارنى باھالاش> ئېلىپ بېرىلىدۇ ۋە نادىر تېما ئاپتورلىرىغا مۇنبەر پۇلى ، شۆھرەت ، دەرىجە قوشۇپ بېرىلىدۇ .
ھەر كۈنلۈك تېما چولپانلىرى مۇنبەرنىڭ تۆۋەن قىسىمىدا كۆرۈلىدۇ ۋە باش سۈرىتى قوشۇپ چىقىرىلىدۇ . ئۈمىدلىك چولپانلار تەرتىۋى تىزىلىدۇ .

4. مۇنبەر پۇلى ۋە ئەزالار دەرىجىسى توغرىسىدا

يېڭى مۇنبەردە ئەزالار دەرىجىسى ئالاھىدە ئورۇندا تۇرالايدۇ . يېڭى مۇنبەرنىڭ تەڭشەش ئىشلىرى تېخى مۇكەممەل پۈتۈپ كەتمىگەچكە ، بىز يېڭى ئەزالارغا يۇقىرى چەك قويۇۋالمىدۇق . مەسلەن ، بىر تېمىنى كۆرۈش ئۈچۈن چوقۇم تىزىملىتىش ياكى تىزىملىتىپ مۇنچە ۋاقىتتىن كېيىن تېما يوللىيالايدۇ دېگەندەك چەك قويۇلمىدى . لېكىن دەرىجىسى يۇقىرى ، شۆھرىتى ئۈستۈن ئەزالار مۇنبەرنىڭ باش سۈرەتنى مۇنبەر بوشلۇقىغا يوللاش ، ئۆزىنىڭ يازمىسىغا قوشۇمچە ھۆججەت چىقىرىش ، تېمىسىنى پاروللاش ، مۇنبەر پۇلى تاپشۇرغاندىلا تېما كۆرۈشكە بولۇش .... دېگەندەك بىر قاتار ئىلغار ئىقتىدارلاردىن بەھرىمەن بولالايدۇ . مۇنبەردىكى دەرىجە ۋە ئىمتىياز توغرىسدا مۇنبەر باش بېتىدە مەخسۇس سەھىپە تەسىس قىلىنىپ ، دەرىجىنىڭ قانچە مۇنبەر پۇلىغا يەتكەندە ئۆسۈشى دېگەندەك تالاش-تارتىشلار شۇ سەھىپىدە مۇنازىرە قىلىنىدۇ . دېققىتىڭىز مۇنبەر مەخسۇس سەھىپىسىدە بولسۇن . ئۇندىن باشقا ئالاھىدە تۆھپىكار ئەزالار مېدال ، ئۆز تېمىسىنى ئۆچۈرۈش دېگەندەك مەشغۇلاتلارنى قىلالايدۇ . دەرىجىسى مەلۇم چەككە يەتكەن ئەزالارنىڭ ئىمزاسىنىڭ ئۇزۇنلۇقىغا چەك قويۇلمىغان شۇنداقلا ئۆئارا مەھەللە قۇرۇش ئىقتىدارلىرى ئېچىلغان ، بۇ ئىقتىدارلارمۇ مۇنبەر مەخسۇس سەھىپىسىدە تەھلىل قىلىنىپ ئەتراپلىق تونۇشتۇرۇلىدۇ . مۇنبەرنىڭ تېخىمۇ كۆپ ياخشى ئىقتىدارلىرىدىن پايدىلىنىشتا سىزنىڭ قىممەتىلىك پىكىرىڭىزدىن ئايىلالمايمىز !

