| |||||||||
ئۇيغۇرا | ـــــ «دوزاخ بەندىسى» ــــ ( ئۇيغۇرا )بۇ تىمىنى xabnam ئىلگىرلەتتى(2008-04-29)
بۇ تېمىنى كۆرۈشتىن ئاۋال كۆپچىلىكنىڭ تۆۋەندىكى ئۇلانمىنى كۆرۈپ چىقىشىنى ئۈمىد قىلىمەن!
./read.php?tid-24866-keyword-.html ئابلىكىم ئابلىمىت تاغتېكىننىڭ «تۇرپان»ژورنىلىنىڭ2004-يىللىق1-سانىغا بېسىلغان «زىمىستان كۈيى»ناملىق ھىكايىسى ئىزىدىن ئۆ.س.ياشلىق ھىكايە «ئەمدى ئۆلسەممۇ ئارمىنىم يوق،-خىياللار قاينىمىدا ئىدى ھېمىت،-ئۆلسەممۇ قىيامەت كۈنى دادامنىڭ يۈزىگە يۇرۇق قارىيالايمەن. ئۇ مېنىڭدىن پەخىرلىنىدۇ،ئەمدى جامائەت ئالدىدا قەددىنى تىك تۇتۇپ يۈرەلەيدۇ. نادىرپالۋان دېسە تاغچىمەنلىكلەرنىڭ ئاغزىغا بىر كېلىدىغان كاتتا ئادەمنى داۋۇت بەڭگىدەك سېسىق نامى پۇر كەتكەن بىر نەشىكەشنىڭ بوزەك قىلىشى چوڭ ھاقارات!ئۇ دادامنى قېرى كۆرۈپتىما؟ئۇ قېرىسا مەن بارغۇ مانا؟ئۇ سېسىق بەڭگە بۇنى يادىدىن چىقىرىپ قويغان چېغى ،ئۇنىڭ مۇشۇنداق ئۆلمىكى ھەق...» ھىمىتنىڭ خىيالىنى تۇيۇقسىز ئۇنىڭغا ھۇۋلىغىنىچە ئېتىلىپ كەلگەن يالغۇز بۆرىنىڭ ھۇجۇمى ئۈزۈپ قويدى. قارىغاندا بۇ جانىۋار خېلىدىن بۇيان ئۇنىڭ پىيىغا چۈشۈپ ئەگىشىپ كەلگەندەك قىلاتتى. ھىمىت داۋۇت بەڭگىنىڭ ئۆلۈكىنى ئۇنىڭ بالىلىرىغا تاشلاپ بەرگەندىن كىيىنلا ئۆزى داۋۇت بەڭگىنى جايلىۋەتكەن جاي بىلەن ئايلىنىپ قېچىپ كېتىۋاتاتتى. بۇ بۆرىنى داۋۇت بەڭگىنىڭ قېنىنىڭ ھىدى ئېلىپ كەلگەنلىكى،ئەمما تاپنى تاپالماي يۈرگەنلىكى ئېنىق ئىدى. بۆرىنىڭ ھىمىتقا غالجىرلىق بىلەن قىلغان ھۇجۇمىدىن ئۇنىڭ ئاچ قالغىنغا ئۇزاق بولغانلىق بىلىنىپ تۇراتتى. بۆە ھەدەپ ھىمىتنىڭ كانىيىنى چىشلەشكە ئۇرۇنىۋاتاتتى،ھىمىتكە كانىيىنى بۆرىگە چىشلىتىپ قويسىلا ئۆزىنىڭ تۈگىشىدىغانلىقى بىلىنىپ تۇراتتى.