| |||||||||
azmat0999 دەرىجىسى :يېڭى ئۆگەنگۈچى | شەھەرگە كىرگەن بالا شەھەرگە كىرگەن بالا
مەمىتىمىن ھوشۇر __ دادا ، مەن كىچىك چاغدا سەن نەدە ئىدىڭ ؟ __ يىراق شەھەردە ،ئوقۇشتا ئىدىم . __ دادا ،سەن مېنى نېمىشقا شەھەرگە ئېلىپ كېتىسەن ؟ __ ئەمدى سەن مېنىڭ بىلەن شەھەردە تۇرىسەن . __ ئاپام نېمىشقا بىز بىلەن بارمايدۇ ؟ __ مەن ئاپاڭ بىلەن ئاجراشتىم . ماڭا بالا كېرەك ، بالام ! ئاپاڭنى شەھەرگە ئاپارمايمىز . __ دادا شەھەر يىراقمۇ ؟ __ يىراق ، ئۇيەرگە ماشىنا بىلەن بارىمىز . __ مەنمۇ ماشىنىغا چۈشەمدىم ؟ __ ھەئە سەنمۇ ماشىنىغا چۈشىسەن ، ئوغلۇم . ****************** __ دادا بۇ شەھەرمۇ ؟ __ ھەئە شەھەرگە كەلدۇق . __ كوچىدا ئادەم نىمانچە تولا ؟ __ شەھەر دېگەندە ئادەم كۆپ بولىدۇ . __ قارا ، ئۇ قانداق ماشىنا ؟ __ ئۇنى << پىكاپ >> دەيدۇ . __ ئاۋۇ ئۆيلەر نېمانچە ئېگىز ؟ __ شەھەرنىڭ ئۆيلىرى شۇنداق .ئېگىز بولىدۇ .بىز تۇرىدىغان ئۆيمۇ شۇنداق ئېگىز . __ دادا ، سەن ئىشقا كەتكەندە مەن قورقمامدىم؟ __ نېمىدىن قورقىسەن ؟ مەن ساڭا يەنە چىرايلىق بىر ئاپا تېپىپ بېرىمەن . ****************** __ سەن نېمىشقا دېرىزىنى ئېچىۋېلىپ تالاغىلا قارايسەن ، شەھەرنى تېخىچە كۆرۈپ تويمىدىڭمۇ ؟ __ دادا ، بۇ يەردە نېمىشقا يۈگۈرۈپ ئوينايدىغان دۆڭلەر يوق ؟ __ شەھەردە دۆڭ بولمايدۇ . __ نېمىشقا بۇيەردە چۆمۈلۈپ ئوينايدىغان ئۆستەڭلەر ، بالىلار دۈم يېتىپ سۇ ئىچىدىغان بۇلاقلار يوق ؟ __ ئەخمەق ، شەھەردە بۇلاق نېمە قىلسۇن ؟ __ نېمىشقا بۇيەردە موزايلىرىنى ئەگەشتۈرۈپ يۈرىدىغان كالىلار يوق ؟ __ شەھەر كوچىلىرىدا كالا ماڭمايدۇ . __ قوزىلىرى بىلەن ماڭىدىغان قويلارچۇ ؟ __ قويمۇ ماڭمايدۇ . __ دادا ،ئەمدى سەن نېمىشقا مېنىڭ قېشىمدا ياتمايسەن ؟ __ سەن ئەمدى چوڭ يىگىت بولدۇڭ . مۇشۇ ئۆيدە ئارىم ياتىسەن . __ دادا ، يېڭى ئاپام نېمىشقا كالپۇكىغا بوياق سۈركەيدۇ ؟ __ يوقىلاڭ گەپلەرنى سورىما . __ دادا ، يېڭى ئاپام نېمىشقا << مېنى ھەدە دېگىن >> دەيدۇ ؟ __ شەھەرنىڭ مەدەنىيەتلىك بالىلىرى ئاپىسىنى << ھەدە >> دەيدۇ ، مېنىمۇ << ئاكا >> دېسەڭ بولىدۇ . __ دادا ، سەن نېمىشقا ئۆزۈمنىڭ ئاپىسىنى ئەكەلمەيسەن ؟ __ ... __ سەن يوق چاغلاردا ئاپام سېنى : داداڭلار ناھايىتى ياخشى ،دەپ گېپىڭنى قىلىپ بېرەتتى . ئاكام سېنىڭ ئۆزىنى كۆتۈرۈپ ئويناتقانلىرىڭنى سۆزلەپ ھارمايتتى .ئۇلار سۆزلىگەندە مەن : دادام زادى قانداق ئادەمدۇ دەپ قالاتتىم . __ داداڭ قانداق ئادەمكەن ؟ __ ... __ ئاپاڭنى سېغىنغان ئوخشىمامسەن ؟ __ سېغىندىم ، ئاپام ھەركۈنى ئەتتىگەندە چايغا ئوت ياققىلى تۇرۇپ كەتكەندە ، مەن يۇمۇلاپ بېرىپ ، ئاپامنىڭ ئورنىغا كىرىۋالاتتىم . ئۇنىڭ يوت قىنى ئىسسىق ئىدى . قانچە قېتىىم: << داداممۇ ئۆيدە بولغان بولسا ، ئاپام بىلەم دادامنىڭ ئوتتۇرىسىدا يېتىپ ، بىردە ئاپامنىڭ ،بىردە دادامنىڭ قوينىغا كىرىۋالغان بولسام نېمە دېگەن ياخشى بولاتتى >> دەپ ئويلىغانىدىم .دادا ، جېنىم دادا ! مېنى ئۆز ئاپامنىڭ قېشىغا ئاپىرىپ قويساڭ << ئاپا >> دەپ يۈگۈرۈپ بېرىپ ئۇنىڭ قۇچىقىغا ئۆزۈمنى ئاتسام .......... ___ باشقۇرغۇچى : nuri0996 تەرىپىدىن تەستىقلاندى . تەستىقلانغان ۋاقتى : 2008-04-28
| |||||
---|---|---|---|---|---|---|
karatulpar5 دەرىجىسى :يېڭى ئۆگەنگۈچى | ھەقىقەتەن ياخشى ئەسەركەن .مەن راستىنلا تەسىرلەندىم . يوللىغىنىڭىزغا رەخمەت
| ||||
---|---|---|---|---|---|
دۇلدۇل دەرىجىسى :يېڭى ئۆگەنگۈچى | (azmat0999) نىڭ باش يازمىسىغا ئىنكاسئۇيغۇر يازغۇچىلىرىىزنىڭ بىرى بولغان يولداش مەمتىمىن ھوشۇرنىڭ تەربىيىۋى ئەھىيەتكە ئگە
بۇ دىئالوگ ئەسىرى ھەقىقەتەنمۇ چوڭقۇر مەنىگە ئىگە .تەربىيىۋى ئەھمىيىتى زوربولغان ئەسەرلەرنىڭ بىرى ئىكەن .مەن جەيىتىمىزدىكى بارلىق ئاتا-ئانىلارنىڭ بۇنىڭدىن ئىبرەت ئېلىپ پەرزەنىتلەرنىڭ قەلبىنى چۈشىنىشىنى ئۈمىد قىلىمەن .!!!! رەھمەت | |||||
---|---|---|---|---|---|---|
ASAN-YUSAN شېئىر ھەۋەسكارى دەرىجىسى :تېما چولپىنى | ھى ھى ھى ھى ، ، تولۇقسىز ئوتتۇرا مەكتەپتىكى ۋاقىتلىرىمنى ئەسلىتىپ قويدىڭىز ، ، ھارمىغايسىز .
| ||||
---|---|---|---|---|---|
OZLUK دەرىجىسى :يېڭى ئۆگەنگۈچى | مۈشۈ تاپتا بالىنىڭ ئاپىسىمۈ بالام قوينۈمدا بولغان بولسا دەپ ئويلاۋاتقاندۈ ھە!