5. باش سۈرەت ۋە ئارخىپ توغرىسىدا

يېڭى مۇنبەردە باش سۈرەت ئالماشتۇرۇشقا بەزى بىر كىچىك چەك قويۇلغان ، نۇرغۇن قېرىنداشلار باش سۈرەت رەسىمنىڭ چوڭ-كىچىكلىكىگە دېققەت قىلمىغاچقا ، مۇنبەر چولپانلىرى سايلاشتا ۋە تېما كۆرۈشتە باش سۈرەتنىڭ شەكىللىنىشى بىر قەدەر قالايمىقان ھەم رەتسىز بولغان ، يېڭى مۇنبەردە بۇ مەسلىلەر بىر قەدەر ئىلغار تۈردە ھەل قىلىندى . باش سۈرەتنى ئالماشتۇرۇشتا مۇنبىرىمىز تەمىنلىگەن باش سۈرەتنى ئىشلەتسىڭىزمۇ ھەم ئۆزىڭىز رەسىم ئارقىلىق قىستۇرسىڭىزمۇ بولىدۇ . ئەگەر سىزنىڭ ئەزالىق شەرتىڭىز باش سۈرەت ئالماشتۇرۇشقا يەتسىلا ، (باش سۈرەت ئالماشتۇرۇش بېتىدە سېستىما ئۇچۇرىنى كۆرەلەيسىز) توردىن خالىغان باش سۈرەتنى ئۆزىڭىزنىڭ ئارخىۋىغا چاپلىيالايسىز . لېكىن مەشغۇلات قائىدىسى بويىچە ، سۈرەت كەڭلىكى ۋە سۈرەت ئېگىزلىكىنى تەڭشىشىڭىز شەرت! بۇنداق بولمىغاندا باش سۈرەتنى غەلبىلىك ئالماشتۇرغىلى بولمايدۇ . ئەزالىق پۇلى ۋە تۆھپە شۆھرىتى مەلۇم يۇقىرى دەرىجىگە يەتكەن ئەزالارغا مۇنبىرىمىز باش سۈرەتنى بىۋاستە مۇنبەرگە يوللاش ئىقتىدارنى ئېچىۋېتىدۇ . بۇنىڭ ئۈچۈن مەلۇم تۆھپە سوممىسى ۋە مۇنبەر پۇلى بولۇش شەرت . تۆھپىسى قانچە يۇقىرى ، مۇنبەر پۇلى قانچە كۆپ ئەزالار مۇنبەرنىڭ خىلمۇ خىل نادىر ئىقتىدارلىرىدىن بەھرىمان بولالايدۇ . شۇڭا يېڭى ئەزالارنىڭ تخىمۇ تىرىشىشىغا توغرا كېلىدۇ- ئەلۋەتتە !
ئەزالىق ھوقۇقى باش سۈرەت چىقىرىشقا يەتمىگەن ئەزالار چوقۇم توردا ئادرېسى بار بولغان رەسىمنى ياكى مۇنبىرىمىز تەمىنلىگەن 100 پارچىدىن ئارتۇق باش سۈرەتتىن بىرنى تاللاپ بېكىتسە بولىدۇ .

6. مۇنبەر مىدال مەركىزى توغرىسىدا

1. شەبنەم مۇنبىرنىڭ مىدال مەركىزى__ باشقۇرغۇچىلارنىڭ ئەزالارغا مىدال تارقىتىدىغان ئورنى بولۇپ ، مۇنبەردىكى ئىلگىرلىشى بىر قەدەر زور ، ئەھمىيەتلىك ۋە پايدىلىق تېمىلارنى يوللىغان ئەزا ۋە باشقۇرغۇچىلار مىدالغا ئېرىشىدۇ..

مىداللارنىڭ تۈرلىرى تۆۋەندىكىچە :
1- ئۆمۈرلۈك شەرەپ مىدالى

مۇنبەرنىڭ تەرەقىياتى ئۈچۈن ئۇنتۇلغۇسىز تۆھپە كۆرسەتكەنلىكىڭىز ئۈچۈن بېرىلىدۇ.

2 -ئىلغار باشقۇرغۇچى مىدالى

مۇنبەر ئۈچۈن چوڭقۇر ئەجىر سىڭدۈرگەنلىكىڭىز ئۈچۈن بېرىلىدۇ.

3 -تەشۋىقات ئەلچىسى مىدالى

مۇنبەرنىڭ تەشۋىقات ئىشلىرى ئۈچۈن قوشقان تۆھپىڭىز ئۈچۈن بېرىلىدۇ.