بۇ جانىۋار ئاچ قالغىنىغا قارىماي ناھايىتى زورۇقۇپ كۈچ ئىشلىۋاتاتتى. ھىمىت دەل ئۆزى داۋۇت بەڭگىنى ئۆلتۈرگەن جايدا بۆرىنىڭ ھۇجۇمىغا ئۇچرىشىشىنى ئويلاپ باقمىغانىدى. ھىمىت بىر سىلكىنىپلا بۆرىنىڭ ياۋۇزلۇق ھەم ئۇزۇققا بولغان تەشنالىقى يېنىپ تۇرغان كۆزىگە غەزەپ بىلەن ئارقا-ئارقىدىن ئىككى مۇشت سېلىۋەتتى،بۆرە كاڭشىغىنىچە ھىمىتنىڭ ئۆستىدىن چۈشۈپ كەتتى. پۇرسەتنى غەنىمەت بىلگەن ھىمىت يېنىدىن ئۇزۇن ساپلىق پىچىقىنى چاققانلىق بىلەن چىقىرىپ بۆرىنىڭ دەل بوينىغا سېلىۋەتتى. بۆرە بىردەم خارتىلداپ تۇرغاندىن كىيىن ئاستا-ئاستا جىمىپ قالدى. ھىمىتنىڭ ۋۇجۇدىدىن بۆرىنىڭ ۋەھىمىسى تارقالدى،ئۇ قېنىپ بىر قېتىم ئەركىن نەپەس ئالدى. ئۇ داۋۇت بەڭگە بىلەن ئېلىشقان چاغدا ئۇنىڭدا قىلچە «ئۆلۈپ كېتەرمەنمۇ؟»دېگەن ئەجەل ۋەھىمىسى يوق ئىدى، ئۇنىڭدا بىرلا مەقسەت ـــ داۋۇت بەڭگىنى ئۆلتۈرۈش ئويىلا بار ئىدى.چۈنكى ئۇنىڭغا يۈكلەنگەن «ئاتا قىساسى»ئۇ ئالماقچى بولغان «ئاتا دۇئاسى»بار ئىدى،ئۇ نىمە قىلىشتىن قەتئىي نەزەر داۋۇت بەڭگىنى ئۆلتۈرمىسە بولمايتى. بۆرىنىڭ ھۇجۇمىغا بولسا قورساق تەشنالىقى سەۋەب بولغان ئىدى. ھىمىتتىكى ۋەھىمە بۆرىنىڭ چاڭگىلىدىن قۇتۇلۇش ۋەھمىسى ئىدى. ھىمىت پىچىقىنى ئاپئاق قار بىلەن تازىلىدى.نەگە بېرىش توغرىسىدىكى خياللار ئۇنى قىينىماقتا ئىدى. ئۇنىڭ خيالىغا شەھەردە «دوزاخ بەندىسى»بۇلۇپ ئۆتكەن ئالتە يىللىق ھاياتى كەلدى،ئۇ ئەمدى ھېلىقى قورۇغا بارالمايدۇ...شەھەرە باردى دېگەنلىك تۈرمىگە ئۆز ئىختىيارى بىلەن باردى دېگەن سۆز. ئۇ خيالىغا شەھەرگە تنجى يىلى داڭلىق شەھەر لۈكچىكى دېلىم يوغانباش بىلەن بولغان ئېلىشىش كەلدى. ھېلىقى دەھشەتلىك ئېلىشىتىن كىيىن سېلىم ئۇنىڭغا:-بۈگۈندىن ئېتىبارەن بىز دوست،ئاي ئۆتۈپ يىللار ئۆتۈپ بېشىڭغا كۈن چۈشسە مىنى تاپ !دېمىگەنمىدى؟ ئۇ گېپىدە تۇرار-ھە! سېلىمنى تېپىش ئۈچۈن شەھەرگە بارماي بولمايتى،ئۇ يەنىلا ئاۋال شەھەرگە بېرىشنى قارار قىلدى. ئۇ چەكسىز كەتكەن قارلىق جىرادىن تاڭ ئاتارغا يېقىن چىقىپ شەھەر يولىغا قاراپ يول ئالدى. ھىمىت چاشكا ۋاقتىغىچە پىيادە ماڭدى،شەھەرگە ئالتا چاقىرىم چامىسىدا قالغاندا ئۇ يولنىڭ بويىدىكى بىر تۈپ سۆگەتنىڭ ئاستىغا كېلىپ ياتتى. ئۇنىڭ قۇلىقىغا يەر تېگىدىن كېلىۋاتقان ئاتنىڭ دۈكۈرلەشلىرىگە ئوخشاش ئاۋاز كىردى. ئۇ چۆچۈپ بېشىنى كۆتۈرۈپ شەھەر يولىغا قارىدى،يىراقتا بىر توپ ئاتلىق كىشىلەر ئۇنىڭ ئالدىغا ئات چاپتۇرۇپ كەلمەكتە ئىدى. ئۇلار يېقىن كەلگەندە ئاتقا ئېغىر يارىلانغان يەنە بىرەيلەننىڭ مىنگەشكەنلىكىنى كۆردى، ھىمىت يارىلانغان كىشىنىڭ تۇنۇدى،ئۇ شەھەرنىڭ داڭلىق لۈكچىكى سېلىم يوغانباش ئىدى. ئۇ ئاتلىقلارنى توختاتتى. .....داۋامى بار [ يوللىغانئۇيغۇراتەرىپىدىن2008-04-28 14:32قايتا تەھر ] ___ باشقۇرغۇچى : ~uyghurjan~ تەرىپىدىن تەستىقلاندى . تەستىقلانغان ۋاقتى : 2008-04-27
| |||||
---|---|---|---|---|---|---|
parwin | نادىر تىمىڭىزنىڭ داۋامىنى كۈرۈشكە ئىنتىزارمەن.
تىمىڭىز نادىر تىما بوپ قالغۇسى. ئىڭەك يۆلەپ مۈگدەپ قالمايلى-ھە، | |||||
---|---|---|---|---|---|---|
gulqikiz | ياخشى تىمىكەن. داۋامىنى تىزراق يوللارسىز!
| |||||
---|---|---|---|---|---|---|
SUKUT315 | ئۇلانما قىلىپ قويغان ئادىرىسىدىن، بۇ تىمىنىڭ قىسقىچە تۇنۇشتۇرشىنى كۆردۈم. بۇ تىمىنىمۇ تەپسىلى ئۇقۇپ چىقىتىم، ھەقىقەتەن ئسىل يېزىلغان ئەسەر ئىكەن.
داۋامىنى كۈتىمەن، ئويغۇرا ئەپەندى............................ | |||||
---|---|---|---|---|---|---|
nuraniya دەرىجىسى :يېڭى ئۆگەنگۈچى | تىمىڭىزنىڭ ئاخىرى قاچان چىقىدۇ ؟ ھېرىپ قالمىغايسىز.............
| |||||
---|---|---|---|---|---|---|
ئۇيغۇرا | قەھرىتان قىشنىڭ ئاچچىق سۇغۇقى يارىلانغان سېلىمنىڭ يۈز-كۆزلىرىدىكى قان داغلىرىنى توڭلىتىۋەتكەنىدى.