| ||||
---|---|---|---|---|---|
good126 دەرىجىسى :يېڭى ئۆگەنگۈچى | بۇ ئەسەرنى ئۇقۇپ ئاجىراشماڭلار ئاتا-ئانىلار يىتىم بولمىسۇن سەبى بالىلار دىگەن ناخشا ئىسىمگە كىلىپ قالدى
| |||||
---|---|---|---|---|---|---|
sadam76 دەرىجىسى :دائىملىق ئەزا | مەن سوراپ باقسام شەبنەمدىكى قانچىلىك تورداش مۇشۇ قىسمەتكە قالغاندۇ ........؟
مىنى قوشمىغاندا ! | ||||
---|---|---|---|---|---|
Pida~kar118 دەرىجىسى :يېڭى ئۆگەنگۈچى | __ شەھەرنىڭ مەدەنىيەتلىك بالىلىرى ئاپىسىنى << ھەدە >> دەيدۇ ، مېنىمۇ << ئاكا >> دېسەڭ بولىدۇ
------------------------------------------------------------------------------------- ئۇلار شەھەرلەردە قىرىلىق يىتىپ قالمىسۇن دەپ بالىلىرىنى شۇنداق دىيىشكە ئۈگۈتىدىغان ئۇخشايدۇ. | |||||
---|---|---|---|---|---|---|
kokyupurmak دەرىجىسى :دائىملىق ئەزا | توغرا ،بىر ئائىلە بۇزۇلغاندىكىن بولغۇلۇق پەرزەنتلەرگە بولىدۇ...............شۇڭا ھەرقانداق بىر ئاتا -ئانا ئاجرىشىشتىن بۇرۇن ئاشۇ سەبىلەرنى ئويلاپ قويۇڭلار،،،،،،،،،،،،،،سىلەر بەخىتلىك بولغان بىلەن ،ئۇلار ئاتا-ئانا مېھرىدىن مەھرۇم بولىدۇ ئەمەسمۇ!!!!!!!!!!!!!!!!!!!!!!!!!!!!!!!!! ناھايىتى ياخشى ،تەربىيىۋى ئەھمىيەتكە ئىگە تېما يوللاپسىز، رەھمەت ..............بۇنىڭدىن ھەرقانداق ئاتا-ئانا ئىبرەت ئالسا بولغىدەك.
| ||||
---|---|---|---|---|---|
uqkun500 دەرىجىسى :تىرىشچان ئەزا | بۇ ھەقىيقەتەن ياخشى يېزىلغان ئەسەركەن .
| ||||
---|---|---|---|---|---|
MAHMUTJAN110 دەرىجىسى :تىرىشچان ئەزا | توغرا ،بىر ئائىلە بۇزۇلغاندىكىن بولغۇلۇق پەرزەنتلەرگە بولىدۇ...............شۇڭا ھەرقانداق بىر ئاتا -ئانا ئاجرىشىشتىن بۇرۇن ئاشۇ سەبىلەرنى ئويلاپ قويۇڭلار،،،،،،،،،،،،،،سىلەر بەخىتلىك بولغان بىلەن ،ئۇلار ئاتا-ئانا مېھرىدىن مەھرۇم بولىدۇ ئەمەسمۇ!!!!!!!!!!!!!!!!!!!!!!!!!!!!!!!!! ناھايىتى ياخشى ،تەربىيىۋى ئەھمىيەتكە ئىگە تېما يوللاپسىز، رەھمەت ..............بۇنىڭدىن ھەرقانداق ئاتا-ئانا ئىبرەت ئالسا بولغىدەك.
توغىرا دەيسىز ھازىر بىزدە ئاجىرشىش مۇدا بۇلۇپ قالدىمۇ يا ھىچ بىلمىدىم ئىش قىلىپ ئاجىرىشىدىغانلار 30% ئىگەلەيدىغۇ ھەي بۇنىڭغا نىمە دېگۈلۈك ئەمدۇ خۇدا ساقلىسۇن بۇ ئىشلاردىن | |||||
---|---|---|---|---|---|---|
palwan412 دەرىجىسى :يېڭى ئۆگەنگۈچى | ئانا دىگەن باغ ، ئاتا دىگەن تاغ .
| |||||
---|---|---|---|---|---|---|