4 -ئالاھىدە تۆھپەمىدالى

مۇنبەر ئۈچۈن قوشقان ئالاھىدە تۆھپىڭىز ئۈچۈن بېرىلىدۇ.

5 -موللا تاپقاق مىدالى

مۇنبەر تەرەقىياتى ئۈچۈن تاپقان يېڭى،ئۆزگىچە تەدبىرلىرىڭىز ئۈچۈن بېرىلىدۇ .

6 -ئىجاتچان ئەزا مىدالى

ئىجاتچانلىققا ئىگە تېمىلارنى يوللىغانلىقىڭىز ئۈچۈن بېرىلىدۇ.

7 -رەسىم يوللاش ئۇستىسى مىدالى

مۇنبەردە يوللىغان رەسىملىرىڭىزنىڭ ئېسىللىقى ئۈچۈن بېرىلىدۇ .

8 -يازما يوللاش ئۇستىسى مىدالى

يوللىغان يازمىڭىزنىڭ كۆپلىكى ۋە سۈئىتىڭىزنىڭ تېزلىكى ئۈچۈن بېرىلىدۇ .

9 -ئالاھىدە ئىلگىرلەش مىدالى

كۆزگە كۆرۈنگەن يېڭى ئەزا بولغانلىقىڭىز ئۈچۈن بېرىلىدۇ .

10-مۇنبەر قىززىقچىسى مىدالى

مۇنبەر مۇھىتىنى قىزىتىپ تۇرغانلىقىڭىز ئۈچۈن بېرىلىدۇ .

ئۈچىنچى مەزمۇن شەبنەم مۇنبەر دەرىسلىكى

بۇ يەردىن كىرىڭ :
./read.php?tid-53245-fpage-2.html

قوشۇمچە مەزمۇن <شەبنەم> نادىر تېمىلار توپلىمى

بۇ يەردىن كىرىڭ :
./read.php?tid-50290.html

ھۆرمەت بىلەن شەبنەم دائىملىق ئەزاسى : كــــــــــــــارۋان ئوتىدىن

[ يوللىغانkarwanotiتەرىپىدىن2008-05-10 11:51قايتا تە ]

___ باشقۇرغۇچى : دۇنيا تەرىپىدىن تەستىقلاندى .

تەستىقلانغان ۋاقتى : 2008-05-09

بۇ يازمىنىڭ يېقىنقى باھالىنىش ئەھۋالى :

ياخشى باھا:+16(kisek) ئەھمىيەتلىك ..

كارۋان يولىغا مېڭىۋېرىدۇ ، ئىتلار قاۋاپ قېلىۋېرىدۇ !...

| ۋاقتى : 2008-05-09 21:35 [باش يازما]

xahirzat

دەرىجىسى :شەبنەم ئەزاسى

دوستلۇققا قوشۇش
UID نۇمۇرى : 35342
نادىر تېما : 0
يازما سانى : 287
ئۇنۋان:4 دەرىجە ھازىرغىچە287دانە
شۆھرەت: 288 نۇمۇر
شەبنەم پۇلى: 2820 سوم
تۆھپە: 0 نۇمۇر
ياخشى باھا: 0 نۇمۇر
توردىكى ۋاقتى :154(سائەت)
تىزىملاتقان :2008-03-13
ئاخىرقى :2008-05-11

چوڭ كىچىكلىكى :كىچىك نورمال چوڭ

ۋوي سىز ئەسلى مۇنبەر باشقۇرغۇچىسى ئىدىڭىزغۇ؟؟؟خىزمىتىڭىزدىن ئىستىپا بەردىڭىزما؟؟؟؟؟خاتا تۇنۇپ قالدىممۇ يا؟؟؟
ھەممىسىنى ئۇقۇپ چىقتىم چۇقۇم ئەمەل قىلىمەن..