ئىڭەكلىرى يارا ۋە ئىششىقتىن كۆكەرگەن سېلىم ئاتقا چاپلىشىپلا قالغانىدى. يولدا ئۇلارنى توسقان يۇچۇن كىشى ئۇلارنىڭ ئەندىشىنى كۈچەيتىۋەتكەنىدى،ئۇلارنىڭ ئارقىسىدىن ھېلىقى بىر توپ يەجۈجى-مەجۈجىلەرنىڭ قوغلاپ چىقىپ كېلىشىنىمۇ يوق دېگىلى بولمايتى. ھىمىت يول تۇسۇپ ۋارقىرىشى بىلەن توپنىڭ ئەڭ ئالدىدا كېتىۋاتقان ئاتلىق توختىدى،بۇنىڭغا ئەگىشىپلا توپنىڭ ئوتتۇرىسىدا مۇھاپىزەت ۋە ئېھتىياتچانلىق بىلەن كېلىۋاتقان سلىم باشلىق كىشىلەرمۇ ئاتنى توختاتتى. ھىمىت سېلىمنىڭ بۇ ھالغا چۈشۈپ قېلىشىنى ھەرگىزمۇ ئويلاپ باقمىغانىدى،سېلىمنىڭ ئالتە يىل ئاۋالقى كۆرگەن كىشلەرنى تىترەكۈدەك ئەلپازى بۈگۈن قالمىغانىدى.ئۇنىڭ ئاتقا ئاران چاپلىشىپ تۇرغان ھالىتىلا بۇ «ئەركىن دۇنيانىڭ قەھرىمانى»غا نىسبەتەن كىشىنىڭ ئىچىنى سىيرىلدۈرەتتى. ھىمىت سېلىمغا بولغان ئېچىنىش ھېسسياتىنى ئاران بېسىپ تۇرۇپ،تىترەڭگۈ ئاۋاز بىلەن:-سىلەر سېلىمنىڭ توپىدىكىلەرمۇ؟سېلىمغا نىمە بولدى؟،-دېدى. ئۇلار ھىمىتقا سوئال نەزىرى بىلەن قايتىدىن تىكىلىپ قارىدى،ۋە ئارىدىن بىرى:-سەن ئۆزۈڭ كىم؟بىزنى يولدىن قويما!گېپىڭ بولسا ئۇچۇق قىل!،-دېدى دېدى شەھەر يولىغا قاراپ قۇيۇپ دوق بىلەن. - ئالتە يىل ئىلگىرى ھېلىقى قورۇدا سېلىم بىلەن ئېلىشقان ھىمىت مەن بولىمەن!،-دېدى ھىمىت. ئاتقان چاپلىشىپ ئاران تۇرغان سېلىم بۇ گەپنى ئاڭلاپ تۇيۇقسىز ئاتتىن باشقىچە چاققانلىق بىلەن ئۆرە بۇلۇپ ھىمىتقا سىنچىلاپ قارىدى.توپىتىكلەر ناھايىتى چاققانلىق بىلەن سېلىمنى ئارىغا ئېلىپ ئالاھىدە مۇھاپىزەت قىلىش ھالىتىگە كىردى. سېلىم ئۇلارغا ئىشارەت بىلەن يولنى بوشاتقۇزۇپ ھېمىتنىڭ ئالدىدا ناھايىتى تەسلىكتە ئاتتىن چۈشۈپ خۇددى ئۇزۇن يىل كۆرۈشمىگەن قېرىندىشنى ئۇچراتقان كىشىدەك ئۇنىڭغا ئېسىلىپ بۇقۇلداپ يىغلىۋەتتى. شۇ تاپتا ھىمىتنىڭ يۈرىكىمۇ سېلىمنىڭ بۇ ھالىغا قاراپ ئېزىلىپ كەتمەكتە ئىدى. سېلىم بىر ھازا يىغلاپ ئىچىنى بوشىتىۋالغاندىن كىيىن ئاجىزلاشقان جىسىمىنى قېلىن يۇڭلۇق جۇۋىنىڭ ئىچىگە ئالدى. ھىمىت سېلىمنىڭ قانداق بۇلۇپ بۇ ھالغا چۈشۈپ قالغىنى سورىدى،سېلىمنىڭ ئېيتىشىچە ئالدىنقى كۈنى بولغان بىر جېدەلدە ئۇ ئۆزىگە ئۇزاقتىن بۇيان چىشىنى بىلەن كەلگەن دۈشمەنلىرىنىڭ چىشىغا تېگىپ قويغانىدى،ئۇلاردىن بىرنەچچىسى گۇرۇھلىرى بىلەنلا بىرلىشىپ بۈگۈن سەھەردە سۈت ئۇيقۇدا ياتقان سېلىمنىڭ تۇرالغۇسىغا بىراقلا كالتەك-توقماق بىلەن ھۇجۇم قىلىشقانىدى، ئۆزىنى ئوڭلاپ بولالمىغان سېلىم بىراقلا چېكىنىپ كۆپ بەدەل تۆلىگەننىڭ ئۈستىگە تاياق زەربىسىدىن مۇشۇ ھالغا چۈشۈپ قالغاندا ئاران قېچىپ قۇتۇلغىنى،ئۇنىڭ بىر قىسىم ئادەملىرىنىڭ بەلكىم ھازىرمۇ مۇشتلىشپ قالغىنى ئېچنىپ تۇرۇپ يىغا ئارىلاش سۆزلەپ بەردى. ھىمىت ئۆزىنىڭ ئەينى يىللاردا دادىسنىڭ ئۆيدىن قوغلىۋېتىشى بىلەن شەھەردە «دوزاخ بەندىسى»بۇلۇپ يۈرگەن چاغلىرىدا دادىسنىڭ داۋۇت بەڭگە تەرىپىىدن بوزەك قىلىنغانلىقىنى شۇڭا ھىمىتنىڭ ئۆيىگە چىققان كۈنىلا داۋۇت بەڭگىنى ئۆلتۈرۈۋېتىپ قېچىپ كېتۋاتقانلىقنى،سېلىمنىڭ ھېلىقى سۆزى بويىچە سېلىمنى ئىزدەپ كەلگەنلىكىنى ئېيتتى. ئىككلەيلەن قايتىدىن قۇچاقلىشىپ كۆرۈشۈشتى. ھىمىت شۇ ۋاقىتنىڭ ئۆزىدىلا سېلىمنىڭ توپىدىكى بىرسىنىڭ ئېتىغا مىنگىشىپ ئۇلار بىلەن بىللە مېڭىپ كەتتى. ....داۋامى بار [ يوللىغانئۇيغۇراتەرىپىدىن2008-04-28 14:36قايتا تەھر ] | |||||
---|---|---|---|---|---|---|
SUKUT315 | داۋاملىق، بارغانىسىرى قىزىقىپ قېلۋاتىمەن بۇ ھىكايىگە..............................
قېنى ئويغۇرا ئەپەندى، بىزنى ئۇزاق ساقلاتمىغايسىز..................... | |||||
---|---|---|---|---|---|---|
ئۇيغۇرا | كەچۈرۈڭلار،ۋاقىت بىر ئاز قىس،داۋامىنى كەچتە يازاي!
توغرا چۈشىنەرسىلەر! | |||||
---|---|---|---|---|---|---|
sadam76 دەرىجىسى :دائىملىق ئەزا | تېز بۇلۇڭ ، ئۇسسىغان ئادەمگە سۇنى كۆرسىتىپ قۇيۇپ بەمىگەندەك ئش قىمماي !
| ||||
---|---|---|---|---|---|
ئۇيغۇرا | بوۋاي-نادىرخان ھىمىتنىڭ بۇندىن كىيىنكى تەقدىرى ئۈستىدە كۆپ ئويلاندى،ھىمىت داۋۇت بەڭگىنى ئۆلتۈرۈۋېتىپ قېچىپ كەتكەن سەكىزىنچى كۈنى تاغدىيارغا ئاندىن تاغچىمەنگە«نادىر پالۋاننىڭ ئوغلى ھىمىت قاراقچىلار توپىغا قۇشۇلۇپ كېتىپتۇ!»دېگەن خەۋر يىتىپ كەلدى.