ئەسسالامۇ ئەلەيكۇم دوسلار مەن يەنە كەلدىم....

| ۋاقتى : 2008-05-10 00:48 1 -قەۋەت

WATAN115

دەرىجىسى :يېڭى ئۆگەنگۈچى

دوستلۇققا قوشۇش
UID نۇمۇرى : 36572
نادىر تېما : 0
يازما سانى : 30
ئۇنۋان:2 دەرىجە ھازىرغىچە30دانە
شۆھرەت: 31 نۇمۇر
شەبنەم پۇلى: 306 سوم
تۆھپە: 0 نۇمۇر
ياخشى باھا: 0 نۇمۇر
توردىكى ۋاقتى :5(سائەت)
تىزىملاتقان :2008-03-25
ئاخىرقى :2008-05-10

چوڭ كىچىكلىكى :كىچىك نورمال چوڭ

ＮＩＭ　　ＤＩ　　ＧＡＮ　　ＪＩＫ　　ＤＡＳ　　ＴＡＮ　　ＢＵ　　

| ۋاقتى : 2008-05-10 00:56 2 -قەۋەت

ASAN-YUSAN

يـەھـيـا

ئالاھىدە تۆھپە
دەرىجىسى :تېما چولپىنى

دوستلۇققا قوشۇش
UID نۇمۇرى : 798
نادىر تېما : 2
يازما سانى : 2447
ئۇنۋان:14 دەرىجە ھازىرغىچە2447دانە
شۆھرەت: 2802 نۇمۇر
شەبنەم پۇلى: 38668 سوم
تۆھپە: 209 نۇمۇر
ياخشى باھا: 227 نۇمۇر
توردىكى ۋاقتى :529(سائەت)
تىزىملاتقان :2006-01-19
ئاخىرقى :2008-05-11

چوڭ كىچىكلىكى :كىچىك نورمال چوڭ

كۆپ جاپا چىكىپسىز ، ، كىچىكپ كۆرۈپ قاپتىمەن ،، ، ،

اللاھ ئەجرىڭىزنى بەرسۇن . . رەھمەت سىزگە .

تەر تۆكسەم خۇدا بەردى
بەرمىدى << خۇدا بەردى >> . . .

| ۋاقتى : 2008-05-10 10:47 3 -قەۋەت

karwanoti

چوڭ كىچىكلىكى :كىچىك نورمال چوڭ

بۇ تېمىنى تەستىقلىغان دۇنيا ئەپەندىمگە كۆپ رەھمەت !كۆپچىلىكنىڭ (بولۇپمۇ يېڭى ئەزالارنىڭ ) بۇ تېمىنى تولۇق كۆرۈپ ئەخلاقلىق ،مەدەنيەتلىك ،غايىلىك ، ئىنتىزامچان شەبنەم ئەزالىردىن بولۇشىنى چىن دىلىمدىن ئۈمۇت قىلىمەن ! چۈنكى__ « شەبنەم ئىللىق ئائىلىمىز ، بىز شەبنەمدە كۆكلەيمىز » .

كارۋان ئوتىدىن .

كارۋان يولىغا مېڭىۋېرىدۇ ، ئىتلار قاۋاپ قېلىۋېرىدۇ !...

| ۋاقتى : 2008-05-10 11:35 4 -قەۋەت

karwanoti

چوڭ كىچىكلىكى :كىچىك نورمال چوڭ

Quote:

بۇ يازما1قەۋەتتىكىxahirzatنىڭ2008-05-10 00:48يوللىغان :
ۋوي سىز ئەسلى مۇنبەر باشقۇرغۇچىسى ئىدىڭىزغۇ؟؟؟خىزمىتىڭىزدىن ئىستىپا بەردىڭىزما؟؟؟؟؟خاتا تۇنۇپ قالدىممۇ يا؟؟؟
ھەممىسىنى ئۇقۇپ چىقتىم چۇقۇم ئەمەل قىلىمەن..

كەچۈرۈڭ ، مەن مۇنبەر باشقۇرغۇچىسى ئەمەس ، راستىنلا خاتا تونۇپ قالغان ئوخشايسىز

كارۋان يولىغا مېڭىۋېرىدۇ ، ئىتلار قاۋاپ قېلىۋېرىدۇ !...

| ۋاقتى : 2008-05-11 11:30 5 -قەۋەت