بۇ خەۋەرنى ئۆيدىكىلەر نادىر خاننىڭ سالامەتلىكىنى ئويلاپ دەسلەپ ئېيتىشمىدى،بۇ خەۋەر كامالنىڭ ئىچىگە پاتمىدى بولغاي،بىر كۈنى سەھەرلىكى ئەتىگەنلىك تاماق ۋاقتىدا گەپنى ئەگىتىپ يۈرۈپ دادىسىغا پۇرىتىپ قويدى،زېرەك نادىرخان كامالنىڭ نىمە دېمەكچى بولغانلىقىنى سەزدى. كامال دادىسىغا نەسىھەت قىلىدىغان پۇرسەتنىڭ يېتىپ كەلگەنلىكنى پەملەپ كونا دېپىنى چېلىشقا باشلىدى:_ مەن دېگەن قاننى قان بىلەن يۇيغىلى بولمايدۇ دەپ،مەن ھېلىقى چاغدىلا ھىمىتنى چاقىرىشنى توغرا تاپمىغان ئىدىم،مانا ئەمدى ئۇ قاتىلغا ئايلاندى،ئۇنىڭ بۇنىڭدىن كىيىنكى تەقدىرى قېچىش بىلەنلا ئۆتەمدۇ؟بىركۈنى بولمىسا بىركۈنى مۇشۇ قاتىللىقنىڭ جازاسىنى تارتىپ قالمىسىغۇ بولاتتى؟!مەن شۇڭا.... نادىرخاننىڭ قولىدىكى گۈللۈك پىيالە چۈشۈپ كەتتى،ئۇ خۇددى كامالنى ھازىرلا كۆرۈۋاتقاندەك بىر ھازا چەكچىيىپ تۇرۇپ قالدى ۋە بىردىنلا ھېلىقى بىچارە ھالىتىگە قايتىپ كەتتى. تىنىقلىرى ئېغىرلاشقان نادىرخان كامالغا ئېچىنش تەلەپپۇزىدا سۆزلەشكا باشلىدى:- سەندە كاشكى ئۇكاڭ ھىمىتنىڭ يېرىمى بولغان بولسا ھىمىت قاتىلغا ئايلىنىپ قالمايتى، ئۇنى شەھەردە خاتىرجەم ياشاۋاتقان يېرىدىن چاقىرتىپ كەلگەنمۇ مانا مەن،مەن سەندىن چوڭ ئۈمىدلەرنى كۈتكەن،سەن مىنىڭ ئۈمىدىمنى ئاقلىيالمىدىڭ!سەندە ئەقىل بولغان بىلەن ئەقىلنى كۈچكە ئايلاندۇرىدىغان جاسارەت كەم،كامال ئوغلۇم.... بوۋاينىڭ ئاخىرقى سۆزلىرى بىردىنلا قېقىلىپ يۆتۈلۈشكە ئۆزگىرىپ كەتتى،ئالاقزادە بولغان كامال دادىسىنىڭ ئارقىسىغا ئۆتۈپ دادىسىنىڭ غولىنى بوش-بوش شاپىلاقلاشقا باشلىدى،بوۋاينىڭ ئېغىزىدىن قاقتەك چوڭلۇقتىكى قېتىپ قالغان قان ئېتىلىپ چىقتى. ئەھۋالنىڭ چاتاقلىقىنى سەزگەن كامال ئۆيدىكلەرگە بۇيرۇق قىلىپ يۈرۈپ دادىسىنى تىزلىكتە شەھەردىكى دوختۇرخانىغا يۆتكەپ كەتتى،تېخى تۈنۈگۈنلا بىر ئوبدان مېڭىپ يۈرگەن نادىرخاننىڭ تۇيۇقسىزلا دوختۇرخانىغا كىرىپ قېلىشنى جامائەتنى ھەيراندا قالدۇردى،مويسىپىتلار «ئىچى كۈچلۈك ئادەم ئىدى،دەردى ئىچىگە پاتماپتۇ-دە؟!»دېيىشتى بىر-بىرىگە. دۇختۇرلار بوۋاينى بىر قۇر تەكشۈرۈپ يۈرۈپ ئۆيىگە ئاپىرىپ ئوبدان بېقىۋىشنى تاپىلاپ ئۇلارنى چىرايلىقچە يولغا سالدى. بوۋاينىڭ كېسىلى بارغانچە ئېغىرلاپ كەتتى،پۇت-قولى تىترەيدىغان بۇلۇپ قالغاننىڭ ئۈستىگە تەرىتى ئورنىدا بۇلۇپ قالدى. مۇشۇنداق قىينىلىپ يۈرۈپ ئارىدىن يىگىرمە نەچچە كۈن ئۆتكەن بىر سەھەرلىكى بىر چاغلاردا تاغدىياردا زور ئابرويغا ئېرىشكەن نادىرخان مەڭگۈلۈككە كۆز يۇمدى،ئۇ كۆز يۇمۇش ئالدىدىمۇ ھىمىتنىڭ ئىسمىنى تەكرارلاپ جان ئۈزدى. پۈتكۈل تاغدىيار نادىرخاننىڭ ۋاپاتى بىلەن تەۋرەپ كەتتى،ھاياتىدا ئاددىي ئەمما ئۆز قىمىتىنى يارىتىپ ياشاپ ئۆتكەن بوۋاي- نادىر پالۋاننىڭ مېيىتى ناھايىتى كاتتا ئۇزىتىلدى. نادىرخان ۋاپات بۇلۇپ 3-كۈنى سەھەرلىكى نادىر خاننىڭ قەبرە بېشىدا ھىمىت پەيدا بولدى،ئۇنىڭغا بۇ خەۋەرنى كىمنىڭ يەتكۈزگەنلىكى ئېنىق ئەمەس ئىدى، ئۇ شۇ كەلگىنىچە ئۆزىنى قەبرىگە تاشلىغىنىچە پىچاق يىگەن بۇقىدەك ھۆركىرەپ بىر ھازا يىغىلدى،يىغىسى توختىغاندىن كىيىن، كىچىك ۋاقتىدا قادىرخان چوڭ دادىسىدىن ئۆگەنگەن ئايەتلىرىنىڭ ئېسىدە قالغانلىرىنى يىغا ئارىلاش قىرائەت قىلدى. ھىمىتنىڭ مۈرىسىگە يىنىك بىر قول كېلىپ تەگدى،ئۇ چۆچۈپ ئۆرۈلدى،ئاكىسى كامال ئۇنىڭ كەينىدە تۇراتتى. ئاۋال سالام-سەھەت قىلىشقاندىن كىيىن ئىككسى قايتىدىندادىسنىڭ قەبرە بېشىدا تىزلىنىپ تۇرۇپ قىرائەت قىلىشتى. ئۇلار قايتماقچى بۇلۇپ ئورنىدىن تۇردى،ئاۋال كامال گەپ باشلىدى:- سەن قاچانغىچە قېچىپ يۈرمەكچى؟ئۆزۈڭنى مەلۇم قىل بىر نەچچە يىلدىن كىيىنلا چىقىپ كېتىسەن،بىزنى ئەمدى بولسىمۇ خاتىرجەم قىلغىن.... ياق،دېدى ھىمىت تەرسالىق بىلەن،-ئۆلسەممۇ بارمايمەن،مىنىڭ قىلىدىغان نۇرغۇن ئىشلىرىم بار،ئاڭلاپ قوي كامال،دادامنىڭ ئۆلۈمىگە سەن سەۋەبچى بولدۇڭ!سەن دادامغا قانچىلىك ئىش قىلىپ بېرەلىدىڭ!دادام شۇنچە ھاقارەت ئىچىدە ياشاۋاتقاندا سەن بېرىپ داۋۇت بەڭگىنى بىر چېكەلىدىڭمۇ؟دادام ئۈچۈن بىر بەڭگى تەرىپىدىن بوزەك قىلىنىشنىڭ قانچىلىك ئېغىر خورلۇق بولدىغانلىقىنى سەن ھېس قىلالامسەن؟ - قانداق قىلسام بولاتتى،-دېدى كامال،-باشقا گەپنى قۇيۇپ سەن ئاۋال ئۆزۈڭنى مەلۇم قىل!قالغان گەپنى كىيىن دېيىشەيلى!ماڭ مەن بىلەن... «قارس»قىلىپ تەگكەن بىر شاپىلاقتىن كامال كەينىگە ئۇچۇپ كەتتى،شۇ ھامانلا ئۇنىڭ ئىڭىكىگە ھىمىتنىڭ بەش بارمىقىنىڭ ئىزى چىقتى. ھىمىت قولللرىنى شىلتىپ سۆزلىدى:-مەن مۇشۇنداق يۈرۈيمەن،ساڭا يەنە بىر دەپ قوياي مىنىڭ قىلىدىغان ئىشلىرىم كۆپ،كامال سەن بۈگۈنلا مىنىڭ ھۆرمىتىمدىن چۈشۈپ كەتتىڭ،سەندىن دادامنىڭ روھى قۇرۇنىدۇ،بىلىپ قوي بىزنىڭ جەمەتىمىزدە سەندەك يارىماسلارغا ئۇرۇن يوق!\ ھىمىت ئېغىر قەدەملەر بىلەن قەبرىستانلىقتىىن چىقىپ كەتتى،يولنىڭ چېتىدە ئۇنىڭ باغلاقلىق ئېتى پۇشقۇرتۇپ چاپچىپ تۇراتتى،ئۇ ئاتقا مىندى-دە ئاتقا بىر قامچا سېلىپلا ئاكىسى كامالنىڭ كۆزىدىن غايىپ بولدى. [ يوللىغانئۇيغۇراتەرىپىدىن2008-04-29 22:22قايتا تەھر ] | |||||
---|---|---|---|---|---|---|
nidaislam.cn دەرىجىسى :يېڭى ئۆگەنگۈچى | بۇنى سىز داۋاملىق يىزىۋاتامسىز ياكى بىرەر كىتاپتىن كۈچۈرۈپ يىزىۋاتامسىز .؟ داۋامى تۈگەپ كەتتما ئەمدى. ؟
| |||||
---|---|---|---|---|---|---|
yigana2 | تۈگىدىما؟
شۇنداق ياخشى مەزمۇن ئىكەنتۇق..... ئاخرى بولسا تىزىراق يازارسىز.... | ||||
---|---|---|---|---|---|
xaxyigit2008 دەرىجىسى :يېڭى ئۆگەنگۈچى | ئاخىرى قاچاندا چىقائەمدى ............بوپتۇ ساقلاي!!!!!!!!!
| |||||
---|---|---|---|---|---|---|
heniya دەرىجىسى :يېڭى ئۆگەنگۈچى | شائېر ئەپەندى ، سىز نى نەگە كەتتىكى دىسەم بۇيەردە ئىكەنسىزغۇ ، دوسىتلارنى تەقەززا قىلماي داۋامىنى تىزراق يوللاپ چىقشىڭىزغا تىلەكداشمەن.
| ||||
---|---|---|---|---|---|
SUKUT315 | ئويغۇرا ئەپەندى بۇدا قىتىمقى تىمىنىڭ ئاخىرىغا "داۋامى بار" دەپ ئەسكەرتىپ قويماپسىزغۇ؟
كىين ھىمىت سېلىم يوغانباش بىلەن كۈرۈشەمدۇ؟ يەنە قانداق ئىشلارنى تەۋىرىتدۇ؟................... | |||||
---|---|---|---|---|---|---|
alim0012 دەرىجىسى :يېڭى ئۆگەنگۈچى | دىگىنىگە ئەمەل قىلمايدىغان موللىلاردىن،زىيالىيلاردىن ۋەدىسىدە تۇرىدىغان ساۋاتسىز لۇكچەكنىڭ ئېتىقادى كۆپ پاكىز
| ||||
---|---|---|---|---|---|
geni دەرىجىسى :دائىملىق ئەزا | داۋامىغا تەشنامەن ،تېزراق بولسىڭىز.
| ||||
---|---|---|---|---|---|
otyurti2 دەرىجىسى :يېڭى ئۆگەنگۈچى | | |||||
---|---|---|---|---|---|---|
KANHOR دەرىجىسى :يېڭى ئۆگەنگۈچى | راقمىت سىزگى ئۇيۇردان يوللاڭ
| ||||
---|---|---|---|---|---|
aliali دەرىجىسى :تىرىشچان ئەزا | داۋامىنى ئوقۇغۇچە باش تەرپىنى ئۇنتۇلۇپ قالمىسام بولاتتى
| ||||
---|---|---|---|---|---|